كيف تصبح دكتاتوراً

الدكتاتور عندنا هنا هومن يتحكم فى اراء الاخرين
وكفايه كده علشان محدش يقول ان احنا بنعادى .....................

انا سؤالي لكل شخص ازاي تعرف انك دكتاتور ؟
انا بقول كل واحد يتكلم عن نفسه , واللي مش عاوز يبقى دكتاتور يقول انا مش هكون دكتاتور علشان ما اعملش كذا وكذا
ماشي ما حدش يحور الكلام
انا قصدي كل خير بس ممكن يكون انا دكتاتور ومش حاسس لما الاقي الصفات بتاع الدكتاتور في اعرف من غير ما حد يقوللي
متفقين على كدة ؟

أنا تقريبا يا محمد فهمت العنوان غلط

اصل انا بصراحة نفسي ابقي ديكتاتور
بس مش عارف ازاي
وكمان وانا صغير كان لما حد بيسالني
نفسك تطلع ايه ؟ اقولهم نفسي ابقي ديكتاتور

فيا ريت نرجع للموضوع وتقولي ازاي
احقق حلمي وابقي ديكتاتور

شوف الناس هي اللي هتقول يا باشمهندس
مش انا
انا عرفت الكلمة بس والناس الاعضاء يضعوا الصفات
والله من وراء القصد

مفيش حد عاوز يقول
خلاص اخليني انا دكتاتور واقول
لما أشعر اني وصي على كل الناس اللي حولي أبقى دكتاتور
لما أشعر اني الوحيد القادر على فعل كل شيئ أبقى دكتاتور
لما افقد الثقة في كل من حولي وبالتالي اجمع كل خيوط اللعبة في ايدي ويبقى كل شيئ متوقف على اني اوافق او ارفض ابقى دكتاتور
ولما يكون نفسي اطلع دكتاتور وانا صغير ابقى دكتاتور
مين هيقول كمان

طيب ايه رايك يا محمد بك
وبعد إذن جميع الأعضاء اللي
شاركه في الموضوع
إننا نحاول نتكلم بصراحة شوية
من غير لف ولا دوران


ويا ريت نتكلم الأول عن القيادة
يعني ايه قيادة ؟ وايه مواصفات القائد ؟
وايه دور القائد ؟ وايه مسؤولياته ؟
وايه دور الناس اللي تحت قيادته؟
وهل كل قرار بياخده القائد لازم
يشرح للناس هو أخذ القرار ليه ؟
و ايه رأيكم أساسا في فكرة وجود قائد
لأي مجموعة؟


وبعد ما نخلص كلامنا عن القيادة
ان شاء الله نبقي نتكلم عن الادارة
ويعني ايه ادارة ؟ وايه دور المدير ؟
وايه مسؤولية المدير ؟ وايه مواصفات المدير ؟
وايه دور الناس اللي تحت ادارته ؟
وهل كل قرار بياخده المدير لازم يكون صح ؟
وهل لو القرار اللي أخذه طلع غلط يبقي ده معناه ان
هو مش المدير ؟ وانه ينسحب مثلا ؟ وهل مبدأ الادارة
نفسه مبدأ صح أم أن الأمور يجب ان تترك بلا ادارة ؟


وبعد ما نخلص كلامنا عن القيادة والإدارة
والفرق بينهم نبدأ نتكلم عن الحرية
يعني ايه حرية ؟ وامتي الشخص يحس انه حر ؟
وازاي كل واحد يمارس حريته بدون ما يعتدي علي حرية
اللي حواليه ؟ وهل الانسان الحر يمكن محاسبته ؟
ام ان مبدا الحساب نفسه ضد الحرية ؟ وهل هناك قيود
ممكن ان توضع علي الانسان ورغم ذلك يحس بحريته ؟
وهل الجرية نفسها شئ حقيقي ام انها مجرد خيال نحلم به
وليس له وجود ؟



