انا الطيران المدنى

اية الشروط الواجب توافرها فى حالة ما اذا اردت
العمل باحدى الشركات دى
اعتبرنى احمل اى شهادة جامعية
وليكن
تجارة
واعتبرنى
احمل شهادةمتوسطة
واريد ان اعمل بها مجرد عامل



هذه رسالة العضو cabo

نحن كالعادة وبحكم انغلاقنا على انفسنا
نعرف البكالوريوس والليسانس
والمؤهل المتوسط وفوق المتوسط والعادى
ففى أى تصنيف يكون خريج الطيران المدنى
وماهى اشتراطات الالتحاق
والسلام الوظيفى للكادر بعد التخرج
وعدد سنوات الدراسة
وحجم الدراسة العملية
وهل هى بمصروفات أم مجانية



يتبع

الله يخليك
كدة تمام

كلام معقول ، ومفسر ، ووافى
جزاك الله خيرا يا كابتن /احمد
وربنا يوفقك يارب انت واللى زيك والعلم يفضل مرفرف

منور يا كابتن هانى
على فكرة يا جماعة الكابتن هانى من ميت الحوفين وهو زميل احمد اخويا فى الدراسة
نورت يا كابتن

منورنا يا كابتن هانى

منور ياكابتن هانى
امال فين الطيارة بتاعتك
مش شايفين غير الطيارة بتاع الكابتن أحمد
هههههههه
دعابة طبعا
المهم نرجع لموضوعنا
إذا بحمد الله وإن شاء الله يا كابتن أحمد
نقدر نقول ياكابتن أحمد رسمى إمتى
يعنى امتى هتتخرج بالدملاوى
وهل ستنتظر طوابير التعيين كعادتنا من الكسالى بعد التخرج
أم ان الدولة بتؤهلك وتعينك بعد التخرج مباشرة

انا دلوقتى فى سنة رابعة ( السنة الاخيرة )
اما التعيين فبيكون بعد حوالى سنة من التخرج وبيكون فى خلالها بعض الكشوفات والاختبارات
والدولة هى اللى بتتولى تعيين المراقبين الجويين لان دى بتعتبر مهنة قومية

ربنا يوفقك الى ما يحبة ويرضاه
ان شاء الله لما تتخرج هتتجوز مباشرة ولا القانون بيمنعك الا بعد انقضاء فترة التعييتن الاجبارى
ده طبعا سؤال لأن فيه بعض المؤسسات الحكومية بتلزم
بعدم الزواج الا بعد انقضاء فترة التعيين الاجبارى
وهل بتمضى على اوراق تعهد بعدم تركك الخدمة لفترة معينة بعد التخرج
وهل لك صلاحيات بعد ترك الخدمة بالسفر للخارج فى حالة استقالتك من عملك

omar20hatem كتب:ربنا يوفقك الى ما يحبة ويرضاه
ان شاء الله لما تتخرج هتتجوز مباشرة ولا القانون بيمنعك الا بعد انقضاء فترة التعييتن الاجبارى
ده طبعا سؤال لأن فيه بعض المؤسسات الحكومية بتلزم
بعدم الزواج الا بعد انقضاء فترة التعيين الاجبارى
وهل بتمضى على اوراق تعهد بعدم تركك الخدمة لفترة معينة بعد التخرج
وهل لك صلاحيات بعد ترك الخدمة بالسفر للخارج فى حالة استقالتك من عملك

لو تسمحلى ارد انا بقى على السؤال ده
الحمد لله مفيش اى قانون بيمنعنا من الزواج ، بالعكس هما بيحاولوا يوصلوا بينا لارقى مستويات الاستقرار النفسى كلا حسب هواه وعلى حسب نتائج الاختبارات النفسية اللى بتجرى لينا كل فترة اثناء العمل والبحوث الاجتماعية المستمرة والجلسات الخاصة ومعظم زمايلنا اللى اتخرجوا من الدفعات اللى قبلنا اتجوزوا .
بالنسبة للتعهد بعدم ترك الخدمة مافيش اوراق ولا حاجة لكن ماسمعناش قبل كده خالص ان حد ترك المهنة دى بتاتا ،
بالنسبة بقى لموضوع السفر ده ، احنا مهنتنا بتختلف عن اى مهنة او وظيفة تانية ، لان المراقب الجوى يعتبر من اكثر المهن حساسية فى الدولة فلابد ان اللى يعمل بمهنة المراقبة الجوية يكون من ابناء الوطن ، الا فى حالات بسيطة جدا ، لانه ببساطة بيكون عارف كل المناطق الحساسة فى الدولة وكل منطقة عارف درجة حساسيتها ، وفى تنسيق دائم بين وحدات المراقبة والقوات الجوية ومراكز الدفاع الجوى لسد اى تغرة او لمواجهة اى طارئ ممكن يحصل، ده غير ان المراقب الجوى بيبقى عارف تحركات الشخصيات المهمه فى الدولة واهم الشخصيات فى الدولة بيكون فى طيارة تحت سيطرته وهو اللى بيقدم للطيارة جميع الخدمات الملاحية والتباعد والمعلومات .
ومن هنا جت خطورة المهنة دى ومقدار حساسيتها وطبعا ده اقل ما يقال عن حساسية المهنة فى اكتر من كده بمراحل . فلذلك قلما بتجد مراقب جوى يعمل فى بلد غير بلدة الا لما يقدم تضحيات جامدة ويعدى اختبارات كتير واقل هذه التضحيات هو التخلى عن جنسية بلدة الاصلية واتخاذ جنسية البلد الذى يعمل بها كجنسية له

