لاللاعتداء على رموز كرة اليد فى دملو

من طرف htmhm الثلاثاء 08 يوليو 2008, 9:42 pm

بسم الله الرحمن الرحيم

السادة الكرام اعضاء منتدى دملو

السلام عليكم ورحمة الله وبركاتة

بعيدا عن اسلوبى الذى يسمية البعض بل الكثير التسرع والتهور

وبكل هدوء تام

هذة رسالة ابلغكم اياها عن نفسى وعن كل اعضاء اسرة كرة اليد فى دملو

مدربين واداريين ولاعبين واعتقد ان الجماهير قد تساندنا فيها

لا للتعدى والتطاول على رموز كرة اليد بدملو

لالالالالالالالالالالالالالالالالالالا

والف لالالالالالالالالالالالالا

ولن يسمح اى فرد من افراد اسرة كرة اليد بحدوث مهزلة فى حق اى فرد من افراد اللعبة

وما بالكم ان كان هذا الفرد هو احد رموز اللعبة

وبعيدا عن لغة الطلاسم والالغاز

ماحدث يوم السبت 5/7/2008 على مرئى ومسمع من الجميع

فى حق الدكتر/محمد عبد الله عبد المرضى

وهو اعلى درجة علمية فى دملو فى كرة اليد وهو معيد بكلية التربية الرياضية ببنها

وحاصل على درجة الماجستير بتقدير امتياز
وعلى اعتاب درجة الدكتوراة

خطأ فادح من شخص يجب ان يكون ادرى منا بالامور الادارية التى هى من صميم اختصاصة

الغاء التمرين فى منتصفة والاعتداء على حقوق مدرب يحاول تلقين اللاعبين دروس فى اخلاق وادب الملاعب

خطأ فادح لايغتفر

كما ان

ليس من حق اى شخص طرد اى لاعب من التمرين دون الرجوع للمدرب المسئول

ياسادة

تحملنا كثيرا

ساندتمونا كثيرا

ونفرتم منا كثيرا

ولكن اذا وصل الامر بصدور قرار بمنع الدكتر /محمد عبد الله من نزول الملعب

فهذا كثير جدااااااااااااااااا

ولن يتحملة احد

ومن ادرى منة بهذا الملعب وفنونة وتقنياتة حتى يمنعنة من نزولة

وانا اود من ادارة المنتدى الفاضل التى تسعى جاهدة دائما لحل تلك المشاكل

ان توصل هذة الرسالة لمدير النادى

وليعلن اما الجميع ما هى اسباب هذا القرار
وهل من حقة اتخاذة فرديا دون العودة لمجلس الادارة
وكيف يتعدى على مران الفريق
وبأى حق

وهل هو كمدير للنادى من حقة فعل كل هذا

لمجرد ان تشاجر ابنة مع احد زملائة فى الفريق

هى رسالة هادئة جدا وسؤال اكثر هدوء يحتاج لاجابة

ارجو من ادارة المنتدى الكريمة ان تنظر لطلبى بخصوص طرح رد هذا المسئول عما فعل

ولكم منى جزيل الشكر والاحترام والتقدير

متمنيا من الله تعالى ان يوفقكم لما يحب ويرضى

من طرف **mr_x900** الثلاثاء 08 يوليو 2008, 10:24 pm

كلامك كويس جدا يا حسن وأنا لا أعتقد انه فيه اى نوع من التهور

وأنا معاك طبعا انه مش من حق أى سخص أن يغلط فى الدكتور محمد وكلنا عارفين طبعا مين هو الدكتور محمد عبدالمرضى

وكمان أنا معاك انه مش منحق أى شخص حتى مدير النادى انه يدخل فى شغله

وبضم صوتى لصوتك أن لازم الكلام دة يوصل لرئيس النادى ويتعامل الموضوع بنوع من الجديه وميكونش موضوع وعدى

وربنا يوفق الجميع

من طرف **sameh ahmed** الأربعاء 09 يوليو 2008, 3:17 am

طبعاً ما حدث مرفوض

شكلاً وموضوعاً

ولكن نرجو القصة كاملة

حتى نستطيع أن نحكم

على الموضوع

من طرف **abu rabia** الأربعاء 09 يوليو 2008, 11:22 am

وانا اتفق مع الاستاذ سامح
وأرجو يا باشمهندس حسن ان تشرح لنا
الواقعة كما حدثت بالضبط وكما رايته انت
حتي يتثني لنا التعامل مع الواقعة

