الخطيب يتقدم باستقالته من العمل بقناة مودرن سبورت

من طرف **karemo elsokkary** الأحد 10 أغسطس 2008, 12:48 am

تقدم الكابتن محمود الخطيب نائب رئيس النادي الاهلي باستقالته من العمل لدي قناة مودرن سبورت الفضائية، ورفض الخطيب الاستمرار في تقديم برامج تخص تلك القناة موضحا ان السبب الرئيسي هو ما وجده من تجاوزات في حق النادي الاهلي بشكل غير لائق.

وقد ورد في الموقع الرسمي للقلعة الحمراء نص الخطاب الموجه لرئيس القناة الاستاذ وليد دعبس والذي يحتوي علي استقالة نهائية ما يلي:

السيد الأستاذ / وليد دعبس

العضو المنتدب لشركة قناة مودرن سبورت

تحية طيبة وبعد ،،،

تلاحظ فى الفترة الأخيرة أن أحد برامج مودرن سبورت تتعمد المساس بكيان النادى الأهلى متمثلاً فى إدارته من خلال بث أخبار تفتقد الدقة والموضوعية . مما يؤدى إلى اهتزاز الثقة بين الجماهير وهو الأمر الذى لا أستطيع معه الاستمرار فى تقديم أى برنامج يبث على القناة اعتباراً من الأحد 10 / 8 / 2008 .

وتفضلوا بقبول فائق الاحترام ،،،،

محمود الخطيب

وقد ذكر الكابتن مدحت شلبي من خلال نفس القناة نص الاستقالة التي تقدم بها الخطيب ولم يذكر حتي هذه اللحظات اي تفاصيل عن قبول الاستقالة من عدمه وان كان الواضح انها نهائية.

من طرف **omar20hatem** الأحد 10 أغسطس 2008, 8:48 am

اعتقد من وجهة نظرى الشخصية جدا أن هذا
قرار انفعالى ويغلب عليه طابع جميع قرارات إدارة النادى الاهلى الأخيرة
ولماذا هذا التوقيت الذى يعلن فيه الخطيب الإستقالة
هل يقيم الخطيب العاقل سلوك قناة كاملة بسلوك ورأى شخص واحد
حاجة غريبة جدا
ولماذا يرفض الكبار قوى الرأى الأخر
فلاعجب علينا نحن الصغيرين قوى هنا على الموقع
لما واحد يقول لنا حاجة مش عاجبانا
ما نطرده من الموقع ولا نستقيل احنا ونروح نفتح لنا قناة جديدة ولا موقع جديد
القناة مليئة بالشرفاء وأقصد قناة مودرن
بل بالعظماء فى المجال الرياضى
أم أن الخطيب عرض عليه عرض سخى جدا من art وفضل الانتقال اليها
فلا تقولوا قناة النادى الأهلى ولكن قولوا art فى ثوبها المزيف الجديد
ولا تضحكوا على أنفسكم وعلينا
وغدا سأحفظ هذه الردود لتعرفوا أين سيكونوا بعد انقشاع الغمة المؤقته
ستجد على رأس النادى الأهلى إدارة جديدة
وإن غدا لناظره قريب

.............

وستعلمون ان نظرية الصراع الكبير على شىء مهم جدا جدا اسمه

السبوبه

من طرف **الشيخ محمود** الأحد 10 أغسطس 2008, 9:06 am

ارى السيد المشرف
يتحامل على الخطيب وعلى الاهلى بصفه عامه
ويظهر انتماءته وبكل وضوح
والواضح اكثر ان المشرف متاثر كثيرا براى
الاعلامى الكبير مدحت شلبى
يا سيادة المشرف
ماذا يعنينى من هذا الكلام
الموضوع واخد حجم كبير
خلاص خلصنا مشاكلنا وانهينا ازمة رغيف العيش
وانتعشت البيوت بانخفاض الاسعار
واصبحنا مجتمع ترفيهى نغضب لان مباره لم تذاع
نشغل انفسنا بان الخطيب قدم استقالته
والله حرام وحرام بالقوى مانراه وما نعيشه فى هذه الايام