اما بالنسبة للمراقبين المصريين فالحمد لله الدولة قايمة معاهم بالواجب بالنسبة لموضوع السفر لانهم بالفعل بيسافروا تقريبا كل سنة مرة بيحضروا مؤتمرات وبيتبادلوا مع مراقبين من مناطق تانية واشهر الدول اللى بتعمل تبادل مع مصر هى فرنسا ، ده غير ان اى تقنية حديثة بتنزل بيسافر مراقبين مصر علشان يكونوا اب تو ديت لكل جديد..
ارجو ان اكون قد وفقت فى الرد على حضرتك ولو فى اى شئ مش واضح اعذرنى و اطلبه و ان شاء الله اجاوب حضرتك عليه.

تسلم يا كابتن هانى على اجابتك المفصلة دى
بصراحة كفيت و وفيت

طبعا شكرا للكباتن كلهم اللى معانا
واحنا سعداء بهذه المعلومات
والان سؤال صعب شوية
وبكون تخصصكم هو المراقبة الجوية
ممكن تفكروا لنا فى نظام مراقبة داخل الموقع بتاعنا
ويكون جيد وفعال
واحنا بنرحب بكل جيد ومفيد
عندنا ثغرات وعايزين نسدها
وايه رأى سعادتكم بإثراء هذا الموضوع بالصور
الخاصة به طبعا
واللى توضح للناس بعض مما تروه
وخدوا بالكم انا عندى سؤال صعب
وهو الى جاى
بعد الرد

انت تأمر ياباشمهندس فى اى طلب لكن بصراحة انا مش فاهم ايه المطلوب بالظبط

omar20hatem كتب:طبعا شكرا للكباتن كلهم اللى معانا
واحنا سعداء بهذه المعلومات
والان سؤال صعب شوية
وبكون تخصصكم هو المراقبة الجوية
ممكن تفكروا لنا فى نظام مراقبة داخل الموقع بتاعنا
ويكون جيد وفعال
واحنا بنرحب بكل جيد ومفيد
عندنا ثغرات وعايزين نسدها
وايه رأى سعادتكم بإثراء هذا الموضوع بالصور
الخاصة به طبعا
واللى توضح للناس بعض مما تروه
وخدوا بالكم انا عندى سؤال صعب
وهو الى جاى
بعد الرد

والله يا بشمهندس اذا كنت حضرتك محتاج نظام مراقبة للموقع فانت اكيد محتاج لمهندس او خبير فى الموضوع ده

لان تخصصنا كمراقبيين جويين بعيد تماما عن اللى حضرتك بتطلبه

وعلى العموم دى فرصة علشان اشرح لضرتك يعنى ايه مراقبة جوية لان فى لبس بيحصل عند ناس كتير بالنسبة للموضوع دة

يتبع

موضوع جميل

شكرا يا كابتن

ايه الجمال ده يا كابتن /أ حمد بجد مخلتلناش حاجة نقولها وراك.

بس احب اوضح ان الدراسة النظرية نفسها بتنقسم لقسمين
قسم المواد النظرية التخصصية -وده ثابت فى كل بلاد العالم نفس المواد -
وقسم المواد النظرية العلمية -
لاننا ان شاء الله فى التخرج بنحصل على :
1/ بكالوريوس علوم جوية تخصص مراقبة جوية.
2/ بكالوريوس علوم جامعة القاهرة تخصص فيزياء .

مجهود اكثر من رائع للكابتن واحمد والكابتن هانى
ربنا يوفقكم لما يحب ويرضى