الديك والفأر والدجاجه

الديك والفأر والدجاجه

كان ياما كان .. ياساده ياكرام ومايحلى الكلام الا بالصلاه عل النبى

عليه الصلاة والسلام

كانت الدجاجه تعيش مع الديك والفأر سويا في منزل نظيف جميل مرتب

وعلى الجانب الاخر من التل كان تعيش عائله من الثعالب مكونه من ثعلب كبير و4 من الثعالب

الصغيره .. وكان منزلهم مهدم وغير منسق .. وكان فى استطاعتهم ان يروا منزل الدجاجه واصدقائها من

علي بعد ...
استيقظت الثعالب الصغيره ذلك الصباح جائعه جدا يشتكون لوالدهم الثعلب الكبير ويبكون ... الثعلب

الكبير

قلهم أتهد ياواد انتى وهوه ... النهارده حيكون عندنا وليمه عظيمه .. اشي ديوك وفراخ وكمان فار على

البيعه ... وكلهم ماشاء الله ملظلظين .. جهزوا انتم النار والميه والتحابيش وانا مسافه السكه وارجع ...

اثناء ّذللك في بيت الفرخة واصدقائها .. كان توجد نفس المشكله اليوميه التى تعانى منها الدجاجة .. وهى

استلقاء الفأر والديك فى حال كسل دائم ويتركون كل اعمال المنزل من طهو وتنظيف وكل شئ من نصيب

الدجاجه التى لم تكن تشتكى ولكن كانت غير سعيدة لعدم مساعدتهم لها واسترخائهم طول الوقت .. (حتى

فى الحيوانات ياربى) .. وعندما تطلب منهم عمل شئ مثل مساعدتها فى اعداد الفطور ... يتهرب كلا

منهما على حدا ... مش انا .. مش انا... فتضطر الدجاجه لعمل كل شئ لوحدها

وفى ّذلك الوقت والدجاجه منهمكة فى اعمالها المنزليه والديك والفار فى حاله كسل استرخاء .. كان الثعلب

قد اقترب من المنزل وبالفعل سمع صوت اقدامه كلا من الفار و الديك الذى ظنه ساعى البريد ... وسأل

الفأر ان يذهب ويلاقاه ... فذهب الفار وهو فى حاله نعاس ولم يمهله الثعلب ليفوق من نعاسه وامسك به

ووضعه فى جواله .. وعندما وصل الثعلب لمكان الديك المسترخى كان بامكان الديك ان يصيح قبل ان

يمسك به الثعلب

ويضعه فى الجراب مع الفار .. وعندها سمعت الدجاجه الدوشه فجاءت مسرعه قلقه على اصدقائها ولكن

الثعلب لم يمهلها ووضعها هى الاخري في الجراب .. ومشى فى الطريق الى بيته سعيدا .. لكن داخل

الجراب لم يكن الوضع مريح وجيد بالنسبه للدجاجه واصدقائها الذين بدا يشعرا بالاسف على عاداتهم

وانانيتهم وكسلهم واعتذرا للدجاجه ... التى كانت منهمكه فى التفكير كيف يتغلبوا على هذا الموقف الدى

ممكن ان يؤدى بهم فى بطون الثعلب واولاده ... فى تلك اللحظه تذكرت الدجاجه انها دائما تحتفط بادوات

الخياطه تحت جناحها معظم الوقت .. فاخبرت الديك والفار الا يقلقا .. فى ذلك الوقت بدا الثعلب يشعر

بالتعب من الحمل الثقيل فقرر ان يستريح ولكنه نام تحت الشجره وعندها بدات الدجاجه بحذر فى فتح فتحه

صغيره بمقص الخياطه ... وطلبت من الفار ان يخرج اولا وان يبحث عن حجر يكون فى حجمه ويحضره

هنا بدون دوشه .... وكذلك الديك وتحت له فتحه اكبر وطلبت منه ان يحضر ايضا حجر بحجمه .. وبعدها

خرجت الدجاجه من الجراب واحضرت ايضا حجر فى حجمها تقريبا وتعاون الاصدقاء فى وضع الحجاره

بالجراب وتولت الدجاجه خياطه الفتحه وابتعدوا بحذر وبعدها عدوا الى منزلهم ..

