مشروعين تمام

معلشى انا عندى فكرتين حلوين
وقولت اكتبهم هنا
وهى على نمط مشروع الاستاذ سمير
واتمنى ان اسمع رايكم اية
بسم الله الرحمن الرحيم
نظرا لاننا نكتب هذة المشاريع للأستفادة منها (سواء الان او بعد ذلك)
سواء نحن ام انسان أخر من مكان أخر (دخل المنتدى)عضو او زائر
فقررت ان اكتب مشروعين مع بعض (لانهما مرتبطان)
وحتى لا أكون منعت فكرة ممكن ان يستفاد منها اى شخص او اى مجموعة
علما بان جميع المشاريع خيرية(المكسب هو رضا الله)
اولا مشروع أوكازيون(الادوات المدرسية)
ويتم مرة فى بداية العام الدراسى (فقط)حتى يتسنى للمكاتب البيع طوال العام
الفكرة هى
جمع مبلغ من المال وليكن5ألف جنية
تجمع من(متبرعين)على سبيل السلف لاالماعونة لمدة شهر واحد..ثم ترد اليهم.
وأن لا يقل المبلغ عن 500جنية(عشان ننجز)
ونقوم بشراء جميع انواع الاحتيجات المدرسية.وعرضها فى صورة أوكزيون
تحت اى اسم نختارة وفى اى مكان نختارة؟
والمكسب يقدر بالضعف فى هذة الامور(ويمكن اكثر).
وطبعا المكسب هيرجع فى صورة (دعم) والاغراض تباع بنصف او اقل من النصف
وفى النهاية تجمع الفلوس وترجع لاصحابها
وشكرا...
المشروع الثانى
على نفس نمط الاول..لكن مع تغير النشاط؟؟؟؟
هيكون أوكازيون ملابس شتوية
مرة واحدة بالعام (لمرعاة المحلات)فلا يجوز ان نقطع عيش الناس
ولكن يجب ان يعلمو اننا هنجيب ملابس شتاء وليست مسايرة (للموضة)
فهمنا كلة هو مساعدة المحتاج
اتمنى ان تصل الفكرة
وبالنسبة للتطبيق(هو عملية نسبية)سواء من ناحية الفلوس او الاشخاص وخلافة
والسلام عليكم

الله ينور
لواستمرينا كدة هنغير البلد خالص
كانت فين الافكار دى

اوك انا معاك يا كابو
ولكن من بالبلدة سيقوم بالدفع او بدفع المبلغ الذي ذكرته كتبرع على محمل السلف لمدة شهر
هل تضمن من سيقوم بدفع هذا المبلغ وان ضمنتها من شخص فلا تستطيع اتن تضمنها من باقي اشخاص القرية
لان اهل قريتنا يودون العيش دائما بعيدا عن كل ما يعتب بالهم
ودائما وابدا الغريب اولى في كل شيئ
انا لا ارد عليك لتعجيزك ولكن انا عاشرتهم هاقولك مثل بسيط
امام منزل الخليفة في بيت مناسبات وتسمى السوالم
وتظل منذ عشرة سنوات او اكثر كما هي بلا شبابيك ولا سقف
عارف ليه عشان مافيش روح التعاون في القرية
_
_
_
_
_
_
_
_
لكن من ناحية اخرى
انا عن نفسي ارجح المشروعين لانهما اجمل من بعض وبدل ما انزل بنها او غيرها لااشتري كسوة الشتاء ساقوم بالشراء وفي سبيل مساعدة ابن البلدة وفي تنمية الاقتصاديات المحلية
عالعموم يا كابو ربنا يوفقك
ويكرمك
وان شاء الله مشروعاتك دي انا هادرسها بعد امتحانات

علي فكره موضوع الدفع مش مشكله
وكمان لو هيسبب مشكله من ناخده كسلفه من الجمعيه
الله ينور عليك فكره تمام
ياريت تعرفني بنفسك

