محكمة الحب

فكره جميله وانا معاك في اختيار القاضي
بس موضوع المتهم ده
بصراحه













بردو مؤيدو وبشده شاعر ابو حلاوه

حلوة الفكرة يا ميزو ونرجو التفعيل

وصلني الاستدعاء
اوافق على المحاكمة
وانا اختار المحامي بتاعي قرقشندي
بالرغم من اني عارف انه هيغرقني معاه بس يلا
امرى لله
يا ريت يتم تبليغي بميعاد المحاكمة
بس رجائي انا مش برد خميس وجمعة فياريت اللي يسأل الخميس والجمعة يصبر عليا ليوم السبت
ووالله برئ ............. برئ يا بيه

لا انا عاوز ورد ابيض بس
مش عاوز ورد احمر
انتوا بتشبروا عليا بالاعدام
ابعدوا عني اللون الاحمر خالص
برئ والله ................ برئ يا بيه

مجبر اخاك لا بطل !!!!!!!
لم يختار متهم يوما قاضيه
ولكني اثق في نزاهة القضاء الدملاوي
وبعدين ابو ربيع اعتقد هيكون حنين عليا
مش ناس تطالب باعدامي وتكييسي
اصبر عليا يا باشمهندس اخرج من القفص بس
وانا اللي كنت هعينك محامي لي
صحيح عدوك ابن كارك

السؤال ده اجباري ؟

انا ممكن اكون المحامى يا شاعرنا في حاله انشغال قرقشندى
بأى قضيه اخرى لان زى ما انتم عارفين قرقشندى مشغول اوى الراجل لسه فاتح
المكتب والشغل عنده زى الرز اللهم لا حسد

شاعر ابو حلاوه
ك وحشه والله
كنت اتمنا اشوك بره القفص من زمان ما شوفتك ارجع الئيق في القفص
سؤال خفيف علي الماشي علشان يتهضم
جالك وقت حسيت انك ظلمت المحبب ولو كنت حسيت ايه الي حسيت بيه
وهل حاولت انك تمحي ظلمك عنه ولا لاء

mezo2010 كتب:

كم مرة احببت بجد

امري لله القاضي امر وانا هرد بصراحة
بصراحة انا حبيت كتير جدا ولسة بحب وهفضل احب
انا عايش عمري كله بالحب
هذا بالنسبة للحب بمعنى عام
اما اذا كنت تقصد حب راجل لست
فانا اعتقد ان الانسان ما بيوصلش لدرجة الحب الا عندما يتزوج يكتمل لديه كل عناصر الحب الكاملة
اما محاولات ما قبل الزواج كلها لا تكون قصص حب كاملة
اما اعجاب او انجذاب لشخص او التقرب الى شخص او تمنى حب شخص او حب من طرف واحد
وهذه الحالات جميعا مريت بها .
ولا اخفي عليك يا ميزو اني استفدت كتير من تجاربي السابقة قبل الجواز في كيفية معاملة الجنس الناعم
وكمان حسيت بمشاعر كتير فادتني في كتابة بعض الحالات الشعرية التي كانت غائبة عني
وشكرا

mokhtar كتب:شاعر ابو حلاوه
ك وحشه والله
كنت اتمنا اشوك بره القفص من زمان ما شوفتك ارجع الئيق في القفص
سؤال خفيف علي الماشي علشان يتهضم
جالك وقت حسيت انك ظلمت المحبب ولو كنت حسيت ايه الي حسيت بيه
وهل حاولت انك تمحي ظلمك عنه ولا لاء

انت وحشني اكتر والله يا مختار ولسة كنت بسال تميم عنك من كام يوم
سؤالك على راسي يا باشا
في الحقيقة انا بفكر كتير قبل ما اعمل اي حاجة خصوصا لو كان قرار مصيري
والتفكير كتير ده اصحابي القريبين منى بياخدوها عليا ويقولوا اني بطئ علشان كدة
بس انا اتعودت على كده افكر وافكر وافكر قبل ما اخد اي قرار
علشن كدة صعب حد يزعل منى الا لو كنت انا اقصد ازعله او ميهمنيش امره
بس حتة اني ازعل اللي بيحبني صعبه شوية
هو ممكن يزعل من غير ما اعرف بس بيكون غصب عني لاني ممكن ما اكونش عارف انه بيحبني اصلا
ودي حصلت اكتر من مرة " حب من طرف واحد يعني "
ودي لا تقلل من الشخص الاخر بس القلب وما يريد يا مخ
واذا كنت بتسال ول حبيبي زعل منى اعمل ايه ؟
اكتب له قصيدة اصالحة بيها على طول وعملتها قبل كدة والقصيدة ايه جابت مفعول السحر
بس اوعى تقوللي اكتب لنا القصيدة دي هنا
ههههههههههههههههه
لا مؤاخذة يا قاضي
خلاص يا عم مختار اظن الرد كافي وشافي
انت فين يا سي المحامي
يا جدعان حد يصحيه هو جاي ينام في المحكمة

gaser11 كتب:انا ممكن اكون المحامى يا شاعرنا في حاله انشغال قرقشندى
بأى قضيه اخرى لان زى ما انتم عارفين قرقشندى مشغول اوى الراجل لسه فاتح
المكتب والشغل عنده زى الرز اللهم لا حسد

