هذا الفأر ليس مصرياً

من طرف **sondos** السبت 08 مارس 2008, 10:57 am

قرأت هـــــذا الخبر الطريف واحببت ان تشاركوني اياه ..
بصراحة ترددت في البداية في اي تصنيف المفروض ان توضع مثل هذه الاخبار
((( القسم السياسي .. ام قسم الفكاهـــــة )))
وبما ان سياسة البلد لم تعد تختلف كثير عن النكت والفكاهة فقررت وضعه هنا
" وللمشرفين طبعاً حق التصرف اذا كانت لهم رؤية اخرى "

اترككم مع الخبــــــر ...

القاهرة - هذا الفأر ليس مصرياً ..
بهذه العبارة التي تحمل نفيا قاطعا، رفض اللواء عبدالفتاح بدران نائب رئيس شركة ميناء القاهرة الجوي، اتهامات شركة الخطوط الجوية السعودية بأن ميناء القاهرة الجوي هو الجهة المسؤولة عن الفأر الذي تم اكتشافه علي إحدي طائراتها الجامبو خلال رحلتها يوم الجمعة الماضي من القاهرة إلي جدة، والتي حملت رقم 302، موضحا أنه لا يمكن بأي حال من الأحوال أن يكون هذا الفأر مصرياً.

وقال بدران من الصعب، بل ومن المستحيل أن يستطيع أي فأر الصعود أو التسلل لأي طائرة موجودة علي كوبري التحميل بالمطار ) وهي المنطقة التي كانت تقف فيها الطائرة السعودية (، لأنها منطقة حركة الركاب، لذا فإن مطار القاهرة غير مسؤول عن هذا الفأر وعن الخسائر التي سببها للخطوط السعودية] حسبما ذكرت جريده المصري اليوم[ .

ومن جانبه، أكد الدكتور سامي البساطي، رئيس الجمعية المصرية لعلم الحيوان، أنه لتحديد الجهة المسؤولة عن الخسائر لابد من تحديد جنسية الفأر، وهذا يتم من خلال معرفة السلالة التي ينتمي إليها .

وقال البساطي: من المحتمل أن يكون الفأر سعوديا أو من أي دولة أخري، وقد يكون موجوداً علي الطائرة منذ 15 يوما دون أن يكتشفه أحد، ولمعرفة ذلك يمكن فحص الفأر من خلال المواصفات البيئية التي اكتسبها من البيئة التي يعيش فيها.

وكان فأر قد أثار الذعر علي رحلة الخطوط الجوية السعودية رقم 302قبل إقلاعها بربع ساعة، عندما صرخت راكبة بعد أن اكتشفت أن فأرا يسير علي جسد ابنها الذي يجلس بجوارها، الأمر الذي تسبب في وقف تشغيل الطائرة لأكثر من 24 ساعة، وإلغاء رحلتها وعودتها من علي ممر الإقلاع وعلي متنها 368 راكباً، وحدوث خسائر للشركة- التي اتهمت سلطات مطار القاهرة بالإهمال والتسبب في هذه الخسائر- بلغت نحو 3 ملايين جنيه لقيام الشركة باستدعاء طائرة أخري .

لكن الاظرف كانت تعليقات المصريين علي الخبر ومنها :

1- حتى الفيران عايزة تهاجر وتسيب البلد .

- الفار مصرى ابن مصرى ،بس زى حالة كتير من المصرين زهقوا من وضع البلد فكر يسافر يلقط رزقة فى السعودية، الله يعينة عندة اسرة وعياااااااااااال مش لاقى يأكلهم

2 - الفار ده جامد قوى .

3 - يا جماعه انا الى عرفتوا عن الفار ده انه ابوه سعودى وامه مصريه وبعدين الفار المصرى اخره يوم ميكون فار صايع قوى كبيره يطلع ماسوره مجارى ده لو قلبه ميت

4- اهم حاجة اوراق الفار سليمة ولا لا ؟

5 - مش يمكن الفار دة كان بيفكر يسافر على ايطاليا بس خاف ليموت والمفتى يقول علية مش شهيد فقال اركب طيارة احسن , و ا سافر على بلد عربى وربنا يفتحها فى وشى واسيب البلد دى , ويمكن ارجع بعد 50 سنة والاقى السيد الرئيس زى ما هوة اسلم علية وارجع على هناك تانى .

6 - يا بخت الفار دة والله العظيم انا بحسدة انه فكر يسافر السعودية , بس كان من الافضل بالنسبه للعملة انه يسافر الكويت او الامارات .