الاخ صديق الدموع
هناك ملحوظة بسيطة وهى ان الشراء ليس دعم كما تقول
فكيف يكون دعم ونحن لا نرجو منة المكسب؟
بالنسبة للملابس هى شتوية تقى الناس من البرد مقابل مبلغ مادى مساوى للتكلفة فقط
وبالنسبة للاخ احمد
ولنجعل الجمعية او النادى مقر لذلك؟
اما الدفع فالاشخاص والمنتج والنسبة والتناسب
كل هذا غير معلوم
وكل هذا سوف نحددة نحن الاعضاء المحترمين

ولكل من يشكك فى الفكرة أقول لهم ما قلتة آنفا؟
انا اكتب هذا كى يستفاد الناس من الفكرة
وهؤلاء الناس
ممكن يكونو من خارج البلد
او زائرين
فى حال طلع من بيننا..(كاسرى المجاديف)

هو ده التعاون بجد
واحد يرد والتاني يزعل بجد انتو كده ولاد بلد واحدة
وانا معرفش انتوا بتدخلوا المنتدى ليه علشان تزعلوا من بعض
سهلة اوي ازعلوا من غيرما تدخلوا المنتدى
المنتدى هنا للتشجيع على ثقافة الحوار ومراعاة الراي والراي الاخر ومن لايتحمل النقد فعليه ان يجلس في بيتهم وبلاش مصاريف عالفاضي ويكلف نفسه ويدخل المنتدى علشان يزعل من ابن بلده
كنت اتمنى ان صديق الدموع يتقبل الكلام ويفهمه من غير زعل وكمان بلاش كلام كاسري المجاديف بتاع كابو
علشان كدة انا اتمنى اشوفكم انتوا الاتنين واسمع انكم اتصالحتم

وشكرا على تفهمكم وانا على يقين انكم هتفهموا قصدي وتتصالحوا وده عشمي

والله انا ن نفسى مفيش زعل من الاستاذ صديق الدموع خالص
بالعكس ان بعزة لانة بيفكر فى نفس هدفى
وهو لاصلاح البلد
لكنى كاتب الموضوع وزعلت انة بيقول
هل تضمن من سيقوم بدفع هذا المبلغ وان ضمنتها من شخص فلا تستطيع اتن تضمنها من باقي اشخاص القرية
لان اهل قريتنا يودون العيش دائما بعيدا عن كل ما يتعب بالهم

انا كنت منتظر ردود محبطة(لاكن مش منة )فانا اعزة
واللى عايز يدفع يدفع انا مبنجبرشى احد ياعم صديق الدموع
واللى مش هياخد بالة بكرة هيعرف قيمة المشروعلما ناس غيرنا ينفزوة
واخير لك تحياتى
ولو مش هترد عليا ان هردعليك
منحن ابناء بلد واحد
وكنت اتمنى من االشاعرانة يعلق على المشروعين؟؟؟؟
باين هو اللى زعلان
متيجى نصالحة
ههههه

شكرا كابو عالرد بتاعك
وعلى فكرة انا مش زعلان منك انا كنت زعلان عليك
عارف ليه
لان زي الشاعر والاستاذ سمير ماقال دا منتدى بتتواصل فيه الاراء
عشان في الاخر نطلع باحسن تقييم
دا بس اللي انا حبيت اوصلوا ليك
اما عن زعلي فاحنا هنا كلنا اسرة مع بعض
وممكن يكون في اختلاف في نقاش معين
ولكن صدقني انا بعد ما كتبت الرد عالموضوع
زعلت عارف ليه لان احنا اخوات اه مش اخوات اب وام ولكن اخوات بالفطرة
لو بصيت للبلد هتلاقي كل الناس متشعبين مع بعض انا متجوز دي وانت متزوج اختها
وهكذا
بس ياسيدي عالعموم مافيش مشاكل
بس في حاجة المشروعين بتوعك مش حلوين جدا
ههههههههههههههههههههههههههههههههههههههه
والعكس صحيح طبعا وربنا يوفقك
واشوفكم على خير بعد استقراري في عملي الجديد
وشكرا لك المنتدى اخواني الاعزاء
وعلى فكرة انا بدات في الاعلانات المتفق علها الخاصة بالمنتدى
ادخل ابداعات حرة وحمل وابقى عرفني رايك ايه

