عضوة جديدة

من طرف dr.innominate الأربعاء 09 أبريل 2008, 4:49 am

على فكرة أنا عضوة جديدة أكبر الأعضاء والعضوات سنا
دملوية أبا عن جد ومولودة فى دملو ومتعلمة فى مدرستها الإبتدائية وفى كتاب الشيخ عبد الحسيب
رأيت هذا المنتدى بالصدفة وفرحت جدا بيه وتباهيت بقريتى وجمالها وعراقتها أمام أولادى
عايزة ترحيب جامد قوى بأم المنتدى د:innominate
والا أمشى ؟؟؟

من طرف **omar20hatem** الأربعاء 09 أبريل 2008, 7:43 am

نورتينا يا دكتورة
يا اكبر العضوات سنا ولكى الحق فى ذلك طبعا
ولكن هناك من الاعضاء
اكبر سنا منى ومنك طبعا
المهندس ابودسوقى
والأستاذ على سلامه
وشرفتينا

من طرف **alielsokkary** الأربعاء 09 أبريل 2008, 8:44 am

يا الف مرحبا بيكى يا دكتورة

من طرف **mohammed** الأربعاء 09 أبريل 2008, 9:02 am

شرف للمنتدى انك تشرفينا
ويسعدنا اولاد حضرتك يكونوا معانا
والمنتدى رحب الصدر ويسع اهالي دملو والزائرين
نورت المنتدى يا دكتورة

أهلا وسهلاً بأم المنتدى . بس مش صعب شوية أن تكون أم المنتدى أصغر مني بحوالي 8 سنوات إلا إذا كان العمر المسجل ليس الحقيقي ......وهذا أغلب الظن.

على كل مرحبا يادكتورة شرفتي المنتدى وعايزين المساهمات القيمة

من طرف **Admin** الأربعاء 09 أبريل 2008, 11:08 am

ياهلا بيكى
بس من الواصح من كلامك انك مش عايشه فى دملو ياريت تعرفينا بنفسك اكتر
واه وياريت نعرف دكتوره فى ايه علشان نعرف نستفيد منك ازاى
طبعا دخول المنتدى ....................

من طرف **abu rabia** الأربعاء 09 أبريل 2008, 12:40 pm

بالطبع لا نملك سوي أن نقول
أهلا والف أهلا بحضرتك في منتدي
بلدك دملو ..... بلد العلم والقرآن
ونرجو أن يكون انطباعك عن المنتدي جيد
وبصفتك الآن عضوة معنا فنحن في انتظار مشاركاتك
الفعالة في المجال الذي تفضلينه

ومرة أخري نرحب بك معنا في منتدانا جميعا

حللتى اهلا
وانت بين ابنائك واخوانك واخواتك
وبلاش ام المنتدى
نقول الاخت الكبرى
فاهلاومرحبا بكل من هو دملوى
شرفتينا وانستينا ونورتينا
شاركينا باراك ومواضيعك
مرحبا Shocked

من طرف **Abo Dina** الأربعاء 09 أبريل 2008, 1:19 pm

أهلا وسهلا بكل أبناء دملو الكرام

من طرف **سارة** الأربعاء 09 أبريل 2008, 2:17 pm

ويارب تقضى وقت جميل معنا ماتندميش عليه

ونورتى المنتدى

فى انتظار مشاركاتك

من طرف **سميرالسيد** الأربعاء 09 أبريل 2008, 2:23 pm

الف اهلا وسهلا
ومش لازم التهديد اللى فى الاول دة
ههههههههههههه
احنا بنفرح لما احد مننا بيشترك معانا
وحضرتك طبعا مننا
وتانى الف اهلا وسهلا
وممكن تسمعى البعض بيقول الناحية دى والناحية دكها
عرفيهم ان الشيخ عبد الحسيب والشيخ شفيق والشيخ السيد ابو عبدو والشيخ البحراوى كلهم اخوة
ههههههههههه
هذا مزاح اعتقد انهم عارفين

