حسن يقاضي الغندور ويؤكد: بهذه الطريقة لن نصل لكأس العالم 20

من طرف **karemo elsokkary** الأحد 13 يوليو 2008, 2:27 am


حسن

قرر أحمد حسن قائد منتخب مصر ولاعب النادي الأهلي مقاضاة الاعلامي خالد الغندور بسبب الادعاءات التي أشار إليها الغندور في برنامجه الرياضي بأن حسن كان السبب الرئيسي في تحويل رغبة هاني سعيد من اللعب في الزمالك إلى الانضمام للأهلي.

وقال حسن في تصريحات خاصة لـFilGoal.com في ساعة مبكرة من صباح الأحد: "ما حدث من الغندور في برنامجه اليوم يعد مهزلة لا يمكن السكوت عليها، وسأبدأ صباح الأحد في اجراءات رفع دعوى رد اعتبار ضد الغندور بسبب ما ادعاه ضدي في البرنامج".

وكان الغندور قد أعلن في برنامج "الرياضة اليوم" عبر قناة دريم يوم السبت أن حسن كان السبب في تحويل رغبة هاني سعيد من اللعب في الزمالك إلى الانضمام للأهلي بعدما وقع على العقود الرسمية لانتقاله للنادي الأبيض، وأشار الغندور أن حسن اتصل هاتفيا بسعيد وأقنعه بعدم الانضمام للزمالك والانضمام للأهلي.

كما أشار الغندور إلى أن هاني سعيد خدع محمد عبد المنصف حارس مرمى الزمالك وحصل منه على عقوده مع النادي الأبيض بطريقة خادعة حيث ذهب إليه بصحبة خالد ذكري وكيل أحمد حسن وحصل منه على العقود وألقاها في سيارة ذكري الذي فر مسرعا بالسيارة.

وقال حسن: "لا أعرف من أين أتى الغندور بهذه القصة الطريفة، ومن أين أتى بها ومن هو مصدره فيها، واقحام اسمي أنا ووكيلي ذكري في القصة لا داعي له مطلقا وعار تماما من الصحة، وسيتضامن ذكري معي في اجراءات القضية ضد الغندور".


	الغندور

وأشار حسن أنه لا علاقة له من قريب أو بعيد في تعاقدات النادي الأهلي مع اللاعبين وأنه ملتزم بحدوده كلاعب فقط داخل الفريق، أما مسألة التعاقدات فلا دخل له بها مطلقا ولكنها مسؤولية الجهاز الفني والادارة.

وأضاف حسن: "أنا قائد منتخب مصر وعلاقتي بجميع اللاعبين في المنتخب أكثر من رائعة، ولكني لا أستغل هذه العلاقة أو وجودي كقائد للمنتخب في التفاوض مع اللاعبين أو التأثير عليهم بالانضمام للأهلي".

وتابع حسن: "ما فعله الغندور يأتي لكونه زملكاوي ويهاجمني لأنني انضممت للأهلي، وأنا أرفض تماما هذا الأسلوب، لأنني لاعب محترم ولي تاريخ مشرف وأرفض تماما أن يتم الزج باسمي في هذه المهاترات، وأتحدى الغندور أن يأتي بدليل واحد على صدق كلامه".

واختتم حسن حديثه قائلا: "أناشد الاعلام أن يلتزم الحياد في الفترة المقبلة، فمن غير الطبيعي أن يقوم الاعلام الزملكاوي بمهاجمة وانتقاد الأهلي، أو يحدث العكس، ويجب أن يتكاتف الجميع وراء مصلحة منتخب مصر لتحقيق حلم الوصول لكأس العالم، لأننا بهذه الطريقة لن نصل لكأس العالم 2010 ولا حتى كأس العالم 2070".

من طرف htmhm الأحد 13 يوليو 2008, 1:07 pm

والله وجود الغندور فى الوسط الاعلامى ?????

هو لاينفع لاعب وحتى معلق ولا حتى اعلامى

من يومين يهاجم شوبير عشان هو اعلامى ونائب رئيس اتحاد الكورة

وبيقول ازدواجية

طب انت من غير ازدواجية و ????????

