الى كل الاعضاء (طلاب و طالبات)المنتدى بالاخص..ارجو الدخول

انا

في أولي ثانوي

وإن شاء الله

هبدأ امتخاناتي النظريه

يوم 21/1/2009

وهبأ بإمتحان لغه عربيه

وانا كويس فيها


وربنا يوفقنا جميعا انشاء االه




ادعولنا

طيب انا ممكن اشارك ولو اني كنت عاوزها تبقى مفاجاة
بس انا يا جماعة داخل مرحلة جديدة
وانا قلت جديدة واقصدها
انا يا جماعة عقبال عندكم بعمل ماجستير
بس انا الماجستير بتاعتي مختلفة شوية
نظام جديد يطبق لاول مرة في مصر
في جامعتين بس
اسكندرية وبنها
اسمه نظام الساعات المعتمدة
انا المفروض اني اخلص 40 ساعة دراسة وبعدها احصل على الماجستير
طبعا هختار موضوع واناقشه زي اي واحد بيعمل ماجستير
وانا دلوقتي بمتحن وخلصت 12 ساعة وفاضلي الترم ده 5 ساعات
بمتحن اليومين دول وعلشان كدة كنت بعيد شوية عن المنتدى
تخصص الماجستير بتاعتي في تكنولوجيا التعليم
الصراحة الموضوع كبير
وعلشان الحكاية جديدة فهي صعبة
علشان زي ما تقولوا بيجربوا فينا
يلا ربنا معانا وبالتوفيق لكل الطلاب المجتهدين ان شاء الله
اما عن ذكرياتي في الامتحانات هيكون لها موضوع تاني ان شاء الله
وانا بشكر كاتبة الموضوع على الموضوع الجميل ده

موضوع جميل
وربنا يوفق كل اللى بيمتحن
وانا الحمد لله خلصت من زمان
وكل اللى فكرة وكنت بركز علية قبل ماأروح الامتحان اتأكد من
السندوتشات اللى واخدها
واوصى اخواتى يجولى بين الامتحنين فى اليوم الواحد ويجيبو لى البيبسى
وكثيرا ما كنت انسى القلم
تمنياتى لكم بعدم نسى القلم

ربنا يوفق الجميع

موضوع حلو وشيق جدا

اما بالنسبه لي انا مخلص هندسه مدنيه من 3 سنوات
بس لي اخوان واحد ثانويه عامه
والأخر ثاني ثنوي


بس الثاني لسه الى الآن مابعرفش يكتب اسمه صح
تعبت كثير معه
وازاي بنجح ماعرفش والله

بس كان لي موقف مع احد الزملاء عندما كنت بالثانويه العامه
كان معاي ملخص للتربيه الإسلاميه استخلصته من مذاكراتي للماده على شكل سؤال وجواب
قبل يوم واحد من الإمتحان اخذه مني وطبعا بيبقى اهم يوم للمذاكره
وانا مستنيه يطبعه ويرجعه لي بس قضيت اليوم بحاله في انتظاره
اليوم التاني وبعد الأمنحان
تشاجرة معه
لكن حليت كويس
وقضلي بعض الأسئله اللي لوكان الملخص معاي كان حليتهم
وعشان كذا دخلت معه ضرابه جامده

نشكر صاحبة الموضوع لموافقتها على اقتراح أبو ربيع وعليه :
وبالنسبة لدراستي فأنا مخلص كلية تربية قسم تكنولوجيا التعليم
جامعة الأزهر طبعا
وبالنسبة لأيام الامتحانات فهي كانت بالفعل أيام عصيبة فعلا
بالأخص لأن الواحد في الجامعة عموما أو المعظم بيأجل المذاكرة لأخر شهر قبل الامتحانات
وعليه يصاب يضغط عصبي شديد ، ويا ريت حد بيتعلم
السنة تفوت ونقول السنة الجاية هنذاكر من أول الدراسة ، وتعود الكرة لما كانت عليه
بس الحمد لله ربنا عداها على خير
ومن علينا بالنجاح

وأغرب المواقف اللي قابلتني في الامتحانات
في مادة معينة بنمتحنها في المخيمات جات شوية هواء طيروا ورقة الأسئلة من تحت الصوان
ولما عرفت المراقب اتهمني اني أنا اللي طلعتها بره عشان حد يحلها ويجيبهالي تاني
لكن الحمد لله بعد معاناة ربنا عداها على خير وجاب لي ورقة أسئلة جديدة
الحمد لله
مع تمنياتنا بالنجاح والتفوق لجميع الأعضاء