وكن علي ثقة اننا كلنا مع الحق ولن نقف
مكتوفي الايدي في حالة مثل هذه ولكن دعنا نتحقق من
الحادثة يا حسن بكل تفاصيلها وأعدك بصفة شخصية
بأن الأمر لن يمر مرور الكرام فالحق أحق أن يتبع

من طرف **karemo elsokkary** الأربعاء 09 يوليو 2008, 12:37 pm

ازاىيحص كدة مع واحد دكتور ومربى كل اللى عملى انوا حب يعلم الاعبين فن اداب الملاعب يحصل كدة ياريت يكون فى موقف

من طرف htmhm الأربعاء 09 يوليو 2008, 12:57 pm

بسم الله الرحمن الرحيم

كل ما حدث هو مشاجرة عادية بين اثنين لاعبين بفريق 94
احدهما كابتن الفريق واسمة محمد ماجد وهو كا بتن الفريق والثانى ابن مدير النادى

الاثنين تراشقا بالالفاظ وانتهى الامر وتم معاقبة الاثنين

ولكن ابن مدير النادى لم يعجبة الامر يجب اعدام اللاعب الاخر

وجاء مدير النادى بناء على طلب ابنة ودون التوجة لاحد ودون القاء السلام حتى

وجة لوم حاد لللاعب محمد ماجد وامرة بترك الملعب وعدم النزول للملعب مرة اخرى ابدا

و هذا اعتداء صريح على حقوق المدرب الموجود بالملعب

فرفض الدكتر وقال

مش فية مدرب واقف ترجع لة

فسخر مدير النادى من الدكتر وقال لة بالحرف

قولى بس يا حبيبى عاوز اية سمعنى كدة

فرد الدكتر

اللاعب دة مسئول منى لازم ترجع لى الاول قبل طردة

فرد بلغة اكثر سخرية واستفزازية

كلكوا هنا مسؤلين منى
وكأننا عبيد نعمل فى مزرعة احد الاشخاص

وقال كلمة لاتغتفر وجهها صريحة للدكتر وعلنا

قال

يا محمد يا عبد الله خلى فى ادب شوية وانت بتكلمنى عيب

فرد الدكتر

الحمد لله الادب موجود

بس الملعب دة مش عزبة اى حد يخش فى اى وقت ويعمل اللى هو عاوزة والناس واقفة وكأن ملهومش لازمة

واحرجة الدكتر فى الكلام

فلم يجد طريقة لكى يرضى نفسة الا بان امر باخلاء الملعب
وتمت الاستجابة الفورية من كل من كانوا بالملعب

وفوجئنا بعدها بقرار بمنع الدكتر من نزول الملعب

لو يرضيكم هنرضى

الراجل بيحاول يعلم اللاعبين الاشبال احترام الملعب عشان كدة يتمنع من نزول الملعب

هل اصبح النادى يحكمة قرارت فردية لمصالح شخصية

وبأى حق وبأى سلطة

وما كتبتة هذا ليس عن رواية احد

ولكنة حادثة وقعت امام عينى من البداية حتى النهاية

والله على ما اقول شهيد

كلام مرفوض معنى ومضمون
ولازم من حل سريع
وبهدوءوبعيدا عن العصبيه
والتهور
وفى حدود الادب والاحترام

من طرف **Abo Dina** الأربعاء 09 يوليو 2008, 4:58 pm

هي فعلا واقعة محزنة للغاية
سواء التعدي على اللاعب أو على المدرب
ويجب التدخل السريع
لكن من سيتدخل ؟
وما هو القرار الذي تتوقعونه ؟
تلك هي المشكلة الحقيقية في أي واقعة تحدث بمركز الشباب

ولكننا نأمل أن يتغير تلك الوضع المهين كما سردته رواية الكابتن حسن

اظن دلوقتى نقدر نقول ان دا مش نادى دا وسيه وكل اللاعيبه عبيد فيها
بس ياترى ليه الناس دى بتعمل كدا ؟
زمان كانوا بيقولوا اليد ما بتصعدش
طيب دلوقتى ؟

