تجديدات مركز شباب دملو

أولا : نادى دملو القديم تم تصميمه على مستوى رائع ليقوم بقاعه أفراح أو أى نشاط مثل الأنشطه الثقافيه والعلميه وغير ذلك..


ثانيا : النادى الجديد صمم على مستوى رائع و سوف يتم عمل له أرضيه من البلاط المحبب ومقاعد مخصصه للمتفرجين وشبك للسور محاط بالنادى وأيضا تزويد الإضاءه ويصبح الملعب مكتمل على أكمل وجه وقانونى ملعب خماسى وذلك للعب عليه جميع الألعاب مثل كره قدم ويد وغير ذلك من الألعاب..


ثالثا : الملعب الكبير تم عمل له حائط كبير من أول سور المعهد حتى سور النادى الصغير وذلك لحمايه الموجودين بالنادى على خطر الطريق ......

وغيرها من هذه التجديدات الكثيره .........

المهم الجوهر وتفريغ الطاقات وعمل فرق عمل من الشباب
لخدمة القرية المظلومة

نتمنى ان يكون النادى فعلا يبقى ماشى زى ما اسمة بيقول
مركز شباب دملو
مش مركز شباب ميت الحوفين او مركز شباب ورورة
احنا بنلاقى وقت بالعافية ف الاجازات اننا نلعب على ملاعبنا اللى هى اسمها
ملاعب مركز شباب دملو
وشكرا ليك يا احمد ع الموضوع الجميل دة

أشكر الجميع على الإهتمام بهذا التعاون والرد الجميل لصالح بلدنا

بس اللى عايز أقوله إن بلدنا أحسن بلد على مستوى البلاد المجاوره وروره وميت الحوفيين فى الملاعب .....

ويا بشمهندس محمد طبعا إنت عارف الأوقات بالحجز وعلى ما الكل يخلص إمتحانات ويفكر يلعب يكون الأوقات كلها إتحجزت ولازم نراعى المشكله دى ونفاديها............
ممكن نحجز بدرى شويه ......

تحت أمرك يا بشمهندس
ده طبعا النادى الكبير وهيبقى بإذن الله محاط بسور من الجهتين




[img][/img]

النادى الجديد وبإذن الله هيبقى مجهز الأرضيه من البلاط وسوف يتم تزويد الإناره
وعمل مدرجات للمفترجين وإحاطه السور بالشباك وغير ذلك....

[img][/img]

[img][/img]

النادى القديم هيصمم على أعلى مستوى وأيضا للعب الكره وقاعه للأفراح وحفلات ومسابقات أخرى ....

[img][/img]

[img][/img]

نسيت أقولكم حاجه النادى بإذن الله تعالى هينتهى فى الشهر الجديد
شهر 2 وسوف يسلم للإداره 1 / 2 / 2009
والله الموفق..

طبعا الساعه هتبقى زى ما كانت بــ 7 جنيه وكمان لازم الكل يجيب الكوره وهوا جاااااى
هههههههههههه للتذكره عشان الكل يا خد باله.......

إنت تؤمر يا بشمهندس ولو عايز ريحه من البلد أنا ممكن ألف البلد كلها
وأصورها فيديو كليب وأعرضه لحضرتك ههههههه ...
إحنا تحت أمرك...
شكرا على الردود
طبعا مشكله الكوره دى طبعا إنتوا عارفين جمال عبد الحكيم
مسئول الملعب فى النادى قال إن من ثلاث شهور إتفرقت
أكثر من 143 كوره وكده طبعا ده حد كبير جدا فتقرر من مسئولين
المركز ( النادى ) إن بعد كده كل واحد فى ميعاده يجيب كوره للعب والنادى ليس مسئول عن كوره ...
بس بإذن الله سوف يتوصلوا لحل أحسن وأفضل وذلك عن القريب العاجل...

وعايزين نشوف حل لموضوع الكورة دى بجد

بصراحة مشكلة الكورة دى انا عارفها
وهى مالهاش نهاية
يعنى مثلا لو اقترحت على واحد من حضراتكم
انه يشترى كورة ويعطيها لجمال
ويقول له أجهالى
واليوم فيه تقريبا 5 ساعات
يعنى اليوم بخمسه جنيه
ويسيبها معاه مده معينة
لحد ما يشوف النتائج
هل هذه حسبة مضمونة؟
حد يجاوب
بعضكم هيرد ويقول النادى مسؤليته توفير الكورة
هقول زمان كان كده
ومرة على مرة
الكورة تفرقع
تضيع تتسرق
دايما مصير الكورة مجهول
وعملية الايجار كانت دايما فاشلة وغير مربحة
وعلشان كده اخترعوا حكاية الايجار من غير الكورة ده
مش كده ولا ايه

