موضوع ساخن للنقاش

من طرف **mezo2010** الجمعة 29 فبراير 2008, 1:26 pm

الموضوع المميز عن شهر مارس

فتاة متبرجة ...وفتاة محجبة
..
السلام عليكم.
يصادف كثيرا ان نرى .ونحن جالسون في مقهى ...او نمر في الشارع ...اوفي السوق او في
اي حته ثانيه ...بنت متبرجه تفوح منها رائحة عطر زكي يشم على بعد كليومترات ...
لابسه ملابس تبين خريطه جسمها- استغفر الله - بنت جميله جدا وخصر نحيف و...و ....
وطبعا الشباب لا يتمالكون انفسهم امام هذا الجمال الساحر والجسم الرشيق ..فتبدا سلسلة
من المضايقات كل واحد على حسب تجربته ...فمنهم من يعلق بصوت عال ويقول : بس ..
بس ..انت يا حلوه .. او : يا سلام ..هالجمال كلو موجود وانا مش عارف.. ما راح اسرد لكم
انواع المضايقات لاني متاكد انكم كلكم سواء شباب وبنات عارفينها...
وفي الجهة الاخرى من الشارع ...تمر فتاه محجبه ..وطبعا بملابس فضفاضه وتمشي بكل جديه...
من فضلك جاوب :
* عندما ترى فتاة متبرجه ..هل تضايقها وما يكون رايك فيها؟
* من تحترم اكثر ...الفتاه المتبرجه او المحجبه؟
* اه رايك بالبنت اللي بتلبس الحجاب
* اذا نويت تتزوج ان شاء الله ...راح تبي تتزوج فتاة مسلمه -يعني بتصلي وتصوم بس ما بلبس الحجاب- ام انك تفضل تتزوج فتاه محجبه؟
على فكره ده كان موضوع حلقه فى برنامج اسمه صبايا على قناة المحور

من طرف ahmoda الجمعة 29 فبراير 2008, 11:27 pm

بارك الله فيك يا اخ محمد
موضوع جميل فعلا
ويا رت يا جماعه نتكلم في الموضوع ده شويه
علشان انا شايف ان في شياب كتير بيقعوا في موضوع الاختيار للزواج
وكمان بيغريهم موضوع الجمال والمكياج الفاضح تحت مسمي الموضه
وصدقوني ده مش كلام
فعلا في زمايل ليه بيقعوا في الموضوع ده
وبتكون البنت اللي عجباه مفيش اتنين يختلفوا علي تبرجها السافر
وكذلك لا يستمع لاي نصيحه تحت مسمي انها وعدتني ان تتغير يعد الارتباط

لذا لن اقول انني احب ان ارتبط بفتاه محافظه
ولكني ادعوا الله ان لا يضل بصري وان اري بعين الايمان من تصلح لكي تصون شرفي

من طرف **dr_ahmed** الأحد 23 مارس 2008, 10:32 am

تخيروا لنطفكم فان العرق دساس صدق رسول الله لاتعليق

من طرف **sondos** الأحد 23 مارس 2008, 1:25 pm

موضوع جميــــــل استاذ \ ميــــــزو ...
وفي انتظار المزيد من اراء الاعضـــــــــاء ...

انا عارفه ان الاسئلة مش موجـــــه للفتيـــــــــات ...
لكن تعليق سريع على نقطة اثرتها في الموضوع ... وهي قصة المعاكســــــات

المفروض ان لا نحمـــــل الفتــــــاة وزر المعاكسة كاملة .. باعتبارها فتنة متحركة تمشي على الارض
ما شاء الله المنقبات دلوقتي بقوا يتعاكسوا هما كمان ... يعني الموضوع مش بقى مسألة لبس وتبرج بس

الاخوة الشباب برده مشتركين مساواة في الذنب ...
لان ربنــــــــا امرهم " بغـــــــــض البصــــــــر " ..
فلا يتخذوا من مظهر الفتاة مبرر للمعاكسة ويقولوا ده هــــــن السبب .. !!!