عمرنا ما ح نتقدم ابداً

من طرف **sameh ahmed** الأربعاء 09 يوليو 2008, 5:27 pm

بالطبع فإن هذه السياسة
دليل دامغ
على عقليات عفى عليها الزمن
لا تعلم أي شىء عن إدارة الأندية
والمرافق الهامة فى أي مكان

مثال صارخ لعدم الوعي الإداري

من طرف **MOHAMED IBRAHIM** الخميس 10 يوليو 2008, 2:41 am

بسم الله الرحمن الرحيم

وتأكيدا على كلام الباشمهنس حسن فهى فعلا حادثة وقعت امام عينى من البداية حتى النهاية وهذا ليس تعسفا منا تجاة أحد مثلما يفكر البعض ولكن هذه حقيقة وإذا حضر أى شخص من أعضاء المنتدى الكرام هذا الموقف لكن سيقوم بالرد على هذا الموقف فى وقتها .
ونفسى أقول شىء بسيط جدا تعلمنة فى الكلية وهو :-

معنى كلمة (إدارة)تلك الكلمة التى تحمل فى طياتها الكثير والكثير من المعانى والتى يجب فهمها أولا حتى يمكن تطبيقها والإدارة نقوم بإستخدامها فى جميع شؤوننا سواء كان داخل أى مؤسسة أو خارجها
والإدارة هى فن التعامل مع الأخرين وهى أيضا
قدرة الفرد على التحكم فى مجموعه من الأفراد وتوجيههم إلى أنشطة إيجابية تساعدهم على تحقيق أهدافهم وهى أيضا
قدرة الفرد على التصرف فى المواقف المختلفة بطريقة سليمة للوصول إلى الهدف المنشود
فهل هذا ما يحدث ؟ أم ماذا ؟
والإدارة الجيدة هى أساس التقدم والنجاح فى أى شىء فى الوجود
فمثلا منتدانا الغالى إن لم يكن بة إدارة جيدة وتدرى جيدا ما تفعلة وما تريد تحقيقى لباء هذا المنتدى بالفشل منذ البداية ولكن الإدارة الجيدة بالمنتدى تسعى دائما وراء أهدافها وتحاول تحقيقها وتعمل بكل جهد على تحقيق ذلك .
وبما أن إدارة المنتدى الكريم عودتنا على حل المشكلات فنتمنى من الله أولا ثم من حضراتكم التكرم بحل هذه المشكلة ولسيادتكم جزيل الشكرواعتقد أننا تكلمنا بكل حيادية وأمانه دون المساس بأحد ولا الإهانه بأى شخص كما طلبتم قبل سابق وأخير أشكر لحضراتكم سعة صدركم وأتمنى أن يكون هناك حل عما قريب

.

من طرف **mr_x900** الخميس 10 يوليو 2008, 12:39 pm

نعم الكلام دة مررررررررررررفوض

ولازم نشوف حل عملى مش كله كلام وخلاص

Cool

من طرف htmhm الخميس 10 يوليو 2008, 12:48 pm

محمد رأفت بيومى كتب:
اظن دلوقتى نقدر نقول ان دا مش نادى دا وسيه وكل اللاعيبه عبيد فيها
بس ياترى ليه الناس دى بتعمل كدا ؟
زمان كانوا بيقولوا اليد ما بتصعدش
طيب دلوقتى ؟

عمرنا ما ح نتقدم ابداً

للاسف الشديد هو دة الواقع المرير جدااااااااااااااا

بس عاوز اقول لكم كلمة واحدة

النادى دة مش ملكى او ملك اى حد

لالالالالالالالالالالالالا

دة مللككوا كلكوا

احنا لما بنعلب مطشات برة مش بيقولوا فريق زيد او فريق عبيد لالا

بيقولوا فريق

دملــــــــــــــــــــــــــــــــــــو

يعنى انتوا اللى ترجعوا الحق للناس اللى اتظلمت

زى ما الناس دى ساعدت على ان اسم البلد يعلى اكتر واكتر

انتوا المحرك الاساسى والرئيسى لاى حاجة فى النادى

عشان النادى بتاعكوا مش بتاع حد

وبجد انا مستنى تحرككم لاعادة الحق لرجل تفانى (دون مقابل) فى رقى البلد

وتقدمها من خلال استخدام علمة فى خدمة اللعبة بالقرية

ومدرسة الناشئين اللى افرغت 3 فرق كاملة عدد كل فريق حوالى 15 لاعب تشهد

وفى فرق جديدة تحت الاعداد

ولو سكتنا كل دة هيضيع

ربنا يجعلكم دائما سندنا لنا

واتوجة بالشكر الجزيل لادارة المنتدى الكريمة لاتاحة الفرصة لنا لعرض هذة القضية كاملة

