نداء هام ..إعادة

يا جماعة المنتدي بقي عبارة عن منتدي هيلوغريفي ..
كل الأعضاء الجدد أسمائهم غريبة جدا ... صعب جدا نقراها
ومستحيل ننطقها أو نكتبها .. ليه بس كده يا جماعة
ده منتدي .. يعني المفروض إننا ننادي بعض ونكلم بعض
حتي لو عايزين نخبي اسمائنا الحقيقية يا ريت نختار اسماء مستعارة
سهلة شوية ... أنا مش معترض والله بس المفروض إننا مش بنعمل حاجة غلط
علشان نخبي نفسنا ..وكمان الحمد لله كل الناس هنا محترمة وكمان مواضيعنا محترمة
... يا ريت ما نخافشي من بعض ..وعلي الأقل نختار أسماء ممكن قرايتها وكتابتها
بسهولة ... وبلاش اللغة الهيلوغريفي دي
أرجوكم محدش يزعل مني .. ربنا بيقول "" .. وجعلناكم شعوبا وقبائل لتعارفوا .." " "
تعالوا نتعارف ..

والله عندك حق الواحد منا عندما يريد قرات بعض الاسماء يجد انه لايستطيع حتى اننى احسست ان هناك لغة جديدة لابناء قرية دملو ولذا اضم صوتى وصوت العقل معا البشمهندس ابو ربيع
واقول خير الاسما ما حمدوما عبد وبلاش نستعير اسما ملهاش معنى
والا يخاف من انه يعرف يبقى ينسحب من المنتدى

هناك اقتراح
نظرا لصعوبة تغير الاسم
نكتب بدل (عضو عادى)نكتب اسم ينتقية العضو لة ويكون محبب الية
يعنى
مثلا
العضو
الله اكبر
يكتب تحتة مثلا (أحمد)او هيمة او؟؟؟؟؟؟؟؟؟؟؟؟

إنت جبت الله أكبر دي منين ؟؟؟؟
هو فيه عضو اسمه كده ؟؟؟؟

يا ابوربيع ماتدققش اوي مع ابوسمره قصدي ابو فاطمه

في عضو اسمو الله اكبر

وكمان في عضو اسمه الله يشفيك !!!!!!!!!!!!!!!!!!!!!!!!

ناقص كمان يا سمير يكون في عضو اسمه حصلت البركه

حلوه يا هيمه ويجعله عامر

ياريت تكتبوا الأسماء بلعربى أصل أنا معرفش أقرأ الأنجليزى إلى شوية لو أنتوا عايزين

مااااااااااااااشي
نغير الاسماء لو ممكن
في عضو اسمه منك لله

يا ريت كل واحد يقول اسمة
وبلاش اسماء مستعارة احنا بلد واحدة وعلى الاقل نتعرف بالاجيال الجديدة ويبقى فية تواصل

حصلت البركة انكو ظهرتو
انتو بتظهرو سوا وتغطسو سوا
(الباشمهندسين)
البترولين
الحلوين
انا بيتهيألى فى واحد اسمة كدة

أنا أسف لردي ده بس لازم أرد
احنا حولنا الموضوع من رجاء او اثتراح ومحاولة البت فيه
الى موسوعة للألفاظ والمجاملات .

أسف على الرد مرة تانية .

وليه المشكله دى كلها كل واحد ليه حريه شخصيه وأنا بعتب على الشيخ محمود لقوله(والا يخاف من انه يعرف يبقى ينسحب من المنتدى)
وياريت كل واحد يفهم كلامه قبل ما يقوله
وسلامى للجميع
m.a.x.h.a

على فكرة ياجماعة انا بايد قول ماكس ها دى عبارة عن حرية شخصية وبعارض الناس اللى بتقول ان المفروض اننا نعرف بعضنا مش فكرة كويسة لسبب بسيط لواحنا عايزين كدة نقدر نعمل مجلس للبلد كل اسبوع مرة اومرتين ولى فى نفسوه حاجة كان يقولها ويرحنا انما دة لمنع الاحراج مش اكتر وفى حاجة تانية ياعم الشيخ مفيش حاجة اسمها الى يخاف يطلع احنا مش وقفين تحت شجرة التوت واللى خايف على دماغه يوسع كلام واضح بدون اساءة فهم ياريت وبدون زعل تفكر فى كلامى دنتوا اولاد ابو حسين وده اسم كبير لازم تكون جدير به وان كنت لازم ترتفع بالاسم طولت بس ده راى اول مرة نختلف يا ابو ربيع اسف