تجربتي مع الرئيس ----------

قبل أن تكمل أيها الإبن العزيز وددت أن أشيد بفصاحتك
وجودة خطابتك والتى سمعنا عنها جميعا والتى أشاد بها قبلنا الوزير مفيد شهاب
. وقال إذا كان لدينا أبناء مثل ربيع فنحن لن نخاف على هذا الجيل
تحياتى إليك ..ولا عجب ..فهذا الشبل من ذاك الأسد
رحم الله والدك وأسكنه فسيح جناته
ولكن الشيىء الجديد والذى لم اكن أعرفه عنك إلى الآن
والذى يضاف إلى مواهبك الكثيرة لهو خفة الظل الواضحة
من رسالتك السابقة
والتى وصفت فيها ميت الحوفيين بالخارج !!!!!!
الله ياربيع الله ..على هذه الإسقاطات الجميلة
تحياتى

شكرا لك علي هذا الثناء الجميل وشكرا لك لاني أخيرا تعرفت عليك -------------!!!!!
واشكرك انك أعتبرتني ابن لك فهذا شرف لي------

حياتك انت حياه واحده تجربتك تجربه واحده شعورك شعور
واحد ولكن اذا اطلعنا علي افكار وتجارب الاخرين فاننا
بذلك نكتسب اكثر من حياه واكثر من خبره وشعور واكمل الحكاية ---
----- ذهبت الي عيد وطلبت منه ان يكتب الابيات
وتذكرت في تلك الحظه محمود عبد العزيز في فيلم الكيف وهوجالس مع" ننس "
--- فطلب مني مهله الي ان ينزل الوحي ودا شعر في الريس
مش هينزل الوحي الا بقرار جمهوري وذهبت له مره ثانية
وقد كتب لي الابيات واخذت احفظ وأستعد وظهرت لي مشكله اخري !!!
اذا تم اختياري فاني في حاجه الي جرافته شيك البسها امام الرئيس
وانا ليس عندي جرافته تصلح لهذه المناسبة ففتشت في ملابس ابي
ولكن الجرفتات موضه قديمه؟؟؟؟
واذا لبست احداها سوف اصبح مثل عبد الحليم حافظ في فيلم الخطايا ؟؟
ماذا افعل السفر غدا ومفيش جرافته كده الريس ممكن يزعل مني
وده اول لقاء بنا ميصحش اقبله كده!!
وكان الحل عند حلال العقد "استاذي " وهو من اصحاب "الجرافته"
الشيك محلتوش غيرها فاعطاهي لي طالبا كيلو بسبوسه من عند احمد حسنين
وفي الصباح توجهنا الي الاسكندرية وفي اول لقاء
مع رئيس الجامعة طلب ترشيح الطلاب لتمثيل الجامعة امام الرئيس
فرفعت يدي ومع آخرين وتم عمل شبه مسباقه
من الطلبة فالقيت سؤالي الذي كنت قد اعددته
وكتبه لي "استاذي" وبيتين الشعر بتوع عيد وكان
التحكيم من الطلاب والمشرفين والاساتذة
ونلت اعجاب الجميع ولكن رئيس الجامعة
اخبرنا انه سوف يعلن الاسم غدا!!!!!!!! غدا لسة هستنه لغدا----
امضينا هذه الليله انا وزملائي عند" بير مسعود"
هذا المكان الساحر هم يغنون ويلعبون وانا افكر في غدا ---
-وفي الصباح اخبروني ان رئيس الجامعه يريدوني ---
-ففرحت وعلمت ان الحلم بدأيتحقق وأخبرني انه تم اختياري لتمثيل الجامعة امام الرئيس--
---ومن هنا تبدأ اهم مرحلة في هذه التجربه سوف يتاح لي
وانا في هذه السن الصغيره (18سنه )ان اجلس مع
صناع القرار: وزراء، رؤساء الجامعات،سياسين اشاهدهم
عن قرب بعدما كنت اشاهدهم في "عناوين الاخبار"قبل نشرة الساعة التاسعة
--علي فكرة لغوا عناوين الاخبار اصل الاخبار كلها اصبحت بعنوان واحد ---عرفينه طبعا
طلب مني رئيس الجامعة ان اذهب الي مكتب رئيس المعسكر
وهناك حدثت اول مفاجأة--------------
-----------------------وللحديث بقية طالما في العمربقية

