الزملكاوية

الزملكاوية كتروا قوى فى المنتدى
وانا خايف ان المنتدى بالطريقة دى
هيأخذ المركز الثانى

ههههههههههههههههه
ان شاء الله يا باشمهندس
المصيبة لا يبقى الرابع

مش مهم المركز المهم انك بتتفرج علي ناس بتلعب كوره نظيفه
معروف ان الزمالك انظف فريق في مصر والدليل لون الفانله

أنا معاك يا محمد أفندي ...بس اللون الأبيض دليل علي الطيبة
والطيب في الزمان ده بيقولوا عليه ...........

وما تقلقش يا حاتم من كتر الزمالكاوية في المنتدي
لأن ده معناه أن المنتدي بقي مدرسة ...
وسيبك بقي من المراكز...المهم التمثيل المشرف

التمثيل آه
الكلمة دي بتوتر اعصابي
انا احب الزمالك حتى لو بقى في الدرجة التانية
وعلى العموم احنا بنشجع النادي مش اللاعبين

انتم نسيتم المقولة الشهيرة الزمالك راجع راجع راجع احترس
من 3سنين وهم يقولوا الزمالك راجع وشكله راجع بس مش للمنافسة لكن راجع للخلف
وبعدين شكل الفنلة حلو مش علشان هى بيضاء لكن علشان الون الاحمر الموجود فيها
الله يكون فى عون الزمالكوية ويعنهم
وشكرا

قلوبنا بيضاء............والأبيض هو لون الخير...
وفانلتنا بيضا... وما اللون الأحمر فيها الا للتذكره بالجانب الآخر من الحياه
فالحياه خير وشر
فالأحمر هو اللون الذى نعتبره شعار للشيطان

هل تستطيع ان تعيش بدون الدم ؟جاوب لاتنسى ان الدم لونه احمر

احسن حاجة فى الزمالكوية انهم وهما مغلوبين بيتكلموا
احنا لو منكم واللة كنا بطلنا نشجع كورة من زمان
وبعدين ازاى الفار يعمل راسة براس الفيل

يا شيخ محمود:
هل يصبح للدم فائدة إذا لم يكن به كرات الدم البيضاااااااااااااااااااء ؟؟؟؟؟ !!!!!!!!!!!
جاوب.......!!

ياكابتن على
احنا عمرنا ما هانبطل نشجع فرقتنا
لأن عندنا أصل وانتماء
ومش بتوع شعارات ولا بنقول احنا نادى المبادئ والقيم وبعدين نروح نزور توقيع لاعب........... ونشترى لعيبة علشان نخطفها من الفرق التانية
ولابنقول احنا أحسن جمهور فى مصر وبعدين نضرب لاعيبة الفريق اللى خد مننا الكاس

( والله مش صعبان عليا غير الجماهير الغلبانة اللى متعلقة باحبال الهوا الديبا قصدى (شيكابالا وعمرو زكى

انتا عملركوا ما هتكونوا زينا يا علي
انتا نسيت ان الزمالك فريق الصفوه ولا ايه
معلش يا علي انا نسيت اباركلك علي الكاس لا مش الافريقي انا قصدي الكاس التاني بتاع البترول فاكره

واحد أهلاوى مش عاجبه
الفنان/ شيكابالا ولا البلدوزر/ عمرو زكى
ههههههههههههههههههههههههههههههههههههههههه
فعلا جمهور الاهلى بيفهم كوره.......هههههههههههههههههه

هم مهارات وموهبة من عند ربنا
بس متزعلش منى
مفيش اخلاق
واحد بتاع جزم
والتانى بيضرب مدربة ويشتم زميلة
وكل يومين
يقول عندى عرض بمش عارف كم مليون كدة
والتانى اللى عاوزين تساوة بالنجم تريكة
مع ان اكبر انجاز لية ان احرز هدف فى الاهلى
وطبعا المهارة من غير اخلاق تساوى صفر
وعندك مثال ابراهيم سعيد

وحياتك يا اخي متتكلموا علي الاخلاق وعلي الروح الرياضيه
والله مش لايقه عليكوا خالص

