نماذج لسراير الأطفال

مرفق بعض النماذج والتصميمات لسراير الأطفال
وقد روعي في التصميم سهولة الاستخدام ..مع صغر المساحة ..وجمال الشكل
ويلاحظ أنه ممكن عمل تداخلات بين التصميمات ..مع استخدام خامات مختلفة
بمعني أنه يمكن استخدام الحديد المشغول (فيرفورجيه ) بدلا من الخشب في بعض أجزاء التصميم ..
وقد قمت بتنفيذ هذه التصميمات وممكن حساب التكلفة لكل تصميم بسهولة وعرضها لاحقا








في انتظار تعليقاتكم ولو حد عنده أي استفسار أو طلب لتصميمات خاصة يطلب وأنا تحت أمره

جميله جداااااااااااا يابو ربيع
مشكور ياهندسه

جميلة
بس هل يمكن ننتقدأو نقول ملاحظات؟؟؟؟؟؟؟؟؟؟
بصراحة هم ممتازين
بس فية سرير مدايقنى شوية؟؟

قول رأيك بصراحة يا عم سمير ...ولا يهمك

وبخصوص السرير اللي مضايقك ....شاور بس عليه وقول لي وأنا أغيره

ولو عايز تعديل معين ..اشرحلي وجهة نظرك

التصميم جميل
لكن السرير(الاحمر)قبل الاخير ينقصة عامل الامان
يعنى لو اللى فوق اتقلب هيقع على أخوة تحتة؟
وواخد حيز كبير

والسرير اللى فوقةياريت يترسم علية اى رسمة؟
بالذات الدور الثانى شكلة بيفكرنا بشيىء مش كويس

جميله جدااااااااااااااااااااااااااااااااااااااااااأ

جومال
احسن واحد الاول
واللى قبل الاخير فعلا فية شوية كدة
لانة غريب وواخد حيز على راى الاستاذ سمير
واضيف مش هنعرف ننظف تحتة
ارجوك يابشمهندس لاتغضب منى فانى اعزك جدا

يا سيد كابو أنا لا أغضب من أي رد ..
بالعكس أنا سعيد جدا بتعليقك وخاصة عملية النظافة ...
بس مش عارف الصورة مبينة ده ولا لأ ..السرير اللي حضرتك بتتكلم عليه أنت والاستاذ سمير
...عبارة عن جزئين السفلي متحرك ...بحيث يشغل عند عدم استخدامه حيز سرير واحد ..ولأنه متحرك فيسهل النظافة تحته ...
أما كونه غير آمن ..فهذا غير صحيح ..حيث أنه غير مرتفع مثل الأسرة الأخري ( فلا يتم عمل حماية للدور العلوي من السرير إلا عندما يكون ذو دورين بينهما سلم ) بل أن هذا التصميم بالذات يفضل من الأطفال أنفسهم ...حيث أنه يشبه أسرة البالغين ( التصميم العادي ) وكثير من الأطفال وخاصة عندما يكبرون قليلا يرفضون النوم في الأسرة ذات الدورين ...إعتقادا منهم أنهم قد كبروا عليها..

وعادة أثناء وضع تصميمات وحدات الديكور والفرش ما يراعي الاستخدام وسهولته ونفسية المتعامل مع الوحدة الديكورية المصممة وتناسق الألوان ودرجة ونوعية الإضاءة ...ومدي قبول المستخدم للفكرة



( بالمناسبة ممكن أتشرف بمعرفة سعادتك أصلي عندي حساسية من الاسماء الغريبة دي اللي أنا بصراحة مش عارف معناها )

نسيت أقول إن التصميم ده بالذات بألوانه وشكله ...مناسب لغرف الفتيات أكثر ..
ويفضل أن يكون السن أكبر من 6 سنوات للصغري

كويس ان حضرتك فسرت انة بيتحرك تحت الاخر
كنت خايف لتزعل
وباللنسبة للاسماء الغير معلومة انا مرة جربت مع واحد ومرضيش يقول اسمة ويمكن زعل؟؟؟
خليهم كدة ليزعلو تانى

بصراحة أنا مش فاهم ايه قصة الزعل دي ؟؟؟؟
يا جماعة كل واحد يقول رأيه بمنتهي الصراحة والوضوح
ويحترم رأي الآخرين زي ما يكون طالما الاسلوب محترم

وبعد كده اللي يزعل من الرد بلاش يتكلم من الأساس
وأنا بقدر خوف الأعضاء علي بعض وحرصهم علي مشاعر بعض ..
بس الصراحة واجبة .....ولا ايه؟؟؟؟؟؟؟؟؟؟

أيـــــــــــــــــــــــــــــــــة




بصراحة التصاميم جميلة جداوهنحتاج رايك كتير اودام فالموضوع دة
وانا شخصيا مبسوط من حكاية الدورين دى عشان غرفة الاطفال عندى صغيرة
واحنا طبعا بنخاف
لنكون اغضبنا احد دون ان ندرى
ومشكور

شكرا للأخ العزيز صديق الدموع علي اسلوبه المحترم في ابداء رأيه
وبالفعل أنا قصدي من الموضوع أن يكون سلسلة تحتوي علي عدة تصميمات
لأماكن مختلفة بالمنزل لكل من يريد تجديد منزله أو تجهيز منزل جديد
وإن شاء الله سوف أحاول أن تشتمل السلسلةعلي أفكار للديكور والتشطيبات والألوان
وذلك في مواضيع منفصلة ..
وقد فضلت وضعها في باب الابداع الحر لأن كثير من هذه التصميمات
هي تصميمات خاصة بي وقمت بتنفيذها بالفعل ...أي أنها إبداع شخصي في
مجال عملي
مع استعدادي الدائم لمناقشة التصميمات وتكاليفها ومقاستها ومدي ملائمتها للمكان


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا على ما خلصت الردود كنت نسيت شكل السراير
استنوا بقى لما اشوفها تاني وبعدين ابقى اعلق عليها
ومشكور يا هندسة على المجهود الكبير
انت فعلا اثريت المنتدى سواء بالحوارات او بالابداعات الحرة المباشرة
وتقبل تحياتي

ودي كمان غرف نوم للأطفال

ايه يا عم نادر ...ما تسيبنا ناكل عيش
كده هنخبط في بعض ..
علي العموم ..التصميمات بتاعتي أجمل وأسهل في التنفيذ وعملية ..
وكمان دي بتاعت ابن بلدك ...مش مستوردة ...ولا انت رأيك أيه ؟؟؟؟ ....هه؟
شكلك كده بتشجع المستورد ...خليك وطني النيل رواك والخير جواك



( وبعيد عن الهزار التصميمات دي أهم ما يميزها جرأتها وحرية ألونها )

ــــــــــــــــــــــــــــــــــــــــــــــ

الفرق واضح فعلا ياباشمهندس
فعشان أجيب غرفة نادر (لأطفال)
هبيع غرفة النوم بتاعتى وياريت تكفى ههههههه
لكن تصميمك واخد فالاعتبار البساطة والعملية وطبعا الجودة
مشكور

الله عليك يا ابو ربيع طول عمرك فنان
هذه تصميمات رائعه واروع ما فيها لمساتك الجميله والبساطه الواضحه
وانت كده خلتني مش هحدد النسل
تحياتي ليك علي التصميمات الجميله دي

الله عليك يا استاذ
هيا التصاميم جميلة
ولكن تدعوا الى الاسراف
ونحن نطالب بالتعامل مع الحياة على حد الكفاف
وشكرا عالمواضيع الجميلة دي