ام الثعلب من النوم ووضع الجراب على ظهره الذى بدا اثقل من السابق ولكنه استمر فى طريقه ولكنه قبل

ان يصل الى المنزل تعثرت قدمه وتدحرج من التل وهو ممسك بالكيس ظانا ان مايزال به الدجاجه

واصدقائها ولكنه وقع فى الماء الذي غطس فيه بسب الحجاره ولم يظهر له اى اثر منذ ذلك اليوم ....

فى منزل الدجاجه والديك والفار كانت هناك حاله من النشاط والتعاون واصرا كلا من الديك والفار ان

تستريح الدجاجه فى هذا اليوم وعلى احسن كرسى كمان فى البيت وعاشوا سعداء جميعا بدون ازعاج من

الثعالب مره اخري ....



توته توته خلصت الحدوته حلوه ولا ملتوته

ملتوتة ويبقي عليكي حدوته
ههههههههههه

هوكل القصص عن الثعلب
مفيش مرة اسد مرة نمر اى حاجه من الحيوانات
ولا الحيوانات انقرضت
صحيح الثعلب مكار والثعلب فات فات وفى ذيله سبع لفات
لكن هناك حيوانات اخر ياريت المشرفه تنظر اليهم بعين الرضا
وتعطيهم فرصه فى قصصها يمكن يحققوا مالم يحققه الثعلب
ويبقى فيه مساواة بين الثعلب والاخرون
ذى المساواة بين المراة والرجل
وهذا وبالله التوفيق

تقريبا يا شيخ محمود
القصص دي من كتاب
" المقالب في حياة التعالب "
أو من قصة
" تعلوب تايه في قليوب "

هههههههههههههههههههههههههههه
مشكور لكن هناك قصص
الحيوانات فى الغابات

علي العموم ما تزعلوش
ان شاء الله أحاول أشوف لكم
أي غابة تانية ما يكونش فيها تعالب
وأجيبلكم منها قصص جديدة

بس انتم ونصيبكم بقي

هو انت وقريبك زعلانين ليه
حسستونى ان التعلب قريبكم
على العموم الاطفال الصغيرين مبسوطين
ورأيك مش مهم يا أبونجلاء
المهم عندنا رأى نجلاء
ده طبعا غذا كنت بتعبرها أصلا وتحكى لها حدوته
بس ياخوفى لتقول لك فى الأخر
هو التعلب قريبنا يابابا
قول لها الحقيقة
بس طبعا ابعد عنى
خليك فى قرايبك

احقاقا للحق وعملا بمبدأ
تكافؤ الفرص فقد حكيت القصة
بالفعل علي الاستاذة نجلاء

وعجبتها جدا جدا ( مش عارف ليه ؟)
وطبعا علي نفسها جنت براقش

نجلاء عايزاني كل يوم دلوقتي احكيلها حدوته
جديدة من بتوع التعلب وانا كل حواديتي ما فيهاش
تعالب لذا أجد نفسي مضطر لأن أطلب من الأخت سارة
العودة الي قصص التعالب

كتري بقي منها الله يسترك لأحسن نجلاء
ممكن تخليني اسيب البيت لو ما فيش تعلب كل يوم

يا ستى رضوة من ساعة حكاية الدجاجة الحمرا
قالت لى طوبة
وكتبنا لك كده
وكل شوية تقول لى انت كتبت رضوة قالت طوبة
اقول لها ايه
انت مش معبراها
مركزة مع التعلب
قصدى مع ابوربيع
وماردتيش عليها
لما تردى عليها ابلغها برأيها فى حكايات التعلب
ومبدئيا هى بتحب حكايات التعلب
زى عمها ابوربيع بالضبط

