مبدعة من دملو

من طرف **abu rabia** السبت 22 مارس 2008, 11:43 am

هي نماذج من ابداعات
واحدة من مبدعات دملو الكثيرات
واللائي لا نعرفهن
فلتكن هذه نافذه لعرض ابداعهن
وهي مجرد بداية
فهل من مزيد ؟؟؟

من طرف **أبو اياد** السبت 22 مارس 2008, 2:38 pm

اشياء جميله وابداع جميل
وشكرا لك ياباشمهندس
ونرجوا المزيد

من طرف **omar20hatem** السبت 22 مارس 2008, 3:30 pm

بسم الله ماشاء الله
اللهم زد وبارك
وتحيا دملو

من طرف **mezo2010** السبت 22 مارس 2008, 11:31 pm

والله كويس
ممكن نعمل مشروع للانتاج المحالى لهذه الاشياء
اه رايكم

من طرف **barbie girl** الخميس 27 مارس 2008, 3:05 pm

فكرة جميلة جدا
انا بحيها جدا هذة البنت المبدعة و ربنا يحفظفا
و من الله التوفيق

من طرف **sondos** الخميس 27 مارس 2008, 3:52 pm

ما شــــــــــاء الله ...

جميلة بالفعل

..

من طرف folladona الخميس 27 مارس 2008, 10:57 pm

تمام جميل قوى
بس اكيد حد قريب منك قوى
ياريت نعرف مين

من طرف htmhm الجمعة 28 مارس 2008, 1:34 am

اى حد يمت للبشمهندس ابوربيع باى صلة لابد ان يكون مبدع ومش اى مبدع لا مبدع بتقدير امتياز

هذا الشبل من ذاك الاسد

من طرف **abu rabia** الثلاثاء 01 أبريل 2008, 5:00 pm

طبعا أشكر لكم الردود الرقيقة
وخاصة المهندس حسن طارق

بس والله البنت دي لا قريبتي ولا حاجة
والحاجات دي كمان موجودة قدام عيون الناس
كلها بس انتم مش شايفين علشان مش بتدوروا

أنا واثق إن فيه من نوعية البنت دي كتير قوي

بالمناسبة أنا عمال اقول البنت البنت
أنا آسف أقصد الفنانة المبدعة دي

من طرف **abu rabia** الثلاثاء 01 أبريل 2008, 5:06 pm

وردا علي العضوة العزيزة folldona

الفنانة دي فعلا كانت زميلة لي في الدراسة
حتي المرحلة الثانوية لكن بجد والله ما كنت أعرف
إنها بتعمل الحاجات الحلوة دي وفعلا هناك اتجاه
لعمل معرض متكامل لمثل هذا الانتاج لفتيات القرية

بس اللي يعرف حد يوصلنا ليه وأنا هاقوم بالباقي

يا ريت تساعدونا في الموضوع ده

من طرف **mezo2010** الثلاثاء 01 أبريل 2008, 5:10 pm

ماااااااااااااااااشي يا هندسه
انا ممكن اشرك في المعرض بعمل الحلويات
بس مش كتير طبعا وانت اول واحد ذاق وعارف
طعمها اه

من طرف **cabo** الثلاثاء 01 أبريل 2008, 11:01 pm

مش اد كدة
لان فية افضل من كدة
ودى قطع ممكن تتباع ب2 او 3جنية
فية افضل وانتو عرفين
متقولوش ورينا

من طرف **abu rabia** الأربعاء 02 أبريل 2008, 3:35 pm

نشكر العضو العزيز كابو علي
رأيه وفعلا فيه حاجات أفضل
بس فعلا يا ريت نشوفها

أما سبب إعجابي الشخصي
بانتاج هذه المبدعة هو أنها
تعمل بأقل الامكانيات والتكاليف

والابداع مش في الناحية الفنية
وبس لكن في تطويع الظروف
ومحاولة العمل بأقل مساعدات ممكنة

تخيل مثلا لو محمود سعيد بيرسم
بورتريه لوجه شخص ومحمد ربيع
بيرسم بورتريه لنفس الشخص
طبعا محمود سعيد هيبقي رسمه
أفضل بس كل الناس هتعجب
بالبورتريه بتاع محمد ربيع
لأنه مش متخصص ومش عنده نفس
موهبة وامكانيات محمود سعيد ورغم
كده حاول وانتج
وهو ده نفس الوضع مع المبدعة بتاعتنا
عايزين نشجعها ه واللي زيها

مين محمود سعيد
ومين محمد ربيع

من طرف **abu rabia** الأربعاء 02 أبريل 2008, 5:14 pm

الاسماء دي افتراضية يا محمود باشا

وبعدين بس انت ايه اللي ذنقك وسط
المبدعين والناس دي ؟ خليك جنب الحيط
أحسن ؟
بقي يا شيخنا مش عارف محمود سعيد ؟
محمود سعيد ؟
حد ما يعرفش محمود سعيد ؟

أكيد يعني محمود سعيد ده حاجة كبيرة
شوف بقي انت مين محمود سعيد

( بس لما تعرف يا ريت تبقي تقولي الله يسترك )

