الموقف الجديد

من طرف **mezo2010** الخميس 06 مارس 2008, 2:11 pm

اه لرئيكم في نقل موقف العربيات الى مكانه اجديد
في كفر الجزار

من طرف **سميرالسيد** الخميس 06 مارس 2008, 2:58 pm

حلو جدا؟
فين بقى مكانة الجديد؟؟؟
اللى اتنقل فية؟؟؟

من طرف **mohammed** السبت 08 مارس 2008, 10:32 am

قمة التخلف
بيحطوا العربية قدام الحصان
سؤال وجيه
اخدم الناس الاول ولا ارفه عنهم
الحديقة الجديدة للترفيه والموقف للخدمات ايه المانع لو تم اقتطاع الجزء القريب للكوبري للموقف وتوسيع الحديقة زي ما هما عاوزين بعد كدة
عاوز اعرف لو واحد جاي من بنها وشايل شيله تقيلة هيقدر يعدي الكوبري ويمشي اكتر من 200 متر على رجليه وهو شايل الشيلة بتاعته يرضي مين ده بس
والله حرام عليهم دول شوية ؟؟؟؟؟؟؟ اللي فكروا في الفكرة دي
ربنا يصبرنا
والمثل بيقول اصبرعلى جار السوء يا يرحل يا تجيله مصيبة تشيله

من طرف **سميرالسيد** السبت 08 مارس 2008, 10:58 pm

يعنى اية وضحو
هو اتنقل فين؟
200متر من اى اتجاة؟

من طرف **mezo2010** السبت 08 مارس 2008, 11:25 pm

عند النيابه الاداريه

من طرف **سميرالسيد** الإثنين 10 مارس 2008, 4:56 pm

اة
فكرتة وحشة لكن
هل نقدر نعمل شىء للتغيير؟؟

من طرف **mezo2010** الإثنين 10 مارس 2008, 5:16 pm

لا

مفيش حاجه ممكن تتغير
.
امر واااااااااااااااااااااااااااقع

من طرف **أبو اياد** الإثنين 10 مارس 2008, 5:49 pm

دا الموقف الجديد دا
عايز الواحد يصحي ساعه بدري كل يوم علشان يروح الشغل

من طرف **سميرالسيد** الإثنين 10 مارس 2008, 11:03 pm

هل ممكن نبدل الاماكن يعنى؟
الموقف يرجع مكانة والحديقة تروح مكان الموقف الحالى؟
اية رايكم لو نقدم شكوى بكدة؟

من طرف **omar20hatem** الثلاثاء 11 مارس 2008, 8:11 pm

شخبطة أولاد سيادتك تخطيط لمستقبلنا يا أفندم
مثل صح ولا غلط مش عارفين
وبعدين ياجماعة زعلانين ليه
زلا علشان بيتكم ياشاعر قرب الموقف ما بتمشيش الصبح
ما انا بيتنا بعيد عن الموقف اكثر من كده
وغيرى بييجى من على الترعة من أخر الدنيا
وما بيشتكيش
اعتقد ان النقل لمسافة 200 متر لا يعنى أى شىء سىء
ويا سيدى لو نا منك يا شاعر أقدم على نقل علشان أروح النيابة الإدارية وساعتها هتقول
للمسؤلين
شخبطة أولاد ...................يا أفندم
مش كده ولا ايه

من طرف ahmoda الأربعاء 12 مارس 2008, 12:43 am

انا مشش موافق علي الكلام بتاع الشاعر اطلاقا
انا شايف ان نقل الموقف للمكان ده فعلا خطوه للتحضر
وعاوز اسال الاخ محمد سؤال واحد انتا بتشفش المكان القديم بتاع الموقف بيكون شكله عامل ازاي طول اليوم (السيارات واقفه بدون تنظيم.السوزوكي واقفين بكل تناحه في نص الطريق .عربيات النص نقل راكنه عند القهوه.السواق قاعد علي القهوه ومبقمش من عليها اما لما تقرب تحرقله كلاكس العربيه.)
والادهي والامر من كل ذلك الدوران اللي هيدخلك علي الكوبري بيكون مزحوم بطريقه غبيه
انا فعلا شايف ان نقل الموقف ده موضوع كويس وكمان ان مفيش اي عربيه سزوكي تروح ناحيه هناك
المشي رياضه يا اخ محمد ولو مش عاجبك يا سيدي هات عربيه علي قدك ومتكنش غاليه قوي يعني في حدود 80:90الف

