شعر منقول من أحمد فؤاد نجم - مبارك ينصح بوتين

مبارك ينصح بوتين بعدم التخلي عن السلطة

ياعم بوتين اعقل**** ها تسيب السلطة ليه

ما انا ربع قرن قاعد**** حصل لي بس ايه

دا الكرسي يا ابني جنة**** للي بيقعد عليه

تبقي البلد ف ايدك **** مفتوحة ولا البوفيه
[b][b]تغرف وتملا جيبك*** وجيوب ولاد الايه [/b][/b]

وتخدم اصدقائك**** في أميركا والاليزيه
[b][b]***** [/b][/b]

اطلب من بوش فترة **** وها يخسر يعني أيه

دا كريم وايده فرطة**** بس انت اضحك عليه

قل له ان الفودكا ملكه**** والكافيار والفيليه

قل له ان الغاز بتاعه**** ما تعزش شيء عليه

قل له أنا قاعد بحسك**** ومصيرك بين أيديه

ابعت نظيف بتاعك**** فهمه ها يقول له ايه

يقول له بوتين عاوز**** الى يطبطب عليه

*****
[b][b]لو شايفه فاتح بقه**** على حد م الجيران [/b][/b]

اعمل نفسك مطنش**** خليه ياخد الامان

وبعدين اعمل منظر**** يعني تطلع بيان
[b][b]دي أمور أنا مجربها****وبأعملها من زمان [/b][/b]

تبقي انت واحد منا**** وتنضم للخلان

*****

ياخسارة دا انت نونو**** لسا في سن الشباب

ليه تترمل في عزك**** وتسيبها للكلاب

لو فيه عندك عيال**** يبقالها الف باب

دا السلطة البعد عنها**** بدون الموت عذاب

ها تبقى ايامك صعبة**** وتشوف النوم سراب

أنا ناوي اخدها دايركت
[b][b]من الكرسي للتراب [/b][/b]

*****

بس انت اديني رنة**** وانا ابعت لك سرور

ترزي لكن معلم**** أيده تتلف في حرير
دا حجة في المغالطة**** ومكلمة في الزور
يعمل من الحق باطل**** ويسمي الضلمة نور
في سهرة واحدة منه**** ها يظبط الامور

لو كان دستوركو عاصي**** يحلبه لو حتى تور