وربنا يهدينا جميعاً

من طرف **Abo Dina** الأحد 23 مارس 2008, 2:36 pm

أنا عن نفسي لما بشوف فتاة متبرجة بادعوا لوالديها بالرحمة لأن أكيد هم توفاهم الله
وطبعا أي واحد من الشباب يحترم الأخت المحجبة عن المتبرجة حتى لو كان هو شخص غير محترم
وبالنسبة للزواج فأي شخص يتمنى الارتباط بفتاة محجبة طبعا إلا القليل ، والله أعلم

من طرف **mezo2010** الأحد 23 مارس 2008, 5:10 pm

اللهم اجعلها فيى ميزان حسناتنا
اللهم احمى شباب وشبات المسلمين
اللهم امين

من طرف **الشيخ محمود** الأحد 23 مارس 2008, 8:33 pm

بالنسبه لمن يريد الزواج
اولا لابد من معرفة امر مهم
ان البنت مش بردائها ولكن بتربيتها
ونحن نرى ان هناك بنات يرتدين الحجاب ومع ذالك الاخلاق .....صفر
واخرى متبرجة الرداء ومع ذالك تجد الا فيهن الادب والاحترام والتربيه
هذان مثالان لا يعبر الاعن النسبه القليله من النوعين
وان كانت الغالبيه عكس ذالك
بمعنى ان البنت المحجبه مقبوله شكلا وموضوعا وثقه بانها محترمه
ومتربيه
والبنت المتبرجه ناقصة الدين وابواها لم يربياه على تقاليد وتعاليم الاسلام
وفى الغالب تكون النظرة سطحيه
ونحن كشباب ناخذ بالظاهر
والظاهر يقول ان المحجبه والمنقبه =احترام وحسن تربيه
ويقول الظاهر ايضاالمتبرجه =عدم تربيه وعدم احترام
وفى هذا الزمان لابد على الفتيات ان
يحافظن على انفسهن بشتى الطرق
تقبلو مرورى

من طرف **sondos** الإثنين 24 مارس 2008, 10:50 am

الشيخ محمود كتب:
بالنسبه لمن يريد الزواج
اولا لابد من معرفة امر مهم
ان البنت مش بردائها ولكن بتربيتها

.............

ونحن نرى ان هناك بنات يرتدين الحجاب ومع ذالك الاخلاق .....صفر
واخرى متبرجة الرداء ومع ذالك تجد الا فيهن الادب والاحترام والتربيه
هذان مثالان لا يعبر الاعن النسبه القليله من النوعين
وان كانت الغالبيه عكس ذالك
بمعنى ان البنت المحجبه مقبوله شكلا وموضوعا وثقه بانها محترمه
ومتربيه
والبنت المتبرجه ناقصة الدين وابواها لم يربياه على تقاليد وتعاليم الاسلام
وفى الغالب تكون النظرة سطحيه

............................

ونحن كشباب ناخذ بالظاهر
والظاهر يقول ان المحجبه والمنقبه =احترام وحسن تربيه
ويقول الظاهر ايضاالمتبرجه =عدم تربيه وعدم احترام

رأي جميــــــــــــل جـــــــــداً ...
وموضوعي الى حــــــد كبير ... احيك عليه شيخ محمود

طب سؤال بعد اذنك .. فرضاً مثلاً ...
وجدت فتاة ليست محجبه او ترتدي حجاب غير كامل ..
وكانت على خلق واحترام وادب لم تجده في غيرها من قريناتها المحجبات
هل ستقبل بها زوجة ام سيظل المظهر الخارجي عائق وتبحث عن اخرى محجـــــبة ... ؟؟؟؟

......

من طرف **mohammed** الإثنين 24 مارس 2008, 1:38 pm

اسمحلي يا شيخ محمود اجاوب على السؤال ده
رغم اني متزوج
بس ما يضرش اقول رايي ورزقي على الله
هناك حدود لكل شيئ حدود مطلوبة في العفة للفتاه وحدود يجب الا تتعداها في مسألة الملابس
يعني بوضوح كدة مش من المعقول ان واحدة تكون لابسة كات واقول استنى شوية لما اشوف اخلاقها ما هي واضحة
وبردة ما ينفعش اني الاقي واحدة منتقبة واقول لما اروح اكلمها الاول وبعدين اتقدم لابوها
وهذا رايي
لكل شيئ حدود