من طرف htmhm الخميس 13 مارس 2008, 12:37 am

فكرة نقل الموقف فكرة جيدة جدا
لان منطقة الموقف القديم كانت فى قمة العشوائية وسكان المنطقة دى بجد تعبو من الموقف وقرفة و لو احنا كنا مكانهم كنا هنطلب بنقل الموقف واعتقد ان مكانة الجديد بعيد عن الكتلة السكنية نسبيا وموقعة كويس جداااااا والافضل انهم ينقلو القهوة كمان فى المكان الفاضى الموجود جوة خالص على البحر ويرحمو الناس من قرف القهوة
ودلوقتى توافرت عربيات من الاشارة لحد الموقف بربع جنية عشان اللى مش عاوز يمشى واللى عاوز يمشى براحتة وانا عن نفسى بمشى الحتة الصغيرة دى
وتقبلوا رأيى

من طرف **mohammed** الخميس 13 مارس 2008, 10:23 am

احمد باشا حمودة
انا مستعد اشتري عربية بس بشرط حضرتك تسلفني ثمنها " ولا اقولك تسلفني ليه اعتبرهم زكاة مالك " احنا برده موظفين ونستاهل الزكاة
باشمهندس حاتم
انا مش بتكلم عن نفسي انا على العموم بمشي المسافة دي كل يوم بس انا ذكرت مثال بالشيخ الكبير اللي شاري حاجة من بنها وراجع وانت عارف
واذا كان فيه عربيات طيب ليه نزود التكاليف على الناس هي مصاريف على الفاضي
هتقوللي دا ربع جنيه برده بتفرق لو بيسافر كثير
اما بالنسبة للحج حسن
اعتقد ان الشيئ الوحيد اللي كان هيخللي المنطقة حضارية لو هم بيفكروا بالصورة اللي حضرتك ذكرتها هو نقل الباعة الموجودين اخر الكوبري اللي منظرهم اكبر تخلف مش نقل الموقف اللي بيخدم اكثر من 30 الف شخص من الثلاث قرى
والاقتراح اللي قالوا الاستاذ سمير
المفروض هو اللي كان يتم ولو مش عاجبهم ان الموقف يبقى في الطريق ممكن يدخل لمسافة داخل حرم النهر بس يكون قريب وفي الوقت ده يمنع اي عربية سوزوكي تدخل للموقف ويكون عنده حق

من طرف **سميرالسيد** الخميس 13 مارس 2008, 2:48 pm

ياأستاذ حسن باشا
ربع جنية من الاشارة للموقف(لية)
هو المواطن ناقص ربع زيادة؟
والموقف اتشال من امام اية؟(القهوة)وراح امام العماير اللى على الطريق مباشرة
الغريب فعلا
اننا موافقين على الكلام الغريب دة؟
انا رايح بنها تنزلنى لية عند النيابة؟وتجبرنى امشى

من طرف htmhm الخميس 13 مارس 2008, 5:32 pm

يا جماعة اكيد كل حاجة ليها عيوب ومميزات
ولو المميزات افضل من العيوب نستحمل شوية
وبعدين احنا بنتكلم على مستوى الموقف يعنى دملو وورورة وميت الحوفين بس ونستوا كفر الجزار وسكان المنطقة وحقهم فى الهدوء والمكان النظيف يعنى الموقف لو كان امام بيت اى حد فينا والسواقين قاعدين يبصوا على اللى داخل واللى خارج والدخان والقهوة والزحمة وباقى العيوبى اكيد كان هيطلب بنقل الموقف
غير ان الموقف الجديد مش واخد جزء من الطريق زى القديم وفى متسع كبير جدا للسيارات حتى اللى عاوز يركن
وتقبلوا رأيى

من طرف زائر الخميس 13 مارس 2008, 6:30 pm

انا بصراحة مستاء جدا من الشاعر محمد افندي حلاوة
مش علشان الموقف والكلام اللي انتوا بتقولوه والحاجات دي
انما علشان قال ان الموقف بيخدم 30 الف واحد

انت شكلك ما بتابعشي موضوعاتي يا محمد افندي
ولا انا بتكلم في الهوا ...تعداد دملو وروروة وميت الحوفيين
يا سيد محمد 28 الف بس منهم الاطفال والستات مش 30 الف

يا خسارة تعبك يا ابو ربيع

ايه بقي موضوع الموقف ده ؟ مش واخد بالي

ممكن من الاول لو سمحتوا ..؟

من طرف ahmoda الخميس 13 مارس 2008, 9:53 pm

يا بشمهندس ابو ربيع مجتش علي الفين ييعني ....................عديها
وبعدين ايه ربع جنيه ده اللي انتوا بتتكلموا عنه..احنا ممكن نعمل عليه نكته(0بيقولك مره واحد بيقول لصاحبه انا اشتريت بربع جنيه حلمبوحه قاله يعني ايه ربع جنيه)
وبالنسبه لموضوع حق العربيه فاعتبر الموضوع ده منتهي روح علي احسن معرض عربيات في دملو واختار العربيه اللي انتا عاوزها والحساب عندي

من طرف **cabo** الجمعة 14 مارس 2008, 4:13 pm

لسة معرفتوش لية؟؟؟

هناك عمارة امام الموقف القديم عارفنها؟

ابحثو هتلاقو اصحاب العمارة دى هم اللى نقلو الموقف

امام العماير بتاع الغلابة

[وحطو امامهم الجونينة(الحديقة)

[وقالو احنا مبنحتجش الموقف هنا فى شىءخلية وراء (قريبt

من البلاد اللى ورا.....

