نكت مصرية

مرة واحد بخيل شقتة ولعت ادى للمطافى رنة

مرة اتنين مساطيل مذيعة وقفتهم في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي

كابتن طياره مسطول بيعلن عن موعد الاقلاع
(ومن لم يمت بالسيف مات بغيره
تعددت الاسباب والموت واحد
وما طار طير وارتفع الا كما طار وقع)

محشش قال لواحد محشش قولنا طير بحرف الكاف قالوا كنتاكي

واحد زملكاوى متعصب خطب واحدة بيسالها عن عيد ميلادها قالت له 6\ 1 فسخ الخطوبة

بيسألوا حانوتي أهلاوي بتحب مين في الأهلي؟.. قاللهم بحب هادى" خشبة"

مرة واحد صعيدى وقع فى حفرة حدفولو حبل ربطة فى رقبتة

عشرة صعايدة بيتعلموا ربط الكرافتات تسعة ماتوا وواحد فى حالة حرجة

مرة عشر أغبياء ماشين ورا بعض ..وقعوا فى حفرة واحده

مأذون مش لاقى شغل...طلق مراته

واحد كهربائى اتجوز أربعة...جابلهم مشترك

حشاش بيقول لصاحبه:
انا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك

مسطول راح المحكمة,القاضى بيسأله انت متجوز مين؟قاله:متجوز واحدة ست,القاضى قاله انت هتهرج؟أمال فى حد بيتجوز راجل؟,قاله:اه اختى

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قالة لية دا انا قدامي واحدة على خمس تلاف وحامل

احول سالوه ايش امنيتك في الحياه قال:اشوف واحد ماشي لوحده

• أيه الفرق بين الكمبيوتر والحفرة والبخيل؟
الكمبيوتر : حاسب آلي
الحفرة: حاسب لتقع
البخيل: حاسب أنت أنا ماعيش فكة.

واحده ست اشتركت فى من سيربح المليون جوزها طلقها عشان اتصلت بصديق

ليه الصعيدي بياخد الدواء قبل معاده...................؟؟؟؟؟؟؟عشان يفاجئ الفيروسات

واحد من اياهم كان معاه 10 جنيه وراح يشترى بكتة بانجو البوليس كبس راح مقطع ال10 جنيه

واحد حب يشرب سيجارة حطها ف كباية

مره واحد صعيدي راح السودان بلليل ملاقاش فيها حد

واحد داس بنزين موته

مره اتنين طلبه مساطيل قاعدين يكتبوا ورا الاستاذ فى المحاضره وكل ما الاستاذ يمسح السبوره يقطعوا الورقه!!!!