تطور الزواج في مصر

مصر الفرعونية
بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية.. مبروك يا تاح
............ ......... .....

مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا
......... .......

مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح
.........

مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا
......... ........

مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
......... .........

مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
........

مصر 2008
البنت: بابا ريكو حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

ربنا يستر

ومنلقاش عام 2020
بابا كيكى زميلتى جايه النهاردة تخطبنى
منك ومن ماما

أرجوك أرجوك أرجوك
ماتزعلهاش هى وباباها

إحنا بنحب بعض يجى من نص ساعة
ومنقدرش نستغنى عن بعض أبداً

أوكى بابا

ممكن بعد كده بشويه:

تيتي : هاي , ممكن نتعرف??
دودو : (وشه هايحمر شويه) انا دودو , انتي اسمك ايه?
تيتي : انت اسمك جميل خالص, انا تيتي , تيجي نتجوز?!
دودو : ماشي بس عايز أعزم مامي وبابي
تيتي: ايه ده ? مين بابي ومامي دول اصحابك??!
دودو : لأ دول راجل وست كده قاعدين عندنا في البيت وبيقولو ان انا ابنهم
تيتي : آاااه , بس مش لازم تعزمهم يعني , الحاجات دي بنشوفها في أفلام زمان بس
طب دا انا من ساعة ما دخلت5 ابتدائي
مايعرفوش عني حاجة
دودو : فعلا عندك حق .يلا نتجوز!

ربنا يستر علينا

لسة الموضوع مافورشى قوى كدة
وعموما ربنا يسطر
على دودو وتيتى والجوازة تستمر

جوازة ايه اللي تستمر??
هو انا ما قلتلكوش?!

احتمال يطلقوا !!!
لأن دودو مش بيعرف
يرقص حلو ولا حتي بيشرب ويسكي ولا أي نوع من المخدرات
ومش بيحب الشيكولاتة

وطبعا الحاجات دي هاتخليه مش راجل
أو زوج فاشل
( طبعا ده من وجهة نظر تيتي)