انا سعيد جدا انكم عقلتم وانا بكون سعيد جدا لاي عضو جديد يدخل المنتدى من ابناء القرية وخصوصا لما يكون عضو فعال زيكم الاتنين
وعلشان كدة كنت مهتم اني اصفي الخلاف بينكم
وعلى العموم المشروعين تمام وكويسين جدا بس عاوزين شوية تفكير وتجهيز
ودراسة كويسة
يعني مثلا الملابس هتيجي منين وهل ممكن نشرك احد المصانع للملابس في المشروع
او نتكلم مع حد شغال في مصنع ملابس جاهزة يجيب الملابس
والشركة المنتجة للكراسات والكشاكيل فين ازاي هنقدر نجيب منها سعر كويس وهنفتح محل ولا هيكون المقر فين ودراسة شاملة وانا عن نفسي مستعد اشارك ماديا لو عاوزين
وشكرا على التفكير في خدمة اهل البلد لان بالفعل كلنا نستاهل حد يفكر فينا

كدة تمام ياشاعر
واعتقد ان الاسئلة دى هتكون بسيطة ويمكن الحصول عليها
ان شاء الله
ونتمنى المشاركة بعد كدة بالافادة عن اى من الباسئلة الجميلة التى طرحها الشاعر
ملحوظة للشاعر ياريت
متطولشى الخط بتاع الكلام
عشان الصفحة بتوسع (اضغط انتر فى وسط السطر عشان يتقسم اتنين
انت غاوى تمشورنا

المشروعين جمال
وان كان على المبلغ المفترض جمعه فهذا من اسهل الامور فى قريتنا
والذى لايعلم لابدان يعلم ان هذه القرية بنت نفسها بنفسها
بنينا مساجد ومعاهد ومركز الشباب وزمان ردم البركة وكتير
وغير مشروع الايتام
وغير مبلغ ضخم كل عام لمسباقات القران فاكيد هينجح المشروع
ويلا نبداء المشروع مع بداية الترم الثانى
والله المعين كلنا ايد واحدة كلنا مع بعض
كلنا نقول بلادنا دملو دملو عايزين لها الخير
والله الموفق

انت بتقول البلد بنت نفسها بنفسها
وبتقول ايد واحده
ولكن كل ايد من خنس اصابع مختلفين
ما تنساش
الحماس حلو
والتنفيذ سهل
والمشاريع حلوة
بس النفوس ..00000000000000



تحياتي لك الشيخ محمود
بس انا ارجوا انك تخرج وتشوف






مع تحياتي
الطير المجروح
خليك متفائل

خلاص حددو اى من المشروعين نبدء
الملابس؟
ام الكشاكيل
ونبدء من الان بعمل(مقايسة)او دراسة
ونشوف هنعوز اية؟
او بمبلغ 3الف هنقدر نجيب اية(مبدئيا)و
ونشوف احد بينزل القاهرة ويسالنا على الاسعار فى الاماكن البتبيع جملة بكم
ياريت المشاركات بعد كدة تكون بنتائج لما ذكرناة
وفققكم الله
ولو حتى نجمع المعلومات ونقول لو تمت هتكون الفائدة كذا؟؟؟؟؟

بارك الله لكم جميعا ونحتاج الى جهودكم لتاسيس المشروعات الصغيرة كهذه التى تحدث

تنمية اجتماعية لأفراد القرية والى الامام ربنا معاكم - وايضا نحتاج الى مجمع استهلاكى

لبيع السلع الاساسية باسعار مخفضة للناس 0
والله الموفق