عجبى!!

من طرف **هانى نشأت** الخميس 26 يونيو 2008, 3:28 pm

عجبى على الزمن وع اللى بيجرى فيه
عجبى على الزمن وعلى بلاويه
وعجبى أكتر على بنات...
مطمرشى فيها التربيه
انهارده جيبه وبكره بنطلون وبعده جلبيه
انهارده شعرها سايح مترين
وبكره بالخمار متغطيه
واما تسألها تضحك وتقولك...
دى الموضه ياعنيه!!
++++++++++++++++
+++++++++++++
الشباب ف ايدها شوية لب بتتسلى بيه
النهارده تامر وبكره حسين
وبعده ياترى مين هنلاقيه
كلمة بحبك عندها
أسهل من أى حاجه عرفتها
وكلمة خلاص انا بكرهك
أسهل واسهل عندها
والمهزأه بالناس وخداها نشان على صدرها
+++++++++++++++
++++++++++++

وواحده تانيه من الدلع وخده حقها
لا عمله حساب لأبوها ولا لأمها
على رأى اللى قال.....
ماشيه على حل شعرها
بكره الزمن يعلمها
وكتر الجراح هتهدها

وعجبى!!

من طرف **هانى نشأت** الخميس 26 يونيو 2008, 3:32 pm

انا اسف ان كانت الألفاظ قاسيه شويه
بس المجتمع وصل لدرجه فظيعه من الانحلال الخلقى
لاترقى كلماتى لوصف هذا الحال
وكل كلمه كتبتها مطعمه من الواقع

من طرف htmhm الجمعة 27 يونيو 2008, 10:36 am

اصبت الهدف تماما والله يا هانى

والالفاظ مش قاسية ولا حاجة

للاسف دة الواقع

ربنا يستر علينا يحمينا

من طرف **mohammed** الأحد 29 يونيو 2008, 9:58 am

عجبي عجبي وكمان عجبي

من طرف **mezo2010** الأحد 29 يونيو 2008, 10:12 am

انا أتذكر ان الشاعر محمد بك عنده
حاجه برضو زي دي
كنت انا قرئتها من حوالى اكثر من ثلاث سنوات
ان لم تخنى الذاكره
كان بيتكلم فيها برضو عن الشباب

تسلم يا هانى باشا
بقولك انك جاااااااااااااااااااااااامد
ويا بختك بشعرك وفصحتك