تحياتى لكم

من طرف **mezo2010** الخميس 10 يوليو 2008, 1:05 pm

لازم يكون في حل للمشكله دي
ولازم نعرف الامر من الجانبين
حتى لا نتسرع فى الحكم على واحد منهم على حساب الاخر
واذا ثبت الخطاء على احدهما
يجب ان يكون هناك تصرف
لان الامور داخل النادى لايجب ان تدار
على هو اشحاص بعينهم
وانما على اسس سليمه
يحترمها الجميع
مش كده ولا اهه

من طرف **gana2007** الخميس 10 يوليو 2008, 1:17 pm

الأخوة الأفاضل رواد منتدانا الفاضل إدارة وأعضاء

بعد قراءة ماحدث لايوجد إلا حل واحد ألا وهو التحرك السريع

والتوجه للجهات المختصة لسحب الثقه من هذا المدير الفاشل إدارياً

فمن يحكم علي الأمور بنظرة أبنه لايستطيع أن يكون قائد فى منظومة

بدأت تضع يدها وقدمها على أعتاب أول درجات سلم النجاح

ولكن حتى تستطيع صعود هذا السلم يجب أن يكون قائدها قائداً بمعنى الكلمة

وليس هذا المثال السيئ الذى رأيناه

لا لا لا لا لا لا لا لا وألف لا

للتعدى علي رموز كرة اليد بدملو

وليس رموز كرة اليد فقط بل كل رموزنا

من طرف **abu rabia** الخميس 10 يوليو 2008, 2:47 pm

gana2007 كتب:الأخوة الأفاضل رواد منتدانا الفاضل إدارة وأعضاء

بعد قراءة ماحدث لايوجد إلا حل واحد ألا وهو التحرك السريع

والتوجه للجهات المختصة لسحب الثقه من هذا المدير الفاشل إدارياً

فمن يحكم علي الأمور بنظرة أبنه لايستطيع أن يكون قائد فى منظومة

بدأت تضع يدها وقدمها على أعتاب أول درجات سلم النجاح

ولكن حتى تستطيع صعود هذا السلم يجب أن يكون قائدها قائداً بمعنى الكلمة

وليس هذا المثال السيئ الذى رأيناه

لا لا لا لا لا لا لا لا وألف لا

للتعدى علي رموز كرة اليد بدملو

وليس رموز كرة اليد فقط بل كل رموزنا

بسم الله الرحمن الرحيم

وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ

إِذْ دَخَلُوا عَلَى دَاوُودَ فَفَزِعَ مِنْهُمْ قَالُوا لا تَخَفْ خَصْمَانِ بَغَى بَعْضُنَا عَلَى بَعْضٍ فَاحْكُم بَيْنَنَا بِالْحَقِّ وَلا تُشْطِطْ وَاهْدِنَا إِلَى سَوَاء الصِّرَاطِ

إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ

قَالَ لَقَدْ ظَلَمَكَ بِسُؤَالِ نَعْجَتِكَ إِلَى نِعَاجِهِ وَإِنَّ كَثِيرًا مِّنْ الْخُلَطَاء لَيَبْغِي بَعْضُهُمْ عَلَى بَعْضٍ إِلاَّ الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَّا هُمْ وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ

فَغَفَرْنَا لَهُ ذَلِكَ وَإِنَّ لَهُ عِندَنَا لَزُلْفَى وَحُسْنَ مَآبٍ

يَا دَاوُودُ إِنَّا جَعَلْنَاكَ خَلِيفَةً فِي الأَرْضِ فَاحْكُم بَيْنَ النَّاسِ بِالْحَقِّ وَلا تَتَّبِعِ الْهَوَى فَيُضِلَّكَ عَن سَبِيلِ اللَّهِ إِنَّ الَّذِينَ يَضِلُّونَ عَن سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ

صدق الله العظيم

أرجو من الجميع عدم التعجل في الحكم ولننتظر حتي نستمع الي الطرف الآخر كما علمنا القرآن الكريم
وقد قال صلي الله عليه وسلم ( ليس القوي بالصرعة إنما القوي من ملك نفسه عند الغضب ) صدق رسول الله

من طرف htmhm الخميس 10 يوليو 2008, 2:58 pm

كلامك صح جدا يا ابو ربيع

لكن الجواب بيبان من عنوانة

واحنا سكتنا كتير جدا

والرسول صلى الله علية وسلم قال

(من راى منكم منكر فليغيرة )

صدق رسول الله صلى الله علية وسلم

واحنا سكتنا على اخطاء كتير

والساكت عن الحق شيطان اخرس

لازم نتحرك

ولكن ايضا حق الرد والدفاع عن النفس مكفول

من طرف ahmoda الخميس 10 يوليو 2008, 3:00 pm

بعد قراءه الموضوع برمته
اعتذر عن الموضوع برمته

من طرف htmhm الخميس 10 يوليو 2008, 3:20 pm

الله ينور عليك يا عم احمد

كلام صحيح فعلا

طب ماهو ابن مدير النادى شتم محمد بردة بلفظ غاية فى السوء

وبعدين التمرين بتاع الفريق الصغير هو اللى كان فاضل لة 10 دقايق

انما المرتبط و90 كانوا بيتمرنوا ولسة كان فاضل لنا بتاع نص ساعة او اكتر

وتم اخلاء الملعب فعلا فى منتصف التمرين (انا بتكلم عن التمرين بتاع الفريق المرتبط و90)

لحد هنا وحلو كلامك يا عم احمد

بس بعد كدة قال اية السيد المحترم مدير النادى

قال ممنوع الدكتر ينزل الملعب تانى

واعتقد دة مش سوء فهم دة قرار علنى

ومحتاج وقفة

وشكرا يا ابوحميد على ايضاحك اللى كان سليم

ولكن انا وضحت لك اللى بتكلم عنة تماما

واعتقد ان حق الدكتر اكبر من كدة بكتير

وربنا يوفقنا ونضع الامور فى نصابها الصحيح

من طرف ahmoda الخميس 10 يوليو 2008, 4:52 pm

والله الايام الجايه كفيله توضح ان الدكتورؤ يقدر ينزل الملعب
علشان ديه حاجه تطوعيه منه

من طرف **mr_x900** الخميس 10 يوليو 2008, 5:22 pm

والله الحاجه اللى تزعل انىا لحد دلوقتى مسمعتش عن حاجه حصلت فى الموضوع دة

دة أنا حتى مسمعتش ان حد اتكلم فى الموضوع أصلا

يا ريت يا أبو على تمدنات بالمعلومات أول بأول

ولك جذيل الشكر

من طرف **الشيخ محمود** الخميس 10 يوليو 2008, 6:51 pm

انا احترت فى الموضوع
احمد حموده قابل الدكتور محمد وقاله على اللى مكتوب هنا
قام الدكتور وضح الامور كلها وان هو خد حقه
ولم يقل بان احد منعه من نزول الملعب
طيب ياحسن باشا ويامحمد ياابراهيم نصدق مين
وجميع الاراء تعتبر حتى الان من طرف واح وهو فريق اليد
والكلام متضارب
حد يقولى انا اعما ايه ومين اللى له حق ومين اللى عليه الحق
لكن انا اوعدكم ان اتكلم مع المدير واستفسر منه على اللى حصل
لنا عوده