من طرف **mezo2010** الإثنين 24 مارس 2008, 2:00 pm

من راى ان الكلام يكون واضح يا شاعر المنتدى
يا اه يا لا
صح
المهم اه طبيعة اللبس وممكن يتقبل ولا لا يا عني ممكن الزوج هو اللى يغير كل شىء
بس انا افضل المحجبه مع الاخلاق
ولا افضل الاخلاق بدون حجاب
المراة بلاحجاب مدينه بلا اسوار

من طرف الخليفه الإثنين 24 مارس 2008, 2:36 pm

انا عن نفسى وبكل صراحه وبدون كذب وبدون مجامله انا لما بشوف بنت متبرجه ولبسه المحذق والملذق بصراحه انا بهريها تريقه ومعاكسه للصبح وعلى العموم هى بتكون مبسوطه بكلام ده
وده عن تجربه يا برنسيسه يا غزال يايايايايايايايايايا وغيره تلاقى البنت ايه مبسوطه على الاخر وياسلام تقول يا ارض انهدى ما عليكى ادى

اما بالنسبه للمحجبه انا بكون مبسوط جدا لما بشوف بنت محجبه او لبسه اسدال بقول يا ريت كل بنت تلبس اللبس ده
ده هيحفظ البنت اولا
وهيحفظ الشباب ثانيا
وهيمنع المعاكسات

وانا عن نفسى انا ان شاء الله لما اجى اخطب او اتجوز هرتبط بواحده تراعى الله فى تصرفاتها
وتكون محجبه
وشكرا

من طرف **mezo2010** الإثنين 24 مارس 2008, 4:23 pm

يا عم الخليفه
انت استفدت اه لما عكستها
انت غلطان وهى كمان
يوم الحساب هتقول لربنا اه

من طرف **الشيخ محمود** الإثنين 24 مارس 2008, 9:00 pm

طب سؤال بعد اذنك .. فرضاً مثلاً ...
وجدت فتاة ليست محجبه او ترتدي حجاب غير كامل ..
وكانت على خلق واحترام وادب لم تجده في غيرها من قريناتها المحجبات
هل ستقبل بها زوجة ام سيظل المظهر الخارجي عائق وتبحث عن اخرى محجـــــبة ... ؟؟؟؟

ردا على هذا
ان كانت كما تقولين فلما لا
وهنا يكون دور الشاب فى تغييرها واقناعها بالحجاب
فان ابت ورفضت فيكون الانفصال
ولكن بعد ان يحاول معها مرة واتنين وتلاته ...........................!

من طرف **mezo2010** الإثنين 24 مارس 2008, 9:56 pm

وليه من الاول اصلا
هى تتقى الله وتردي زيها الشرعي
صح ولا انا غلطان

من طرف **omar20hatem** الثلاثاء 25 مارس 2008, 10:44 am

sondos كتب:

طب سؤال بعد اذنك .. فرضاً مثلاً ...
وجدت فتاة ليست محجبه او ترتدي حجاب غير كامل ..
وكانت على خلق واحترام وادب لم تجده في غيرها من قريناتها المحجبات
هل ستقبل بها زوجة ام سيظل المظهر الخارجي عائق وتبحث عن اخرى محجـــــبة ... ؟؟؟؟

......

للفتاة ملابس شرعية تحدثنا عنها فى موضوع سابق
والفتاة الفاضلة أرى أنه من واجبها التمسك بكمال الاخلاق
وكما أشار الشيخ محمود فى رده أنه سوف يطلب منها
رداء زى شرعى بمواصفاته
فإن أجابت الطلب كانت كما تقول الأخت سندس بوصفها
وكانت على خلق واحترام وأدب لم تجده فى غيرها
وان لم تجيب الطلب فليتروى طالبها فى طلب الحجاب لها
لأنها قد تكون من الفطنة بأنها تضعك فى اختبار أنت الأخر
وعليه الفتاة مجرد انعكاس لأشياء كثيرة
فنحن لا نختار فتاة لنفسها ولأخلاقها فحسب
فالأمور لاتقاس بهذه الطريقة
أشار الدكتور أحمد واهملتم اشاراته فى حواركم
تخيروا لنطفكم
فكيف نتخيرراجع الأوامر الشرعية فى اختيار الزوجة
فاظفر بذات الدين تربت يداك
وعليه مما سبق
الفتاة انعكاس لكثير من العوامل فلتراجع الأتى
*من هم والداها وسيرتهم بين الناس
*من هم أصحابها وسلوكهم بين الناس
*من هم أقاربها وسيرتهم بين الناس
*من هم أخواتها وسيرتهم بين الناس
*من أى الأماكن هى وسيرتها بين الناس