من طرف **omar20hatem** الأحد 10 أغسطس 2008, 9:17 am

الشيخ محمود كتب:
ارى السيد المشرف
يتحامل على الخطيب وعلى الاهلى بصفه عامه
ويظهر انتماءته وبكل وضوح
والواضح اكثر ان المشرف متاثر كثيرا براى
الاعلامى الكبير مدحت شلبى
يا سيادة المشرف
ماذا يعنينى من هذا الكلام
الموضوع واخد حجم كبير
خلاص خلصنا مشاكلنا وانهينا ازمة رغيف العيش
وانتعشت البيوت بانخفاض الاسعار
واصبحنا مجتمع ترفيهى نغضب لان مباره لم تذاع
نشغل انفسنا بان الخطيب قدم استقالته
والله حرام وحرام بالقوى مانراه وما نعيشه فى هذه الايام

شكلك يا شيخنا العزيز دخلت الباب ده غلط
هو انت تعرف الخطيب منين
بس أؤكد لك أنه مش وزير التموين

من طرف **mohammed** الأحد 10 أغسطس 2008, 9:28 am

لالالالالالالالالالالالالا
انت كدة بتغلط في الشيخ يا باشمهندس
في حد ميعرفش الخطيب
دا كلام يا راجل

من طرف **الشيخ محمود** الأحد 10 أغسطس 2008, 9:32 am

والله اظن ان انتم الاثنين
فهمتم الكلام غلاط
وللاسف
ماقصد قوله اننا نشغل انفسنا بالتفهات وننسى
الامور الاهم
ولا اه
اتمنى تكونوا فهمتوا ما اقصد
وشكرا على التوضيح ياشاعر
ويا مشرف

من طرف **omar20hatem** الأحد 10 أغسطس 2008, 9:39 am

الشيخ محمود كتب:
والله اظن ان انتم الاثنين
فهمتم الكلام غلاط
وللاسف
ماقصد قوله اننا نشغل انفسنا بالتفهات وننسى
الامور الاهم
ولا اه
اتمنى تكونوا فهمتوا ما اقصد
وشكرا على التوضيح ياشاعر
ويا مشرف

طبعا دى دعابه يا شيخنا العزيز
وما أقصده أنا
أننى أكتب فى الرياضة ما يخصها
وفى غيرها ما يخصها
وأشغل نفسى بكل الأمور
اما درجة أهميتها فالذى يحددها هو القارىء
وليس أنا طبعا
وكل منا له اهتماماته
والله من وراء القصد وهو يهدى السبيل
وأنا لا أتحامل أبدا ولكن أعرض وجهة نظر شخصية
فقط ليس الا
وشكرا

من طرف **karemo elsokkary** الأحد 10 أغسطس 2008, 1:14 pm

والله انا شايف انكوا متحاملين على الخطيب اوووى
وقرارالخطيب من وجهة نظرى قرار سليم وفى ميعاة
والمفروض انوا ما يتعملتش فى قناة كلها بتها جم الاهلى مش فى موضوع القناة والتشفير بس
لكن فى قضايا تانية كتير زى قضية حسنى عبدربة وهانى سعيد والحضرى

من طرف **ابوايمان** الأحد 10 أغسطس 2008, 2:54 pm

لا طبعا مشفى وقته ولا حاجة القرار دة أصلا خطأ
وماتعملوش قناة مودرن سبورت وبرنامجها ستاد مصر حجة
لأن هذه القناة فيها أكبر مذيع محايد للنادى الاهلى فى مصر
وهو الدكتور علاء صادق اللى فى الراحة والجاية
يدافع عن أى قرار يتخذه النادى حتى ولو كان مرفوض من الجميع
وطبعا قبل كده الكابتن مدحت شلبى كان اكثر معلق
تحبه جماهير الاهلى بتعليقاته المشهورة
وهناك اتفاقات مع القناة واتحاد الكرة لإذاعة المباريات
ولما ييجى مدحت شلبى يتكلم الجد
بتوع الاهلى يزعلو ويقاطعو ويقدموا استقالاتهم

من طرف **karemo elsokkary** الأحد 10 أغسطس 2008, 6:14 pm

هو فين الجد اللى حضرتك بتقول علية دة ياريت تقول لنا حاجة من الحاجات دى

من طرف **ابوايمان** الإثنين 11 أغسطس 2008, 8:38 am

الجد ياكاكا وأهم حاجة ان فيه اتفاقيات بين اتحاد الكرة وبعض القنوات الفضائية
بأذاعة جميع مباريات الدورى العام من ضمنها مباريات الاهلى
هذه العقود مدتها 3 سنوات مر منها سنتان تمام التمام
وقبل بداية السنة الثالثة كان الاهلى فتح قناته
وطبعا لازم يعمل حتة ويقول ليس من حق باقى القنوات الفضائية لاتذيع
مباريات الاهلى بالذمة ده كلام
يعنى لو حصل مثلا ان منتخب مصر وصل لكأس العالم
2010وفتحت قناة رياضية
هل من حقها أن تقول مشعاوزة حد يذيع مبارياتى
قناتى فقط هى التى تذيع

