كورنيش دملو

في والله مواضيع كتيره بس انا هحاول اقسمهم علي فتره علشان متملوش مني

ايه رائيكم يا جماعه لو حبينا نعمل كورنيش محترم علي الجسر

اني هقول اللي عندي والله الموفق
المشروع كله هيبدء بردم جزء صغير من جرف النهر (مكان رمي الزباله)من اول الجامع الكبير حتي مندره العدس
ويتم احضار عدد من المقطورات الرمل اللي بيطلع من تطهير النهر والردم به
مساحه هذا الكورنيش لن تزيد عن عرض 10-15 متر
وبالنسبه للزراعه وصيانه المزروعات اللي هتكون فيه فالمهمه دي ممكن نسندها للباشمهندس خالد علشان هو فعلا كفاءه في موضوع الزرع ده بالاضافه الي انه فاضي مورهوش حاجه وانا ممكن ابقي اساعده بخبرتي
اهداف هذا المشروع:تتلخص الاهداف في اعطاء مظهر جمالي للبلد بين القري المجاوره خاصه ان وروره بتنافس علي المشروع ده بس بيزرعوا زباله علي طول الطريق بدل الشجر
نجد ان كثير من الاسر الدملويه متوسطه الحال لا تستطيع مرافقه ابناءها في النزول للفسحه في بنها لذي سيكون هذي بديل مرضي
نجد انه في فصل الصيف تكون الشوارع مليئه بالاطفال والذين يجتمعون للعب والجري واري ان توفير منطقه كهذه قد يكون انسب لهم ولنا
حمايه النهر من القاء القمامه علي جوانبه
بالنسبه لعيوب هذا الموضوع: قديؤثر سلبيا علي القدره التسويقيه للمصاطب
امكان استغلاله بشكل سئ من قبل بعض الافراد كتربيه المعيز علي نباتاته(مسؤليه الباشمهندس خالد)
استغلاله السئ من قبل بعض الشباب في الجلوس فيه لساعات متاخره لشرب انواع المخدرات المختلفه



طبعا يا جماعه انا مش بقول اني احنا نلم من بعضنا ونعمله بس ممكن اي حد فينا بايده جاجه يعملها
كمثال الباشمهندس حاتم مهندس مساحه ممكن يجيب لنا الموافقه من الوحده المحليه
الاخ خالد يساعد في الزراعه
الاخ مختار بيته علي الجسر ممكن نشغله غفير
انا مثلا اضرب العيال بتوع البانجو
ابو دنيا يعملنا لوحه تتحط في الحديقه فيها الاخبار الجديده
يا ريت يا جماعه تردوا عليا وتقولوا ايه رايكم

والله انت عسل
وكمان الفكرة كويسة
وممكن تنقل الفكرة دى لعبداللطيف النادى بس بالطريقة اللى هقول لك عليها
هو يبلغ محمود السباعى حلاوة بما انه عضومجلس محلى مركز
انه يقدم طلب للمحافظ
بأنه اثناء عمليات التطهير للنهر يقترح مكان معين وممتاز زى اللى انت قلت عليه ويطلب عدم ازالة ناتج التطهير مؤقتا
ويقنع المحافظ بأنه سيتم التنسيق والترتيب بالجهود الذاتية
وبكده نقدر نأخذ موافقة الاول على الفكرة
واذا نجحت الخطوة دى
نتلوها بأخرى
ومشوار الالف ميل يبدأ بخطوة
وبراءة اختراع الفكرة من حقك
وشكرا

ربنا يقدرني واقدر اخد ميعاد

بجد ياحمد الفكره جميله جدا بغض النظر عن اني الغفير انا مش بشجعك علشان هستنفع واخحد مرتب منك انا عارف ان المرتب هيقصر عليك في المزنيه بس مش مهم المهم ان الفكره كويسه جدا ويايت تعمل زي الباش مهندس حاتم ما هيقولك وتكلم المختصين وربنا يوفئك وتقدر تاخد معاد في اقرب فرصه بس في حاجه انا خايف بعد ما خالد يزرع يجي في الاخر تلاقي واحد منزل الغنم يسرحها في الزرع سعتها خالد ممكن يبيتك علي الكرنيش

الله يقويك يا احمد
وهندعى لك انك تاخذ ميعاد
بس اوعى تكون انت اللى مقصر وما بتسألش
لانى هسألهم واشوف
رأيهم ايه فى الفكرة
وابقى عرفهم بالمنتدى كمان