من طرف **الشيخ محمود** الخميس 10 يوليو 2008, 7:03 pm

توجهنا الى المدير وسالنا
س:كيف الحال ؟
ج: الحمد لله
س؟ ماذا حدث فى تمرين اليد؟
ج: ليه وعلشان ايه
س: قرانا على المنتدى من اعضاء فريق اليد ان هنالك مشكله حدثت وعلى اثرها
منع الدكتور محمد من النزول الى الملعب ؟
ج:ما فيش مشكله ولا حاجه لكن ماذا كتب على المنتدى؟
قولت له وشرحت له ماكتبه حسن وما كتبه احمد حموده وبعد ذالك سالناه وقولنا
س: مارايك فى هذا؟
ج: لا تعليق هذه شؤن داخليه تخص عملى وليس لاحد نمهما كان ان يتدخل فيها
س؟ وهل تم بالفعل ايقاف الدكتور محمد عن العمل ؟
ج: نعم وهذا لايقلل من شانه والابقاف مؤقت
س: هل هناك تحقيق معاه ؟
ج: لا تعليق واعاد نفس الكلام امور داخليه
فى النهايه رفض المدير التحدث وقال انا لااتحدث الى اى جه واللى عنده حاجه عايز يقولها يتفضل يقولها
ووضح من كلامه ان هو ولامؤخذه مش فارق معاه اى حاجه وان هو بتصرف كانه
رئيس مجلس الادارة
متقلش محرم الراغب ولا علاء مقلد
حاجه تغيظ
دلوقتى تقريبا الامور واضحه قوى وبصراحه ان مش فاهم حاجه خالص
كاننا فى حوارى شكاغو كل واحد يعمل اللى هو عايزه
اقوله ياعم احنا بلد واحده والمصالح واحده
يرد ويقول ماليش دعوه
بلاشوفوا الحل المناسب ايه ونعرضه على المنتدى وناخد اصواتونفذ ولو فيها حل المجلس
كده يابوربيع عدنا العيب
دى ناس فاكره نفسها قعدين فى ورث البشوات

من طرف htmhm الخميس 10 يوليو 2008, 8:47 pm

بص خلاص السكوت مبقاش ينفع

وكل اللى عندى هقولة

وموضوع الدكتر محمد هيجيب اللى فبلة واللى قبل

يعنى مثلا فين جوايز دورى الادارة

اللى رحنا لعبناة فى عز الظهر من شهرين وكسبناة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وفين فنلات 92 اللى كسبوها فى الدورة وتم حجبها

وفين فنلات المرتبط والفرست بتاع الموسم اللى فات ؟

ولماذا تم سحبها من اللاعبين؟ وهتروح فين

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جاوبــــــــــــــــــــــــــــــــــــــــــــــــــــــوا

من طرف ahmoda الجمعة 11 يوليو 2008, 11:28 am

مدخلش نفسكفي متاهه يا حسن ومتشعبش الموضوع
خليك متمسك بموضوع واحد علشان تقدر توصل فيه للاخر ونوصل لنتيجه واحده

متركبش نفسك خطا

من طرف htmhm الجمعة 11 يوليو 2008, 11:49 am

ماشى يا عم احمد

خلينا فى موضوعنا الاول

وبعدين نقول الباقى بعدين

لسة محدش عند راى او اقتراح بعد الحوار اللى اجراة الشيخ محمود مع السيد المحترم مدير النادى

ونتائجة بان السيد المحترم مدير النادى

رفض التجاوب

حد عندة راى او اقتراح نقدر نعملة

من طرف **الشيخ محمود** الجمعة 11 يوليو 2008, 2:35 pm

الاجاه الى الابواب الشرعيه
تقدم شكوه الى مجلس الاداره
وان لم يستجب تقدم صورة الشكوه وشكوى جديده الى مديرية الشباب والرياضه
وان لم يستجب تقدم الشكوتين الى اتحاد كرة اليد والمجلس الاعلى للشباب والرياضه
وكل هذا لان السكوت ممنوع وحرام ولازم كل واحد يقف عند حده
المدير مدير والاعب لاعب والمدرب مدرب
ده رايى الموافق يكتب نعم او لا
بادب ومحدش يدافع عن حد

من طرف htmhm الجمعة 11 يوليو 2008, 2:42 pm

موافـــــــــــــــــــــــــــــــــــــــــــــــــــــــــــــ وربنا يوفقنا ـــــــــــــــــــــــــــــــــــــــــــــــــق

من طرف **سميرالسيد** الجمعة 11 يوليو 2008, 3:03 pm

موافق

الشيخ محمود كتب:الاجاه الى الابواب الشرعيه
تقدم شكوه الى مجلس الاداره
وان لم يستجب تقدم صورة الشكوه وشكوى جديده الى مديرية الشباب والرياضه
وان لم يستجب تقدم الشكوتين الى اتحاد كرة اليد والمجلس الاعلى للشباب والرياضه
وكل هذا لان السكوت ممنوع وحرام ولازم كل واحد يقف عند حده
المدير مدير والاعب لاعب والمدرب مدرب
ده رايى الموافق يكتب نعم او لا
بادب ومحدش يدافع عن حد