وأحب نهاية أن أضيف نصيحة بسيطة لشباب دملو
يا ابن دملو حاول أن تتزوج من ابنة دملو
فإنك بها أعلم ولأهلها أدرى وقرب والديك ووالديها
سيجعلك قريب من المشورة والزيارة وصلة الرحم
ونعود لبيت القصيد
الفتاة الجميلة
وهذا كلام من الأخر كما يقول اصحابنا من الأخر
تقصدون جميعكم الفتاة الجميلة وليست الفتاة المتبرجة
لأن من هينطس فيكم فى نظرة ويعاكس واحدة وحشة
حتى ولو كانت متبرجة
اعلم وهذه نصيحة خالصة وعن تجربة شخصية
إن ابتغيت العفة فى الزواج
وأحببت زوجتك حبا خالصا لله
واخلصت لها كما يأمرك ربك ودينك
ستجدها خير المخلصين وأفضل المحبين
وستراها بإذن الله تعالى
أجمل نساء الأرض
ابتغاء لمرضاتك لله سبحانه وتعالى

من طرف **omar20hatem** الثلاثاء 25 مارس 2008, 11:22 am

الخليفه كتب:انا عن نفسى وبكل صراحه وبدون كذب وبدون مجامله انا لما بشوف بنت متبرجه ولبسه المحذق والملذق بصراحه انا بهريها تريقه ومعاكسه للصبح

شكرا على صراحتك
وربنا يعينك على ما بلاك من إثم ارتكبته
واعلم أن الديان لا يموت
وكما تدين تدان
ولك النظرة الأولى وعليك الثانية
وعلم عيناك ولسانك العفة
تؤجر بالخير إن شاء الله

من طرف **sondos** الثلاثاء 25 مارس 2008, 1:31 pm

الشيخ محمود كتب:

ان كانت كما تقولين فلما لا
وهنا يكون دور الشاب فى تغييرها واقناعها بالحجاب
فان ابت ورفضت فيكون الانفصال
ولكن بعد ان يحاول معها مرة واتنين وتلاته ...........................!

omar20hatem كتب:

فكيف نتخيرراجع الأوامر الشرعية فى اختيار الزوجة
فاظفر بذات الدين تربت يداك
وعليه مما سبق
الفتاة انعكاس لكثير من العوامل فلتراجع الأتى
*من هم والداها وسيرتهم بين الناس
*من هم أصحابها وسلوكهم بين الناس
*من هم أقاربها وسيرتهم بين الناس
*من هم أخواتها وسيرتهم بين الناس
*من أى الأماكن هى وسيرتها بين الناس

إن ابتغيت العفة فى الزواج
وأحببت زوجتك حبا خالصا لله
واخلصت لها كما يأمرك ربك ودينك
ستجدها خير المخلصين وأفضل المحبين
وستراها بإذن الله تعالى
أجمل نساء الأرض
ابتغاء لمرضاتك لله سبحانه وتعالى

الشيــــــــــــخ محمــــــــود ...
المهنـــــــــدس \ حــــــاتم ...

سعيـــــدة كتير بقراءة ردودكم ... التي اجدهـــــا منصفة جداً في حق المـــــــرأة

الفكر الذي لا يتعامل مع المـــــرأة على انها قالب خارجي حسن الملامح و المظهــــر فقط .. بل هناك عوامل اخرى
الفكر الذي لا يطلب الكمال من مخلوقة عاديه بها من العيوب والمحاسن .. وانت نفسك ابعد ما تكون عن الكمال
الفكر الذي لا يطلق الاحكام جزافاً على اساس مظهر الفتاة .. بل على استعداد ان يعينها على طاعة الله والالتزام بالتعاليم الشرعية طالمــــا وجد فيها التربة الصالحة التي ستستجيب للحق وعلى استعداد للتغير للافضل ..

انا عارفه ان احنـــــا قاصرين النظر ولا نعلم الغيب ولا نملك مهارات قراءة الكف ...
وان المظهر الخارجي يعتبر مؤشر قوي بنبني عليه انطباعتنا الاولية اتجاه اي شخص زي ما قال استاذ محمد ..