فعلا يا بشمهندس كلام مظبوط وكمان لو إتسرقت
أو ضاعت الناس اللى مأجره النادى هيقولوا ماشى
هنجيب كوره وشكرآ على ده مفيش فايده ومفيش كوره هتيجى
وعلى كل حال لازم كل واحد يجيب كوره وهوا رايح النادى وده أسلم حل ..
أ

صور رائعه ممكن تصور البلد كلها عشان الناس كلها تشوف البلد العظيمه

الله ينور
وبالنسبة للكورة
شوفو النوادى الاخرى ماشية ازاى واعملو زيهم

انا تخيلت السور لما يتعمل ويكمل
لقيت انة هيوسع الطريق
وهيخلى الناس تمشى فى امان من السيارات
اليكم الصورة


انا تعبت ياجماعة على ما ردمت الردم دة كلة

مش بالمتر
بالمقطورة
متشغلوش بالكم
انا ردمت جانب السور زى مانتم شايفين

قمت بزيارة اليوم الى مركز الشباب وجدت سور الملعب تقريبا مكتمل من ناحية الطريق لكن

من ناحية الزرع لم لم يتم البناء ووجدت الملعب متسع أى يمكن اللعب به بسهولة


أيضا تم زيارة مقر جمعية تنمية المجتمع المحلى وهى بمنزل الحاج محمود السباعى حلاوة

بغرفة مستقلة وبابها بفتح على الشارع وهو مكان مناسب لمقر مؤقت لحين بناء المقر الرئيسى


لها بجوار المدرسة 0

الموضوع يحتاج تشجيع ومساهمة بسيطة

ياشباب

شكرآ لمرور الجميع بالنسبه للعضو المحترم MAXMIZE
مفيش هبوط ولا حاجه الفريق جيد وعلى أكمل وجه
وإنشاء الله النادى هيتنهى بعد عده أيام قليله 12 / 2 من الشهر الجارى
ومش هيفوت الفريق أى تدريبات
وشكرا للمتابعه الجيده ........

ya bash el matsh yom 13/2

على فكرة يا اخوانى باب النادى مفتوح للجميع ومن يريد نقل وجهة نظرة ورأيه

يذهب الى النادى ويتكلم ويناقش الرأى بوضوح

وشفافية

طبعا كلام مظبوط يا أستاذ محمد النادى بتعنا مفتوح للجميع ووجهات النظر كتير
وأرجو التقديم بالمقترحات إلى مجلس إدراه النادى .

بس فى الوقت الحالى النادى الحمد لله على أكمل وجه
والله الموفق..........

والله فكرة كويسة بس المهم إننا نشارك فى النادى بممارسة الألعاب مما يؤدى إلى إنتعاش النادى الجديد

وأتمنى التوفيق منالله ...............

يا جماعه النادى مشترك فى كل النشاطات المختلفه ......
وأرجو النظر وذلك موضح فى باب مركز الشباب موضوع كامل
إسمه التعريف بباب مركز الشباب .
وشكرا للجميع.....

ربنا يسمع منك يابوا احميد
انت شايف مش عارفين نلعب
بس يالة ربنايوفقهم وينتهوا على خير
عايزين نرجع نلعب تانى

ياجماعة شكرا لكل المتحمسين للنهوض بمركز شباب دملو وان كان لى عتاب بسيط ممكن الشغل الكويس ده يتعمل فى اماكن كتييير من البلد مش مركز شباب البلد بس البلد محتاجة مجهود جامد وياريت كلنا نتفق على بعض النقاط التى يمكن ان تتم فى الفترة الجاية حاجات كتير لازم تتعملببعض المساهمات البسيطة من كل اعضاء منتدانا الاوفياء واقترح ان يراس الموضوع الا ستاذ محمد عبد الرشيد لما له من حماسة شديدة تجاه الرقى بمستوى بلدنا وهذه وجهة نظرى الشخصية ولكل عضو رايه اقترح ان يتم عمل جمعية لشباب البلد يصرف منها على تحسين مداخل البلد من جميع الجهات والمساهمة بسيطة زى ماقلت لحضراتكم ممكن جنيه واحد فى الشهر من كل فرد فى البلد تخيلوا معايا بعد كام سنة ممكن نكون عملنا ايه بالجنيه ده وعلى فكرة الجنيه ده هو اللى عمل (مستشفى سرطان الاطفال)ذلك الصرح العظيم وان كنت عرضت الموضوع ده قبل كدة وسمعت ردود مش مناسبة ياريت نفكر كويس ونشوف احنا نقدر نعمل ايه

ربنا يكرم
ونشوف النادي من تاني
في جميع الانشطه

ارفع لنا صور الوضع القائم
وبعدين صور الوضع النهائى
وشكرا لمجهودك