حكاية جميلة وشيقة
معلش انا رتبت (شكل) المساهمات
عشان السطر كان طويل
فعدلت بالضغط على انتر كل مسافة من الكلام
تقبل تعديلى

ياسلام على الأدباء لما يشوقونا قوى لحكاياتهم !!!!وييجوا عند النقطة المهمة ويقطعوا .....
لكن إذا كنت عرفتنى لإنى اعتبرتك زى ابنى .يبقى كدة تأكدت أنك لم تعرفنى بالمرة ...
ياربيع سيدات دملو كلهم أو كلهن (عشان مدرسين العربى مايزعلوش )يشرفهن أن يكون لهن ابنا زى ربيع

شكرا علي هذا الكلام الذي لااستحقه ------
وبرضه عرفت حضرتك!!!!!!!!!!!!!!

ربيع عبد الوهاب ربيع كتب:شكرا علي هذا الكلام الذي لااستحقه ------
وبرضه عرفت حضرتك!!!!!!!!!!!!!!

يعنى أروح يعنى ؟؟
طالما اتعرفت يبقى أمشى .
بس أنا متأكدة إن عمرك ماحتعرفنى
ليه بقى ؟
لإنى عرفتك من الإسم فقط
لكن عمرى ماشوفتك ولا شوفتنى
عرفت بقى إن بعض الظن إسم ؟
بجد نفسى أشوفك وأتعرف عليك يمكن أجوزك بنتى والا حاجة

لا هو اتجو يادكتورة ومعاه عبد الله كمان ربنا يخلهوله انا بقى عندى كنت هقولك جوزهالى انا بس انت عارفه لو قلت كده ممكن يحصلى ايه
وبجد ربيع يستاهل كل خير وانا فعلا من زمان بحبه وبحترمه وزاد حبى ليه بعد ماشفت اسلوبه الجميل ربنا يوفقك ياربيع وعاوزك تكمل القصه اهى حاجه حلوة بتسلينى فى الغربه اللى انا فيها وان شاء الله نتقابل على خير عن قريب ان شاء الله

هوا أنا بدلل على بنتى والا إيه ؟؟
عموما أكيد إنت كمان تستاهل كل خير زى ربيع
بس لعلمك بقى أنا بناتى الاتنين مخطوبين

شكرا ياستاذ محمد
ربنل يرجعك بالسلامه

وبعدين يعنى ياربيع هو احنا مافيش ورانا غير الموضوع بتاعك ده ماتخلص ياعم وتكتبه كله مرة واحده

اسلــــــــــوب عرض القصة او تجربة حضرتك اكثر من رائعة

منتظرين البقية ..

زادك الله من فضله

قلة الردود توقفت على شيأين؟من وجهة نظرى
الاول هو كرة الاعضاء لاحدى شخصيات الموضوع ؟
الثانى
هو النفس الاول السبب الاول
لكن شكرا لمجهودك

الحمد للة يبقى نجحت؟؟؟؟
ههههههه

ليتة قابل الشيخ الشعراوى
لكونا تعلمنا الكثير

طبيعى
اذا كان الواقع حتى مش مفهوم؟
يعنى الحياة ومجرياتها مش مفهومة
مش هقارن احد باحد الوضع واضح
اسمع الاخبار لتعرف كل شىءلا اريد ان اتحدث فى السياسة
انت تعلم كل شىء
وياسيدى المهم اننا بخير
وياريت قابلت الشعراوى (هى دى شىء يزعل)