من طرف **mezo2010** الأربعاء 09 أبريل 2008, 2:43 pm

اهـــــــــــــــــــــــــــــــــــــــــــــــــــلا
و
ســــــــــــــهلا
و
مليوووووووووووووووووووووووووووووووووووووووووووووووووووون
الــــــــــــــــــــــــــــــــــــــــــــــــــــــــــــــــــــــــــــــــــف
تحيه لـــــــــــــــــــــــك ولاسرتـــــــــــــــــــــــــــــــــــــــــتتتك
الكريــــــــــــــــــــــــــــــــــــمـه

من طرف REAL WORLD ATC الأربعاء 09 أبريل 2008, 3:17 pm

اهلا وسهلا

نورتى المنتدى الدملاوى

Shocked

من طرف **hany_atc** الأربعاء 09 أبريل 2008, 6:56 pm

اهلا وسهلا بحضرتك

من طرف **ahmed** الأربعاء 09 أبريل 2008, 7:32 pm

احلى تحيه لاجمل دكتوره من شباب المنتدى
مستنيت مشاركاتك الفعاله

من طرف **abu rabia** الأربعاء 09 أبريل 2008, 8:53 pm

ارجو ان يكون ترحيبنا بك
قد لاقي استحسانك
وان شاء الله ستجدين اخوانا لك
في المنتدي يحيطونك بما تستحقينه
من احترام وتقدير

في انتظار مشاركاتك سيدتي الفاضلة

من طرف dr.innominate الأربعاء 09 أبريل 2008, 8:56 pm

إيه الجمال ده ؟ إيه الحلاوة دى ؟
والله أنا ماكنتش متخيلة إن الترحيب هيكون على هذا المستوى الرائع من الكرم والحفاوة ..ولكن هى دى دملو .. وهما دول ناس دملو الحلوين . وشباب دملو المثقفين المتفتحين .ربنا يخليكوا كلكوا ويبارك فيكوا .
ألف شكر للأستاذ عمر أوحاتم والله يابنى أنا بالفعل أكبر الأعضاء والعضوات سنا . لكنى ماحبتش أقول سنى الحقيقى علشان ماتتخضوش وتروحوا سايبين المنتدى وتقولوا :هنعملها دار مسنين والا إيه ؟؟؟ هاهاها

من طرف dr.innominate الأربعاء 09 أبريل 2008, 8:58 pm

الأستاذ الجميل على السكرى
أشكرك أيها الشاعر العظيم ..ويارب أكون أستاهل الشعر العظيم ده

من طرف dr.innominate الأربعاء 09 أبريل 2008, 9:02 pm

أشكرك أستاذ محمد
وأنا متأكدة إن أولادى لما يتفرغوا سوف ينضموا بسرعة لهذا المنتدى الجميل لإنهم بالفعل بيحبوا دملو يمكن أكتر من بلدهم كمان .
والله العظيم بلدنا تتحب فعلا

من طرف dr.innominate الأربعاء 09 أبريل 2008, 9:04 pm

الأستاذ والإبن الغالى المنوفى عبد الله حسن
أشكرك من كل قلبى

بس أنا بالفعل أم المنتدى وأكبر من كل الأعضاء سنا
شكرا جزيلا

من طرف dr.innominate الأربعاء 09 أبريل 2008, 9:08 pm

الأخ العزيز مدير الموقع
تحياتى وشكرى
أنا طبيبة
عايشة بالقرب من دملو
ودملو عايشة بقلبى ووجدانى
وشكرا مرة أخرى لترحيبك

من طرف dr.innominate الأربعاء 09 أبريل 2008, 9:10 pm

ألف شكر أستاذنا أبو ربيع
ربنا يخليك وينصرك على مين يعاديك
اللهم آمين

من طرف dr.innominate الأربعاء 09 أبريل 2008, 9:14 pm

ألف شكر الأخ الكريم الشيخ محمود
وإنه لشرف عظيم لى أن أكون بالفعل أما لمنتدى جميل فى بلد أجمل ومن أعضاء أجمل وأجمل
والله انتوا اللى منورين النت كله
ربنا يخليكوا يارب

