كرسى الإعتراف مع htmhm

كرسى الإعتراف مع
htmhm
المهندس حسن طارق معتمد
وأبتدا بالسؤال الأول للباشمهندس حسن إن شاء الله
ماذا لو لم تكن أو ستكون إن شاء الله مهندسا
ماذا كنت ستتمنى لنفسك

كنت اتمنى بشدة ان اكون مدرب كرة قدم
انا قرئت كتير جدااااااااااااااا عن كرة القدم ومش كتب تاريخ انما كتب فى علم التدريب وكنت ساعات بعتبر نفسى مدرب احدى الفرق واعمل التشكيل واقارنة بتشيكيل الفريق دة فى مبارياتة وكنت بحضر بدلاء فى ذهنى لجميع ظروف المباراة وكنت بقارنهم مع تغيرات مدرب الفريق دى بجد كانت امنية حياتى ولو الفرصة دلوقتى فى ايدى مش هتردد لحظة واحدة ابداااااااااااااااااااااااااااااااا

سؤالي للمهندس حسن
بصراحة يا حسن وبعد القسم علشان شكلك نسيته

مين أكتر عضو عاجبك في المنتدي ؟؟وايه هو اللي عاجبك فيه بالضبط ؟؟
ويا تري بتحب دملو أكتر ؟؟ ولا الأهلي أكتر ؟؟
( يعني لو فريق اليد وصل للمتاز وبيلاعب الاهلي هتشجع مين ؟؟)

افضل عضو هو اللى بيسعى لاضافة الجديد للمنتدى وتحسين صورة المنتدى للافضل والاحسن وليس الذى يهدم ما يبنية المخلصين ولا يعجبنى المجادلين فى الامور المسلم بها
اما لو عاوز شخص بعينة فبصراحة تعجبنى افكار وانتقدات وابداع البشمهندس ابو ربيع حضرتك طبعا
وبجد دى مش مجاملة دى حقيقة والله وايضا يعجبنى بشدة حرص البشمهندس حاتم على تقدم المنتدى وتصديه للاشخاص الطفولين
اما السؤال الثانى فانا بعشق الاهلى بجنووووووووووووووووووووووون ولكن حبى لبلدى اكثر عشان بلدى دى وجهتى فى المجتمع وتنميتها وتقدمها يسعدنى يعنى
اما لو دملو لاعبت الاهلى فى كرة اليد فانا هاكون اول اللاعبين اللى هيشتركو فى المطش طبعا فى مع دملو
واسال الكابتن ناصر حمدى وهو يقول لك

معلشى سؤال تانى ياهندسة
ما هو تقييمك لمجلس الإدارة الحالى
بردة بعد القسم اللى انت متعمد تنساه

س سؤال :
ما هو اكثر المواضيع افادة من وجهة نظرك في المنتدى ؟
جاوب بعد القسم !!!!!!!!!

السؤال الاول
ناوى تقسم؟؟؟
السؤال الثانى
ما الشىء الذى يحزنك..بمعنى اكثر موقف فى المعاملات بين الناس ممكن تتأثر
بة ويجعلك تحزن؟؟
(غير انى معرفتكش اول مرة)

