عقلة الصباع

عقلة الصباع

كان ياما كان ياسادة ياكرام ولا يحلى الكلام إلا بذكر النبى عليه الصلاة

والسلام

كان فيه ماما وبابا وكان عندهم بنت صغيرة وجميلة قوى إسمها عقلة الصباع

وبابا كان كل يوم يروح الغيط بتاعه ويشتغل فيه وماما طبعا كل يوم توديلو

الأكل هناك وكل يوم طبعا على كدة .

فى يوم من الأيام ماما كانت تعبانة قوى ولازم حد يودى الأكل لباباماما قالت ياعقلة الصباع أنا تعبانة مين

هيودى الأكل لبابا عقلت الصباع

قالت أنا ياماما قامت ماما قالت لها إنت لسة صغيرة وماتعرفيش بابا كويس


عقلة الصباع قالت أنا هاعرف .

ماما قالت لها ماشى خدى الأكل وروحى وبابا عارف إحنا عاملين أكل إيه .

وكانوا عاملين رز بلبن عاملين إيه خليكوا معايا

المهم عقلة الصباع خدت الأكل ومشيت إنتوا عارفين خدت أكل إيه


أول واحد قابلته قالتلوا عمو ياعمو إنت بابا والا مش بابا قالها أنا بابا


قالتلوا طيب إحنا عاملين أكل إيه قالها عاملين مكرونة قالتلوا لا يبقى إنت

مش بابا .

تانى واحد قابلته قالتلوا ياعمو ياعمو إنت بابا ولا مش بابا قالها أنا بابا


قالتلوا طيب إحنا عاملين أكل إيه قالها عاملين بطاطس قالتلوا لا يبقى إنت
مش بابا .

المهم بقى علشان ماطولشى عليكوا وأنا شايفاكوا بتناموا منى فضلت ماشية


ماشية وأفضل أقول ماشية ماشية لحد ماتناموا وكملكوا بكرة .

لاكن أنا هاكمل وخلاص يمكن يكون حد من أصحابنا صاحى لسة .

بعد كدة قابلت عقلة الصباع واحد تانى قالتلوا عمو ياعمو إنت بابا ولا مش

بابا قالها أنا بابا قالتلوا طيب إحناعاملين أكل إيه


فيه حد فاكر دا أنا نفسى نسيت كان أكل إيه مش عارفة يمكن حد فيكوا عارف


يقولنا بقى ماشى .

المهم عمو قالها رز بلبن فرحت عقلة الصباع وقالت إنت بابا .

بعد كدة قعدت عقلة الصباع مع بابا وهو بياكل . ومرة واحدة كدة عقلة

الصباع قامت مشيت بابا قالها راحة فين تعالى هنا أنا خايف عليكى .

عقلة الصباع قالت ماتخافشى يابابا أنا هاأعرف أرجع لوحدى .

عقلة الصباع بعدت قوى ومعرفتشى ترجع تانى . وقعدت تعيط تعيط وبرضوا ممكن

تملوا كراسة تعيط زى مانتوا عايزين .

بتعيط ليه إنتوا طبعا عارفين إنى هى ماسمعتشى كلام بابا صح .