انما شوبير بالازدواجية ومش ؟؟؟؟؟؟؟؟؟؟

وبيقول حقايق مش قصص وهمية

من طرف **mohammed** الأحد 13 يوليو 2008, 1:42 pm

براحة شوية يا عم حسن
مين اللي مش بينفع
وبعدين قبل ما تصدر احكام ابقى اتاكد من الكلام الاول
اولا: احمد حسن ما يقدرش يقاضي الغندور
لان اركان المقاضاة غير واضحة واسال بتوع الحقوق
مش معقول لو قلت حسن كلم فلان في التليفون يروح حسن يشتكيني ويرفع عليا قضية
كانت المحاكم اتملت قواضي
ثانيا ايه اللي قالك ان احمد حسن ماعملهاش
هو لا مؤاخذة احمد حسن ده ملاك نازل من السماء ان شاء الله
ثالثا : خالد الغندور احرف لاعب شوفته في حياتي
وساهم مع المنتخب والزمالك في بطولات كتير
الكلام ده مش دفاع عن الغندور بس بلاش نصدر احكام اعتمادا على مصادر غير موثوقة
وشكرا للجميع

من طرف htmhm الأحد 13 يوليو 2008, 1:59 pm

هههههههههههههههههههههه

احمد حسن عشان جة الاهلى تقولوا علية مش ملاك نازل من السما

كانة خد ختم جهنم فى الاهلى

وبعدين اية بطولات الغندور مع المنتخب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وكم بطولة مع الزمالك

؟؟؟؟؟؟؟؟؟؟؟؟؟؟

من طرف **gaser11** الأحد 13 يوليو 2008, 5:52 pm

ننتظر اعتذار من الاستاذ حسن لكل الزملكاويه
مش معقوله تطلبوا عدم التجريح في اى حاجه تخص الاهلى
وبعدين تجرحوا فكل ما ينتمى للزمالك
وعلى فكرة يا استاذ حسن خالد الغندور لعب فى الزمالك
16 سنه يعنى قبل ما حضرتك تتولد وتقريبا اعتزل من 4 سنوات

من طرف **abu rabia** الأحد 13 يوليو 2008, 6:04 pm

كالعااااااااااااااااااااااااااااااااااادة

موضوع عادي نقله العضو كخبر تم نشره

فحولتموه بردودكم الي خناقة

تعليق مستفز من حسن رد مدافع من محمد

استفزاز وتريئة من غير داعي علي خبر ما يستهلش

ودفاع مستميت عن اتهام ما يستهلش

الله يسامحكم

من طرف **الشيخ محمود** الأحد 13 يوليو 2008, 7:27 pm

بصراحه انا شايف ان الزمالكويه كالعاده يسخنو اى موضوع
وفى النهاية يطلب السيد مشرفهم الاعتذار
يعتذر الاهلويه
يكتب اعضاء الزمالك لا تعليق
اذا اللى مش عاجبه اللى مكتوب
مايتكلمش ويقعد ساكت
اشمعنى الكلام التافه هو اللى بتتخنقه عليه
بالفعل هو ده المستوى المعروف عن المصريين

من طرف **الشيخ محمود** الأحد 13 يوليو 2008, 7:31 pm

وبعدين خالد الغندور
راجع يقول ياشر اشتر
نازل سلخ فى الاهلى
وفى كل اخبار الاهلى
عايزين اه تانى
بصراحه ومن الاخر خالد الغندور لاعيب فلته
مافيش زيه
ام الاعلام فهو مذيع
نص نص
وماينفعش افضله يروح يجيب كل لاعيبة مصر الى الزمالك
بطلو وجع دماغ خليكو مع ربنا
احنا فى ايام كلها خير
ملحوظه
اللى معترض يلجا الى المشرف العام

من طرف **commander** الأحد 13 يوليو 2008, 8:10 pm

بصراحة انا ماكنتش هاشترك في الموضوع ده

بس الكلام شدني وعايز أسأل
بمناسبة الكلام عن الإعلاميين
إيه رأيكم في كل من:
علاء صادق
و إيهاب صالح
و أحمد شوبير
و مصطفي عبده
و عصام عبدالمنعم
و...........و.............و.......
??????