أما اغرب موقف بالنسبة لي وكان اصعب موقف مريت بيه
أثناء امتحانات الكلية في الفرقة الثانية
أنا متعود دايما إني أسافر في القطار علشان اضمن إني اوصل في ميعادي
وبحاول أخرج قبل ميعاد الامتحانات بوقت كبير يعني لو الامتحان 9 أكون في الكلية على الساعة 7.30 أو 8 بالكتير
في اليوم ده خرجت وكنت لوحدي ورحت اركب القطار لقيت القطار متاخر وباقي عليه حوالي نص ساعة
قلت بدل ما استنى أروح اركب ميكروباص
وبالفعل روحت اركب ميكروباص
واحنا ماشيين في السكة عند قليوب لقينا حادثة موقفة الطريق والعربيات كلها واقفة وكانت حادثة كبيرة وعربيات مولعة والحالة كانت ماتسرش المهم السواق عمل ناصح ودخل من جوة قليوب
لقينا العربيات جوة قليوب اكتر , حاول يدخل من طريق جانبي قعد يلف ييجي نص ساعة
المهم انا مش عارف انزل من العربية لاني مش هلاقي مواصلات غيرها
وفي نفس الوقت السواق عمال يلف بينا ومش عارف هيودينا فين
المهم الطريق السريع مشي واحنا لسة مزنوقين جوة قليوب
هنعمل ايه ؟ قلت انزل اتمشى لحد الطريق اوقف عربية
الساعة دخلت على9 ولسة ما ركبتش انا لسة في قليوب كمان
المهم بعد شوية عربية وقفت حاربت مع الناس اللي واقفين وركبت
وصلت رمسيس بعد معاناة والساعة 9.15 حاولت اخد تاكسي مفيش اتوبيس مفيش
وصل مني اليأس لدرجة اني كنت هروح وخلاص
المهم وانا ماشي لقيت ميكروباص ماشي بيحمل الحي السابع
ركبت ولقيته لسه هيحمل قلت له اطلع وانا هكمل لك العربية وافق بس طلع روحي في الطريق كل شوية يقف يحمل
ياعم انا متاخر يقوللي يا بيه العربية فاضية والناس اكيد عندها شغل برده
المهم وصلت الكلية كان فات ساعة ونص على الوقت
وانا داخل بجري قابلني الامن قلتلهم انا جاي والطريق واقف معلشي قالوا ادخل لوكيل الكلية
المهم طلع راجل محترم وقاللي المفروض بعد نص الوقت ما تدخلش بس انا هدخلك ودخلت وامتحنت المادة وجبت جيد جدا فيها
وحرمت بعد كدة اركب ميكروباص وانا رايح الامتحان حتى لو القطار اتاخر برده هيوصل اسرع من الميكروباص

انا فى تانيه تربيه
قسم علم نفس همتحن 10/1 ان شاء الله اول
ماده احصاء

سميرالسيد كتب:موضوع جميل
وربنا يوفق كل اللى بيمتحن
وانا الحمد لله خلصت من زمان
وكل اللى فكرة وكنت بركز علية قبل ماأروح الامتحان اتأكد من
السندوتشات اللى واخدها
واوصى اخواتى يجولى بين الامتحنين فى اليوم الواحد ويجيبو لى البيبسى
وكثيرا ما كنت انسى القلم
تمنياتى لكم بعدم نسى القلم

اعترف بأن ده أجمل وأطرف رد سمعته
وانت دمك زى العسل يا سمير

الموضوع جميل بالنسبه ليه
انا في الفرقه الثالثه كلية حقوق منتسب لتعديل الوظيفه وامتحنت بعض المواد وادعولي بقي في الماده اللي جايه وهي القانون الدستوري
وربنا مع الجميع

نصيحة لكل طالب
من طالب كان دايما متفوق بحمد الله
لازم تحل مالا يقل عن 30 امتحان فى كل مادة قبل دخول الامتحان
سواء كنت طالب فى أى مرحلة تعليمية
قبل الجامعة او بالجامعة

طيب انا اول دفعه الامتحانت بتيجى فى وشنا على طول هجيب امتحانات منين

بسس فعلا لازم امتحانات تتحل دى احسن حاجه بتتعمل بتساعد كتيييييييير

كان نفسى المنتدى دا كان ايام دراستى لكن كل شى نصيب

نصيحة لكل طالب وطالبة عيشو أيام الدراسة بكل حب واخلاص قبل الاصطدام بالواقع

موضوع جميل يانهولة بحييكى علية ويارب يوفقك فى الامتحانات يا رب انتى وكل الطلبة اللى فى امتحانات.

وكان عندى قصة ظريفة هبقى احكىها لكم بعدين

دائما يا ابن خالى رائع

اللهم ارحم شهداء غزة
اللهم وفق طلابنا جميعا

اولا شكرا ليكى ع الموضوع الجميل
انا طالب بالفرقة التانية كلية الهندسة قسم كهرباء باور
عندى الصبح امتحان circuit
ودى مادة تخصص تعتبر اهم مادة عندنا
ادعولى بالتوفيق

الحمد لله اول يوم عدى كويس والامتاحن كان جميل جدا المسائل كلها كانت بالنص من الكتاب وطبعا مش خالية من التريكات بتاعة الدكتور بس الحمد لله
المادة الجاية
يوم الخميس الجاى هندسة ميكانيكية ودى مادة شبة معقدة ربنا يستر
شكرا ليكى ع الموضوع مرة تانية

أظن الإمتحانات خلصت خلاص يا نهوله
وإنشاء الله الجميع موفق بإذن الله

الى كل الأعضاء ( طلاب وطالبات ) المنتدى بالاخص .. أرجو الخروج .
إحنا مستنيين الخروج.....

nahola كتب:

انا خلصت خلاص الحمدلله

لسه مخلصه النهارده والامتحانات كانت حلوه الحمدلله

ربنا معاكى ان شاء الله فى النتيجة وتنجحى بتفوق ان شاء الله علشان تعزمينا عزومة حلوة كدة بس ما تكونش زى عزومة رمضان فاكرة ولا ..........................