للزملكاويه فقط...

طبعا كان لازم ابدأ الموضوع بهذه الكلمات حزنا علي الى بيحصل وانا عارف انه مش جديد وهو ده الطبيعى في بلد تعشق النفاق وكل ماهو خطأ
اولا خبر غريب بالنسبه لينا عادى للاخرين وهو ( رابطه المحترفين بتختار احسن 10 لاعبين لهذا الموسم )
التعليق اولا انا مش عارف الرابطه دى اتعملت امتى وفين والغريب ان رئيسها هو مجدى عبد الغنى والاغرب ان الخبر منشور في كل الصحف وكأنها معجزة شوفوا معايا بقي مين احسن 10 لاعبين في مصر!!!!!!!!!!!!!!!!
1-محمد ابو تريكه (الاهلى)
2-محمد بركات (الاهلى)
3-عماد متعب (الاهلى)
4-شادى محمد(الاهلى)
5-احمد فتحى (الاهلى)
6-الحضرى (الاهلى سابقا)
7-حسنى عبد ربه(الاسماعيلى)
8-هانى سعيد (الاسماعيلى)
9-محمد شوقى (محترف)
10-عمرو ذكى(الزمالك)

يعنى شيكابالا كان بيلعب فى دورى المريخ
وجمال حمزه بيلعب في دورى كفر الشيخ مع الاعتذار لاهالى كفر الشيخ
ومحمد ابراهيم ما ينفعش لانه لا يمتلك سياره حتى الان!!!!!
والله ده حرام والظاهر ان مفيش حل للناس دى وهانفضل نعانى حتى لو الزمالك كسب كاس العالم وساعتها هايقولوا اصل الفرق كانت مش بالمستوى المطلوب .
ملحوظه : الدور التانى بدأ يوم 16/2/2008 لعب ابو تريكه مباراه واصيب لمده شهر وبعدها كان احتياطى في كل مباريات الاهلى عدا مباراه واحده لعبها اساسي والاهلويه نفسهم عارفين ان مستواه تعبان وسبحان الله هو احسن لاعب في مصر !!!!!!!!!!!

افحمتنى يا واد كوماندو مش اقنعتنى هو انا ازاى مكنتش واخد بالى من الكلام ده وعلى العموم الحمد لله
انك جيت في الوقت المناسب اما عن حكايه الحذف خد بالك من انا مشرف برضه يعنى اكيد هايبقى في كلام الاول
وربنا يستر.

والله يا جماعه اننتوا برده مش واخدين بالكوا من حاجه
اختيار عمر زكي مش غلط
هما اختاروه علي اساس ان ممكن ربنا يسهله ويسيب الزمالك ويحترف بره
وفي الحاله دي لو مثلا الاهلي جه يتفاوض معاه هيكون شكله وحش قوي لو مبدئش يمهد لكده من دلوقتي
ثانيا
انتوا برده مش واخدين بالكوا ان كل الموجودين اللي مش من الاهلي الاهلي بيفاوضهم
يعني بمعني اصح بيقولوا لعمر يا عمر اعلن العصيان وملكش دعوه احنا حطينك في الخطه
لكن ده بعدهم
ثالثا انا اتفق مع الاخ كوماندر ان اللعيبه اللي موجوده كلها لعبت الماتشات كلها بدون استثناء ومن امثله كده
محمد ابو تريكه:سبق الحديث عنه
محمد بركات :مصاب ما يزيد عن نصف الدوري
احمد فتحي بدات مشاركته من النصف الثاني وحتي مكملهوش
عماد متعب :هداف فوق العاده واسالوا امم افريقيا
الحضري :لعب الدور الاول ومباراه واحده في الدور التاني

اظن بعد اللي انا قلته يا ابو جاسر ملكش حق تتهم الشريف العفيف مجدي عبد الغني بانه كان متحيز للاهلي لاقدر الله علي حساب الزمالك
الراجل تعامل بكل شفافيه في الاختيارات