خطه العام القادم

من طرف الخليفه الجمعة 28 ديسمبر 2007, 12:36 am

السلام عليكم
يا تري حققت ايه ا لعام الماضي
يا تري عايز احقق ايه العام المقبل
الحديث النبيوي الشريف يقول اعمل لاخرتك كانك تموت غداً واعمل لدنياك كانك تحيا ابدا
اذن
لابد ان يجلس كل منا مع نفسه ..و يحاسبها
ماذا قدمت العام الماضي
ماذا كسبت وماذا خسرت
ما هي اخطائي
يا تري قصرت في ايه ؟
يا تري كان مفروض احقق ايه وما حققتوش..وليه ؟
يا تري انا راضي عن نفسي كده ..ولا هناك افضل وهناك المزيد
ماذا تعلمت هذا العام ..الدروس التي لا انساها ابداً
و التي لا اريدها ان تتكرر في حياتي
ما هي نقاط ضعفي ؟
ثم بعد ذلك
ما هي خطتي للعام القادم
انا عايز احقق ايه
1 - 2- 3.......
اهداف واقعيه بلا مبالغه
وكلما اقترنت بالارقام كلما كانت و اقعيه اكثر
عايز اتعلم ايه واحقق ايه وانجز ايه؟
ايه هي امنياتي للعام القادم واحلامي ويا تري هاقدر احققها
وايه الموانع ؟
الهدف من الموضوع هو ان يجلس كل منا مع نفسه ويحاسبها ثم يحدد هوه عايز ايه
ورايح فين
انا بداءت هذا الموضوع منذ فتره ..كل ربع سنه اي 3 اشهر اجلس واسال نفسي انا حققت ايه و كده ؟
واعرف ...هوه فيه ايه بالظبط انا قصرت في ايه ..يا تري العيب فيه ولا في ظروف حصلت ولا في ايه بالظبط
كل واحد مع نفسه بقي ...لا يحتاج سوي ورقه وقلم ..لابد من ورقه وقلم بعيدا عن شاشه الكمبيوتر
والماسنجر...واغراءات الجيم ...ومتعه الافلام الجديده
ورقه وقلم ..انا عن نفسي هاسميها ..خطه العام القادم
خطه سنويه كامله
اوسنويه مقسمه الي قمسين او اربع اقسام .كل حسب اختياره
اي رايكم كل واحد يعمل الفكره دي
ونيجي بعد عام ربنا يدينا ويديكم طوله العمر
ونقول يا تري كانت فكره مفيده ولا لا .....
يا تري حققنا شيء مفيد... ولا ...
يالا محدش يكسل لسه اسبوع تقريبا علي نهايه العام الميلادي الحالي
بجد الموضوع ده بيفرق كتير...
لانه ببساطه احنا ممكن نقعد سنين نتكلم مع ناس هنا وهناك واصدقاء ومعارف وزملاء الخ
لكن لا نعطي انفسنا الفرصه لنتحدث ...مع ..انفسنا

كل عام وانتم بخير