لكن اذا كنا قاصرين النظر فالاولى ان نوسع مداركنا وفكرنا اتجاه مفهوم الارتباط واسس اختيار الطرف الاخر

.....

وفقكم الله الى ما يحب ويرضى

من طرف folladona الثلاثاء 25 مارس 2008, 3:24 pm

انا مش شايفة كلام تانى ممكن اقولة
بس هى رسالة خاصة للخليفة
التبرج بالنسبة ليك هو عدم لبس الحجاب
اية رايك فى البنت الى تلبس حجاب وتلبس علية برمودة
وانت طبعا بتشوف
والى انا اعرفة انك مش عاتق لمتبرجة ولا الى لبسة حجاب

من طرف **mezo2010** الثلاثاء 25 مارس 2008, 5:15 pm

حراااااااااااااااااااااااااااااااااااااااااام

من طرف **hany_atc** الأربعاء 02 أبريل 2008, 12:14 am

بسم الله الرحمن الرحيم

فى الحقيقة انا شايف ان كل الردود تستاهل التحية - ما عدا رد واحد فيه اتهام-
لكن الحقيقة انا ليه وجهة نظر خطأ تحتمل الصواب فى الموضوع ده وهى:
انى شايف انكم بتربطوا فى كل كلامكم بين الحجاب والاحترام والتربية ، او بين مظهرالفتاة عموما وبين احترامها وتربيتها ، انا مش متفق معاكم فى الموضوع ده كليا، ممكن تكون بنت محترمة ومتربية كويس اوى ومش محجبة وبتتعطر ، لان الوسط اللى هى عايشة فيه ده معايير الادب والاحترام عندهم ، يعنى مثلا واحده بنت وكيل وزارة مهم ، او لواء ماسك منصب جامد وعايشين فى وسط الحاجات دى بالنسبة ليهم طبيعية جدا ، ولما تقرب منها انت تكتشف انها محترمة ولما تتحط فى موقف معين يظهر معدنها الطيب ليها حدود لكن بتختلف عن حدود واحده عايشة فى مدينة سياحية ، بتختلف عن واحده عايشة فى مدينة عادية ، بتختلف عن واحده عايشة فى قرية ريفية ، وكمان بتختلف من واحده عايش فى الصعيد عن واحده عايشة فى بنها عن واحده عايشة فى مدينة نصر.

اقصد ان الاحترام والتربية ملهمش مقياس او حدود معينة بحيث اننا نقدر نحكم من خلال الحدود دى لو البنت تخطاتها او اقتربت منها انها مش محترمة او مش مؤدبة....

الاحترام والتربية بتبقى من الاسرة وكمان بتبقى فى الطبع يعنى شئ داخلى معنوى بيظهر فى التعاملات الاجتماعية -وعلى المظهر الخارجى - لكن كلا على حسب ثقافته وبيئتة.
وانا بفضل استخدم مصطلح متدينة عن محترمة او مؤدبة، لانى كلمة متدينة لما تسمعها يبقى تشمل كل الصفات الحلوة اللى فى الدنيا.
لكن كلمة محترمة مطلقة مختلف عليها فى حدود الاحترام ياترى محترمة من وجهة نظر اللى بيوصفلك ، ولا محترمة من وجهة نظرها هى ، ولا محترمة من وجهة نظرك انت.
لكن جرب كلمة متدينة ، مش هاتختلف عليها فى اى حاجة .
وكل متدينة محترمة ومتربية ومؤدبة لكن مش كل واحده محترمة ومؤدبة تبقى متدينة.

اقصد بكلامى ده ان الحجاب ده امر دينى ، فلما نتكلم عن الحجاب يبقى نتكلم على الدين مش على الاحترام.

وانا وجهة نظرى ان اى فتاة مش محجبة مش متدينة قطعا ، لان الحجاب ده أ ب تدين بالنسبة للبنت ، ومش معنى انها مش متدينة انها مش محترمة او سلوكها وحش بدليل ان فى مسيحيات كتير محترمين مش مسلمين كمان.
وفى نفس الوقت مش اى واحده لابسة حجاب تبقى متدينة ، لان الله اعلم سبب ارتدائها للحجاب ده كان ايه ممكن يكون اهلها غاصبين عليها تلبسة ، ممكن تكون شعرها وحش فبتلبس الحجاب تدارية ، ممكن تكون لابسه الحجاب تتستر وراه وده اخطر حاجة.......

