ما هو أقدم شىء تحتفظ به حتى الان؟

من طرف **على123** الثلاثاء 03 فبراير 2009, 4:02 pm

هناك
اشياءصغيره ..يمكن ماتكون فى قيمتها الماديه الكبيرة .. ولكنها ليست
بقيمتها إنما بما فيها من ذكرى لنا تشكل اهم الاشياء ونحتفظ بها يوم بعد
يوم ..سنه وراء سنه ..

كل ما نظرنا لها تتجدد الذكريات يمكن تكون رساله او ساعه يد او قلم او ميداليه نقش عليها حرف غالى او ورده او زجاجه عطر

تتعدد اشياءنا الصغيره فى حجمها ..الكبيره فى قيمتها لأرواحنا وحياتنا

ســــــــؤالي لكمـ

مـــــــا هو اقـــــــدمـ شي تحتفظـون به الى الان ؟؟ ؟؟

ولمـــــــــــــــــــاذا ؟؟

من طرف **omar20hatem** الأربعاء 04 فبراير 2009, 5:53 am

للأسف الشديد
قرات ماكتبت ورايتك حجمت كبيرا وصغرته
لماذا جعلت القيم محدودا فى أشياء صغيرة
ولماذا أشياء
فالأشياء فى اللغة العربية للجماد غير الناطق
وهناك أشخاص
اعزاء علينا وهم أعز ما نملك
ونحافظ عليهم
او أشياء جماد يعنى مثل المنازل والشوارع والقرية
وكلها كبيرة فى المعنى والقيمة
أم أنك قصدت شيئا بعينه
نرجوا التوضيح
اللى ماعندوش شىء صغير يعمل ايه

من طرف **على123** الأربعاء 04 فبراير 2009, 10:36 am

انا بقول اشياء وعارف انها لاشياء صغيره بتعبر عن حاجه للشخص مش اشخاص ومنازل

من طرف **abu rabia** الأربعاء 04 فبراير 2009, 12:45 pm

شوف يا عم علي

علي قد فهمي كده من استفسار المهندس حاتم

فهو عايز يقولك خلي الفكرة تبقي اوسع شوية لتشمل

الاشياء والتذكرات الصغيرة اللي انت ذكرتها واللي بنحتفظ بيها

وبتفكرنا بذكريات معينة وكمان تشمل الفكرة اشخاص اعزاء علينا

بنحتفظ بذكريات جميلة معاهم وبنتمني نحافظ علي علاقتنا بيهم

طول العمر

بس يا عم

وعلي سبيل المثال .. انا مثلا عندي حاجات صغيرة زي اللي بتقول عليها

مثلا انا بحتفظ بعلبة الوان خشب صغيرة كنت اخدتها جائزة في مسابقة

اوائل طلبة وانا في الابتدائي وبصراحة هي عزيزة عليا جدا ... كمان عندي كتاب

اسمه قصص الانبياء لأحمد بهجت وده اول كتاب اهداه ليا عمي عبدالوهاب الله يرحمه

وكان عندي 8 سنين وهو اللي حببني في القراءة ... كمان عندي دفتر توفير فيه 50 جنيه

كانت الفلوس دي جائزة كسبتها في مسابقة حفظ القرءان وانا في الكتاب وكان عندي

وقتها حوالي 10 سنين .. وعلي فكرة انا لا حطيت في الدفتر ده فلوس ولا سحبتهم لحد

دلوقتي.. وانا باعتبره تذكار غالي جدا عندي ... وكمان عندي درع خشبي مكتوب عليها

الجوال المثالي .. وكان عبارة عن جائزة لاختياري الجوال المثالي في الدورة العربية الاولي

للجامعات وباعتبره تذكار غالي قوي قوي عندي ... وحاجات تانية كتيرة قوي

اما بالنسبة للاشخاص اللي يقصدهم المهندس حاتم فانا بعتبر ان علاقتي بالاستاذ علي جميل

والاستاذ محمد همام ( الشهير بابو ايمان ) من اقدم علاقاتي بالاصدقاء ورغم مرور اكتر

من 28 سنة تقريبا علي اول تعارفي معاهم الا اني علاقتي بيهم مازالت جيدة جدا واتمني

ان احتفظ بصداقتي ليهم طول العمر ... كمان فيه صديق قديم قوي عرفته من اول ما فتحت عيني

وعيشنا مع بعض كل سنين عمرنا وهو الدكتور حسام نظمي وما زلنا اخين حتي الان

وذكرياتي معاه ليه طابع مختلف لانها بدأت قبل حتي ما اروح الحضانة

ده تصوري لشكل الموضوع واتمني مشاركة الجميع فيه لانه يعتبر توثيق جميل فعلا للذكريات

من طرف **AkRaM MaZaKoNy.Net** السبت 07 فبراير 2009, 8:17 pm

أقدم شئ ممكن الإنسان يبقى غالى عليه هى الأم مصدر العطاء ومنبع لا تنفذثياناه إلى الأبد
بجد أنا قلت رأيي بصراحه وأنا مستنى بقية الردود .......
بجد والله من غير مجاملة الموضوع ده على قد ما هو صغير فى الكلمات إلا إنه كبير فى المعانى

ما هو أقدم شىء تحتفظ به حتى الان؟

ما هو أقدم شىء تحتفظ به حتى الان؟

رد: ما هو أقدم شىء تحتفظ به حتى الان؟

رد: ما هو أقدم شىء تحتفظ به حتى الان؟

رد: ما هو أقدم شىء تحتفظ به حتى الان؟

رد: ما هو أقدم شىء تحتفظ به حتى الان؟