هل هذا كلام؟؟؟؟؟؟؟؟؟

من طرف **omar20hatem** الإثنين 11 أغسطس 2008, 9:02 am

kaka.com كتب:والله انا شايف انكوا متحاملين على الخطيب اوووى
وقرارالخطيب من وجهة نظرى قرار سليم وفى ميعاة
والمفروض انوا ما يتعملتش فى قناة كلها بتها جم الاهلى مش فى موضوع القناة والتشفير بس
لكن فى قضايا تانية كتير زى قضية حسنى عبدربة وهانى سعيد والحضرى

لا تحامل ولا حاجة يا عزيزى كاكا
ولكن فقط دى وجهات نظر
وقد نخطىء ونصيب
ولكن هذا لا يمنعنا من أن نبدى رأينا
سواء كنا على صواب أو خطا
وهذا طبعا من وجهات النظر المختلفة والتى نحترمها جميعا
ونحترم رأيك ودفاعك عن ناديك وعن نجمنا جميعا
الكابتن الخطيب
وأحب أن أشير فقط إلى نقطة مهمة انت ذكرتها
وهى أن القناة كلها بتهاجم الأهلى
وأوضح لك شيئا هو فى الأساس واضح
.............................
د/ وليد دعبس صاحب القناة أهلاوى متعصب
ابراهيم حجازى أهلاوى متزن
علاء صادق أهلاوى حيادى
حسن المستكاوى فاكهة النقد الرياضى المصرى أهلاوى متزن
الشيخ طه هادى خشبة وليد صلاح الدين
ومن قبل الخطيب
كل هؤلاء أعمدة التحليل والنقد على القناة وكلهم أهلاوية متزنون
......................
ولكنك نظرت للقناة فقط من خلال
بيبو وبشير
مدحت شلبى
..................
أما عن قضية حسنى عبدربه فلا تعليق
عصام الحضرى لم تنتهى بعد
هانى سعيد لا تعليق
.....................
وأتمنى
ان اكون حياديا كعادتى وشكرا لك

وأدينى كتبت لك كمان باللون الأحمر يا سيدى

من طرف **sameh ahmed** الإثنين 11 أغسطس 2008, 12:44 pm

أعتقد أن قرار الخطيب
منطقي ومدروس
ولكن
لا علاقة له بما حدث من مودرن
أو من مدحت شلبى

ولكن مكانه داخل قناة الأهلى
وسمعنا كثيراً قبل إنطلاق القناة
أن الأهلى سيطالب أبنائه
بعدم العمل خارج القناة
بحثاً عن التميز

وأنا ضد التشفير
وضد الإحتكار

أهلاووووووووووى

وحسب علمى
د/ وليد دعبس
زملكاوى
والله أعلم

أما فكرة الإنسحاب من القناة للغضب
فهذا مبدأ مرفوض
فهناك تعاقدات يجب أن تحترم
وفقرات محددة الأوقات فى خريطة القناة
يجب أن تراعى

من طرف **ابوايمان** الإثنين 11 أغسطس 2008, 1:39 pm

لا ياعزيزى سامح
الاستقالة سببها ماقاله الكابتن مدحت شلبى
الذى قال الحقيقة وليس لأنه سيعمل فى قناة الاهلى
وهذه هى نص الاستقالة

السيد الأستاذ / وليد دعبس

العضو المنتدب لشركة قناة مودرن سبورت

تحية طيبة وبعد ،،،

تلاحظ فى الفترة الأخيرة أن أحد برامج مودرن سبورت تتعمد المساس بكيان النادى الأهلى متمثلاً فى إدارته من خلال بث أخبار تفتقد الدقة والموضوعية . مما يؤدى إلى اهتزاز الثقة بين الجماهير وهو الأمر الذى لا أستطيع معه الاستمرار فى تقديم أى برنامج يبث على القناة اعتباراً من الأحد 10 / 8 / 2008 .