فانا عن نفسى لما اشوف واحده مش محجبة ااقدر احكم عليها انها اكيد مش متدينة لكن احترامها مقدرش احكم عليه غير لما اتعامل معاها.
ولما اشوف واحده محجبة بافترض حسن النية انها متدينة لحد ما يبان شئ غير كده. والحمد لله قليل اوى الى بقابلهم او اعرفهم والاقيهم غير كده.

فالحمد لله ان الخير فى امة محمد الى يوم القيامة.
واسف على الاطالة - وياريت اللى شايف انى خطأ يوجهنى للصح.
************************

من طرف **omar20hatem** الأربعاء 02 أبريل 2008, 6:51 am

الى الكابتن هانى نشكرك شكرا جزيلا على رأيك الجميل
وإيضاحك المعروض بطريقة جذابة وشكرا لك
وأحب فقط أن أذكر حضرتك بالموضوع الرئيسى بعيدا عن تعليقات الاعضاء
وهو مقارنة واضحة بين فتاة متبرجة وأخرى محجبة
او بمعنى أفضل كما قلت متدينة
وبهذا نكون جميعا اشتركنا فى تقييم هذا الموضوع بصورة صحيحة
وطبعا حضرتك على رأس المقيمين
وأنت أشرت ووضحت الفاصل الواضح بين الاحترام والتدين
لأنه فعلا نحن ننسب الاحترام لغير المسلمين
وحتى ننسب لبعضهم التدين بديانتة
فقط نوهنا على أن المقارنة فى الأصل
بين الفتاة المتبرجة والمحجبة من المسلمات
وليس المؤمنات
لانه ليست هناك مؤمنة متبرجة

من طرف **dr_ahmed** الأربعاء 02 أبريل 2008, 11:15 am

انا بطلب من الشيخ محمود لانه هو المتخصص يقول الفرق بين الحجاب وهو الاصل فى الاسلام وغطاء الرأس اللى ناس كتير فاكراه انه الحجاب اللى بيتلبس مع برمودا

من طرف **dr_ahmed** الأربعاء 02 أبريل 2008, 11:17 am

وياريت تاخدوا بالكوا من المتخصص دى يعنى اللى مالناش فيه مانكلمش فيه وربنا يهدى

من طرف **hany_atc** الخميس 03 أبريل 2008, 3:05 pm

dr_ahmed كتب:انا بطلب من الشيخ محمود لانه هو المتخصص يقول الفرق بين الحجاب وهو الاصل فى الاسلام وغطاء الرأس اللى ناس كتير فاكراه انه الحجاب اللى بيتلبس مع برمودا

انا شايف ان حضرتك متخصص يا دكتور احمد -لانك مسلم وطلب العلم فريضة عليك - واشرت بالفعل للفارق
ان الحجاب هو الاصل فى الاسلام للنساء
وان اللى بيتلبس مع برمودا ده اسمه غطاء للرأس يعنى مش حجاب خالص

حضرتك قلت السؤال واجابته

من طرف **hany_atc** الخميس 03 أبريل 2008, 3:15 pm

omar20hatem كتب:
الى الكابتن هانى نشكرك شكرا جزيلا على رأيك الجميل
وإيضاحك المعروض بطريقة جذابة وشكرا لك
وأحب فقط أن أذكر حضرتك بالموضوع الرئيسى بعيدا عن تعليقات الاعضاء
وهو مقارنة واضحة بين فتاة متبرجة وأخرى محجبة
او بمعنى أفضل كما قلت متدينة
وبهذا نكون جميعا اشتركنا فى تقييم هذا الموضوع بصورة صحيحة
وطبعا حضرتك على رأس المقيمين
وأنت أشرت ووضحت الفاصل الواضح بين الاحترام والتدين
لأنه فعلا نحن ننسب الاحترام لغير المسلمين
وحتى ننسب لبعضهم التدين بديانتة
فقط نوهنا على أن المقارنة فى الأصل
بين الفتاة المتبرجة والمحجبة من المسلمات
وليس المؤمنات
لانه ليست هناك مؤمنة متبرجة

اشكرك واسمح لى ان اقول يا أخى الاكبر على ردك العاقل وعلى تنويهك بالغرض الاساسى للموضوع ، وارى بالفعل انى لم اجاوب على الاسئلة الواردة فى الموضوع منذ البداية
وان شاء الله هاجاوب عليها المشاركة اللى جيه.

