كلمتين وبس

مع أن الكافتيريات أنا شخصيا بأعتبرها شئ مستحدث في قريتنا الا أنها تحظى باهتمام كبير ويتم عليها مقابلات شخصية ومقابلات عمل .. وأنا شخصيا بقيت مدمن الكافتيريا مع العلم إن معظم اللي بيقعدوا عليها ناس محترمين ومتعلمين كبار وصغيرين .

فاحنا كده ممكن نقول ان الكافتيريا بقت زي المصطبة .

مش كده ... ولا إيه

لا طبعا
وخلي بالك من كلامك علشن احنا كده ممكن نعملك استبعاد من كلام مصاطب

ده انت قاعد لي بقى .. مساء الفل
بس أنا عن نفسي شايف إن رواد الكافتيريا أكتر بكتير
مع اختلاف وظيفة الكافتيريا عن وظيفة المصطبة طبعا .

وعلى فكرة إيمانا مني بديمقراطية المنتدى فأنا لي الحق في الرأي والنقاش

ولن أبكي على استبعادي ان استبعدت لا قدر الله مقابل قول الرأي بصراحة تامة

الموضوع كويس
بس المشكله انك بتجمع الكافيتريات كلها
مع انك سيد مين يعرف ان في كافتريات في دملو مينفعش يتقعد عليها خالص
انا عن نفسي بقعد كتير جدا علي كافتريات مره اومرتين في البلد بس علي الجسر
والباقي في بنها علي سهرايه وعلوان علشان في بنها فعلا الفاعده نظيفه وكله في حاله مبتسمعش قله ادب من شويه عيال قاعدين يلعبوا ويعلوا صوتهم ولا تلاقي اتنين قاعدين يلفوا بانجو ولا كل شويه البكس يجي يزورك
ده راي يا ريت لو فيه غلط ترد عليا
انما المصطبه انتا قاعد قدام بيتك اوبيت زميلك

فعلا هو رأي قريب جدا إلى الصواب بس ده ميمنعش إنك بتقعد ع الكافتيريا سواء كانت في البلد أو في بنها وبعدين اللي خلي البوكس يجيلك على كافتريا البلد وميجيش على كافتيريا بنها فهو لنفس السبب ممكن يخدك من على مصطبتك ( ده طبعا مبدأ الديمقراطية اللي انت عارفه ) يا مواطن .

مش كده ولا إيه ..... ؟ !!

Ana Oayed Abo Dina fi haza elmawdoo3
ana wa7ed men elnas lamma anzel agaza
mesh la2y mastaba a3od 3aleeha zay zaman
we tab3an elbadeel
baroo7 elkafeteria

المصطبة عددها محدود للصفوة فقط الكافتيريا لأ
المصطبة اقليمية الا فيما ندر يعنى لها اولادها وبس الكافتيريا لأ
ويمكن يكون فيه مصطبة دولية زى مصطبة شريف لها رواد كتير وفيها مواطنين ومحترفين
على المصطبة صعب جدا تسمع لفظ سافل الكافتيريا لأ
المصطبة داخل الكتلة السكنية وذلك يعطيها خصوصية الكافتيريا لأ
المصطبة ممكن يقعد عليها حريم الكافتيريا لأ
ونكمل بعدين
بس ردوا

المصطبه نعم الكافتريا لا
ده التصويت
والنتيجه النهائيه المصطبه 99,999
اللي مش عاجبه يخبط.............

أولا : أشكر المهندس ابراهيم على تأييده لرأيي .
ثانيا : يا بشمهندس حاتم دلوقتي ممكن تسمع ع المصطبة ما لذ وطاب زيها زي الكافتيريا .
والمصطبة ممكن يكون روادها ناس كويسين أو وحشين كذلك الكافتيريا 90 % من روادها محترمين .
ثالثا : كون الكافتيريا حارج الرقعة السكنية فدي ميزة مش عيب ، أما اللي بيحب يقعد ع المصطبة المعظم مش الكل ما بيفكرش غير في اللي راحة واللي جاية واللي واقفة ع الطابونة .

والمصطبة زي ما بيتقال عليها كلام كويس ونقاش حر زي ما بتقوله هي برضه اللي علمت واحد يقول في النقاش " اللي مش عاجبه يخبط ......... "

مش كده ولا إيه ؟؟؟؟؟؟؟؟؟؟؟!!!!!!!!!!!!

ثقتلى فى احمد حمودة مطلقة
ولما قال اللى مش عاجبة
دا لفظ مقتبس من الكافتيريا
وانا ما بهاجمش الكافتيريا او بقلل من شأنها الا انها لازم تكون بديل وليس الاساس
والالفاظ اللى بتخرج نابية من على المصاطب اعتقد ان المصاطب دى مش مصنفة
ولا تدخل المنافسه اصلا
يا راجل الواحد بيكون قاعد على المصطبة وييجى يقول كلمة خارجة يقعد يتلفت حواليه وبعدين يلم الجماعة ويتكلم بصوت واطى جدا
والكلام الخارج بتاعنا مش نميمة ولا غيبة وانما نكت ..............

مهما كان اللفظ نابع من المصطبة أو من الكافتيريا فهو اتقال في المنتدى .
وكون الكافتيريا بديل الكل يعترف بكده بس الخوف انها تحل محل المصطبة في يوم من الأيام .

بس برضه النسبة مش 99.999 زي ما أحمد حمودة قال لإنك لو عملت استفتاء في الوقت الحالي أراهن إن النسبة دي هتبقى لمصلحة الكافتيريا للأسف .

وده وضع قائم مالناش احنا اننا ندخل فيه .

مش كده ولا إيه ؟؟؟؟!!!!!