وهى بتعيط نامت عقلة الصباع فالعصفورة جات أخدتها وبعد كدة ودتها فين

العصفورة
إيه دة إنتوا روحتوا

فين إنتوا نمتوا ماشى نكمل بكرة بقى

تصبحوا على خير

مااااااااااااااااااااااااااااااااااااااشي

يالا إتجمعوا كدة وربعوا إيديكوا علشان نكمل الحدوتة

إحنا كنا وصلنا لحد فين لحد ماالعصفورة أخدت عقلة الصباع وطلعتها فوق على

الشجرة وحطتها فى بيتها الصغير

العصفورة كانت طيبة قوى قالت أنا هاروح أجيب لها أكل دى زمانها جعانة قوى

العصفورة طارت بعيد هى راحت تجيب إيه إنتوا عارفين بقى

المهم عقلة الصباع صحيت من النوم لقيت نفسها فوق الشجرة ولقيت تحت الشجرة

بحر كبير قوى خافت عقلة الصباع وقعدت تعيط وتقول إيه اللى جابنى هنا والجو

كان برد وهواء ومطر وفجأة الهواء حرك الشجرة وقعت عقلة الصباع فى المية

جات سمكة كبيرة قوى وبلعت عقلة الصباع فى بطنها والدنيا ظالمة جوة فى بطن

السمكة وعقلة الصباع مش عارفة هى فين

إنتوا لسة صاحيين طبعا

نرجع بقى لبابا نلاقيه قاعد بيدور وينادى على عقلة الصباع وهى طبعا

مارجعتشى علشان هى فين أصل أنا بنسى بسرعة

بعد كدة بابا رجع البيت وقال لماما إنى عقلة الصباع ضاعت ماما زعلت وقعدت

برضوا تعيط هى إيه الحدوتة اللى كلها عياط ونكد دى معلشى يارضوة إنتى و

أصحابك أصل النهاردة طالبة معاية نكد ماما قعدت تنادى عقلة الصباع يابنتى

إنت فين

عدى يوم وتانى يوم راح الصياد البحر علشان يصتاد السمك الصياد كل مايحط

الشبكة تطلع فاضية مافيهاش سمك قعد كتير قوى

وأخر مرة حط الشبكة طلعت سمكة كبيرة قوى قوى أخد الصياد السمكة ومشى قال

أنا أروح أبيع السمكة دى واشترى حاجات لأولادى مشى الصياد ومشى ومشى

إيه ده إنتوا رحتوا فين يانهار أبيض نمتوا ماشى أكملها بكرة بقى

تصبحوا على خير

لالالالالالالالالالالالالالالالالالالالالالالالالالالالالالالالالالالالالالالالالالالالالالالا
اخنا صحيييييين
يلا كملى بقى
المهم الصياد اصطاد السمكه هيبيع لمييييييييييين
اقول ولا تكملى احسن

حرام عليكي كده
انتي بتشوقينا وتسيبينا
انا بقي مش نايمة الا لما أعرف
بقيت الحكايه

ها وبعدين؟؟؟؟؟؟؟؟
ايه بقي اللي حصل
قولي بقي يا ماما سارة

( ده كلام نجلاء مش كلامي )

حلوة
بس يا ترى السمكه دى
كان شكلها اه
حوت يعنى ولا قرش
مش مهم
المهم نسمع الكلام
ومنعملش حاجه من غير مانخد راى ماما وبابا
شكرا يلا روحوا نامو
وبكرة طنط سارة تحكى حدوته جديده

يا شيخة كسرتي البيت كله .. ليه العنف ده ......ماكانش فيه طريقة تانية من غير تكسير كل حاجة في البيت

على كل محاولة جيدة .... لسه فيه أحسن من كده

أنا منتظر

ده أنا اللي عايز بطة مشوية ...... مش رضوة.... أو محمرة زي بعضه .... فكرتنا بمصر وأكل مصر ياباشمهندس حاتم

طبعا أنا تحت أمرك ياعلياء إنت وحبيبتى رضوة

وإن شاء الله هاشوف البطة اللى بتعيش تحت البتاع ده إيه يارضوة واكتبهالك

بس قولى لى فين عمر ؟ هو زعلان مننا ؟

عموما سلمى عليه

الله ينور عليكي يا سارة
بجد قصة ممتازة
ونهايتها جميلة

ونجلاء عماله تكسر في البيت
بتدور علي عقلة الصباع
الله يكرمك ويزيدك قبول

شوفي لنا بقي قصة جديدة
بس بسرعة الله يسترك
لأحسن نجلاء مصرة ان عقلة
الصباع في اللاب توب بتاعي
وعايزة تطلعها من جواه