وتفضلوا بقبول فائق الاحترام ،،،،

محمود الخطيب

من طرف **karemo elsokkary** الإثنين 11 أغسطس 2008, 3:21 pm

انا معاك ان الاهلى ماضى عقد مع اتحاد الكورة وزية زى كل الاندية التانية
بس الاهلى كان حاطط شرط فى العقد دة ان فى افتتاح قناة خاصة لو يحق الانسحا ب من بنود العقد مع اتحاد الكورة
لية اتحاد الكورة واقف على الشرط دة من الاول هلى هو كان عارف ان مافيش قناة اصلا
وكمان بعد الاهلى ماطلب ان يذيع ماتشاتة كان اتحاد الكورة موافق
لكن لما طلعو الجماعة بيتوع القنوات الفضاتية ورفضة انا قناة الاهلى تاخد ماتشاتها حصرى
كل واحد خاف على شغلة والقناة بتاعةوقعد يهاجم الاهلى زى ماعمل الكابتن مدحت شلبى ...والكابتن خالد الغندور
فرفض اتحاد الكورة طلبالاهلى وقال من حق القنوات انها تذيع الماتشات
فالاهلى عاند اتحاد الكورة والفضائيات ومذعوش الماتش
من حق اتحاد الكورة ان يبع ماتشات الدورى لكل القنوات
بس من حق الاهلى انوا ميذيع ماتشاتة
واما نشوف مين اللى هايكس بفى الاخرالاهلى ولا اتحاد الكورة والفضائيات

من طرف **omar20hatem** الإثنين 11 أغسطس 2008, 6:05 pm

sameh ahmed كتب:

وحسب علمى
د/ وليد دعبس
زملكاوى
والله أعلم

بلسانه هو فى لقائه مع الدكتور علاء صادق
أعلن عن تعصبه للنادى الذى يحبه
النادى الأهلى

من طرف **omar20hatem** الإثنين 11 أغسطس 2008, 6:07 pm

kaka.com كتب:انا معاك ان الاهلى ماضى عقد مع اتحاد الكورة وزية زى كل الاندية التانية
بس الاهلى كان حاطط شرط فى العقد دة ان فى افتتاح قناة خاصة لو يحق الانسحا ب من بنود العقد مع اتحاد الكورة
لية اتحاد الكورة واقف على الشرط دة من الاول هلى هو كان عارف ان مافيش قناة اصلا
وكمان بعد الاهلى ماطلب ان يذيع ماتشاتة كان اتحاد الكورة موافق
لكن لما طلعو الجماعة بيتوع القنوات الفضاتية ورفضة انا قناة الاهلى تاخد ماتشاتها حصرى
كل واحد خاف على شغلة والقناة بتاعةوقعد يهاجم الاهلى زى ماعمل الكابتن مدحت شلبى ...والكابتن خالد الغندور
فرفض اتحاد الكورة طلبالاهلى وقال من حق القنوات انها تذيع الماتشات
فالاهلى عاند اتحاد الكورة والفضائيات ومذعوش الماتش
من حق اتحاد الكورة ان يبع ماتشات الدورى لكل القنوات
بس من حق الاهلى انوا ميذيع ماتشاتة
واما نشوف مين اللى هايكس بفى الاخرالاهلى ولا اتحاد الكورة والفضائيات

الأهلى والإسماعيلى لم يوقعا أى تعاقد مع اتحاد الكره
ولكن اللائحة التنفيذية للاتحاد تنص على أحقية النادى الذى يصدر قناة
خاصة الانسحاب من الاتفاقية العامة
وساعتها كان موضوع قناة خاصة ضرب من المستحيل
وباقى كلامك كله سليم يا كاكا

من طرف **karemo elsokkary** الإثنين 11 أغسطس 2008, 7:54 pm

الف شكر ياهندسة على التوضيح

من طرف **abu rabia** الإثنين 11 أغسطس 2008, 8:36 pm

انا مش بفهم طبعا زيكم في مواضيع الرياضة والنوادي
واتحاد الكورة واللايحة والكلام الكبير ده

