تحذير وتنبيه هام جدا

من طرف **abu rabia** الخميس 22 يناير 2009, 1:45 pm

اولا تحياتي الخالصة لكل اعضاء المنتدي الكرام
مع الاعتذار عن الغياب الخارج عن ارادتي

ثانيا بخصوص الموضوع وعنوانه فقد اتصل بي
السيد المهندس / محمد ابراهيم عبد الحميد
( مدير مشروع الصرف الصحي بقريتنا دملو )
وطلب مني نشر هذا التحذير والتنويه علي لسانه
وعلي مسؤوليته ومسؤولية شركة المقاولون العرب
( المقاول الرئيسي للمشروع )

والموضوع باختصار انه قد تقرر طبقا للجدول الزمني للمشروع
ان تبدأ أعمال توصيل الخطوط الرئيسية للمشروع للبيوت علي مرحلتين

المرحلة الاولي يتم فيها عمل حجرات تفتيش لكل الوحدات السكنية بالقرية
طبقا للرسومات وهذه الحجرات هي الجزء الوسيط بين الوحدات السكنية والبيارات
الموجودة علي الخطوط الرئيسية وهذه الحجرات هي التي سيتم توصيلها بالوحدات
السكنية مباشرة
اما المرحلة الثانية وهي النهائية فسيتم فيها توصيل الوحدات السكنية بحجرات التفتيش
السابق ذكرها ... وستبدا هذه المرحلة فور الانتهاء من محطتي الرفع والمعالجة في ديسمبر 2009
ان شاء الله

والتحذير والتنويه الوارد من المهندس محمد ابراهيم يتضمن عدم اعطاء مقاول تنفيذ حجرات التفتيش او وصلات البيوت
اي مقابل مادي او اي مبالغ نقدية ليقوم بهذه الحجرات .. حيث ان هذه الحجرات سيتم تنفيذها بالكامل علي حساب المقاول
وهي جزء من عمله ... وفي حالة قيام العمال او المقاول بطلب اي مبالغ من اي فرد لعمل حجرة التفتيش الخاصة ببيته
يجب ابلاغ المهندس محمد وشركة المقاولون العرب علي الفور لاتخاذ اللازم مع المقاول ...

ومرة اخري نهيب بالجميع عدم التعامل باي شكل مادي او بدفع اي نقود للمقاول لتنفيذ حجرات التفتيش
الخاصة بالبيوت والشقق السكنية

وقد طلب مني المهندس محمد ابراهيم نشر هذا التحذير والتنويه علي المنتدي ومحاولة نشره بكافة الطرق
الأخري بين جميع ابناء القرية حتي لا يتعرض احد لاي عملية نصب خصوصا ان هذا قد حدث كثيرا في مشروعات
مماثلة لبعض القري المجاورة

وبالطبع نتقدم بالشكر للمهندس محمد علي اهتمامه بابناء قريته وعلي غيرته عليهم
ونتمني ان يتم المشروع قريبا طبقا للمواعيد التي ذكرها

وارجو من جميع الاعضاء نشر هذا التحذير في اكبر نطاق ممكن بين اهالي قريتنا الحبيبة

ولكم جميعا تحياتي وشكري

بالمناسبة ... نسيت اقول ان المهندس محمد ده يبقي ابن عمتي

من طرف **santos** الخميس 22 يناير 2009, 7:10 pm

شكرآ لك على التنبيه علم وينفذ .....

من طرف **omar20hatem** الجمعة 23 يناير 2009, 12:17 pm

بالمناسبة ... نسيت اقول ان المهندس محمد ده يبقي ابن عمتي

شكرا لك ولإبن عمتك زميلنا فى النقابة
وبالمناسبة غير بالمناسبة اللى انت قلتها
البيوت الجديدة اللى مش موجودة فى الرسومات
هل هناك آلية لإضافتها لحيز التنفيذ
يعنى بالبلدى اللى بنى بيت جديد
وماكانش مضاف وموجود فى الرسومات
والشوارع اللى تعتبر استجدت
هل ممكن عمل رسم اضافى والشروع فى الحفر فيها
واذا كان ممكن فما المطلوب مننا عمله للتطبيق
وشكرا

شكرا على التنبيه وبارك الله لك

من طرف **سميرالسيد** السبت 24 يناير 2009, 5:40 pm

شكرا عل التنبية وجزاكم الله خير
وقد اصبت ياباش مهندس انك نوهت هنا فى المنتدى
لان كدة عدد كبير هيعرف وهيعرف اللى مش عارف
_
وياريت تهتم بسؤال الباش مهندس حاتم وخاصة
وان محدش فحت امام منزلنا رغم اننا اول ناس دافعين لما لمو للمجارى
والا هيطنشونا والا اية ؟؟؟؟؟؟؟؟؟؟

من طرف **omar20hatem** السبت 24 يناير 2009, 6:03 pm

والا هيطنشونا والا اية ؟؟؟؟؟؟؟؟؟؟

شوفت بقى يا سيدى علشان ما انتش وطنى
اشرب بقى
احنا بيتنا من على اليمين غرفة تفتيش
ومن على الشمال غرفة تفتيش
تعيش الحكومة
بالعند فيك

من طرف **سميرالسيد** السبت 24 يناير 2009, 9:01 pm

حتى محدش فحت امامنا ولو بمنقرة حتى
ياعم قولهم انى بقيت وطنى
بص
مصر هى امى نيلها هو دمى
ماشى
واللى عندة شقة فى اسكندرية وشقة فى اسوان وعايز يفتحهم على بعض انا مش ممانع

اولا احب اشكر الرائع والأخ الغالى ابو ربيع على التنبيه
ثانياً الأخ سمير السيد
انا سألت فى مشكلتك وعرفت ان اللى معطله
هو هو نفسه صاحب التنبيه الهام
ومتنساش ان المهندس ابن عمته
فا مهما قولت بقى مصر امك او قريبتك او من عيلتك
انسى
اللى ما لوش خير فى ابو ربيع مالوش خير فى مصر
lol!