امسك الخشب

من طرف **omar20hatem** السبت 18 أكتوبر 2008, 12:09 pm

بصراحة أنا ما عرفش إذا كانت القصة دى صح ولا غلط
بس بصراحة أنا كنت باسأل نفسى هو اشمعنى الخشب يعنى وهو أصلا الخشب ده هايمنع الحسد عننا أصلا
طبعا لأ مش هايمنع الحسد ولا حاجة.
ممكن نقرأ المعوذتين (سورتى الفلق والناس) أو نقول ما شاء الله أو الله أكبر أو نذكر الله عموما

السبب فى انى كتبت الرسالة ده انى كنت فى حوار مع زميلة انجليزية...
وبعدين باقول لها : الشغل هادى النهارده....
قالت لى : تاتش وود..امسك الخشب يعنى..
وطبعا العبارة دى هم بيرددوها كتير زينا..
بس هى سألتنى: انتم عندكم اكيد بتقولوا حاجه بدلها...
قلت لها: لأ..بنقولها هى هى...
قالت لى : بتقولوا امسك الخشب برضه ؟
قلت لها: آه...
قالت: المسلمين بيقولوا (امسك الخشب)؟؟؟؟ معقوله؟؟؟؟
استغربت انها مستغربة أوى كده...
قالت لى: أصل الخشب ده المقصود بيه الصليب..خشب الصليب...

كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاءنشرها..علشان اللى مش عارف يعرف..بدل ما احنا طول النهار عمالين نغنى:

امسكوا الخشب يا حبايب..امسكوا الخشب....
لاحسن نتحسد يا حبايب...امسكوا الخشب...

ويا ريت نعرف أصل كل حاجه بنقولها...بدل ما احنا كده بنردد تراث الغير

منقوووووووووووووووول