وبعد ما نخلص كلامنا عن القيادة والادارة والحرية
نبدا نتكلم عن العلاقات الانسانية بين الناس
يعني ايه العلاقات الانسانية ؟ يعني ايه التعامل بين البشر ؟
يعني ايه مراعاة شعور الاخرين ؟ يعني ايه مراعاة فكر الاخرين ؟
يعني ايه نتحكم في انفسنا علشان ما حدش يفهمنا غلط ؟ يعني ايه نختار كلامنا
علشان منجرحش حد ؟ يعني ايه نحافظ علي الصورة العامة لمجتمعنا ؟
يعني ايه لازم نحب بعض ؟ يعني ايه لازم نلتمس الأعذار لبعض ؟
يعني يه نختلف مع بعض ؟ وازاي نختلف مع بعض ؟ وازاي نتناقش مع بعض ؟
وهل اساسا موضوع العلاقات الانسانية بين الناس يستاهل اننا نفكر فيه ولا لأ ؟



وبعد ما نخلص كلامنا عن القيادة والادارة والحرية والعلاقات الانسانية
نبدا نتكلم عن اليموقراطية والديكتاتورية

واعتقد ساعتها اننا ممكن نعرف كويس جدا يعني ايه ديكتاتورية
وخاصة اذا ذاكرنا التاريخ كويس وتاريخنا الاسلامي بالذات
وبعدنا عن الشعارات والأفكار المستوردة

وناخد بالنا في التاريخ من مراحل القوة والضعف في الدول الاسلامية
منذ بدأت الدعوة مرورا بالخلفاء الراشدين والدول الأموية والعباسية
ووصولا الي بدايات القرن العشرين وكتابات الشيخ محمد عبده عن
الحكم والقيادة والادارة والحرية والعلاقات الانسانية

بصراحة يا شاعر انا كان نفسى اكون دكتور مش دكتاتور
هههههههههههه

بلاش نتوه الناس في مناقشة الموضوعات الكتير دي يا باشمهندس
احنا بنتكلم في موضوع معين
وبعدين انت تعرف عني اني مش بحب اللف والدوران
ولما بحب اقول حاجة بقولها للشخص في وجهة ومش من عادتي اني اهرب من المواجهة
اما بالنسبة للموضوعات التي اقترحتها فانا بقترح نتناولها بالبحث كلا على حدة
بشرط تكون في موضوعات منفصلة
ودلوقتي سؤالي لباقي الاعضاء
هل تعاملت يوما من الايام مع شخص وشعرت بانه فعلا دكتاتور ؟

فى نظرى انة الان لا يوجد ديكتاتور
خلاص الزمن دة انتهى؟وحل مكانة زمن الاستهبال؟
اصبح فية راجل مستهبل على الناس؟
الدنيا بحالها تقولة
احنا مبنحبكش-اتركنا-ارحمنا سيبنا ياخى
يقولك
الناس بتحبنى والاصوات دى بتاع (قلة قليلة )متطرفة من الناس؟
ياعم نعملك اية عشان تصدق نسيبلك الدنيا والا نولع فى نفسنا عشان تعرف؟؟؟؟
وفى الحقيقة هو عارف لكن(........)
ضع مكان النقط

الله عليك يا ابو سمرة
انت جبت المفيد ما انت بعيد يا عم بس خللي بالك وانت مروح
طيب يا جماعة اسال السؤال بطريقة تانية ؟
لو واحد اتصرف معاك بطريقة فيها نوع من الدكتاتورية المستفزة ايه هيكون موقفك معاه ؟
وهل ممكن تنسحب لانك مش قادر او مش عاوز تواجهة ؟
ولا ممكن تاخد حقك باي شكل من الاشكال ؟

الاستاذ/محمد محمود
الموضوع دلوقتى هل تصبح ديكتاتوريا؟

ولا هل تعاملت يوما ما مع شخص ديكتاتورى؟
لو كيف تصبح؟
1-محل ميلادك لازم يكون المانيافيه.
2-يكون ابوك حسنى فى تصرفاته.
3-كفاية كده واظن انت عارف.
هل تعاملت يوما ما مع شخص ديكتاتورى؟
معرفش.

