صدقيني

من طرف **mohammed** السبت 05 يناير 2008, 10:30 am

صدقيني آه بحبك

صدقيني اخترت قلبك

بس قلبي لما حبك

حس ليه طعم الندم

صاح وقال صرخة الم

حس بيكي مال اليكي

خاف من الايام عليكي

واما شفت الفرحة جايه

قلت ياخدوا نور عينيا

قلت تاخد هي قلبي

ولا انحرم مالفرحة ديا

اصل قلبي لما حبك

حس بيكي مال اليكي

خاف من الايام عليكي

خاف يدوق معنى الحنان

خاف يشوف ايام زمان

والليالي الحلوة ترجع

ويحس فيها بالامان

وتضيعي من ايديا تاني

دا الحب مخلوق اناني

عمره ما حقق اماني

حتى كلام الاغاني

لو اجمعه ما يوفي حقك

اصل قلبي لما حبك

حس بيكي مال اليكي

خاف من الايام عليكي

من طرف **فارس** السبت 05 يناير 2008, 6:28 pm

دي حاجة جميلة جدا ..جدا
واحساسك فيها عالي قوي

بس أنا رأي إن مش كل واحد يكتب أغنية يبقي شاعر
الشعر لازم تبقي كلماته عميقة ولها أبعاد مختلفة
ويا ريت تحاول تقرأ الشعر القديم ..لأنك موهموب بجد

من طرف **سميرالسيد** السبت 05 يناير 2008, 6:32 pm

حدد هو موهوب والا مش شاعر؟هههههه
بس ملحوظة
فية شعر ممكن منفهمش منة شىء(نحن العامية) رغم ان معانية قوية.
فخلى الراجل يكتبلنا متحرمناش

من طرف **mohammed** الأحد 06 يناير 2008, 9:03 am

احترامي للاستاذ فارس وارجو ان تقرا ما كتبت
وانا منتظر تعليقاتك الجادة والمتميزة
حبيبي الاستاذ سمير تحياتي لك وارجو المزيد من التعليقات الجادة
تحياتي للجميع

صدقيني

صدقيني

رد: صدقيني

رد: صدقيني

رد: صدقيني