بس انا هحكيلكم علي موقف وحوار سمعته وانا راكب الميكروباص

شخص 1 :- هو الماتش خلص كام كام امبارح ؟؟

شخص 2 :- تقريبا خلص 4-1 للاهلي

شخص 1 :- ايوة كده من اولها علشان ما حدش يطمع

شخص 2 :- يطمع في مين يا عم هي سايبة .. ما خلصت خلاص

شخص 1 :- ابو تريكة لعب ؟؟؟

شخص 2 :- ايوة طبعا من اول الماتش وجاب جونين

شخص 1 :- غريبة كانوا بيقولوا قدامه لسه اسبوعين

شخص 2 :- لا يا عم لعب وزي الفل

شخص 1 :- هو انت شفت الماتش

شخص 2 :- لا .. ما هو ما كانش متزاع ولا حتي علي الراديو

شخص 1 :- ماهو اصل التليفزيون كله زملكاوية ..اشمعني بقي ماتش الاهلي ؟؟

شخص 2 :- ياعم اصل الاهلي عايز يزيع ماتشاته علي القناة الجديدة بتاعته وهما مش راضيين

شخص 1 :- ماهو اتحاد كورة زملكاوي ... ما يسيبوا الاهلي بقي في حاله

شخص 2 :- لا والخطيب كمان قالهم يا كده يا مافيش ماتشات هتتزاع خالص

شخص 1 :- ايوة طبعا .. قناة بتاعتنا ونقول فيها اللي احنا عايزينه .. ويجيبوا بقي مدحت شلبي
ويقول براحته بيبو وبشير بيبو والجون .... الله الله الله

شخص 2 :- ماهو مدحت شلبي هيزيع الماتشات علي القناة الجديدة

شخص 1 :- هي بالمناسبة القناة الجديدة دي فين ..انا لسه ما ضبطتهاش

شخص 2 :- مش عارف بس اكيد هيزيعوها ويقولولنا بقي تتضبط ازاي

( يتدخل شاب من الجالسين في الميكروباص ... )

شاب :- ياجماعة مدحت شلبي في مودرن سبورت وكمان عمال بيهاجم الاهلي

شخص 1 :- ماهو زملكاوي متعصب ... مش عارف الناس دي عايزين ايه من الاهلي
شخص 2 :- هي مودرن دي كلها ضد الاهلي

الشاب مرة اخري :- وبالمناسبة الماتش خلص 3 - صفر للاهلي

شخص 1 :- ومين اللي جاب التالت

الشاب وقد انفعل :- فلافيو جونين واسامة حسني جاب جون

شخص 2 :- وابو تريكة يا عم ...؟؟؟ انت بتجيب الكلا ده منين ؟؟

الشاب :- يا سيدي ما الجرايد كتبت كل ده خد اقرا لو عايز

( ينبري شخص ليس له لا في الطور ولا في الطحين ويقول )

شخص غريب :- ايوة يا اخونا ما هو الجرنال اهوه ..

شخص 1 :- امال ياعم قلت ابو تريكة جاب جونين ... هو انت جبت الكلام ده منين انت كمان ؟؟

شخص 2 :- يا بني ما انا سمعت واحد بيقول كده الصبح .. هو يعني انا كنت شفت حاجة

الشاب مرة أخيرة ( وقد ظهر ت عليه ملامح الضيق )

الشاب :- بالمناسبة القناة الجديدة هتبقي مشفرة ..باشتراك يعني .. يعني بعد كده

لا هنشوف حاجة ولا هنعرف حاجة الا من الجرايد اساسا ... خليهم بقي يرحوا يشتروا لعيبة

