نداله فى نداله************

من طرف الخليفه السبت 10 نوفمبر 2007, 12:22 am

نفسك تبقى ندل!!!؟؟؟؟؟ اسمع وركز معايا فى المواقف دى كويس
وانشاء الله تبقى دكتوراه فى الندالة

نداله فى نداله************ 19

[center]فى المترو
=================
فى المترو وانت راكب المترو عادى زى مخاليق ربنا

لاقيت واحدة شكلها تعبانة وعماله ترسم على أى كرسى
ال يعنى تعبانة بجد وعايزة تقعد
المهم واحد عمل فيها أبن البلد الشهم وقلها أتفضلى يا ماما
رحت حضرتك زى البراشوت راشق على الكرسى
طبعا اول مبدأ من مبادىء الندالة انك تعمل عبيط
(( أمال بيطالبوا بالمساواة أزاى ))

===============
فى المترو
===============
طبعا اللى مركبش المترو بتاع خط حلوان المرج او شبرا المنيب
يبقى مجاش مصر من أساسه
المهم
حضرتك راكب فى المترو وطبعا فى محطات بيبقى المترو زحمة جدااااااااا
بتعمل انت ابن البلد الشهم
وتمسك الباب لاى واحد جاى علشان يركب
واول ميبقى خلاص هيركب بتقوم سايب الباب يقفل

===============
فى العزاء
===============
لو أنت وواحد صاحبك فى عزاء
أعمل أى حاجة تخليه يضحك وأول ما يضحك أعمل فيها الشاب الهمام
وقوله متخلى عندك دم يا أخى ويا سلام لو تكون بصوت عالى

=============
فى الشارع
=============
لو وانت ماشى فى الشارع قابلتك واحدة ست عجوزة
وقالت لك عدينى الشارع يا ابنى اللهى يسترك
طبعا بتأخدها وتعديها وتسيبها فى الجزيرة اللى فى نص الطريق وتعمل عبيط

============
فى النت
============

لو اتعرفت على مجموعة ناس عن طريق النت وحبوا انهم يشوفوا سحنة حضرتك
اتفق معاهم على الميعاد والمكان

ويا سلام لو تختار مكان مفيهوش اى حته ظل
والشمس تأكلهم
وتديهم بمبة وتفلسع ومترحش

============
فى البيت
============
أبوك بيتخانق مع امك كالعادة
تيجى أنت بقى علشان تهدى النفوس تقوله بينك وبينه
دى وانت مش هنا كانت بتقول عليك أنك راجل جربوع
لو كنت أتجوزت ابن عمى كان زمانه مهنينى
وأنك كنت بتبوس التراب اللى بتمشى عليه
وبعد كده تروح للحاجة الوالدة
وتقول لها دا بيقول عليكى انك كنتى هتموتى عليه
وكمان بيقول انك مكنتيش عجباه
وابوه هو اللى غصبه على الجوازة الفقر دى علشان ابوكى صاحبه

طبعا بعد كده ممكن يقتلوا بعض وهتعيش انت مستريح بقيت عمرك

=============
مع أصحابك
============

لو صاحبك غلبان أوى وملوش فى اى حاجة
وانتوا ماشيين فى الشارع زقة على اى بنت
وبعدين زعق له وقوله برضه مش هتبطل قلة الادب دى
قلت لك مليون مرة وانا ماشى معاك متعاكسش بنات

طلعا البنت هتديله باللى فى رجلها
وانت تسيبه وتخلع لان اول مهى هتديله باللى فى رجلها
الشعب كله هيبقى فى اللحظة دى ابن بلد وهيأكل علقة مكلهاش حرامى غسيل

===========
مع أصحابك
===========

لو صاحبك هو هو اللى فات بيحب واحدة جميلة أوى
أتعرف عليها أنت وظبتها وأديله أستمارة 6

===========
مع أصحابك
===========

لو انت وصاحبك ماشيين بالليل متأخر
وخير اللهم أجعله خير طلعت عليكم قبيلة من الكلاب الضالة
حاول بأى شكل من الأشكال أنك تهيجهم

وبعدها أجرى انت وهو بقى
علشان من حفر حفرة لأخيه وقع فيها

وبالله التوفيق تقدم نحو الامام[/center]

من طرف **omar20hatem** السبت 10 نوفمبر 2007, 9:18 am

حلوة جداااااااااااااااااااااااااا

ياأشرف لأن الخليفة دى انت سارقها وانت عارف سارقها من مين

من طرف الخليفه الخميس 06 ديسمبر 2007, 11:00 pm

نداله فى نداله

من طرف **سميرالسيد** الخميس 06 ديسمبر 2007, 11:21 pm

كمان انت سارق لقب( الخليفة)
ضيف الموقف دة للندالة عشان الموسوعة تكبر
هههههههههه

من طرف mokhtar الجمعة 07 ديسمبر 2007, 9:52 am

النداله لها ناسهااااااااااااااااااااااااااااااااااااا

من طرف الخليفه الإثنين 10 ديسمبر 2007, 1:50 am

بيقولك عيش ندل تموت مستور بجد الكلام ده

من طرف **mohammed** الإثنين 10 ديسمبر 2007, 12:23 pm

اسال واحد ندل

من طرف زائر الإثنين 17 ديسمبر 2007, 3:09 am

يعني سارق وندل
ليه مش بترد عليهم دا انتا ابن شارعنا
بس عالعموم ممكن تكون دي ندالة
امال لو انت ماشي مع واحد صاحبك وحصلك حاجة ذي حادثة مثلا وسابك ومشي يبقى ايه
بس بجد تسلم يا بن شارعنا ياخليفة
هههههههههههههههههههههههههههههه

زى ما الكابتن مختار الدملاوى الكويتى قال الندالة ليها ناسها

ياسر نت الدملاوى

lol!

من طرف **أبو سلامه** الإثنين 17 ديسمبر 2007, 3:18 am

الندالة فى الزمن ده نص الرجولة

من طرف زائر الأربعاء 19 ديسمبر 2007, 1:23 am

تبقي على كدا هيا النص الحلو

من طرف ahmoda الخميس 20 ديسمبر 2007, 12:23 am

شويه مواقف جميله يا اشرف
وعن قريب كل المواقف دي هيتم تنفيزها في خالد
اصله صاحبي قوي

من طرف **أشرف محمود** الخميس 20 ديسمبر 2007, 7:17 pm

حلوة يا أشرف

من طرف **سيبويه** الجمعة 25 أبريل 2008, 3:42 pm

فعلا انتهى كل الكلام الحلو اليخلى الناس تفهم بعضها
ورحنا ندور على النداله
ونرد على بعض
فعلا شكرا شباب دملو
نريد
الاخوه الصداقه الشهامه الجدعنه الرجوليه بكل معانيها
ولكم منى كل الاحترام
ورحم الله امرىء عرف قدر نفسه

نداله فى نداله************

نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************

رد: نداله فى نداله************