القول الفصل ,, فى السيـــــــــــــــــــــــاسة

رأيت أن أقترح على جميع الاعضاء؟
عدم التحدث فى السياسة(للبلد)ونكتفى بسياستنا (الداخلية )الخاصة بالقرية
لان منا من هو مثقف وضليع ويستطيع أن يتحدث ولايؤخذ علية خطأ واحد.
ومنا من هو ذو ثقافة بسيطة ممكن يغلط فى الكلام (حتى ولو صح)
وبذلك ممكن يدخل نفسة فى متاهات.وسجن .وحكم
لذلك اتمنى من الاخوة (قفل اى باب يؤدى الى) التدخل فى شئون الدولة
لأسبـــــــــــــــــــــــاب منها...
أن ناس تحدثو أكثر مما يمكن ان نتحدث نحن فية (ولم يغيرو شىء)
أذا علينا بالدعاء ان يصلح الله شأن بلادنا وان يوفق الله أولى الامرالى مافية صلاح لنا
وأنا عن نفسى (علقت )كل ردودى عن السياسة
ليس خوفا من أحد ولكن لتجنب ما قد يقع فية (أحد منا)
والله الموفق.

شكرا للتوضيح يابو فاطمه
انا متفق معاك في الرئي
وقولتها قبل كده بلاش نجيب سيرت حد
فاهمني طبعا


تحياتي

انا من رايي لازم نتكلم ونقول وننقد لان السكوت بيؤدي في النهاية لاشياء اسوا من السجون والمحاكم واللي ببتكلم عنه يا سمير
وبعدين احنا بنتكلم عن بلدنا مش بلد غريبة
ومش لازم يكون الكلام نقد وبس
ممكن نذكر اشياء موجودة كويسة
ولا انتم من رايكم ان مفيش اشياء كويسة نتكلم عنها
انا على العموم مفيش شيء هيسكتني الا اني انتقل الى رحمة الله
وبعدين اذا كان الرسول صلى الله عليه وسلم قال " من لم يهتم بامر المسلمين فليس منهم "
وعلينا ان نوجه ونرشد وننقد حتى نعلم ما ينفعنا وما يضرنا
وللجميع جزيل الشكر

طبعا انا لازم اعلق على الموضوع باعتبار ان حق الرد مكفول
وبعدين انا قلت نتكلم وننقد ونحاول نصلح وبلاش سكوت
وبعدين بدل ما نعلم الناس الجبن - ولا مؤاخذة - نعلمهم ازاي يتناقشوا ويتقبلوا الراي الاخر
وبعدين اللي عاوز يتكلم في السياسة مش هتفرق معاه يتكلم هنا او برة او تحت الجميزة او حتى على راس الغيط
الناس من زمان كانت بتتكلم في السياسة
واذا كنا هنخاف فبلاش نتكلم خالص لا هنا ولا تحت الجميزة
وبعدين انا ما قلتش نعمل حاجة غلط البرامج كلها حتى القنوات الارضية بتتكلم وتنقد في الحكومة والسياسة
وبعدين انا هنا بعبر عن رايي بس وما الزمتش اي حد ياخد بيه مجرد راي من 75 مليون راي
المهم اننا نتكلم وننقد بس بادب واحترام ونعرف ازاي نتناقش وازاي نتقبل الراي والراي الاخر
وتحياتي للجميع ولك يا ريس

كلمة بسيطة للشاعر.(بدون جدل)
لو أنت جالس وبتتكلم فى السياسة مع ناس. ومعك اخوك الذى يصغرك سنآ وعلمآ(مثلا)
ثم أضطررت ان تقوم وتترك أخوك اليس من واجبك ان تقول لة..
لا تتحدث فى شىء حتى لاتضر نفسك..؟؟؟
هذا بأختصار ما نريد قولة
انت مثقف وتستطيع اللعب بالالفاظ دون ان يؤخذ عليك شىء
لكن هناك من هو متهور وصغير وذو ثقافة بسيطة(هم احبائنا)ممكن يوقعو نفسهم فى مشاكل كبيرة
ونكون انا وانت السبب...اتريد تحمل هذا(الذنب)؟؟؟؟
فكر واقنع نفسك
ولكل مقام مقال

يعني المفروض نسكت يا سمير ولا نتكلم ونعرفهم الصح ايه ؟
واذاكنا مش هنتكلم ممكن يسمعوا من حد تاني وتكون المصيبة اكبر علشان كدة
انا بقول نتكلم ولو مش عاوزين حد يعلق نقفل الموضوع على كدة
وعلى العموم مش هنختلف احنا لنا حق الاشراف في المنتدى علشان كدة اللي يخرج عن الاصول نقدر نوقفه
عند حده بس ما نقولش نسكت خالص
وعلى العموم انا مش هفرض رايي على حد ودا اللي عاوزين نوصللوا
وبمناسبة اخويا الصغير مش هيفضل صغير لازم هييجي يوم ويكبر ولو اتعود يسكت من وهو صغير هيفضل ساكت على طول
انا مش بقول اننا ننقد عالفاضي والمليان بس لما نحب نتكلم من حقنا نتكلم عن بلدنا بالخير والشر
اللي احنا شايفينه
وتحياتي للجميع

ان شاء الله واعانني الله واعانكم على نشر ثقافة الحوار
وانا سعيد جدا بهذا الحوار السابق
لان احدا من المتحاورين لم يفرض رايه على الاخر
وفي النهاية الاختلاف في الراي لا يفسد للود قضية
ونبقى ابناء قرية واحدة تجمعنا منفعة هذه القرية وصالحها وصالح بلدنا مصر الحبيبة