لعبه غريبه

:HB::HB:عاوزين بقى نشوف شطرارتكم يا شباب

ازيكم عاملين ايه
وعاوز اشوف الناس اللى جوبت
وانشاء الله هلاقى ناس بتفهم

طبعا انت داخل ونفسك تعرف انت هتبقي ايه
( شديد الغبااااء - غبي - عادى - ذكى - شديد الذكاااء وانسااان خارق )
على العموم انا سامع ان هناك 4000 شخص خارقين وشداد الذكااااء

هتقولى ازاى ؟؟

هقولك لما تدخل على اللينك ده

http://flash.abunawaf.com/2005/09/room.swf

هتبقي عباره انك في اوضه ومطلوب منك تطلع 13 حاااجه مستخبيه فى الاوضه علشان تقدر تهرب منها

شوف بقي

لو طلعت من 0 : 4 حاجااات يبقي انت ملكش لازمه في الدنيا دى وشديد الغباء وعاوز ضربك بالنار
لو طلعت من 4 : 8 حاجااات يبقي انت غبي ويجي منك
ولو طلعت من 8 : 10 حاجات يبقي انت عادى يعني زيك زى اى حد
ولو طلعت من 10 : 12يبقي واد ذكى وماشاء الله عليك .. ربنا يحميك ياحاج

اما بقي المفاجأه الكبيره هتحصل لو انت طلعت الـ 13 حااااجه وخرجت من الاوضه وهربت
يااااااااااااااااااااااااااه هتبقي واد محصلتش
يبقي انت كده فى قمة الذكاااااااء

على العموم يلا بينا نشوووف انت عامل ازاى

اتفضل افعص على اللينك ده وادخل اللعبه البسيطه دى


http://flash.abunawaf.com/2005/09/room.swf


:مستنى الردود علشان اعرف كل واحد ظروفه ايه
ويا ريت اللى عنده اى مسبقات ينزلها

انا عرفت 10

انا وصلت حتي 12 بس مش عارف اخرج

ولا عمرك هتخرج

بص بقي يا احمد
أنا وصلت ل12 حاجة
بس موضوع الخروج ده
محتاج شوية تفكير تاني
اديني فرصة تانية
موضوع الصندوق اللي فيه الكليب ده اكيد وراه حاجة
والرقص ده اكيد له معني
نجرب تاني

جربنا تاني ووصلنا للخزنة
واكتشفت مكانها ووصلت للأرقام السرية
بس برضوه مش راضية تفتح

معلش كمان مرة ربنا يسهل ان شاء الله
الموضوع كبر في دماغي

الحمد لله لقينا ال13 حاجة يا أخ أحمد
وفتحنا الباب وخرجنا وتخيل الباب
بيتفتح بالمفك مش بمفتاح
بصراحة لعبة ممتازة

يا ريت لو حد حلها تاني يقول
علشان اطمن علي نفسي

انا وصلت ل 12 قطعة وركبت السيجار في العلبة وكمان الشريط
بس القطعة 13 مش لاقيها

طيب يعني يا محمد بك
جاي تدور عليها هنا

ولا يمكن الدنيا هناك ظلام
والمنتدي فيه نور
فجاي تدور في النور ؟

هانت
11 قطعه

في اللعاب تنيه على اللنيك اللى بعد الباب ما ينفتح

مش لاقيها خلاص انا زهقت

افهم من ردك يا اخ ميزو
انك فتحت الباب ولقيت 13 حاجة ؟
معلش انا بطمن عليك بس ؟
انا متأكد من ذكائك طبعا

لا 12

يا ريت تشرحلي انتا ازاي لقيت الارقام السريه

ايه ده يا ابو حميد
هو انت مش عارف الحل
وانا اللي قلت انت بتختبرنا ؟

علي العموم واضح ان معظم الناس
لقيت 12 حاجة بس
ومش عارف حد لقي الخزنة ولا لأ ؟

وبعدين ممكن نقول خطوات الحل كاملة بعد كده

ايه يا جماعة
محدش عرف الحل ولا ايه ؟؟؟

طيب كاتب الموضوع يإذن لنا
ونكتب الحل ؟؟؟؟؟
ولا هتحاولوا تاني؟؟؟؟؟؟

خرجت من الغرفه بعد 5ايام وبعد3ساعات امام الخزنه
وشكرا لحضرتك على هذه اللعبه الجميله