7- حتى الفئران عايزة تهاجر كتنا نيلة فى حظنا الهباب والنبى لو تعرف يا سيد فار تجبلى عقد عمل ابعت لى .

8 - مالهاش حل, انا رأيي يسيبوه لغاية ماتش مصر مع السعوديه.. ويقولوله يومها ان مصر كسبت ونشوف رد فعله.. لو فرح يبقي مصري.. ولو اتضايق يبقي برضه مصري بس نفسه حسن شحاته يمشي... !!

........

من طرف **الأستاذ** السبت 08 مارس 2008, 6:00 pm

يا تري الفأر دا معاه تأشيرة ولا رايح تهريب

من طرف **أبو اياد** الأحد 09 مارس 2008, 12:21 pm

الموضوع جميل جدا
بس انا عايز اعرف ازاي الطياره مفيهاش مصيده
هههههههههههههههههههه

من طرف htmhm الخميس 13 مارس 2008, 6:30 pm

احسن للفار دة انة يطلع سعودى
عشان لو طلع مصرى هيتحول للنيابة ويخش المعتقل وامن مركزى وهيتبهدل بجد لحد مايعترف

من طرف ahmoda الخميس 13 مارس 2008, 10:29 pm

والله يا جماعه انا شايف ان الفار ده عمل اللي كتير منا مش عارف يعمله

من طرف **omar20hatem** الجمعة 14 مارس 2008, 2:55 pm

انا متاكد ان الفأر ده سعودى
وطبعا جاى يشتغل علينا كفيل
ويدور على كام واحد غلبان يلهط منهم الألافات
ويبقى كفيلهم
ويبعتهم السعودية ويطلب منهم انهم يسرحوا
يسترزقوا وكل واحد يدفع له شهريا 500 ريال سعودى إتاوة والا هيترحل

واسألوا كل مصرى جوه مصر هيقول
حاجة واحدة اسفوخس
على المواصلات والتموين والشوارع والزبالة والشغل والبطالة
لكن اسألوا أى مصرى بره مصر مش هيقول غير كلمة واحدة
مصر أم الدنيا
وفى النهاية
ده مجرد رأى

من طرف **Abo Dina** السبت 15 مارس 2008, 1:02 am

أصبت يا هندسة

من طرف **mezo2010** السبت 15 مارس 2008, 9:04 pm

ممكن يا هندسه

quote] متاكد ان الفأر ده سعودى [/quote]

من طرف ahmoda السبت 15 مارس 2008, 10:41 pm

يا اخوانا صدقوني الفار ده لا هو سعودي ولا مصري
انا عارف هو منين بس مششش هقول علشان لو انا قلت بتوع الناحيه دكها هيزعلوا مني
وانا مش عاوز حد يزعل مني

من طرف ahmoda الثلاثاء 18 مارس 2008, 11:17 pm

علي فكره في فار تاني كان موجود امبارح في الطياره اللي كانت متجهه الي اسطانبول وكان عليها130 راكب
وتم نقلهم لطائره اخري وتم رش الطائره بالمبيدات وقد تاخرت الرحله ساعتين
منقول من جريده المصري اليوم

من طرف **omar20hatem** الأربعاء 19 مارس 2008, 1:47 pm

أعتقد اننا لو فتشنا مكتب رئيس تحرير المصرى اليوم
ممكن نلاقية بيربى فيران وبيعطيهم تأشيرات
وممكن ما نلاقيش

من طرف dr.innominate الأربعاء 09 أبريل 2008, 10:16 pm

<HR style="COLOR: #e3e6e8" SIZE=1>
أكيد الفار ده رايح يعمل عمره مش رايح يشتغل.
هيشتغل ليه وبيوت الناس اللى اتهبلوا وسافروا الخليج فاضية وفيها مالذ وطاب ولو دخلها محدش هيقول له تلت التلاتة كام .
وبعدين الفار مش أهبل ,هو شايف كل اللى بيروح السعودية عشان يشتغل بينضرب على قفاه وبيرجع تانى ويجيبوا بدله فليبينى والا اندونيسي والا بنغالى
والموضة دلوقتى كده ,كل اللى معاه قرشين يروح يعمل بيهم عمرة .
واللى مامعاهوش يشتغل فى أى حاجة عشان برضوا يجيب القرشين اللى يعمل بيهم عمرة .ويرجع يامولايا كما خلقتنى .

من طرف ahmoda الأربعاء 09 أبريل 2008, 10:49 pm

NO COMMENT

هذا الفأر ليس مصرياً

هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً

رد: هذا الفأر ليس مصرياً