اولا :-
القسم:اقسم بالله العظيم انى اكون صادق فى كل كلمة اقولها ولااخادع ولاافترى على احد والله على ما اقول شهيد
ردا على سؤال البشمهندس حاتم:-
المجلس الحالى هو اضعف المجالس واقلها افادة للنادى مع احترامى لهم دعنى اتحدث عن الوضع اللى بلمسة بايدى
فريق كرة اليد ماذا قدموا لة انت عارف كل لاعب لخذ كم هذا الموسم ؟؟؟؟؟؟؟؟؟؟؟؟؟؟؟؟
25 جنية!!!!!!!!!!!!!!!!!!!!!!!!!!!!!!!!!!!!!!!!!
ماذا يفعل اللاعب بيهم وللعلم لم نتسلم طقم كامل للعب وانما كل مطش بيدو اللاعب فانلة فقط وركز على فقط دى وبياخدوها بعد المطش ونيجى نلعب بيها المطش اللى بعدة بدون ما تتغسل وانا عن نفسى كحارس مرمى بلعب فى النادى من 6سنين لم استلم من النادى سوى فانلة واحدة فقط يعنى وانا لا انتظر منهم شىء عشان انا لاالعب اسمهم انا بلعب باسم دملو
وملعب كرة القدم اللى صغروة ودلوقتى عاوزين ياخدو منة مساحة لعمل ملعب يد
والله حاجة تجنن ما عندكو ملعب يد موجود وقانونى واؤكد الملعب قانونى ما تظبطوة وتخلوة كويس بدل الملعب الجديد
اخذ قطعة من النادى الكبير لعمل ملعب يد هو انتهاك واضح لحقوق الشباب وتحدى سافر لهم ولرغبتهم
لنا الله وتأكد ان الله لايغير ما بقوم حتى يغيرو ما بأنفسهم
ردا على سؤال الشاعر:-
اعتقد ان افضل المواضيع منذ نشأت المنتدى حتى الان هو كرسى الاعتراف لانة اولا مستمر وغير منتهى
ثانيا يمكنك من التعرف على شخصية من يجلس على الكرسى بطريقة افضل واوسع والتعرف على جوانبة الانسانية والادبية والعلمية كما انة موضوع مرح فى نفس الوقت من خلال سؤال ظريف او فى نوع من التهريج

ردا على سؤال سمير باشا بية السيد(اى خدمة مظبطك ) ك:-

اكتر حاجة تزعلنى ودى حاجة حصلت لى كتير على مدار حياتى من اقرب الناس ليا انك تعطى شخص معين اهتمام وتشعر ان هو كمان مهتم بيك ولكن تفاجأ بدون سابق انذار ان كل هذا كان وهم او استهتار او كذب
واللى يضايق اكتر ان بعد فترة تكتشف ان الانسان لم يكن يستحق كل هذا الاهتمام وانة زى غيرة
واهى ماشية وبتعدى والحياة مش هتقف على شخص او مية حتى

انا معرفكشى
فلو اتكلمت عن نفسك هتقول اية
مميزاتك وعيوبك واتكلم اكتر عن حياتك

بكل بساطة انا حسن طارق معتمد 19 سنة من دملو مواليد السعودية طالب بكلية الهندسة قسم هندسة مدنية اعشق الموسيقى وكرة اليد وامتلك قلم هاوى وليس محترف
اما مميزاتى وعيوبى فانا ممكن اقول عيوبى انما مميزاتى يقولها اللى حوليا
اهم عيوبى انى بكسل كتير وبنسى اكتر

سؤال ثالث ورخم شوية
أين أصدقاءك الذين تتبادل معهم التحية عند كل رد وهو يتبادلون
معك أيضا التحية فى ردودهم كما أرى دائما
هل انت مضبط معاهم علشان ما يسألوش أسئلة محرجة
لانهم أقرب واعلم باللى جواك واحنا مش عارفينه
والا دول من أصدقاءك اللى انت اتكلمت عليهم
فى ردك على سمير باشا بيه السيد اللى انت مضبظه

لا والله يا بشمهندس انا مش مظبط معاهم والله والمجال مفتوح امام الجميع لاى سؤال وبالنسبة لى مفيش اسئلة عادية واسئلة محرجة لان ببساطة كل سؤال لة جواب وانا والحمد لله لااجد حرجا فى الاجابة على اى سؤال طالما لم يخرج عن حدود اللياقة
وطبعا هم ليس ممن اتحدث عنهم فى ردى على سمير باشا بية السيد اللى انا مظبطة(هههههههههههه) انما ممكن ما يكونش عندهم علم انى قاعد على الكرسى للاعتراف
وانا طيلة حياتى لم اندم على فراق اى شخص لان ببساطة اذا الشخص دة لم اشعر منة بالاهتمام اللى هو بيحظى بية منى فلا مكان لة داخلى وانما ممكن فى بعض الاحيان تعاودنى الذكريات وبتكون الاحاسيس غاية فى الاضطراب جوايا فى الحظة دة

ما هو اجمل شىء بالنسبه لك في الحياه

اولاً :
السلام عليكم ورحمة الله وبركاته

ثانيــــــاً :
سعيدة اني اتعرفت على شخصيتك htmhm ...
اتشرفنا يا بشمهنـــــدس

ثالثـــــاً :
خد عندك شوية الاسئــــــلة دية ...