من طرف **hany_atc** الخميس 03 أبريل 2008, 3:37 pm

اليكم الاجابات:

* عندما ترى فتاة متبرجه ..هل تضايقها وما يكون رايك فيها؟

الحقيقة الاول كنت بضايقها - مش بعاكسها لكن بحاول اظهار اشمئزازى من منظرها واحاول اوصلها انها لفته الانتباه كشئ متفرد القباحة ليست كفتاه متميزة - لكن دالوقتى كتروا اوى لدرجة انى بقيت انا اللى بتضايق
لكن للامانه لما اشوف واحده مزوداها اوى لدرجة انى مثلا مش عارف اتنفس من شدة نفاذ رائحة برفانها ساعات بخليها تكره نفسها.

* من تحترم اكثر ...الفتاه المتبرجه او المحجبه؟

بالطبع الفتاة المحجبة ، اما المتبرجة لو انا اعرفها واتعملت معاها ممكن احترم فيها شئ واحد مثلا احترم طريقة تفكيرها ، احترم ردود افعالها او ثقتها فى نفسها .
ولما اكون مثلا قاعد فى اتوبيس زحمة ولقيت ان فى فتاة محجبة واخرى متبرجة واقفين الاتنين ، بالطبع باقوم واقعد المحجبة لانها غير انها بنت وانا راجل اكيد هاتتأذى ان حد معدى يخبط فيها لكن المتبرجة بحس انها مش فارقة معاها كتير.

* اذا نويت تتزوج ان شاء الله ...راح تبي تتزوج فتاة مسلمه -يعني بتصلي وتصوم بس ما بلبس الحجاب- ام انك تفضل تتزوج فتاه محجبه؟

أسأل الله ان يمن عليه بالزوجة الصالحة التى تساعدنى لتربية ابنائى التربية الصالحة.
عند الزواج انا بتمنى ان تكون زوجتى حافظة للقرأن او على الاقل ماهرة فى قرائته ، بالطبع ان شاء الله محجبة -افضل الخمار - من اسرة طيبة وامها تكون متدينة او مش بتتكلم ، وده لانى نفسى اربى اولادى على الاسلام ويطلعوا مسلمين يفتخر الاسلام بهم ، وانا بطبيعة شغل مش هاكون موجود فى البيت كتير -تقريبا 15 يوم فى الشهر غائب- لذلك انا عايز اسيب ورايا واحده تخاف ربنا فى اولادى وتكون هى نفسها عندها هدف فى تربية الاولاد على الاسلام الصحيح وبتنمى فيهم الروح المؤمنه وبتعدهم ليوم نصرة الاسلام والمسلمين.

من طرف **128** السبت 26 أبريل 2008, 6:57 pm

فرق كبير قوى بين المحجبة والمتبرجة واحنا مش هانقول دلوقتى الفرق بعد 1400 سنة لان الفرق موجود فى القرآن والسنة وكمان فى فرق فطرى ربنا خلقه فى الانسان وهو حبه للستر عن عيون الاخرين وده اللى خسرناه طبعا بمرور الزمن الشئ اللى خلى كل حاجة حوالينا مش محجبة وبدات تميل للعرى بداية من الجسم وانتهاء بالافكار وانا بتكلم طبعا عن الرجل والمراة على حد سواء بس مما لاشك فيه من وجهة نظرى البحتة ان المراة هى المفتاح لاى شئ خفى يا اما تستره او تفضحه

لكن ايه اللى بيعجب كل واحد فينا وايه اللى محتاجه كل واحد فينا ومحتاجه طبعا مجتمع المسلمين؟

الحقيقة شباب كتير بيحب يرتبط بمحجبة(زواج) بس يحب يمشى فى الشارع مع بنت متبرجة علشان يقولوا عليه جامد وده نوع من الازدواجية

بنات كتير حاسة ان فى حاجة ناقصة فى جمالها فبتحاول تكملها بالتبرج وده نقص ثقة وطبعا ضعف فى التدين