شخص 1 ينظر الي شخص 2 وقد فوجئ بالموضوع وسكتا تماما

ونزلت انا من الميكروباص ... وقررت ان انقل لكم هذا الحوار بمنتهي الامانة

ولكم ان تستنتجوا منه ما ترون

من طرف **omar20hatem** الجمعة 15 أغسطس 2008, 11:45 am

لايزال الجميع يبحثون عن حل لأزمة البث الفضائي‏,‏ حيث عقد أمس اجتماع مهم بوزارة الداخلية‏,‏ حضره مساعد أول وزير الداخلية ومندوب عن اتحاد الإذاعة والتليفزيون والكابتن أنور صالح رئيس لجنة التعاقدات باتحاد الكرة ومندوبو الأندية‏,‏ وذلك لوضع آلية تقضي بمنع عدم دخول القنوات المتعاقدة مع اتحاد الكرة علي إذاعة مباريات الدوري‏.‏ ووافقت وزارة الداخلية خلال الاجتماع علي استخراج كارنيهات للقنوات المتعاقدة لدخول المباريات وإذاعتها وذلك من خلال إشراف رجال الأمن‏,‏ واتفق المجتمعون علي أن اتحاد الإذاعة والتليفزيون هو المسموح له دون غيره طبقا للقانون بالبث المباشر للمباريات مرئيا وإذاعيا داخل مصر‏,‏ وهو المنوط به وضع آليات تحكم هذا النظام وهو أيضا المسئول عن وضع التصريحات اللازمة للبث‏,‏ بينما يقرر اتحاد الكرة من ينقلها من خلال التعاقدات‏,‏ وبرغم اعتراض مندوب الأهلي علي هذه الحوارات التي وافقت عليها الأغلبية‏,‏ فإن الاعتراض لم يغير من الوضع شيئا‏.‏

من طرف **karemo elsokkary** الجمعة 15 أغسطس 2008, 1:13 pm

طيب ياباشمهندس ما ممكن الاهلى انوا مايذعش ماتشاتة ودا حقة ذى ماعمل فى ماتش الاوليمبى
وكان بردة فى عقود وكان الاهلى موقع على العقد واخد فلوس
ومحدش عملة حاجة من اتحاد الكورة ولا الامن ولا الاعلام

من طرف **omar20hatem** الجمعة 15 أغسطس 2008, 1:20 pm

وبرغم اعتراض مندوب الأهلي علي هذه الحوارات التي وافقت عليها الأغلبية‏,‏ فإن الاعتراض لم يغير من الوضع شيئا‏.‏

من طرف **karemo elsokkary** الجمعة 15 أغسطس 2008, 1:29 pm

هوة اللى قصدى علية ياهندسة
شكرا

من طرف **omar20hatem** السبت 16 أغسطس 2008, 6:33 am

الأهلي يلجأ للقضاء والفيفا للحصول علي حقوقه في البث [b]قرر مجلس ادارة الاهلي برئاسة حسن حمدي اللجوء لثلاثة محاور رئيسية للحصول علي حقوقه في البث الفضائي لمبارياته التي تقام علي ارضه وذلك بعد الشد والجذب الكثير الذي حدث بين الاهلي من جانب واتحاد الكرة من جانب آخر.. مجلس ادارة الاهلي قرر اللجوء للقضاء المصري لتفسير البند الثامن من عقد ترخيص استغلال وبث مباريات الاتحاد المصري لكرة القدم مع الفضائيات خاصة وان اتحاد الكرة يفسر البند بشكل مخالف لتفسير الاهلي ولذلك يضع العراقيل امام الاهلي حتي لا يتمكن من تنفيذ مخططاته في بث مبارياته.. وسعي الاهلي قبل اللجوء للقضاء لاستشارة كبار القانونيين مثل رجائي عطية وفريد الديب.. اما المحور الثاني الذي سيلجأ اليه الاهلي فهو المجلس القومي للرياضة علي اعتبار انه يرأس اتحاد كرة القدم لفض هذا الاشتباك، خاصة ان المجلس القومي يطالب الاندية بالبحث عن موارد جديدة، والاستثمار في الرياضة لتمويل انشطة النادي.. بعد ان ألغي المجلس الدعم للاهلي منذ ثماني سنوات كاملة. ولذلك فإن الاهلي سيطلب من المجلس القومي للرياضة حسم الامر حتي يتمكن من الاذاعة، او لتعويضه بالارباح التي من الممكن ان يحققها نظير الاذاعة والبث الفضائي حتي يصرف علي انشطته، وهو شيء صعب خاصة ان الارباح التي قدرها الاهلي تصل الي خمسين مليون جنيه.. اما ثالث محور فهو مهم حيث قرر الاهلي طلب رأي الفيفا في هذه القضية خاصة انه يري ان ما يردده البعض في الفضائيات واتحاد الكرة كلام بعيد تماما عن المنطق او الصدق.. جاء ذلك بعد ان تأكد مسئولو الاهلي من أن لوائح الفيفا لا تفرض وصايا الاتحادات علي الاندية بل تقف مع الاندية في حقوق البث الفضائي.
[b][/b][/b]

الخطيب يتقدم باستقالته من العمل بقناة مودرن سبورت

الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت

رد: الخطيب يتقدم باستقالته من العمل بقناة مودرن سبورت