من طرف **الشيخ محمود** الأحد 13 يوليو 2008, 9:19 pm

بص ياكابتن كل دول زى بعض مايختلفوش كتير عن
اخوهم الصغير بندق
وكلنا اهلوى وزمالكاوى
عارفين الغرض هو زيادة التعصب بين الناس
غير دول كتيييييييييييييييييييير قوى
وعلى راى اعز اصدقائى اى كلام فى اى ابن ...............
هبقى اقولك بينى وبينك
وعلى فكره انا لست مع مذيع اهلاوى او زمالكاوى
ولكن ضد التعصب الاعمى والواضح فى كلام هؤلاء
وللاسف نحن ننساق ورائهم كاننا................
معلش يعنى هى دى الحقيقه
ويجعلو عامر
وكل عام وانتم بخير
وربنا يستر علينا
وعلى بلادنا وشبابها
وعلى منتخبنا
اللى هيوصل كاس المر

من طرف **الشيخ محمود** الإثنين 14 يوليو 2008, 8:40 am

الكلام فى بدايته غلط
راجع كلامك وانت تعرف مين اللى بيغلط
وبعدين هى دى الحقيقه اى خبر يتعلق بالزمالك او اى لاعب
زمالكاى نجد الزمالكاوى يثورون

من طرف **mohammed** الإثنين 14 يوليو 2008, 8:46 am

لانهم يحبون ناديهم اكثر من غيرهم
ولانهم لا يجدون اعلاميين يهللون لهم سواء اصابوا او اخطأوا
واذا عرف السبب بطل العجب

هو كل واحد عايز يبرر

غلطه يقول انا بحب النادى بتاعى

فعلا هذا هو الحب الحقيقى

من طرف **commander** الإثنين 14 يوليو 2008, 1:03 pm

يعني الزمالكاوية متعصبين والأهلاويه ملائكة????!!!

(كلامكوا بيفكرني بالجماعه اللي بيقولوا علي نفسهم شعب الله المختار )

والله كلنا زي بعض
فينا الكويس وفينا الوحش
فينا المتعصب وفينا المتحضر العاقل
هو احنا مش شعب واحد برضه... ودين واحد .....وثقافة واحده ولا إيه??

من طرف **gaser11** الإثنين 14 يوليو 2008, 6:26 pm

الشيخ محمود كتب:
بصراحه انا شايف ان الزمالكويه كالعاده يسخنو اى موضوع

وفى النهاية يطلب السيد مشرفهم الاعتذار

يعتذر الاهلويه

يكتب اعضاء الزمالك لا تعليق

اذا اللى مش عاجبه اللى مكتوب

مايتكلمش ويقعد ساكت

اشمعنى الكلام التافه هو اللى بتتخنقه عليه

بالفعل هو ده المستوى المعروف عن المصريين

توضيح صغير
لما طلبت الاعتذار كان قصدى هو الاعتذار عن اللهجه المستفزة في رد الاستاذ حسن
وليس اكثر ودى اول مرة اعلق فيها على شئ استفزنى لان الرد من الاستاذ حسن
تحول من مجرد التعليق علي الخبر الى مهاجمه شخص انا بعتبره رمز زملكاوى
ايا كان نظرت حضرتك او غيرك ليه
زى بالظبط ماينفعش انى اعمل موضوع اشتم او اجرح في اى لاعب في الاهلى
لان ده هايزعل الناس كلها
يبقى زى ما انا بحترم شعورك كان المفروض هو يحترم شعورى وانا هنا بتكلم عن نفسى بس
كعضو في المنتدى وبقول رأى في اى موضوع بعيد عن الاشراف
شكرا لطريقتك يا استاذ محمود في الرد على طلبى وطلبك انى اقعد ساكت
وبناء على طلبك سأتوقف عن الرد على اى موضوع بالمنتدى
طالما انت شايف انى بسخن المواضيع وشكرا مرة اخرى

من طرف **mezo2010** الخميس 17 يوليو 2008, 3:01 pm

الموضوع بسيط
ويا ريت الكل يفهم كده
الكل هنا سخن بسرعه
في الاخر احنا كلنا اخوات ياريت الكل يتصالح
وبلاش نزعل من بعض
في الاخر المنتدى هو اللى خسرن
لانه بدل ما يقربنا من بعض فرقنا
عيب علينا كلنا
على كل واحد منا
شاف ان ردة مش حلو يعدله من نفسه
وخلاص ونرجع اخوات وحبايب
وبلاش تعصب
وشكرا
للجميع

حسن يقاضي الغندور ويؤكد: بهذه الطريقة لن نصل لكأس العالم 20

حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20

رد: حسن يقاضي الغندور ويؤكد: بهذه الطريقة لن نصل لكأس العالم 20