النساء و منصب الوزارة للشاعرة الكبيرة ايمان بكرى

من طرف **سارة** الثلاثاء 18 نوفمبر 2008, 12:23 am

النساء و منصب الوزارة

قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات

بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي

من كلمة واحده يختشي..وينزل صويت وعياط

يا اهل العلام والادب

اقروا التاريخ اللي انكتب..فوق الطريق علامات

كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا

جه في الطريق واختفى .. ولهف وراه ألوفات

قصر الكلام يتقال .. مين فيهم اللي يفيد
مش مسالة عضلات

وساعات كتير ستات بيكونوا رجالة

ورجال بطبع النسا

وطالعلهم شنبات

.

[/center]

من طرف **الفارس** الثلاثاء 18 نوفمبر 2008, 12:36 am

مشكورة على القصيدة الرائعة دى انا اعرف انها قصيدة لسيدة بس فعلا كنت عايز اعرف اسمها اطلب منك الافادة

من طرف **sameh ahmed** الثلاثاء 18 نوفمبر 2008, 1:16 pm

تسلم إيدك يا سارة
وللشاعرة الرائعة / إيمان بكري
العديد من القصائد
بالعامية والفصحى

ونرجو منك المزيد من القصائد

لهذه الشاعرة الجميلة

وشكراً جزيلا

من طرف **الفارس** الثلاثاء 18 نوفمبر 2008, 9:11 pm

شكرا ياسارة وتسلم ايدك وشكرا ياستاذ سامح لانك وضحت لى اسم الشاعرة لان كنت عارف ان القصيدة دة لشاعرة بس مكنتش اعرف اسمها شكرا جزيلا

من طرف **الحريف** الخميس 20 نوفمبر 2008, 2:39 am

الجميل في هذه القصيده هو الدفاع عن حقوق المرأه

يعني بالعربي
شوف البلدان الثانيه
النسوان بترشح عشان تحكم بلد بحالها
مش عشان منصب وزير بس

وشكرا لساره على نقل هذه القصيده الرائعة

النساء و منصب الوزارة للشاعرة الكبيرة ايمان بكرى

النساء و منصب الوزارة للشاعرة الكبيرة ايمان بكرى

رد: النساء و منصب الوزارة للشاعرة الكبيرة ايمان بكرى

رد: النساء و منصب الوزارة للشاعرة الكبيرة ايمان بكرى

رد: النساء و منصب الوزارة للشاعرة الكبيرة ايمان بكرى

رد: النساء و منصب الوزارة للشاعرة الكبيرة ايمان بكرى