لا يا عم انا عارف انك مصاحب الحاجب وممكن تسرب ملف القضية
بس دي مش من اساليبي
قرب شوية كدة علشان القاضي ما يسمعناش
بيني وبينك قرقشندي يبقى اخو القاضي علشان كدة يمكن يعمله خاطر ويخفف الحكم
عرفت بقى انا اخترت قرقشندي ليه
يلا بقى روح اقعد مكانك احسن قرقشندي يعرف ويزعل منى ومنك

العدل أساس الملك



يا جماعة لابد من أن يتوجه المتهم بالحديث

عند الإجابة لرئيس المحكمة فقط

بعد إقتباس السؤال وأسم من أدلى به



ولا بد أن يكون هناك عدد محدود من الأسئلة يحق للمتهم الإعتراض عليها

وفى حالة استنفاذ رصيده من الاعتراضات

يحق للمحامى تقديم التماس للقاضى بعدم إجابة السؤال

مع اختيار المتهم لسؤال من المعترض عليهم سابقاً للرد عليه

وبالطبع الأمر مفوض فى قبول ذلك أو رفضه للقاضى وحده



ولله الأمر من قبل ومن بعد

هى دى فرصتى
نظرا لغياب السيد المحامى الهمام المقدام قرقشندى لمده غير معلومه وطبعا بحكم صداقتنا
لقد اوكل الي الدفاع عن المتهم مع اعتذاره الشديد لهيئه المحكمه نظرا لانشغال الاستاذ قرقشندى
بتجديد مكتب المحاماه الخاص بيه طبعا ده موسم الصيف والرزق بيبقي كتير فالراجل قال يلحق قبل
المعمعه .
ولذلك اتقدم الى هيئه المحكمه الموقره بطلب تأجيل حتى يتسنى لي الاطلاع على اوراق القضيه
وشكرا
وعلى فكرة يا شاعرنا مش هاينفع ترفض الناس كلها خايفه منك يعنى مفيش قدامك غيرى

هرد بعد ما يأذن لي القاضي

علم
مسير الحاجب في يوم يبقى قاضي

الشيخ محمود كتب:

الاستاذ محمدانت شاعر جميل وشعرك اجمل

الله يخليك يا شيخنا انت الاجمل

والشعر العاطفى كثيرا ما يكون له دلاله ام على قصة عشتها بكل
جوارحك او حكاية عرفتها
فتسردها فى قصص شعرى

ليس بشرط ان تكون انت من عاش هذه القصة او حتى سمعت عنها او شاهدتها وابداع الشاعر يأتي في تصور القصص الخيالية وابتكار مواقف ابداعية جديدة بحيث تشعر عندما تقرأ القصيدة بانك في عالم غير الذي نعيش فيه وهناك احيانا يحدث ما تقول

ولان اسمح لى وانت متهم ان اسالك
هل الحب له انواع ؟

نعم للحب انواع ويختلف نوعه باختلاف المحبين , وان كنت تقصد الحب بين الرجل والمرأة فهناك الحب الافلاطوني بحيث يشعر المحب بانه لن يعيش لثانية واحدة بعد حبيبته , وهناك الحب الرومانسي , والواقعي , والمادي " القائم على الماديات " وحب المصلحة , وحب العقل . وغيرها الكثير

وان كان فهل جربت كل الانواع؟

من الصعب بل من المستحيل ان يعيش شخص واحد كل انواع الحب ولكن من الممكن ان يعيش في نوع واحد من الحب كل الحالات من هجر وفراق ولقاء ولوعة وشوق وعذاب وتمني والخ الخ .

وهل الحب الحقيقى ياتى فجاة ام ان له مقدمات لابد من المرور بها؟
الحب الحقيقي ينبغي ان يقوم على اسس ودعائم راسخة لدى الطرفان وان كنت تقصد الحب من اول نظرة فهو موجود بالفعل ولكن ايضا له مقدمات فما ان تجد هذا الشخص الا وتشعر وكانك رايته من قبل وعشت معه لذا تنجذب اليه ولا تدري
اما عن مقدمات الحب فاولها ان تشعر بانك تريد ان تحب وان تجد من تريد ان تحبه وان تخطو نحوه او يخطو نحوك والباقي انت تعرفه

وهل تؤمن بالحب من اول نظره؟
نعم
وما رايك فى الزواج عن حب ؟

اعتقد ان كل زواج هو زواج عن حب ولكن يختلف نوع الحب باختلاف الاشخاص كما اوضحت سابقا وهو مثل الشركة " ويد الله مع الشريكين ما لم يخن احدهما الاخر "

هل ينجح ام يفشل ؟

النجاح او الفشل في غيب الله ولكن هناك عوامل مساعدة ولكن اذا اجتمع العقل مع القلب في الاختيار تكون نسبة النجاح كبيرة اما اذا تغلبت العاطفة تكون النسبة في النجاح ضعيفة ويبقى الداعم الرئيسي لأي زواج وهو الاحترام المتبادل بين الزوجين

وما هى نسب النجاح والفشل؟

تختلف باختلاف الاشخاص والامثلة كثيرة لاشخاص عاشوا قصص حب عنيفة قبل الزواج وفشلت علاقتهم الزوجية واشخاص تعارفوا وتزوجوا في اسبوع ودامت العلاقة بحمد الله

كفاية المهم الاجابة تكون نموزجيه مدعمه بادله ومستندات
وسنداوتش حواوشى لبهاء من عند الرجل اللى قدام منزلكم
دمتم سالمين

كفاية بجد ارهقتني في الاجابة يا شيخ محمود وبعدين بهاء مش بيحب الحواوشي
ههههههه

أرجو أن يحكم القاضى
بروح القانون
والعدالة

وليس بالعدل الصارم