من طرف dr.innominate الأربعاء 09 أبريل 2008, 9:17 pm

شكرا جزيلا يابو دينا
بس اللى فى الصورة دى تبقى دينا ؟
كدة بقى تبقى دملو حسنت النسل كتير
ربنا يخليها لك ويخليك ليها
آمين يارب العالمين

من طرف dr.innominate الأربعاء 09 أبريل 2008, 9:20 pm

أشكرك ياسارة ياقمر
ومافتكرش عمرى هاندم وأنا وسط أولادى وحبايبى

من طرف dr.innominate الأربعاء 09 أبريل 2008, 9:25 pm

الأستاذ سمير السيد الجميل
ألف شكر
إحنا زمان مش بس كنا بنقول الناحية دى والناحية دكها
لكن كنا بنقول كمان ناحية الرجلة وناحية البطاطس .
بس معلش بقى أنا متحيزة شوية للناحية دكها . هاهاها

من طرف dr.innominate الأربعاء 09 أبريل 2008, 9:28 pm

ميزوووووووووووووووووووووووووووووووو
شكرا ياجميل
وألف مليووووووووووووووووووووووووون تحية

من طرف dr.innominate الأربعاء 09 أبريل 2008, 9:31 pm

الإبن العزيز Real World
والله إنتم اللى منورين أحلى منتدى
منور بيكم انتم
الشباب الدملاوى الواعى الجميل

من طرف dr.innominate الأربعاء 09 أبريل 2008, 9:34 pm

ابنى العزيز هانى
شكرى وتحياتى ودعواتى
ربنا يقوى إيمانك وإيماننا

من طرف dr.innominate الأربعاء 09 أبريل 2008, 9:36 pm

ابنى العزيز أحمد
والله اللى واضح من الصورة إن إنت اللى أحلى شاب
شكرى وتحياتى

من طرف dr.innominate الأربعاء 09 أبريل 2008, 9:38 pm

شكرا مرة أخرى يابو ربيع
وربنا يسهل ومشاركاتى تنال إعجابكم

من طرف ahmoda الأربعاء 09 أبريل 2008, 10:57 pm

حللت اهلا ونزلت سهلا
مرحبا بك اختا فاضله واما كريمه

من طرف **omar20hatem** الخميس 10 أبريل 2008, 9:24 am

والأن بعد الإقرار بك أما لبعضنا واختا لأخرين
نورتينا وآنستينا
وتسهيلا على حضرتك
لو وجدت من وقتك الثمين نصف ساعة
تجوبى به ارجاء باب السيرة الذاتية للأعضاء
لا لكى تعرفينا بنفسك فقد تفضلت بالتعريف وكفانا هذا
ولكن لكى تتعرفى على بعض الشباب من اهل هذه البلد الغالية
واظنك غن شاء الله ستتعرفين عليهم من أسماء آبائهم فهو عندك أشهر
ومنتظرين أولاد حضرتك وإخواننا إن شاء الله
لنتواصل بشدة فنحن أبناء دملو
منتشرون فى انحاء الأرض كلها
ولكن يجمعنا قلب واحد على حب
هذه البقعة الغالية والنفيسة
قريتنا العزيزة
دملو
نورتى بيتك

شكرا لك ويالها من صدفة سعيدة جمعتنا بك

من طرف **حمادة سطوحى** الخميس 10 أبريل 2008, 11:19 am

نورتى المنتدى يا دكتورة

من طرف **حمادة سطوحى** الخميس 10 أبريل 2008, 11:20 am

نورتى المنتدى يا دكتورة وان شاء اللة نستفيد منك

من طرف htmhm الخميس 10 أبريل 2008, 2:47 pm

اهلا بيكى يا دكتورة

والبيت بيتيك

من طرف dr.innominate الخميس 10 أبريل 2008, 3:56 pm

الاخ والإبن الغالى أحمودا
أشكرك ياعزيزى : بس علشان خاطرإنك زملكاوى صميم زى ماانت كاتب . خد عندك النكته دى بس ماتزعلش:
واحدة مخطوبة لواحد زملكاوى .قالت له: هاأقول لك على سر بس ماتزعلش :
قال لها قولى :
قالت له : كان فيه واحد قبلك فى حياتى
راح قعد يعيط ويقول "ليه ياربى كتبت عليا المركز التانى كده طول حياتى "
بس أنا ماشية ....محدش يضرب .............