أوافق بشده على هذا الأقتراح

من طرف **MOHAMED IBRAHIM** السبت 12 يوليو 2008, 1:56 am

طبعا أوافق على هذا الإقتراح وأرى أنه أصوب وأصح قرار

من طرف htmhm السبت 12 يوليو 2008, 2:46 pm

ارجو يا جماعة ان اللى ينقل كلام عن حد ينقلة بالظبط

لان دى امانة وتكذيب الاخرين شىء وحش

اوووووووووووووووووووووى

المهم نرجع للموضوع

انشاء الله هنكتب شكوى لمجلس الادارة

وينظروا فيها

وهنعرضها قبل تقديمها

على حضراتكم

واللى عندة اى اقتراح يحب يضيفة فى الشكوى يكتبة هنا

من طرف **mr_x900** السبت 12 يوليو 2008, 4:38 pm

موافق موافق موافق موافق موافق موافق موافق موافق موافق موافق موافق موافق موافق موافق

من طرف **Admin** السبت 12 يوليو 2008, 4:55 pm

الله ينور عليك هى الخطوه السليمه

من طرف htmhm السبت 12 يوليو 2008, 5:14 pm

الكلام اللى هحكية دة حصل يوم الجمعة

الموافق 11/7/2008

انا داخلت النادى الساعة 5 ونص عشان كل جمعة فى تقسيمة يد للقدامى والحلين من اللاعبين

فوجدت مدير النادى بيندة لى

وبيسألنى عن اللى كتبتة على المنتدى ؟ولية انا كتبتة اساسا؟

فرديت انا كتبت اللى حصل بالظبط
ودة حقى بما انى لاعب فى الفريق تم اخراجى من منتصف التمرين دون ذنب
وتم الاعتداء على حقوق استاذى ومدربى فمن حقى اعترض

وقلت لة دة منتدى عرضت علية المشكلة والسادة الاعضاء كل واحد بيقول راية
واقتراحة لحل المشلكة مش هنسبها مشكلة معلقة كدة

وتفهمت من كلامة لى انة ليس من حقى ان اكتب او ان اتحدث عما يحدث وانى مفروض اتقبل الامور فى صمت

!!!!!!!!!!!!!!!!!!!!!!!!!!!

وطلبت من مدير النادى ان يدخل على المنتدى ويقرء المكتوب بنفسة للتأكد ولة حق الرد والدفاع

فرفض وقال لى بالحرف"انا مدخلش على المنتدى"

فقلت لة خلاص وانا مش هحفظ اللى مكتوب وهاجى اسمعة

فقالى لى يعنى انت مش عارف انت بتكتب اية؟
قلت لة لا انا عارف انا بكتب اية كويس اوى
بس مش دورى انى احفظة واجى اسمعة هنا

وانهى الموقف على هذا ولعبنا التقسيمة

وروحنا

هذا لاطلاع الاعضاء الكرام على الجديد فى الموضوع

من طرف **mr_x900** الأحد 13 يوليو 2008, 2:08 am

الحمد لله ودة أكبر دليل على انى المنتدى فعال وله تأثير على البلد ومشاكلها

وأكبر دليل هومعرفه مدير النادى بما يحدث فيه

ويارب صوت المنتدى يوصل لكل المشاكل فى البلد مش النادى وبس
وشكرا ليك ياأبو على

من طرف **هادي سلامه** الأحد 13 يوليو 2008, 10:41 am

موافق علي الراي ده

من طرف **wing** الإثنين 14 يوليو 2008, 2:26 pm

مــــــــــــــــــــــــــــــــــوافـــــــــــــــــــــــــــــــــــــــق

وأتمنى أن يتم حل تلك المشكلة فى أسرع وقت خاصة أن الدورى لجميع الفرق على وشك البداية

من طرف **سميرالسيد** الإثنين 14 يوليو 2008, 3:16 pm

منتدى دملو بقى عامل ذى (قناة الجزيرة)
؟؟؟؟
(سلاح من لا سلاح لة)

موافقة من اشرف وسامح الشربينى Suspect

من طرف **great boy** الثلاثاء 15 يوليو 2008, 10:33 am

اوافق اقتراح
رائع

من طرف zeta الأربعاء 30 يوليو 2008, 8:07 pm

طبعا اللى حصل حرام وعيب
وفي مواقف كتير مشابه قديمه
وبلاش نفتح مواضيع قديمه
وملفات اتقفلت