ربنا يسهل ان شاء الله
بس انا سمعت اليومين دول ان في اجزاء من المكان اللي بقولك عليه ملك افراد(وضع يد)

يا سيدى هى مشكلتهم والبعيد عن وضع اليد يكفى مفاية 150 متر طولى

احب اوضح امر مهم منذ او3او4 سنين كانت الجمعية عايز تعمل حديقة امام المسجد بجوار دار القران واخدت موافقة من الرى والمحافظ
لكن حبايبنا وقفوا امام اتمام الامر بل كانت الجمعية وضعت لوحة مكتوب عليها حديقة مبارك وسلك شائك لكن اهل الخير سرقو اللوحة والسلك
الملف كاملا موجود فى الجمعية اسالو عنه بالمناسبة هل اعضاء المنتدى مشتركين في جمعية الاصلاح

نعم مشتركين
ونعلم بالموضوع عاليه
لكن علينا دائما ان نحاول

مساء الخير وكل سنة وانتم طيبين وسلامي للجميع
أكـــــــــــــــرم رافت شعــــلان

ياريت ياشيخا العزيز تتابع لنا موضوع الورق الي في الجمعيه
وتحاول انك تنبه المسؤلين عن تجديد الموضوع
وشكر لك علي التوجيه



تحياتي

يعنى السلك يتسرق (الموضوع يقف)؟؟؟؟؟؟؟؟؟؟؟؟
فين الشجر فين نظافة المكان؟؟؟؟؟؟
فين؟؟؟؟؟؟؟؟؟؟؟؟؟؟

ياحج (نور على)هم
بيقولو أخزو موافقة وعملو سلك شائك وكتبو يافطة
بس مش عارف وقف لية؟
وشكل حضرتك كدة هتخدم البلد كتير
انا كنت كتبت عايزين نعمل مصد اسمنتى على جانب الطريق المجاور للبحر
وليس كل الطريق ولكن من عند راس البحر ولمسافة 20متر
نظرا لخطورتها
وهنا محدش ساعدنا خالص
حتى المحامى اللى سألناة قال لما سيارة تقع نبقى ناخد رقم المحضر ونشتكى
ومنتظرين سيارة تقع بالركاب؟؟؟
او متبرع من المنتدى ينزل بالسيارة البحر؟؟؟؟؟؟؟
هههههههه

اخي العزيز/ سمير

اولا انا اسف لانني مكتتش معاكو من الاول
لاكن المكتوب كورنيش دملو الاخ العزيزصاحب الموضوع
اقترح ردم جزء من حرم النهر وموضوع جميل قوي
وعشان كدا اتكلمت وقلت ده مشروع واجب علينا كلنا
اعتقد ان الموضوع القديم علي اعتقادي قاصر علي منطقه امام الجامع الكبير
بجوار دار التحفيظ اما بالنسبه لموضوع الكورنيش ده مشروع كبير واكيد محتاج موافقات كثيره
وده لو حصل يبقي مفيش داعي للمصدوعلي العموم ياستاذ سمير بن عمي السيد انا ممكن انا ونور وشيماء ننزل بالعربيه البحر

بعد الشر انتا من ناحيتنا
خليهم هما ينزلوا وانا قلت الحل قبل كده نجيب عربيه تكون محمله ناس لغايه المصنع ونخلي شويه عيال صغيره من بتوع الناحيه دكها يلعبوا كوره علي الطريق وبكده نضرب عصفورين بحجر
ولا ايه رايك
ممكن احنا نساهم معاهم ونجبلهم الكوره علشان يبقي فيه وحده واخوه

هـ

بعدالشرعليك وعلى الاسرة الكريمة يأستاذ (على)و
أختصار الموضوع عشان مطولش عليك..
الفكرة وقفت عشان فية عواقب كتير جدا منها ان المنطقة دى طلعت بتاع ناس
وعندهم ورق بكدة؟
فطبعا مش هنعسف بحقهم؟
والموضوع المفيد الاخر هو بتاع المصد لانة مهم جدا
وطبعا احنا بنضحك شوية على مايظهر أحد يحقق شىء ملموس
فى الموضوع دة؟؟
فالمطلوب الان هو شكوى أو (طلب ) للمسؤلين
وهم هيقومو بالازم..فمن قبل قدم ورقة (لرصف طريق المقابر)وكانت تكلفتة
تتخطى ال20الف جنية ولم يدفع احد (مليم)بسبب الطلب
ودة ملخص لموضوعين سبقو.......

انتم عملتوا لدملو كورنيش بهذة السرعة
:D :D :D :D :D :D :D :D :D :D :D :D :D