وكاننا مش قد المقام

فهمتو.. أبحثو.. هتعرفو!!!!

بس الظريف فى الموضوع .....أننا بنتأقلم ونقول خليها رياضة

واية يعنى

يجب ان نشجب على الاقل

عايزين شكوى ياجماعة

والله انا عرفت الان لية وصلنا للحالة دى فى مصر

عشان بنتأقلم بسرعة على الغلط

هو الموقف اتنقل من اما م بنأدمين الى ..امام اية

هى العماير فى نظر حضرتكم اية؟؟؟

من طرف ahmoda السبت 15 مارس 2008, 1:12 am

بس براحه يا كابو
انتا واخد الموضضوع ده علي صدرك ليه كده
يعني بالعقل الناس اللي قاعدين في العماره دول مستنين اكتر من 15 سنه وجايين دلوقتي يزهقا مش ده برده كلام ميدخلش العقل ولا ايه

من طرف **mohammed** الثلاثاء 18 مارس 2008, 10:58 am

اولا انا ما اقدرش على زعلك يا باشمهندس
يا جماعة الموقف بيخدم 28 الف بني ادم والفين من غير البني ادم
مبسوط كدة يا باشمهندس
ثانيا : اللي عندهم عربية ما يتكلمش عن الموقف
ثالثا : حسن باشا الموقف اتنقل امام عمارات برده فيها ناس وبالمبدأ بتاع حضرتك ان شاء الله اتوقع انه هيبقى قريب جدا امام السلخانة , يعني علشان يبعد عن الناس اللي احنا بنعمل لهم ازعاج
رابعا : انا مش بقول ان كلام كابو صح بدليل ان موقف بطا اتنقل كمان ومتهيالي يا كابو ان المحافظ نقل الموقف علشان المنظر من شباك المحافظة مش جميل على الضفة التانية من النهر فعمل ايه جنابوا شال الموقف وعمل جنية " اسف " قصدي جنينة
والناس اللي ما لهمش لازمة اللي بيركبوا العربيات دي يمشوا شوية بدليل ان اول الموقف ما اتنقل كانوا بيمنعوا عربيات السوزوكي تدخل للموقف
والله انا شاكك ان المحافظ عامل مشروع ومشارك كام واحد على عربية سوزوكي وبيعمل شغل على قفانا

من طرف ahmoda الثلاثاء 18 مارس 2008, 1:16 pm

انا معاك يا محمد اللي عنده عربيه ميتكلمش
بس الموضوع ده ساعد ناس كتيره انها تجيب عربيات
لدرجه ان فيليكس جاب عربيه(صدق او لا تصدق)

من طرف **ayman hamoda** الخميس 20 مارس 2008, 2:19 pm

والله أنا شايف ان لو الموقف اتعمل مكان الحديقة يعني يكون قريب من الكوبري .

وكان أخذ مساحة أكبر واتعمل فيه تخطيط أحسن

والحديقة أخذت نصف المساحة

كان ده بقى تخطيط ينفع لعشرين سنة قدام

انما احنا بلادنا خلطبيطة
يعني الجماعة اللي سايقينها مش بيبصوا الا تحت رجليهم
عجبي عليكي يا بلادى

من طرف **سميرالسيد** الخميس 20 مارس 2008, 2:44 pm

آدى الافكار
سمعت ياحمد باشا

من طرف ahmoda الجمعة 21 مارس 2008, 12:10 am

سمعت ايه
احنا للاسف اخر حاجه نفكر فيها الرقعه الخضراء
وانا عاوز اسال كام واحد قرء الموضوع ده
بامانه في واحد قال لنفسه الحمد لله انهم هيعملوا حديقه علشان تبقي متنفس للعين وخطوه نحو مستقبل افضل يراعي ادميتنا
ام ان كلنا بصلها من ناحيه واحده وهي اننا هنمشي كام متر زياده
يا جماعه بامانه انتم بتصعبش عليكم نفسكم لما تتفرجوا علي اي فلم اجنبي وتشوفوا ان المساحه الخضره اللي موجوده امام المنازل قد ايه ومدي الاهتمام المتاح ليها

