الارض بتتكلم عربى طب ليه العربيزى

من طرف الخليفه الإثنين 17 ديسمبر 2007, 10:30 am

[size=16]اكيد كتير مننا طبعا سمعوا عن الناس البتتكلم عربيزي

عربيزي المقصود بيها اللغة اليومين دول بيخلطوا بيها بين بعض الكلمات العربية والانجليزية

بغرض المنظرة زي ما بيعتقدوا ..

طيب ليه بيعتقدوا ان الكلام بكلمات من اللغة الانجليزية او اي لغة تانية مثلا ..

شيء من الاستعراض !!!!!

انا من وجهة نظري ان اللغة دي
( كلمة من الشرق وكلمة من الغرب )

متثبتش ابدا الحداقة .. بالعكس .. دي بتقلل من الشأن

دي حتى اللغة العربية لغة القران الكريم .. ولهجة الرسول عليه الصلاة والسلام ..

والا عشان يعني نعاصر زي ما بيقولوا .. نخرج عن لغتنا !!

لو هو دا اسلوب المعاصرة يبقا اكيد اسلوب خاطئ ..

لما عايزين نعاصرهم بجد يبقا لازم نحاول نثبت وجودنا بعلمنا وعملنا ..

ودا طبعا مش مقصود بيه ابدا اننا منتعلمش لغات مختلفة .. بالعكس دا بيزيد من الثقافة

بس في نفس الوقت منتنازلش عن لغتنا وثقافتنا ..

وحسب اطلاعي واطرائي على الموضوع دا .. بكل اسف اقول ان الموضوع دا انتشر اوي
هي يعني نوع من التعبير عن الذات الفارغ ..

ويبرر مستخدميها بأن التعبير باللغة الأجنبية أسهل

(سبحان الله) طيب ازاي ولغتنا العربية أغنى

لغة من حيث المفردات !!!!

والموضوع دا كمان ممكن يتدخل في علم النفس البيفسر ممكن حالة من النقص ومحتاج يعوضه

بقشور الغرب ولغتهم ..

ياريت اعرف رأيكم في الموضوع دا ..

ولكم مني كل الحب والتحية[/size]

الخليفه