من طرف **مختار الدلش** الخميس 03 أبريل 2008, 9:15 pm

تحيا جمهورية دملو العظمى
اشكرك بالفعل للمرة المليون يابشمهندس
لانك دائما تمدنا بالابداع المثمر دائما

من طرف **سميرالسيد** الخميس 03 أبريل 2008, 10:04 pm

جميلة
وتحياتى لها ولفنها
وشىء جميل انها تحط لمسة جمال فى منزلها سواء هى اللى صنعاة او حتى شرياة
المهم اللمسة الجمالية
حلوة

من طرف **hany_atc** الجمعة 04 أبريل 2008, 12:50 am

cabo كتب:مش اد كدة
لان فية افضل من كدة
ودى قطع ممكن تتباع ب2 او 3جنية
فية افضل وانتو عرفين
متقولوش ورينا

الاخ كابو انت عارف قطعة الاثار اللى قد الكف بتتباع بمليارات ليه ؟ رغم ان العمارة اللى قدها مليون مرة تمنها مايجبش عشر تمن قطعة الاثار دى ؟
انا بقول التشبية ده لانى عايز اوصلكم انى شايف ان مش بس القطعة اللى قدامك ديه شكلها وخامتها اللى يحكم عليها بقيمتها ، فقيمة الشئ ليست ذاته وانما قيمة الشئ وجودة بالرغم من كل الاشياء التى حالت ومانعت واعترضت وجودة ، والاخت اللى عملت الاشياء دى لولاها ما وجدت هذه الاشياء من الاساس ، فللصانعه كل التقدير على صناعتها ، ومجهودها وابداعها فى صنع الشئ ده هو اللى يحدد قيمته ، مش اى حاجة تانية.
لكن انا شايف ان ردك ده كان ممكن يكون مناسب جدا لو احنا بنقيم مصنع بينتج ومقصر بعض الشئ - مثلا انه يشترى خامات اقل فى الجودة لانها اقل فى السعر ، او لا يستخدم الطرق العلمية الحديثة فى صناعته - و هنا هايبقى هدفنا من ماشاركتك اننا بنحاول ننتقد للتحسين ، لكن فى الموضع اللى احنا فيه الانتقاد لو كان حاد بالطريقة دى هايؤدى الى التحطيم و بالبلدى هانبقى _بنكسر مقادفها _
اللى هى محتاجاه مننا دالوقتى اننا نشجعها ونقول كلمة طيبة ترفع من روحها المعنوية ، وان شاء الله فى المستقبل هايبقى فى تحسين للمنتج والحاجات كلها هاتعجبك.
انا عارف ان الرد ممكن يكون فلسفى بعض الشئ ، ولكن ارجوك يا اخى كابو ان تتقبله منى .

من طرف **abu rabia** السبت 05 أبريل 2008, 8:50 pm

أشكر لك ردك واسلوبك الراقي يا
أخ هاني فهذا بالفعل هو الهدف

من طرف **hany_atc** السبت 05 أبريل 2008, 10:24 pm

abu rabi3 كتب:أشكر لك ردك واسلوبك الراقي يا
أخ هاني فهذا بالفعل هو الهدف

انت كده بتحرجنى

من طرف **abu rabia** الثلاثاء 08 أبريل 2008, 7:54 pm

تاني يا جماعة بنقول اللي يعرف
حد بيشتغل حاجات زي دي
يا ريت يقولنا عليه يمكن نحاول
نساعده ونديله فرصة يبرز بيها مواهبه

من طرف **abu rabia** الثلاثاء 08 أبريل 2008, 7:56 pm

وكمان مستعدين نشتري انتاجه
او انتاجها ونبقي فتحنا باب رزق
لشاب او شابه من بلدنا
حتي لو كانت ست بيت ومش
عايزة حد يعرف مثلا انها بتشتغل
الحاجات دي مش مشكلة انا المسؤول عن
سرية الموضوع بس نحاول نساعد بعض

من طرف **سميرالسيد** الثلاثاء 08 أبريل 2008, 10:11 pm

صلى على النبى
خليها تعمل اى عمل وتعرضة فى المنتدى
ونقوم بعمل (مزاد علية)
اية رايك؟؟؟؟

من طرف **mezo2010** الثلاثاء 08 أبريل 2008, 10:26 pm

عليه الصلاه والسلام

من طرف **abu rabia** الأربعاء 09 أبريل 2008, 3:22 pm

عليه الصلاة والسلام
ماشي يا عم سمير بس الناس
مش راضية تساعدنا تدور علي ناس
من النوعية دي وانا متأكد إن فيه
كتير جدا من بنات بلدنا بيشتغلوا
الحاجات الجميلة دي وانا دخلت بيوت كتير
جدا في البلد فيها حاجات جميلة فعلا
مش عارف الناس مش عايز تساعد
ليه في الموضوع ده مع اني شايف انه
هيبقي نقلة جامدة جدا لدور المنتدي مع الناس

يا جماعة اللي يعرف حد يقولنا بس عليه
حتي لو علي الخاص ساعدونا الله يساعدكم

من طرف **mezo2010** الأربعاء 09 أبريل 2008, 6:16 pm

الفكره حلوة مش عارف ليه الناس مكسوفه

مبدعة من دملو

مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو

رد: مبدعة من دملو