بتحب مين اكتر ؟ مراتك ؟ ولا....شغلك ؟

بتحب مين أكتر...مراتك ولا شغلك

تتهم كل نساء العالم الرجال بأنهم بيحبوا شغلهم اكتر ما بيحبوهم كزوجات أو كخطيبات
وأنا بالنيابة عنى أعترف بأن هذا صحيح..........صحيح
ولي أسبابي ومبرراتي التي أرجو منكم التفكير فيها بعين العقل:

أولا: الشغل بيصرف عليا.......بس أنا اللي بصرف عليها !!!
ثانيا: في الشغل ممكن تزعق براحتك و زعيقك يجيب نتيجة...
لكن مع مراتك صعب انك تزعق براحتك ومهما زعقت مش هييجى بنتيجة
ثالثا: في الشغل من حقك تاخد أجازه...عندك عارضه، و اعتيادي ، ومرضى
دا غير يوم الجمعة....والعطلات الرسمية
بصراحة الشغل خفيف ع القلب
إنما مع مراتك...مش ممكن تاخد أجازه ..... لك أجازه واحده فقط......و طويلة جداً
رابعا: في الشغل ممكن تترقى و تاخد منصب بيه ، وباشا كمان ويبقى لك مكتب لوحدك
و فراش ، و سكرتارية ، والكل يضرب لك تعظيم سلام
في البيت هاتعيش زوج وتموت زوج
واللقب الوحيد اللي ممكن تاخده لما تنادى عليك مراتك وتقولك....يابو العيال ، أويا حاج
ولما تعجز ، وتسلم النمر ، تقولك............ .يا بركه
خامسا: الشغل لو زهقت منه ممكن تسيبه بدون مشاكل، وبسهوله
إنما مع مراتك......لو روحك طلعت لازم تفكر مليون مره.....في المحاكم والمؤخر و النفقة....والعيال وتلاقى نفسك في الآخر بتقول.....أنا اللي أستاهل كل اللي يجرى لي
، الغالي بعته رخيص ، ولا أحسبوووووش غاااااالى ( العزوبية) طبعا.

سادسا: في الشغل ، لو سبته أو سويت معاشك ، أو بلغت سن المعاش بتاخد مكافأة كبيره....ومعاش...وحفله تكريم
أما مراتك لو سبتها قبل ما تموت...أنت اللي هاتدفع مكافأة ومؤخر ونفقه ، وشقه كمان
و تتحبس لو مادفعتش..........
سابعا: في الشغل....متأمن عليك عشان لو حصل لك حاجه.......
ولو حصل لك حاجه.....مراتك هي اللي هاتقبض التأمين

في النهاية....بتحب مين أكتر...مراتك ولا شغلك..

الإجابة.. مراتي طبعا !!!!!!

يا استاذ احمد مع انك اعزب ولسه مجربتش الحياه الزوجيه فأنت تحكم من الخارج ارجو منك ان تخوض التجربه وتسأل نفسك السؤال ده
وانا عن نفسى اعزب ولما يحصل نصيب واتزوج هرد على اجابه هذا السؤال

ارجو من المتزوجين الرد على هذا السؤال
بس انا واثق انهم هيقولو زوجاتهم اهم
لانهم خير واشرف من اى اغراءات

تحياتى الخليفه

هو احنا شغالين لية؟؟؟
مش عشانهاو عشان العيش والعيشة والعيشنها

بس اهدي انتا زهقان ليه ربنا معاك يا ابو فاطمه

الزوجة اما ان تكون نعمه فتحمد ربنا عليها او نقمه فتصتبر وتحتسب عند الله اما العمل فلا خلاف عله