أسئلة مهـــــــــــــــــــــمه

خطرت على بالى مجموعة أسئلة جعلتنى أحس إحساسا غريبا
وفكرت فى أن أعرضها عليكم كما أعرضها على نفسى
لعلها تصيب منكم أماكن وذكريات سعيدة أو أليمة
المهم أن يكون لها بالقلب مكان

* فاكــــــــــر مين من أصدقاء المدرسة الإبيتدائية
* إمتى آخــــــــر مرة سمعت فيها والديك كلمة حلوة ده طبعا إذا كنت بتسمعهم أى حاجه
* إمتى آخر مرة بوست فيها أولادك أو زوجتك أو والديك وأخذتهم بالحضن
* آخر مره زرت فيها أخواتك من أمك وأبوك
* إمتى آخر مره اتصلت فيها على أحد اقاربك خارج القرية او زرتهم
* إمتى آخر مرة فتحت فيها التليفزيزن أو الدش على قناة دينية أو برنامج دينى
* إمتى آخر مرة لمست إيديك المصحف
* إيه آخر حديث شريف حفظته
* آخر مره زوغت فيها من الشغل أو كذبت علشان تأخذ راحة أو منحه
* إمتى آخر مره عملت فيها عمل يرضى ربنا ويرضيك
* إمتى آخر مره عرفت إيديك معنى الصدقة
* إمتى آخر مرة زرت فيها جارك
* يا ترى لما بتشترى فاكهه بتكون حريص على إنها تكون فى كيس إسود علشان محدش يشوفها
* إمتى آخر مره ساعدت فيها زوجتك امك أختك فى شغل البيت
* إمتى آخر مره دخلت فيها بيتك وإنت بتضحك
* إمتى آخر مره صليت فيها الفروض تامه
* إمتى آخر مره صليت العشاء مع الفجر فى جماعة
* إمتى آخر مره أخذت عائلتك فى نزهه
* أمتى آخر مره دخلت فيها المنتدى وشاركت بإيجابية

وكفاية كده ما أحملكمش أكثر من طاقتكم
لأنى فعلا تعبت وحسيت إنى فاشل وراسب بعد الإجابات على الأسئلة عاليه طبعا
وأتمنى ان أجد فيكم من يعوضنى عن فشلى ورسوبى