من طرف **سميرالسيد** الجمعة 21 مارس 2008, 11:09 am

هنبدل
خلى الموقف اودام
والخضرا
ورا

من طرف **mezo2010** الجمعة 21 مارس 2008, 10:24 pm

الكلام ده كان من قبل التنفيذ
خلاص مش مشكله علشان احمد شكله زعلان
الخضره اهم
والجمال الطبيعي
والمناظر الخلابه
بس يا ترى
هم بيهتموا برغيف العيش
زي المناظر والتجميل

من طرف ahmoda السبت 22 مارس 2008, 12:34 am

انا مليش دعوه
يهتموا بالي هما عاوزينه
بس المهم اننا يكون عندنا شويه حس بالجمال الرباني
واولا ايه المشكله في موضوع العيش يعني
المحلات ملاينه بسكويت ساده ومحشي بالكريمه وبالشكولاته
هو لازم يعني عيش

من طرف **dr_ahmed** الجمعة 28 مارس 2008, 2:02 pm

النظام حلو ياجماعة طبعا انتوا فهمينا ولا فى حد عنده اعتراض Rolling Eyes

من طرف **dr_ahmed** الجمعة 28 مارس 2008, 2:03 pm

سمعك بتقول حاجه ياهندسة Evil or Very Mad

من طرف **mohammed** السبت 29 مارس 2008, 1:46 pm

يا احمد الرقعة الخضرا ما تنفعش في البنطلون الاسود
فاهمني ولا مش فاهم

إيه موضوع الموقف الجديد ده يا شباب
ياريت توضحو لإخوانكم المغتربين بالتفصيل إيه اللى بيحصل عندكم بالضبط
ما تتخيلوش أد إيه الواحد بيبقى مشتاق يسمع أويعرف أى خبرعن البلد اللى اتولد واتربى وعاش فيها

من طرف **mezo2010** الخميس 10 أبريل 2008, 8:57 pm

لقد تم نقل موقف دملو بكفر الجزار من
جوار الكبري الى امام
المجلس المحلى بكفر الجزار

من طرف ahmoda الجمعة 11 أبريل 2008, 1:00 am

ازيك يا عبدالله باشا
والله لك وحشه في الفؤاد يعلم بها رب العباد
ومهما طال البعاد رؤيتك هي المراد

من طرف **santos** الأربعاء 16 أبريل 2008, 12:07 am

على فكره نقل الموقف من احسن القرارات
عشان زى مقال اصدقائنا المنطقه الاماميه منطقه عشوائيه

من طرف **heromero** الأحد 11 مايو 2008, 1:12 am

هو فية احسن من كدة هم مش عارفين يريحونا اذاى كتر الف خيرهم
احنا تعبنهم بجد وربنا يقويهم
ويصبرنا احنا
ميرو

والله اللى فاضل ان الحكومة تنقل البيوت من اماكنها والناس الغلابة كمان من كفر الجزار لحد ميت برة وتعملها مدينة ملاهى لولاد الزوات اقصد (زوات الاربع) وعجبى Cool

يا جماعة موضوع نقل الموقف ده بناء على موافقة اعضاء المجلس المحلى اللى فيه اعضاء من دملو
ولو فى شوية من
كانوا ابدوا حتى عدم الموافقة ولا كله بيخاف على الكرسى
دول حتى مش مقدرين ابآئهم ولا حتى ابنائهم
دول زى
سلام

اخواتى الكرام اظن الموضوع انتهى وهو بصراحة غير صالحنا

لكن موقف دملو يحتاج الى عملية توسيع - حضراتكوا بتشوفو ا السيارات وراء بعضها

طابور والراكب الذى ينزل من السيارة القادمة من بنها لازم يكون عيناه فى وسط راسه

من الطيارين الذاهبين على طول الى ميت الحوفيين

احنا نحتاج الى توسعة الموقف بدملو وبامر الله ساكتب طلب الى المحافظ بهذا الخصوص

علشان يحولة الى الوحدة المحلية ويرسلو ا جريدر يقوم بتوسيع الموقف وبعدين نشوف

عربيتين حمرة ونضعهم فى المكان 0

وارجوا جهودكم ولا تنتظروا المحليات

شىء جميل لفوضى مالها مثيل لاعضاء مجلس محلى تابعين
للاوامر منصغين معصبين العينين فى الفلح مهزومين
واللى يزعل من الحق الله يسمحه
معايا ولا
مع التانيين
الافوكاتو محام

اخواتى الكرام الى حدث خلاص لارجعة فيه لكن هل نحتاج الى موقف نحن بالقرية

لااقصد موقف مثل موقف كفر الجزار لكن نريد توسيع مكان وقوف السيارات

الذى ينزل من السيارة القادمة من بنها لابد ان تكون عيناه بوسط راسه كما يقولون

والطيارين الذين قادمين الى ميت الحوفيين لايهدئون ابدا فنظرة الى موقف دملو

وننظر للمستقبل 00

محاسب/ محمد عبد الرشيد