من وحي الكرة

من طرف **mezo2010** الجمعة 26 سبتمبر 2008, 2:58 pm

الهربى يعود للاهلى
( ملحوظه هذه القصه من وحى الخيال ولا تمت لى الواقع بصله مطلقه وعلى المتضرر اللجوء للقضاء)

فى ليله هادئه من ليالى مدينه سيون تلك المدينه الجميلة تقع بين قمم جبال الألب السويسرية...لم تكن الساعه قد تجاوزت العاشره ليلا و عم الصمت ارجاء المدينه كعاده سكانها الذين اعتادوا النوم مبكرا الا منزل واحد تعالى فيه صوت الكاسيت مسببا ضجيجا و ازعاجا للمنازل المحيطه.
انا مش عارفنى انا تهت مني انا مش انا ..لا دي ملامحي ..ولا شكلي شكلي..ولاده انا..بصيت لروحي فجاه ..لقيتني كبرت فجاه ..تعبت من المفاجاه..ونزلت دمعتي..قليلي ايه يامرايتي ..قليلي ايه حكايتي..تكونشي دي نهايتي..واخر قصتي
الحضرى(بتأثر شديد):اااااه ياض يا حربى كل ما اسمع عبد الباسط حموده يقلب عليه المواجع
(حربى بلديات عصام بعد ان حصل على الدبلوم سافر فى هجره غير شرعيه الى فرنسا فى اوائل التسعينات و تمكن بطرق غير شرعيه ايضا فى الحصول على اقامه و الوظيفه الحاليه نصاب )
حربى(بثقه): اطمن يا سد اومال انا سايب حالى و محتالى و جايلك ليه كل شىء حيرجع لاصله يا اصيل
حضرى(بشك):يعنى انت فعلا ترجعنى الاهلى زى ما قولتليلى فى التلافون؟
حربى(بابتسامه ثقه): أرجعك و ارجع فوقيك عشرين هربان و كمان فوقيهم ابراهيم سعيد هديه هو انا قوليل يا وله ولا ايه انت نسيت حربى اللى كان بيجيب اى فرخه او دكر بط مسروق فى كفر البطيخ و يرجعه لاصحابه
حضرى(بسخريه): اهييه يا حربى ما انت اللى كنت بتسرقهم عشان ترجعهم و تاخد الحلاوه والبلد كلاتها كانت عارفه
حربى(بعصبيه): خلينا فى اللى احنا جايين فيه .. بص يا حضرى انا مستعد بخبرتى فى الانترنت اعملك حمله دعايه لتغيير الرأى العام و بعديها بقى اداره الاهلى مش حتعرف تقولك تلت التلاته كام عشان الناس هى اللى حتبقى عيزاك بس الرك عليك بقى يا عصعص تبق فيهم كلمتين حلوين فى الجرايد عشان سكتنا تبقى سالكه
حضرى (بتعجب):و الانترنط حيجيب نتيجه يا حربى
حربى: ابجنى مصاريف الشغل اللى حعمله على الانترنت و ليك يا عص عص فى ظرف اسبوع اخلى مصر كلها تقولك سماحنك يا امير يا ابن الاومره
عصام (بغضب شديد): فلوس ايه يا حربى د انى سايب الاهلى عشان قرشين زياده قوم انت واخدهم منى تانى
حربى: اهييييه انت سايب الاهلى عشان مليون زياده انما انا حاخد خمس بواكى لزم الدعايه والاعلان يا حضرى انا مكسبى الوحيد فى الليله دى هى رجوعك بيتك ان شاء الله معزز مكرم
حضرى: طب اشتغل انت و استنى عليه شهرين تلاته لما اقبض
حربى (وهو يقوم بحركه تمويهيه على اساس انه ماشى): خلاص حستنى شهرين تلاته يكون صحبك وحيد راح الاهلى و انت بالسلامه و ابقى روح الزمالك بقى اللى طلع من افريقيا لا حتطول لا مكافأه ولا احزنون ده غير ان فيه واد جديد هناك بلطجى اسمه ريكاردو مبيرحمش و ايده طارشه و مستحلف لى اى حد جديد يجى
حضرى (بتوتر شديد):لا خلاص يا حربى انا حروح اجيب نص الفلوس من جوه سايق عليك النبى ما انت ماشى والنص الباقى بعد ما ارجع الاهلى ان شاء الله
حربى(بابتسامه انتصار):وماله يا حضرى دانت حبيبى من اياام كفر البطيخ فى بيتها يا اصيل
و يبدو ان حربى قد قرر بالفعل فى بدأ حمله لتغيير الرأىالعام من خلال المنتديات الرياضيه و لكن بالطبع دون ان يصرف مليما وذلك لكى يحلل الفلوس لاننا فى شهر كريم

منقول

من طرف **قرقشندي** الجمعة 26 سبتمبر 2008, 7:56 pm

[b]وبعدين صحيت من النوم
ههههههههههه
حلوة يا سيدي قصه طريفة يا ريت تنشرها في باب الف ليله وليله
مع الشكر للمبدع :عبد الباسط حموده

من طرف **ابوايمان** السبت 27 سبتمبر 2008, 10:26 am

يااااااااااااااااااااه
انتو لسه بتحلموا بعصام الحضرى
حرام عليكو بأه انسوه
الراجل عايش حياته وذى الفل
والحارس الاوحد لمنتخب مصر
مهما فعل الاهلى وجماهيره

من وحي الكرة

من وحي الكرة

رد: من وحي الكرة

رد: من وحي الكرة