اهو حكم رادع

من طرف **الفارس** الأربعاء 11 مارس 2009, 10:25 pm

حكمت المحكمة على المتهم ممدوح اسماعيل صاحب العبارة السلام 98 بالحكم 7سنوات مع الشغل هذا الحكم صدر غيابيا لان المتهم هرب الى لندن بعد توجية الاتهام اليه، فرح اهالى الضحايا بهذا الحكم لان هذا الحكم جاء فى الاستئناف اما فى المرة الاولى فالمحكمة برئت المتهمين، فهل هو حكم رادع لرجل قتل 1000شخص فى 7ساعات
وايضا حكمت على قبضان العبارة سانت كاترين بالسجن لمدة 6اشهر ودفع غرامة لانة تقاعس عن انقاذ الضحايا بعد الاستغاثة التى وجهها اليه قبضان السلام 98 هل هذا حكم رادع لهم ،من وجهة نظرى هذا ليس عدلا كما اننى اعتقد انهم سيقضون هذة الفترة فى سجن المزرعة (سجن رجال الاعمال سجن 5نجوم) ارجو من الاعضاء ان يقولوا رايهم فى هذة الاحكام

من طرف **mezo2010** الخميس 12 مارس 2009, 11:18 am

هذا هو القضاء المصري

من طرف **سميرالسيد** الجمعة 13 مارس 2009, 4:13 pm

جعلوها قضايا جنح
اى
تسقط بعد 3 سنوات
يعنى ممدوح هيجى مصر بعد 3 سنين ويعيش حياتة عادى
مش هيروح حتى سجن رجال الاعمال
يستطيعو ان يهربو من قضاء الانسان.. لكن ماذا سيفعلون فى قضاء الله؟؟
ماذا سيقولو لله وهم بين يدية ؟؟

من طرف **الفارس** الجمعة 13 مارس 2009, 5:14 pm

هل ياستاذ سمير حكم قضايا الجنح يسقط بعد 3 سنوات انا مش عارف المعلومة دى الصراحة لو حضرتك متاكد اوك مش متاكد محتاجين من الاعضاء اللى عندهم خبرة يفيدونا فى الموضوع دة وكمان حكم الجنايات يسقط امتى وبالمرة يفدنا كمان فى حكاية وضع اليد على الممتلكات مثلا قطعة ارض علشان الشخص الواضع يد عليها ياخد قطعة الارض دى لازم يقعد فترة اد ايه هل 15 ام 30 سنة وهل قانون وضع اليد دة لسة موجود

من طرف **سميرالسيد** الجمعة 13 مارس 2009, 9:38 pm

الجنح بعد 3سنين تسقط
والجنايات بعد 25سنة
ووضع اليد قانون عرف
وبالنسبة لاملاك الدولة بتختلف
واملاك الدولة
بعد فلس الحكومة ماديا بتدور على الدفاتر القديمة
يعنى دملو من 50سنة كانت 5بيوت مثلا
ومن 30سنة بقت 100بيت ومن 10سنين كانت الفين بيت
والحكومة براحتها وعلى حسب افلاسها
ممكن تحاسب من 50سنة او من 30سنة وتقش الباقى
ونسيو ان المالك الاول تعب وردم المكان وظبطة والمالك بتاع امس لنفس المكان دفع اد كدة
تقول الحكومة مليش دعوة الجديد يدفع
_

هههههههههه انتوا عايزين تحبسونا ههههههههه

كفاية كده

elephant

من طرف **الفارس** السبت 14 مارس 2009, 9:19 pm

مشكور ياستاذ سمير على الافادة

ومتخفش يابشمهندس محمد كل لن يصيبنا الا ماكتب الله لنا

من النهاردة مفيش حكومة احنا الحكومة وانا لله وانا اليه راجعون

من طرف **الفارس** الأربعاء 18 مارس 2009, 8:55 pm

سبع سنين مش كفاية يا معالى البيه
سبع سنين مش كفاية اسمحلى أقولك ليه
سبع سنين راح تساوى فى ألف واحد إيه
قضية متفبركة والظلم عنوانها
والجانى بره البلد شوّح لكم بإيديه
سبع سنين مش كفاية فى ألف واحد مات
وقضية محسوبة جنحة وكلها شبهات
فيها النفوذ والفلوس غطت على الأموات
البيه هرب م البلد بنفوذه وحصانته
ونفوذه لسه كمان بيتابع الجلسات
سبع سنين مش كفاية فى ناس أكلها الحوت
سبع سنين دى بياخدها لص كيف هلفوت
أو واد ضرب ابن جاره علقة بالنبوت
سبع سنين تعمل إيه للى فقد علته
وبقت حياته حزينة أحلى منها الموت
سبع سنين مش كفاية ومش كتير سبعين
ومش كتير مشنقة تشنق رقاب فاسدين
نهبوا أصول البلد واستعبدوا المساكين
وبرطعوا فى البلد بكراسى وحصانة
وعتقوا فى النفوذ بدل السنة تلاتين
سبع سنين مش كفاية وأمرنا لله
جبار عظيم منتقم لا يهمه مال ولا جاه
عادل عزيز مقتدر أخد الضعيف فى حماه
وبقدرته وبعظمته ينصر المظلوم
وإحنا انظلمنا ودعينا وأمرنا لله
سيد أحمد الهمشرى

من طرف **الفارس** الجمعة 12 يونيو 2009, 12:01 am

ومازال الجانى هارب الى الان

اهو حكم رادع

اهو حكم رادع

رد: اهو حكم رادع

رد: اهو حكم رادع

رد: اهو حكم رادع

رد: اهو حكم رادع

رد: اهو حكم رادع

رد: اهو حكم رادع

رد: اهو حكم رادع

رد: اهو حكم رادع