انخفاض كبير للبورصه

اليوم كان هناك حاله نشاط لم تشهدها مصطبه الاستاذ الهادي من قبل
حيث كانت هذه المصطبه مليئه بالناس وذلك من الساعه 11 صباحا وحتي الساعه 12 ليلا وقد جلس عليها ايضا العمده وكذلك لفيف من الغفر وافراد الامن مما اثر سلبا علي الطاقه التسويقيه لبقيه المصاطب الموجوده بالقريه حيت شهدت تراجع ملحوظ في حركه التداول ومن المتوقع استمرار هذا الانخفاض ليومين قادمين
ويتوقع الخبراء (اللي هو انا) الي ان السبب هو حدوث مشكله بين محمد شاهين وصاحب المحل اللي هو فاتحه ادي ذلك الي استدعاء الامن والذي قام بتسليم المحل الي اصحابه وقد اخلي محمد المحل تماما من محتوياته وتم تكسير الحائط بين المحل والنزل وذلك لضم المحل الي المنزل ( وبالطبع التف جميع اهالي دملو علشان يتفرجوا)
كان معكم...........مراسل كلام مصاطب... شارع داير الناحيه دملو

على فكرة انا بيتهيئلى ان أكتر واحد مستفيد من اللى حاصل ده هو محمد لاشين وصاحبه ولاانته مش معايا

في البداية مشكور جدا على البحث الواسع .
لكن ده خبر مؤسف طبعا بالنسبة لمحمد أبو شاهين ولينا كلنا كأهل بلد واحدة .
لأن ده كان مصدر رزق محمد أبو شاهين الوحيد ، وندعي له إن ربنا يعدي الكبوة دي على خير .

والمهم نعرف إيه أسباب المشكلة بالضبط وإيه اللي حصل ومين اللي ورا المشكلة .
وليه تطور الأمر إلى حلها بالأمن ، وليه ما اتحليتش بالطرق السلمية .

وأكيد طبعا زي ما قال مراسلنا من سلطنة عمان فيه كتير شمتانين من أهل البلد .
ما هو احنا مبنحبش الخير لبعض للأسف ، وهو ده سبب تأخرنا المستمر

احب اطمنكوا يا جماعه ان كل حاجه بقت تمام ومحمد رجع للدكان تاني بس ذود الايجالر شويه
الحمد لله الميه رجعت لمجاريها

طبعا الخبر كان مؤسف في البدايه بس الحمد الله ان محمد رجع تاني للدكان لان كان مصدر الرزق الوحيد لمحمد ابو شهين وكويس انها جت علي قد زيادت الاجار بس المهم اصحاب المحلات ميعملوش زي صاحب المحل الي مأجرو محمد ابو شهين والا كده هتكون ازمات عديده للسلطه القضئيه في البلد الي هو العمده والغفر اتمنا ان يكون اخر واحد يعلي الاجر ويستدعي الامن مبروك لمحمد ابو شهين عودة للمحل مره اخر ونتمنا التوفيق للجميع وشكرا لمراسل كلام مصاطب الباش مهندس ابو عمر علي المجهود الوافير واشكر ايضا باقي اعضاء المنتدي واتمنا التوفيق للجميع

علي فكره يا جماعه في بعض الاشياء اللي عاوز اوضحها
اولا: الموضوع مش زي ماانتوا فكرين ان صاحب المحل افتري علي محمد الموضوع كله ان ايجار المحل كان60 جنيه والراجل طلب يزوده وديا الي100 بس محمد للاسف مشي ورا كلام ............ انتوا فاهمين بقي من اول رساله
قام الراجل رفع قضيه
محمد مكفهوش كده وبقي يدفعلوا الايجار عن طريق المحكمه
والمحكمه حكمت باخلاء المحل وبالتالي يبان ان محمد هو اللي غلطان
علشان هو رجع المحل دلوقتي باجار 180 جنيه وزياده 5%كل سنه
وعلي فكره الناس هنا كلها بتغلط محمد
وكان ليه امبارح حلقه حوار خاصه مع الاخ شريف الهادي بناء علي طلب الباشمهندس ابو عمرو وكمان هو اكد كلامي

ياجماعة مشكورين على المعلومات القيمة دى بس انا عاوز اعرف حاجه مهمة جدا مين هو صاحب الاسم دهahamoda ياريت حد يرد عليا ضرورى اصلى شاكك يكون بتاع واحد اعرفه

حد ميعرفش اخوة يا محمد

ya gama3a di men aham momayezat el montada
Etneen Ekhwat 2abloo ba3d 3ala elmontada ba3d el zaman ma fara2hom 20 sana
la 7awl wala 2wat ella belah

متشكرين جدا على المجهود العظيم يا أو حميد . ونحمد ربنا ان الميا رجعت لمجاريها وأكيد طبعا محمد كان غلطان بس أديه دفع ثمن غلطته .

علشان يحرم يمشي ورا ................ انت فاهم بقى

الله يكرمك يا هندسة .
ده حاجة صغيرة كده من بعض ما عندكم .