وظائف جديدة

يا ريت اللى عنده فرصة عمل
او قريب منه او يقدر يساعد بيها حد
يعانها هنا ونشوف الفرص
يمكن يكون على ايد اى واحد فيها سبيل لفتح رزق لواحد محتاج
وربنا يجعل كل اعمال الخير فى ميزان حسناتكم جميعا
واهى فرصة اكبر للترابط
حتى لو اعلان منشور فى اى مكان
فهى الوا واخيرا
دعوة للخير
ولخدمة ابناء دملو

انشاء الله في فرص كتير وانا مستعد اخدم فيها اي عدد عاوز يشتغل
واليكم الشروط
شروط عامه:يكون الطالب للوظيفه ابن حلال وعاوز ياكل عيش ويفتح بيت وربنا يرزقه من الحلال
شروط التقديم:معه دبلوم او اقل منه
طبيعه العمل:العمل كعامل تغذيه في شركه التغذيه التي اعمل بهاcompass egyptفي احدي المواقع المنتجه للبترول(تقوم شركه التغذيه بالتعاقد مع شركات البترول للسرفسه علي افراد الحفر)علي فكره انا شغال مدير موقعCAMP BOSS
طبيعه العمل تتلخص في العمل كعامل نظافه يهتم بنظافه الغرف والحماماتوالطرقات
او كعامل حوض يهتم بالمطبخ وغسيل الاطباق والفضيات
في الحاله الاولي يكون الترقيه الي مكوجي وفي الحاله الثانيه يكون الترقيه كمساعد طباخ وتتوالي الترقيات حتي تصل الي شيف مطبخ
طبعا الترقيه يحددها شئ واحد فقط وهو مدي حبك وفهمك للعمل
مده العمل 20يوم و10 ايام اجازه في بعض المواقع
اسبوعين عمل واسبوع اجازه في مواقع اخري يمكن تطبيق اسبوع ثالث وتحاسب عليه باجر مزدوج
مده العمل في اليوم 12ساعه تبدء من 7صباحا وتنتهي 7 مساءا او العكس(يحدد ذلك مير الموقع)
المواصلات . الاكل الملابس جميعها علي حساب الشركه من رمسيس حتي الموقع
الراتب: اساسي الراتب 350جنيه في حاله التطبيق او العمل لوقت اضافي يمكن ان يزيد عن400جنيه
اهم شئ في هذا العمل هو الامانه التامه
الاوراق المطلوبه:شهاده الميلاد ,المؤهل,الشهاده الصحيه,كعب العمل,فيش جنائي,صوره البطاقه
من يجد في نفسه ان هذه الوظيفه تناسبه ارجو اخباري والله الموفق

فتح الله عليك
واعانك على الخير
وسدد خطاك
ونفعك بعملك
وياريت تقوم بتوجيه الدملويين للاطلاع على المنتدى ومتابعة للفائدة
التى تعم على المنتدى والبلد

مطلوب مهندس مساحة
خبرة 10 سنوات على الاقل
للعمل بسلطنة عمان
خبرة فى GPS
هذه ليست شروط تعجيزية ولكنها شروط الوظيفة المطلوبة
المواصفات والراتب حسب الخبرة

يا ريت تبلغ الاعضاء الي وضع الاعلانات في هذا الباب علشان انا قريت اعلان في موضع تاني

شهادة ميلاد المؤهل الدراسى صور شخصيه فيش وتشبيه الموقف من الجيش

أنوع العمل هاوس مان
استقبال لغات
صيانه جميع الاقسام
حسابات شرط كلية تجاره
سرفيس يقدم طلبات للزبائن وشكرا جميع المؤهلات للعمل
ابراهيم مقبول

اعانكم اللة علي فعل الخير

يا جماعة لو فيه حد بيفهم في الكمبيوتر كويس فيه محل في بطا محتاج واحد بجد لو فيه حد يتصل بيا انا محمد محمود حلاوة والمقابل المادي كويس

يامحمد باشا المحل بتاع صيانه يعنى ولا نت ولا ايه بالظبط ياريت تفاصيل اكتر على فكره منور المنتدى

وياريت يامحمد باشا تنور باب السيرة الذاتية

المحل بتاع صيانة يا باشا واللي عنده فكرة بسيطة حتى وبيع مستلزمات الكمبيوتر

ازيك يا محمد بيه ايه اخبارك
والله انتا منور المنتدي
احنا اصحاب شارع واحد ولازم نجامل بعض

طبعا يا عم احمد وعلى فكرة يا جماعة احمد حمودة هو اللي قاللي عالموقع
الاعتراف بالحق فضيلة
مش كدة ولا ايه

منا قلت بقي احنا اصحاب شارع واحد
واللي ملوش خير في شارعه ملوش خير في الشوارع التانيه