الأخت سارة

أنا شخصياً متشكر جداً على كل الحواديت بصفة عامة . أنا من حوالي 6-7 سنين كنت بأحكي حواديت لسلمى وآيه قبل النوم كلها من وحي خيالي وكنت أخلط معها شوية قيم وتعليمات بشكل لطيف حتى انهم بيفكروني بمسلسل من القصص عن عقلة الأصبع كانت كلها تدور عن مغامرات يقوم بها صغير الحجم ولاتخلوا من الفكاهه وكنت أنهي هذه القصص كل ليلة بقيمة معينة أو أخلاق حميدة قام بها وكانت سبب نجاته من الورطة اللى تسبب فيها أثناء مغامرته وبسبب صغر حجمه وبعدين ..... ظروف الشغل وبعدين ولادة عبدالرحمن ثم السفر ..فقدت القدرة وطولة البال عل نسج قصص من خيالي سواء لهم أو لعبدالرحمن اللي في أمس الحاجة حالياً لمثل هذه القصص . وبالتالي حكاياتك الحلوة دي خلتني أقرأها ثم أحكيها بطريقتي لعبدالرحمن قبل النوم فشكراً جزيلاً لكل القصص ولكل مساهماتك وياريت تفكري في عمل سلسلة عن شخصية معينة تكون محور الأحداث والمغامرات ولتكن شخصية لطيفة محببة للأطفال مثل بكار أو عقلة الأصبع أودبدوب مثلآ يعني.

انا معك
مع انى زعلان منك يا بشمهندس

خلالالالالالالالالالالالالالالالالالالاص
والله الحواديت عجباني انا شخصيا
وانا بس كنت بشجعك علي التنوع
ويا ريت ما تقطعيش الحواديت الجميلة دي ابدا

وفكرة الباشمهندس عبد الله جميلة فعلا
يا ريت تكون فيه شخصية بتدور حواليها
سلسلة من الحكايات واقتراح المهندس حاتم برضوه
كويس ممكن فعلا نسمي الشخصية دي ابو تريكة

ونعمل سلسلة ووممكن كلنا نكتب معاكي فيها وتبقي
مواضيع مثلا :-
ابو تريكة في المسجد - ابو تريكة يتوضأ - أبو تريكة مع اهله
ابو تريكة مع اصحابه المهم ما نجبش سيرة ابو تريكة في الأهلي
علشان الولاد ما يتعلموش الحاجات الوحشة

حبيبي مهندس محمد ربيع

دي أحلى حدوتة في سلسلة أبوتريكة هي حدوتة أبوتريكة في الأهلي - ولولا هذه الحدوتة ماكان أحد سمع عن باقي الحواديت . وطبعاً الاختلاف في كوني أهلاوي وإنك مش أهلاوي لايفسد للود قضية.

المهم رأى المشرفة فى الفكرة
وفى حالة موافقاتها تتبناها وترعاها
حتى ترى النور
ويبقى احنا حققنا السبق

فكره جميله
ولابد من الاسراع قبل ان تسرق الفكره

يبقى هنرجع تانى للفنان (عبد الباسط)
ونقولة وحشتنا وياريت ترسم لنا شخصية كركاتيرية لابو تريكة
عشان تكون رمز للحكاوى اللى هنألفها بعد كدة

omar20hatem كتب:

فيه ايه يا شيخنا العزيز

فيه 3 مهندسين علقوا فوق ردك

حدد انت زعلان من مين بالضبط

عملت لنا خلط واستفهام

الحدق يفهم يابشمهندس

طبعا انا مش حدق
ومش باشمهندس

انتو مطلتو قوى يالا ابداو بسررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررررعة

الفكرة جميلة جدا ، وأهم حاجة فيها إن احنا نكون لنا السبق ةلنا حقوق الملكية