ام وبنتها بس اييييه رخمين اوووووووووووي

من طرف **llolastar** الجمعة 22 فبراير 2008, 11:00 pm

التليفون بيرن
الطفلة:ألوووووو
المرأة :ألو مرحبا
الطفلة : أهلا
المرأة : فين الوالدة ؟
الطفلة : مفيش هنا واحدة والدة
المرأة: لا لا مش قصدى كدة
الطفلة : هوا ايه اللى مش قصدك كدة أنا بقلك مفيش واحدة والدة عندنا
المرأة: عمرك كام يا شاطرة ؟
الطفلة : عرفتى منين انىشاطرة ؟
المرأة تضحك وتقول : باين عليكى دمك خفيف
الطفلة : انتى اللى دمك خفيف
المرأة : باين عليكى صغيرة
الطفلة : أنا أطول منك
المرأة : طيب يلا ادينى ماما
الطفلة : ليه هى مامتك عندنا ؟
المرأة : خلاص نادى ماما
الطفلة : ماما معندهاش نادى
المرأة : ربنا يصبرنى ادينى حد كبير
الطفلة: كبير بالحجم ولا بالطول ولا بالعمر؟
المرأة : ادينى حد برميل أتكلم معاه
الطفلة :ايه دة؟ انتى بتكلمى البرميل اذاى؟ دة جماد
المرأة : طيب بس لما أشوفك هعملك بطاطا
الطفلة : بطاطا مسلوقة ولا مشوية ؟
المرأة : زودتيها بقى
الطفلة : بصراحة أنا قرفانة وزعلانة
المرأة : أحسن خليكى تزعلى لحد ما تنفجرى زي البالون
لطفلة :ايه لون البالون اللى هنفجر زيه ؟
المرأة تصرخ بأعلى صوتها :فين الواااااااااااااالدة ؟؟
فتاخد الأم التليفون من بنتها
ألو مين معايا ؟
المرأة : حرام عليكى ايه البنت دى طلعتلى قرن فى راسى
الأم : قرن غزال ولا قرن موز ؟
المرأة : زيي انتى دايما بتحبى تهزرى دى طلعتلى قرن ثور ههههه
الام : ايه حجم الثور ؟
تغلق المرأة السماعة وتذهب الى بيت اللى كانت بتكلمهم

ترن الجرس

تركض الطفلة نحو الباب وتجلب كرسى وتصعد عليه ثم تنظر من العين السحرية وتقول مفيش حد دى واحده واقفة وراه
فتقول الأم : خليها ترن الجرس زي ماهى عايزة
الطفلة : جرس ايه ؟ جرس البيت ولا جرس المدرسة ؟
الأم : لا 00 جرس البيت
الطفلة : جرس بيتنا دة ولا جرس بيتنا الجديد اللى بنبنيه ؟
الأم : لا 00جرس بيت الجيران

وبعد ربع ساعة ماتت المرأة بسبب ارتفاع حاد فى ضغط الدم والسكر وانفجار بالمرارة

الله يكون فى عونها انا جالى شلل
_________________

منقول

من طرف **llolastar** الجمعة 22 فبراير 2008, 11:04 pm

عايزة احلي ردود بقي علشان نوضع حد للعيلة الرخمة دي

من طرف **omar20hatem** الجمعة 22 فبراير 2008, 11:11 pm

بالعكس دى عيله دمها زى العسل
الواحد لو عايش فى وسط الناس دى عمره يطول من الضحك
بس كنت وديتى الموضوع ده باب افتكاسات كان أحسن
طبعا هتقول لى افتكاسات ايه
هقول لك اللى على الموقع
هتقو لى الموقع ده ولا اللى جنبينا
هقول لك الافتكاسات اللى تحت النكت
هتقول لى نكت صعايده ولا فلاحين
بس انا هقوم انام دلوقت ونكمل بكره