واكيد فى بنات محجبة بس مش متدينة او حتى مش مؤدبة او محترمة وده طبعا حجاب خارجى لكن بالتاكيد هى فاضية من داخلها

بس فى حاجة واحدة فى البنت دى كويسة وهى انها مش فاتحة مستودع اسرار البنت لكل البشر اللى عايز يتفرج ويمكن كمان

ياخد شوية من المستودع ده

واكيد كلكم عرفتم وشفتم كليبات وصور التحرش ببنات وسط البلد

الذنب مش بس ذنب البنات لكن الولاد كمان عليهم ذنب لكن زى ماقلت البنت معاها المفتاح

طبعا مش هاتكلم عن البنت المحجبة المحترمة المتدينة لان صفاتها بتتكلم عنها وسيرتها وسط الناس كمان بتتكلم عنها

يا جماعة المشكلة ظروف اجتماعية وقلة تربية وغياب لدور الاسرة والمدرسة وظهور اعلام عايز الوضع يبقى كده

البنت ماتتحجبش عادى مش مهم امشى وبص فى الارض لحد ماتقع فى بلاعة مفتوحة

كليبات واعلانات كل ابطالها بنات عادى البنات لازم تتعلم وتقلد ومش مهم الباقى

شباب كل حياته انه يقلد مش مهم عادى ولادنا بردو هو احنا هناخد زمانا وزمن غيرنا

تعالوا نحاول كل واحد يصلح من نفسه

البنت تتحجب او على الاقل تلبس حشمة

الولد يغض بصره ويفتكر ان ليه اخت او ام

الزوج لازم يشوف فى زوجته اللى مش بيشوفه ممكن فى بيتها تلبس زى البنات اللى فى الشارع علشان يعرف

ان معظم الستات زى بعض لما بيلبسن نفس اللبس والموضوع مايبقاش فارق معاه

تعالوا نحاول اكيد فى كتير ممكن نعمله ونشوف مجتمعنا هيبقى ايه

الحكاية مش حكاية بنت محجبة وبنت متبرجة الحكاية حاجات كتير قوى خليتنا نسال دلوقتى الفرق بينهم؟؟؟؟

من طرف **128** السبت 26 أبريل 2008, 9:22 pm

إن ابتغيت العفة فى الزواج
وأحببت زوجتك حبا خالصا لله
واخلصت لها كما يأمرك ربك ودينك
ستجدها خير المخلصين وأفضل المحبين
وستراها بإذن الله تعالى
أجمل نساء الأرض
ابتغاء لمرضاتك لله سبحانه وتعالى

باشمهندس حاتم

دى اغلى نصيحة ممكن نسمعها ونرجوا ان نكون كذلك

من طرف **santos** الأحد 27 أبريل 2008, 6:47 pm

أنا اكمنى لسه متجوزتش بس النصائح غاليه وهامه

من طرف زائر الأحد 27 أبريل 2008, 8:18 pm

الموضوع جميل فعلا ومثير للاهتمام بس انا ممكن ردي يكون في تعليق مش كويس انا ممكن تكون الفتاه المسلمه اللي بتصلي وبتصوم وعارفه ربنا اكيد لازما هتكون لابسه حجاب اوكي اما المحجبه انت ما ذكرتش ليها اي مواصافات وعلي غير العاده في الايام الاخيره يبقي في بنات محجبات وغير محترمات

من طرف **heromero** الأربعاء 30 أبريل 2008, 8:09 pm

اولا احب ان اتشرف بالدخول على هذا المنتدى الجميل
اريد ان اشرح ان كل شخص ماهو إلاصورة طبق الاصل لبيئتة
الذى تربى فيها وراى من ناحية الموضوع هو ان ندعو لها بالرحمة والهداية لها ولكل امثالها
ويارب ان يرزقنا الهداية والتقوى والعفو لاننا فى وقت اصبحت فية الشهوات تطغى على كل ما هو روحى ووجدانى فى حياتنا
ويكفى ونريد الاستمرار والتجديد لكل اقسام المنتدى ميرو

من طرف **mezo2010** الأربعاء 30 أبريل 2008, 10:40 pm

شكرا لك
وبارك الله فيك

موضوع ساخن للنقاش

موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش

رد: موضوع ساخن للنقاش