من طرف **alaa kamel** الخميس 31 يوليو 2008, 10:42 pm

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تم حذف تعليق العضو من قبل الادارة لاحتوائه علي اسلوب غير ملتزم

من طرف **mar** الجمعة 01 أغسطس 2008, 10:36 am

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تم حذف رد العضو من قبل الادارة لأحتوائه علي اتهمات شخصية غير لائقة

من طرف zeta الجمعة 01 أغسطس 2008, 1:55 pm

بالنسبه للاخ اللى بيكلم في عدم تقديم الشكوي
انا لا اتفق معك في الراي واذا كنت بتفكرنا بموضوع حرمان الفريق من الفانلات
فانا اظن ان اللي عمل كده وحرمنا من حقنا هو الى انت بتدافع عنه
وعلي فكره انا واحد من الفريق اللي اتحرم من الفانلات(من حقه)وانا
اظن برده ان اللستاذ(المحترم)عبدالطيف النادي يقدر يتكلم عن نفسه
واظن كمان انه مايقدرش يدخل علي المنتي لانه عارف كويس انه غلطان في كل الي عمله
واذا اللى قلته ده غلط يقدر هو يدخل علي المنتدي ويدافع عن نفسه

من طرف zeta الجمعة 01 أغسطس 2008, 2:00 pm

وله ايه رايك ياحسن وعلي فكره انا وراه لحد ما اجيبه وهاتشوف
وعلى طول انا السلاح السري ليكم
وماتقلقوش ماحدش يعرف شخصيتي الحقيقيه
وشكرااااااااااااااااااااااااااااااا

من طرف zeta الجمعة 01 أغسطس 2008, 2:06 pm

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

تم حذف رد العضو لاحتوائه علي اسلوب غير محترم وغير لائق

من طرف **mar** الجمعة 01 أغسطس 2008, 2:12 pm

اولا انا لا ادافع عن احد يا اخ حسن

ولكن الاخ علاء عاز يرجع ويتدخل فى الامر وبيهدد بهذا الكلام

كان فين الكابتن ولا كباتن اليد عند حدوث مشاكل اخرى

كانو فين ولا فرصه للاعلان عن انفسم

يا كابتن حسن ما اعجبنى فيك هو انك بتجرى ورا حقك

وحق موهبتك وحق زمايلك فى الفرقه وانا معاك فى الشكوى

لان ده هو الاسلوب الحضارى الذى يدل على عقلية كاتبه ومقدمها ومقتلرحها

اما بالنسبه للاخ ZETA

ياريت مايتعبش نفسه ويخليه فى حاله

من طرف htmhm الجمعة 01 أغسطس 2008, 2:58 pm

zeta كتب:

الكلام ده للراجل الكبير اللي مفكر النادي ورث سايبهوله المرحوم

يا اخ زيتا الكلام دة عيب مهما كان اللى بتتكلم عنة دة راجل فى سن والدك والمفروض عليك احترامة

وعمرك ما هتاخد حقك بالطريقة دى

مش معنى ان لنا حق اننا نستخدم اسلوب خالى من الوقار

نصيحة من اخ اكبر

من طرف htmhm الجمعة 01 أغسطس 2008, 3:09 pm

mar كتب:
اولا انا لا ادافع عن احد يا اخ حسن

ولكن الاخ علاء عاز يرجع ويتدخل فى الامر وبيهدد بهذا الكلام

كان فين الكابتن ولا كباتن اليد عند حدوث مشاكل اخرى

كانو فين ولا فرصه للاعلان عن انفسم

يا كابتن حسن ما اعجبنى فيك هو انك بتجرى ورا حقك

وحق موهبتك وحق زمايلك فى الفرقه وانا معاك فى الشكوى

لان ده هو الاسلوب الحضارى الذى يدل على عقلية كاتبه ومقدمها ومقتلرحها

اما بالنسبه للاخ ZETA

ياريت مايتعبش نفسه ويخليه فى حاله

احيك على اسلوبك المحترم واعلم اننا ليس لنا اى هدف الا الحق فقط وكل ما نسعى الية هو المساندة وليس الا

وبضم صوتى لصوتك ومافق على كل كلمة قلتها

والله ولى التوفيق