بعد توصل العضو المحترم shimo للحل
استأذن المهندس احمد حمودة في ذكر الحل بالتفصيل

تبدا اللعبة بالوصول الي الغرفة والبحث للعثور علي 13 شئ موجودين بالغرفة
يتم العثور عليهم تباعا كالتالي :- (1)

(1) خاتم موجود في الطبق علي وحدة الادراج
(2) ورقة مكتوب عليها بعض الكلام في الدرج الاول (حاول ان تكتب الرابط الموجود علي الورقة بحيث
يمكنك الرجوع اليه دون الرجوع للورقة وليكن في ورقة خارجية لديك )
(3) علبة cdفارغة في الدرج العلوي شمال
(4) شريط كاسيت تحت وحدة الادراج
(5) مفتاح ذهبي تحت المخدة
(6) قطعه معدنية طويلة خلف المرتبة من اتجاه المخده (يجب رفع المخدة ليتم العثور عليها )
(7) بطارية جافة خلف المرتبة من الاتجاه الاخر للسرير
( 8 ) مفتاح خلف ستارة الشباك
(9) خاتم رفيع متعلق بالستارة يقع عند فتحها وغلقها أكثر من مرة
(10 ) صندوق موسيقي موجود بالدرج السفلي يمين ( يفتح الدرج باستخدام المفتاح الفضي )
(11) كابل توصيل كهرباء للكاسيت بالدرج السفلي شمال ( يفتح باستخدام المفتاح الذهبي )
(12) مفتاح صغير يوجد في مكان وضع cd بالكاسيت ( لكي تصل اليه يجب اولا توصيل الكاسيت
بالكهرباء عن طريق الكابل الذي عثرت عليه ثم الضغط علي مفتاح التشغيل ثم الضغط علي مكان وضعcd )


نأتي للجزء الصعب من الموضوع وهو الحصول علي الشئ رقم 13 والذي سيمكنك من فتح الباب والخروج

والطريقة ستكون كالتالي :-


- يتم اختيار الصندوق ووضع الخاتمين والقطعة المعدنية كلا في المكان المناسب له علي سطح الصندوق
- بعد وضعها يتم فتح الصندوق بالضغط عليه
-توضع البطارية الجافة وشريط الكاسيت كلا في مكانه داخل العلبة
- بالضغط علي العدسة داخل الصندوق يتم تشغيل فيلم جرافيك قصير لشخص يرقص



- في نهاية الرقصة يشير الشخص الذي يرقص بعلامة تشبه النجمة 3 مرات
- ضع سهم الماوس علي مكان النجمة التي تظهر تماما
- عند انتهاء الرقصة اضغط مرتين علي زر الماوس الايسر
- يظهر مربع محدد علي الحائط اضغط عليه مرتين فيتم فتحه لتظهر الخزنة وعليها لوحة الارقام



- راجع الورقة التي وجدتها وافتح الرابط المكتوب عليها ستجد ان الرابط يقودك الي موقع
تنزيل اللعبة الاصلي www.takagism.net ومن الموقع يتم فتح اللعبة مرة أخري والعثور علي
الورقة التي في الدرج وستجد الورقة مكتوب عليها رابط آخر هو
htt://takagism.fasco-cs.com/yellow_chamber.html

وبفتح هذا الرابط ستجد تربيزة عليها اربعة علامات يتم الضغط عليها ستظهر لك 4 ارقام هي الارقام السرية للخزنة
( لاحظ أن الرابط من الممكن الا يفتح مباشرة وانما سيقودك الي جوجل والذي سيطلب منك تأكيد العنوان واختيار الاسم مرة أخري )

- يتم الرجوع الي اللعبة والخزنة وتغيير الارقام حتي تماثل الارقام التي حصلت عليها وباستخدام المفتاح
الصغير يتم فتح الخزنة
- ستجد داخل الخزنة مفك وهو يمثل الشئ رقم (13)
- باستخدام المفك يتم فك مقبض الباب من الاتجاه العلوي وعندئذ يفتح الباب

بس إنت لفيت أوي في الآخر يا abu rabia

الرقم السري للخزنة هو سنة إنشاء الشركة
يعني تدخل على الموقع و دور على رقم إنشاء الشركة
و تاخد المفك وتخلع من هناك
فهمتها
المفك ............ تخلع
هاهاهاهاهاهاهاها
أنا ظريف قد ما أنا ذكي