اهلا بالعضو الجديد علاء باشا كامل
نورت المنتدى يا باشا
ونتمنى نشوفك دايما بخير
مشاركتك رائعة بس عاوزين باقي الاعضاء يشاركونا الراي
هل تعاملت في يوم من الايام مع شخص وشعرت بانه فعلا دكتاتور ؟
ولو واحد اتصرف معاك بطريقة فيها نوع من الدكتاتورية المستفزة ايه هيكون موقفك معاه ؟
وهل ممكن تنسحب لانك مش قادر او مش عاوز تواجهة ؟
ولا ممكن تاخد حقك باي شكل من الاشكال ؟

فعلا دكتاتور من زمن القديم

ولو واحد اتصرف معاك بطريقة فيها نوع من الدكتاتورية المستفزة ايه هيكون موقفك معاه ؟
وهل ممكن تنسحب لانك مش قادر او مش عاوز تواجهة ؟
ولا ممكن تاخد حقك باي شكل من الاشكال ؟


الكتاتوريه يقبلها البرود فى الاعصاب والبرود فى الرد ايضا على هذا الشخص

طيب نحاول ننشط الموضوع شوية
هل حدث معك او شاهدت شخصا يتصرف بطريقة دكتاتورية ؟
سؤال كمان هل شعرت يوما بانك تتصرف بدكتاتورية ؟ او قال لك احد بانك دكتاتور ؟

تقصد مين يا حسن وضح كلامك ؟

دي وجهات نظر مطروحة للمناقشة وليست تعريفات مطلقة
وللكل الحق في ابداء وجهة نظره في الموضوع دون تعليق
اتفق معي في التعريف الذي ذكرته سابقا او اختلف فله كامل الحرية في التعريف طالما انه لا يمس المعتقدات الدينية او يخالف الاعراف الاجتماعية . ووجهة نظري طرحتها في بداية الموضوع

لا مش عارفه يا حسن
طيب اسال سؤال تاني :
هل قال لك احد يوما ما انك دكتاتور في تصرفاتك ؟
جاوبوا بصراحة واللي بيخاف يروح ... اللي يخاف يروح

واضح ان الناس كلها خايفة
طيب علشان اقفل الموضوع وتكون نهاية كويسة انا هقول ايه الغرض من الموضوع في الاساس
اعتقد انا هناك اشخاص في كل الحياة يتصرفون على طبيعتهم ويسيئ بعض الاشخاص فهمهم
وذكاء هؤلاء الاشخاص في انهم يحاولون شرح وجهات نظرهم للآخرين الذين اساءوا فهمهم
وهذا الموضوع كان محاولة للاعضاء في ان يقوموا بشرح وجهات نظر قد تبدوا غريبة بعض الاحيان لدى البعض ولكن من منا لا يملك وجهة نظر او اكتر غريبة بعض الشيء .
وقد حاولت ان اثري الحوار ببعض الاسئلة التي تحاول ان تركز الضوء على طبيعة الموضوع من حيث الفارق بين الديموقراطية والدكتاتورية
وهل هناك فعلا دكتاتور ام ان كلا منا من الممكن ان يصبح دكتاتور في بعض الاحيان رغما عنه
وللحقيقة فلقد سعدت بجميع الردود على هذا الموضوع الجميل وسأحاول ان اناقش بقية الموضوعات التي طرحها المهندس ابو ربيع في موضوعات منفصلة
حتى نشيع ثقافة الحوار داخل منتدانا الجميل
وعذرا ان كنت قد اطلت عليكم وشاكر لكل من شارك في هذا الحوار الجميل الذي يدل على ثقافة عالية لجميع المشاركين
ونلتقي في حوار قادم