اختناق ؟؟

من طرف **omar20hatem** الأحد 27 أبريل 2008, 11:57 am

ليه فى ساعات وأنا أشرب الماء يجيلى احساس
بأننى لو بلعت المياه هتخنق
وبضطر ابلع بعد ثوانى من الإنتظار وبرده بحس بالماء يجرى فى جسدى مع بعض الألم
ولا استطيع ان اخرج الماء لأنه تجاوز فمى
مع إنى لو شربت عادى وفى الظروف العادية لا أحس بأى شىء

من طرف **sondos** الأحد 27 أبريل 2008, 3:30 pm

اهــــــــلاً باستفسارك بــش مهندس ....

بداية هذا الاحســـــاس مقدرش اوصفه بانه طبيعي مع شرب الماء بشكل عادي

و علشان اقدر افيدك صح ... ياريت تجاوبني على بعض الاسئلة

omar20hatem كتب:

ليه فى ساعات وأنا أشرب الماء يجيلى احساس
بأننى لو بلعت المياه هتخنق
وبضطر ابلع بعد ثوانى من الإنتظار وبرده بحس بالماء يجرى فى جسدى مع بعض الألم
ولا استطيع ان اخرج الماء لأنه تجاوز فمى
مع إنى لو شربت عادى وفى الظروف العادية لا أحس بأى شىء

حضرتك ذكرت بان الاختناق او الالم اللي بتشعر به ليس دائم وبيجي احياناً على غير العادة

عاوزة اعرف احياناً دية امتى .. ؟؟ بمعنى هل الموضوع بيحصل مثلاً بعد الاكل .. بعد بذل مجهود جسدي .. مع التعب نفسيـــــاً ... الصبح .. بالليل .. الحر .. البرد ... ؟؟؟
حاسس يعني انه مرتبط بشيء معين بيجي معاه .. ولا لأ ؟؟؟

من امتى عندك هذه الشكــــوى ؟؟

حاسس انها ظهرت مرة واحده .. ولا بدءت خفيفة وبعدين زادت عليك ؟؟

فيه الم بالصدر معاها ؟؟؟

هل نفس المشكلة بتحصلك مع ابتلاع الطعــــــام .؟؟

بتحس احياناً ان فيه ارتجاع للسوائل او الطعام بعد البلع ؟؟

فيه اي مشكلة عندك بالجهاز الهضمي عمومـــــاً ... ؟؟؟

منتظم على أدويـــــــة معينة ؟؟

....

من طرف **omar20hatem** الأحد 27 أبريل 2008, 4:28 pm

اطلاقا لا شىء من هذا القبيل
ممكن أمون اخترت تعبير غلط
الاحساس ده بحس بيه
مصادفة ونادرا
لكنه بيجى مع احساس ان مثلا المياه مشيت فى مسار خاطىء مثلا
وهو مش اختناق اسف طبعا
يمكن يكون خطا فى طريقة الشرب مش عارف
يمكن يكون استعجال فى الشرب
لكنه غير منتظم وغير مرتبط بمشاكل دائمة فهو لحظى
لكن بحس بيه فعلا
وهى تحدث فى ظروف طبيعية جدا
ةكل استفسارات حضرتك
مش موجودة والحمد لله

من طرف **sondos** الإثنين 28 أبريل 2008, 10:53 am

omar20hatem كتب:
اطلاقا لا شىء من هذا القبيل
ممكن أمون اخترت تعبير غلط
الاحساس ده بحس بيه
مصادفة ونادرا
لكنه غير منتظم وغير مرتبط بمشاكل دائمة فهو لحظى
وهى تحدث فى ظروف طبيعية جدا

...
طيب الحمد للــــــــه ...

انا حاسه ان حضرتك اتخضيت من الاسئلة .. وانا مش كان قصدي بتاتاً اقلقك ..
لكن المنهج العلمي بيغلب على طريقة تعاملي مع اي شكوى ..
عارفه ان الموضوع غالباً هيكون عادي لكن لابد من استثناء بعض المشاكل اللي مرتبطة بمثل تلك الشكاوي

على العموم ...
مادام الموضوع غير منتظم .. غير مرتبط بفعل معين .. غير متزايد .. مش معاه مشاكل اخرى
يبقــــــى مفيش مشكلـــــة ..

والغالب ان يكون عادات خاطئة في شرب الماء كما ذكرت..
كشرب الماء بكميات كبيرة .. او بسرعة .. او شربه بعد عطش شديد
او ان يكون الماء مثلج او حار جداً مع درجة حرارة محتلفة للجو المحيط

ممكن يكون hypersensetivity موجودة عند بعض الاشخاص
بمعنى زيادة احساس المستقبلات في المريء بالعوامل الخارجية ومنها الماء

احساس انه يمشي في مسار خاطيء هو احساس كاذب ..
الماء علشان سهل الامتصاص فبيبدء امتصاصه الى الاوعية الدموية والانسجة مبكراً بداية من الفم تزولاً للبلعوم والمريء ومن ثم المعدة والامعاء ... فممكن مع العطش الشديد او الجفاف يقوم الجسم بامتصاص الماء سريعاً عند الشرب
فتشعر بدخوله للانسجة والاوعية الدموية بالذات اذا كان الماء درجة حرارته مختلفة عن درجة حرارة الجسم

.....

اختناق ؟؟

اختناق ؟؟

رد: اختناق ؟؟

رد: اختناق ؟؟

رد: اختناق ؟؟