1- انت عشت فترة من حياتك ربما ليست بالطويلة خارج البلاد في السعودية يعني ...
هل تفتكر ان الفترة اللي قضيتها هناك اثـــــــرت في تكوين شخصيتك ؟؟؟

2- موهبتك الادبيــــــة المبشرة اللي لمحتها في اكثر من عمل لك ..
تفتكر مصدرها منين ؟؟ وما هي خطواتك لتطويرها ؟؟ وياترى بتحب تقرأ لمين وايه ؟؟

3- بتحب كليتـــــــك ومجال دراستك ؟؟

4- من هو قدوتـــــك في الحياة ؟؟

5- ما هي عيوب قرية دملو من وجة نظر حضرتكم ؟

6- ما هي مواصفـــات فتاة احلامك ؟؟ وما هو تعريفك للحب ؟

7- لما بتزعل وتحسن ان الدنيا ضاقت بيك واللي حوليك مش قادرين يفهموك ... بتعمل ايه ؟

8- البيضة اصلها فرخة .. ولا الفرخة اصلها بيضة ؟؟

كفاية عليك كده ...

اولا ربنا يوفقك وتكون بشمهندي اد الدنيا
السؤال
ماأفضل قصيده قرأتها بالمنتدى
سؤال سهل صح
العضو سندس كفا ووفى

هذا للعلم والاحاطة
العضو سندس
كل دى اسئلة؟
بالراحة عالراجل لا يهرب مننا
(اى خدمة ياعم حسن)

اهلا وسهلا بالاستاذ / حسن
نجم قريتنا في كورة اليد
من سيرتك الذاتية التي قمت بكتابتها انفا
تقول ان عمرك 19 سنة
يعني انت الان في بوتقة سن المراهقة
فلدي سؤال واحد
س :
ماهي طموحاتك او احلامك التي تريدها ان تتحقق في مركز شباب دملو ؟

اولا اسف جدا على التأخير ولكن الكلية مطلعة عينى على الاخر وارجو تعذرونى
اولا ردا على سؤال ميزو باشا
اكتر حاجة تسعدنى بجد وبدون مجاملة انى اكون على كرسى الاعتراف واجد كل هذا الاهتمام الذى لم اجدة من قبل ابدااااااااااااااا وبجد دى اكتر حاجة ممكن تخلينى سعيد وفرحان انى اجد اهتمام ممن حولى

ردا على العضوة سندس
اولا:-
وعليكم السلام ورحمة الله وبركانة
ثانيا:-
انا اسعد بالتعرف علي حضرتيك
تشرفنا
ثالثا:-
1-انا عيشت فى السعودية حوالى 10 سنين والفترة دى بدون شك كان ليها تاثير فى شيخصيتى بمعنى انى لم اعش حياة اجتماعية سليمة فام يكن لى اصدقاء ولم اكن اخرج من المنزل كثيرا كنت منطوى جدا وبعيد عن قريبى ودة عمل عندى فجوة كبيرة مستمرة معايا حتى الان فى حياتى و معظم اصدقائى من مصر لم اتعرف عليهم الا بعد سن 11سنة

2- اما شبة الموهبة الادبية الموجودة عندى فمصدرها الاساسى حزنى المستمر والانطواء اللى كنت عايش فية وقد يكون عدم اهتمام من حولى بهواياتى وتجاهلهم لى اما تطويرها لن يأتى الا عن طريق تطوير ذهنى من خلال كثرة القراءة والاطلاع والمعايشة والتجارب وانا احب احمد فؤاد نجم كثيرا واثر فيا موسيقى المعجزة بيتهوفين والاسطورة عمر خيرت وقلم انيس منصور وصلاح جاهين ورباعياتة

3-كليى ومجال دراستى اصبحت واقع مسلم بية لذا يجب انى ارضى بية وان لم تكن امنيتى ان اكون مهندس وكانت لى ميول اخرى ولكن نسيتها كلها واصب اهتمامى كلة بدراستى