من طرف dr.innominate الخميس 10 أبريل 2008, 4:04 pm

الأستاذ حاتم أو عمر
شاكرة جدا لكلماتك الرقيقة المعبرة
والله أنا مش محتاجة إنى أعرف الأهل -وإن كان ده شيىء يشرفنى كثيرا -فاللى باين إنكم كلكم شباب زى الورد والفل والياسمين
ربنا يسعدكم ويوفقكم ودائما دملو بترقى بجهود أبنائها المخلصين . فإلى الأمام دائما والله يرعاكم .

من طرف dr.innominate الخميس 10 أبريل 2008, 4:08 pm

إبنى الجميل حمادة سطوحى
ألف شكر لك عزيزى
والله المنتدى منور بدملو وأهل دملو وشباب دملو الحلوين المهذبين
ربنا يوفقكم جميعا ويسعدكم

من طرف dr.innominate الخميس 10 أبريل 2008, 4:12 pm

يابنى إسمك صعب قوى
htmhm يارب أكون نقلته صح
المهم :أهلا بيك إنت
أنا شاكرة لذوقك وكرمك
ربنا يحميك ويبارك فيك

من طرف **د نورا** الخميس 10 أبريل 2008, 5:47 pm

أهلاً و مرحباً بك يا دكتورة في منتداك
و ياريت تفدينا بعلمك
و منتظرين مشاركتك
Shocked

من طرف **الشيخ محمود** الخميس 10 أبريل 2008, 7:13 pm

حلو النكته يا دكتورة
والاحلى ان هى فى مكانها المظبوط
ومفيش داعى للقلق
الزملكويه خلاص
هدفهم
المركز التانى
ونورتينى وشرفتينى
ومش عايزين نكت على الاهلويه

من طرف dr.innominate الخميس 10 أبريل 2008, 8:38 pm

حبيبتى وأمورتى د:نورة
أهلا بيك إنت ياقمر
ربنا يقدرنى وأقدر أفيدكم زى ماباستفيد منكم

من طرف dr.innominate الخميس 10 أبريل 2008, 8:41 pm

معقولة ياشيخ محمود حد يقدر ينكت على الأهلاوية
أهو ده اللى مش ممكن أبدا . ولا أفكر فيه أبدا أبدا
تحياتى إليك

من طرف **سميرالسيد** الخميس 10 أبريل 2008, 9:09 pm

لى عتاب على حضرتك
لقد زكرتى كل واحد باسمة وانا لا
اية هو انا (ورقة )والا (هوا)
ههههههههههه

من طرف **أبو سلامه** الخميس 10 أبريل 2008, 11:13 pm

بسم الله الرحمن الرحيم
تنورى المنتدى يا دكتورة
وكونى على ثقة انك بين اهلك
فالمنتدى هو بيتنا اللى بيجمعنا فى جميع دول العالم
مرحبا بك بين اهلك يا دكتورة

من طرف **MOHAMED IBRAHIM** الخميس 10 أبريل 2008, 11:57 pm

بسم الله الرحمن الرحيم
أهلا وسهلا بحضرتك يا دكتورة ومنورة المنتدى

من طرف ahmoda الجمعة 11 أبريل 2008, 12:50 am

علي فكره النكته وحشه انا بحاول اضحك ومش عارف
وكمان هشيل اللوجو

من طرف **omar20hatem** الجمعة 11 أبريل 2008, 9:32 am

مرحبا

المهندس / حاتم أبوالعزم حسينى البنا

من طرف الخليفه الجمعة 11 أبريل 2008, 10:39 am

وحضرتك دكتوره جامعه ولا طبيبه ولا ايه

وعلى العموم لو طبيبه نعملك دعايه على المنتدى

اشرف حمدى ابو المعاطى