لا ازاي يا احمد باشا دا نادي المبادئ والاخلاق
انت نسيت
خطفوا اسلام الشاطر من الزمالك بردوا نادي المبادئ
خطفوا احمد صديق من المقاولين بعد ما مضى لهم بردوا نادي المبادئ
خطفوا احمد جلال من الاسماعيلي بعد ما مضى لهم واتوقف سنة بردوا نادي المبادئ
خليك صاحي يا عم احمد انت بتتكلم على نادي المبادئ اللي جمهوره الوحيد اللي اعتدى على النادي اللي اخد الكاس منهم
دا الصفاقسي السنة اللي فاتت ما عملهاش
ولا كانون ياوندي يا اخي لما الزمالك خد الكاس هناك ما عملوهاش
صحيح نادي المبادئ والاخلاق
وشكرا

قولى يا عم حسن لو انت مكان شيكابالا وجمهور الاهلى شتمك وقال لك يابن ال ............ ويا اسود ويا عبد و يا بواب ( شتايم عنصرية ) كنت هاتعمل ايه ؟؟؟؟؟؟؟؟؟؟؟؟
على فكرة موضوع الشتايم ده اللى قاللى عليه واحد اهلاوى كان فى الاستاد فى الماتش ده.
اى حد فى مكان شيكا كان لازم يعمل زى ماهو عمل , ده لو عنده كرامة
وفى الآخر عاقبوه هو وما عاقبوش الجماهير


لأ لأ لأ ...........انا آسف ....... سامحونى ياجماعة
ما اخدتش بالى انى با اتكلم عن جمهور الاهلى اعظم جمهور فى الكون.......... جمهور نادى المبادئ والقيم
استغفر الله العظيم , يارب سامحنى

احب اوضح اننا مش بنخطف اللاعيبة هم اللى بيتكالبوا على ارتداء الفانلة الحمراء
اما شيكا بالا احب اوضح ان تريكة بيتشم من جمهور الزمالك عمال على بطال وفى كل مطش ومعملش زى الفنااااااااااااااااان شيكا
بس كل اللى بيعملة بيرفع ايدة ويصفق للجماهير البيضاء

احب اوضح حاجه
انا كنت رحت الاستاد في متش الزمالك والاهلي الاخير
وواللهخ ده حصل
اول ما عصام الحضري نزل الملعب شجعناه ونادينا عليه هو واوسه والراجل فعلا حيانا
وبعد كده نفس الكلام ده حصل مع ابو تريكه ولكن بحراره اكتر
الوحيد اللي الجمهور مسالش فيه هو اينو وقلنا ليه(خلي الاهلي ينفعك)
وبعدين الماتش بدء وحتي انتهاء الشوط الاول مافيش اي مشكله
في الشوط التاني بدءجمهور الاهلي يقل ادبه
ازاي
جمهور الزمالك كان بيشجع شيكا بالا بيقولوا شي شي شيكابالا هات جون وتعالا

فجمهور الاهلي المحترم رد شي شي شيكابالا اغسل.........وتعالا
اظن كده يا جماعه الموضوع وضح
واستمروا طول الشوط بالطريقه دي
والله العظيم انا عندي كلام كتير حصل يدل ان دائما الزمالك هو المجني عليه
علي فكره انا كنت في الدرجه الاولي بجوار دخول وخروج الاعبين
ومحصلش اي حاجه من اننا شتمنا ابو تريكه وهو رفع ايدو وشقف
الوحيد اللي اتشتم بعد الماتش ما خلص هو احمد السيد وشوبير

واحنا برده حمدنا الله انك اهلاوي
الحمد الله اللهم دمها نعمه وخلينا دايما الصفوه في مجتمع اختلط به الحابل بالنابل
بس بجد يا علي انتا بتكون مقتنع بالاهلي وهو بيلعب
سيبك من المكسب والخساره

مشكلتكم انكم بتصدقوا نفسكم بس يعنى النقاش معاكم مش مفيد
قال رسول اللة صلى اللة علية وسلم "أنا كفيل ببيت فى وسط الجنة لمن ترك المراء وهو محقا"
صدق رسول اللة صلى اللة علية وسلم

صدق رسول الله صلي الله عليه وسلم
هل من متعظ يا علي

كفاكم حديث عن الزمالك والزملكوية
هم لو بذلو نص المجهود اللى اتكلمنا بية كانو خدو عشرين بطولة
انما لاحياة لمن تنادى

يا عم انتوا مالكوا
احنا بنحبش البطولات عندنا حساسيه من كترتها
مش كده ولا ايه يا شاعر