4-قدوتى فى الحياة بعد الرسول صلى الله علية وسلم والدى واللى وجهة لى اغلى نصيحة فى حياتى وقال لى بالنص"لو كان نفسك فى حاجة وهتموت عليها ومش قادر تحصل عليها اهملها تماما والايام هتلف والحاجة دى هتيجى لك لوحدها"

5-عيوب القرية بصراحة العشوائية وقلة النظام وغياب بعض الضمائر اللى اصحابها فى مناصب محورية فى القرية

6-اود الاحتفاظ بالمواصفات لنفسى ولكن طبعا على راس هذة المواصفات انها تتقى الله واحترام والديها اللى هيجى منة احترامها ليا ولشحصيتى كزوج لها
اما الحب هو ان تضحى بما تحب لمن تحب دون تردد او غضب

7-لما الدنيا بتضيق بيا بمسك قلمى واكتب اللى حاسة وساعات لوضاقت اوى اقعد ابكى لوحدى

8-البيضة والفرخة هما وجهان لعملة واحدة مصدرها رحمة ربنا وحكمتة

ربنا يخليك يا سمير باشا انت اللى حاسس بيا
وردا على الحريف:-
افضل قصيدة وعجبانى بجد اللى كتبتها بعنوان وماااااااااشى وبصراحة لحد دلوقتى مش عارف انا كتبتها ازاى ممكن تقرئها لم مش قرئتها


ردا على صديق الدموع:-
احلامى مع فريق كرة اليد بدملو لاحدود لها وكبيرة جدااااااااا لكن لازم اخذها وحدة وحدة فانا اتمنى اولا اننا نصعد الموسم دة وانشاء الله هتكون نقلة تانية خالص للفريق و للبلد كلها بمعنى ننا هنافس فرق تمتلك امكانيات تفوق الامكانيات المقدمة لنا بمراحل واحنا قدها والله بمجموعة الرجالة الموجودة على رأسهم نجم الفريق اللى شخصيا بعتبرة روح الفريق محمد ابراهيم سعيد ونفسى يجى عليا اليوم اللى اشوف دملو فية فى الممتاز ب على الاقل ولكن بشوية دعم من المسئولين
وكنت اتمنى انى انتقل لنادى اخر من خلال النادى وكنت بالفعل هعمل كدة السنة دى بعد ما مدرب احد الفرق طلب انى اروح اتمرن معهاهم عشان انتقل للنادى بتاعهم وانا والله اول مرة اقول الكلام دة ولكن تراجعت واستمريت فى النادى وليا الشرف طبعا واحلامى بدأت تححقق بعد ما بدأت العب مع الفريق الاول واكون اصغر لاعب لعب للفريق الاول لدملو وانشاء الله تسمعو عن فريق اليد ك خير

ردا على النجم الكبير محمد ابراهيم سعيد

من القدامى الكابتن اوشا مع انى لم اشاهدة كثيرا لكن كان حارس على مستوى عالى جدا وتعجبنى شخصيتة واستمرارة فى مجال كرة اليد من خلال كونة حكم كبير وكفاية انة خالى
اما من المعاصرين فبدون منازع النجم محمد ابودعوس وانت عارف كويس اوى يامحمد من هو ابو دعوس فى حراسة المرمى
حارس على مستوى عالى جداااااا يمتلك شخصية داخل الملعب وهو ليس حارس والسلام انما هو فاهم كويس جدااااااا مهام حارس المرمى ووجباتة

اما بالنسبة لمستوى الفريق فمن الممكن جدا ان يرتقى بشكل كويس اوى ولكن انت عارف الدعم صفر يعنى لما اللاعب يجى يتمرن ولا يروح يلعب مطش ولا يتم دعمة بالشكل المناسب نفسيا مش هيكون مرتاح
ولكن اذا توافرت الامكانيات بالشكل المناسب المستوى هيرتقى جدااااااااااااااااااااا
وانا قولتا ونازلت اقولها
هل امكانيات النادى 5 جنية فى المباراة الخارجية فقط وهل امكانيات النادى تيشرت فقط ويؤحذ بعد المباراة؟؟؟؟؟؟؟؟؟؟؟؟
الاجابة مش عندى

وشكرا يا ابو حميد على اهتمامك بالموضوع