الذهب الصينى حل للمشاكل

من طرف **omar20hatem** الجمعة 10 أبريل 2009, 1:33 pm

«دهب صينى .. لا دهب تقليد .. يا جماعة: دهب عيار ١٢ .. لا نحاس مطلى بمية الدهب». هذا قليل من الجدل الكثير المثار حول «الذهب الصينى»، بعد أن غزا الأسواق المصرية مؤخرا، خاصة فى الأحياء الشعبية.
من أمام «فترينة» الذهب الصينى قال محمد الجواهرجى: « الناس دلوقتى مش معاها علشان تشترى الدهب الأصلى، ده غير إن أسعار الدهب بقت متغيرة كل ساعة، فلجأنا للحل ده علشان نرتاح ونريح الناس».
وأضاف: «الدهب الصينى ممكن يباع الجرام بـ ٢٠ جنيهاً، أو بالقطعة وكل قطعة بسعر، فالخواتم مثلا فى حدود ٦٥ جنيهاً، والغويشة بـ٦٥، بس الإقبال على الشراء متوسط، أهم حاجة فى الدهب الصينى إنه يبعد عن الميه والبرفان علشان يعيش وبندى للزبون ضمان سنة من المحل».
رامى صاحب محل دهب صينى يقول: «النوع ده فعلا حل أزمة سواء فى الشبكة، أو للستات اللى محتاجين يلبسوا دهب وظروفهم مش مساعدة، أنا فاتح المحل من أسبوعين والكمية اللى كنت شغال فيها نفدت فى خمسة أيام».
سارة ومحمد وقفا ينتقيا من بين الأطقم الذهبية الصينية المعروضة .. سارة قالت: «لو علىّ مش عايزة دهب أصلاً لكن علشان كلام الناس لازم نجيب شبكة، فلجأنا للدهب الصينى يعنى ندفع ١٥٠ جنيهاً أحسن ولاّ ندفع ٧ أو ٨ آلاف». وعلق محمد: « كنت خايف فى البداية من الفكرة لما نعرضها على أهل سارة لكن تفهموا الموقف جداً ووافقوا».
مدام صفية تقول: «وماله لما نشترى دهب صينى ولا هندى، المهم إنه بيحل أزمة، وياريت يبقى فى شقق بإيجار صينى، وعفش صينى كمان».

من طرف **Abo Dina** الجمعة 10 أبريل 2009, 11:15 pm

والله يا جماعو احنا اللي محتاجين نغير فكرتنا عن الصيني
وكلمة صيني ... ابعد عنه .. ده ما بيعمرشي
والكلام الفاضي ده
أولا : الصين موضوع يطول شرحه
ولها سياسة في الإنتاج حسب فئات المستهلكين
بالعربي بتراعي ظروف الناس

وألف مبروك لمحمد وسارة
ويسيبوهم من كلام الناس
يا ريت الدهب ده كان موجود على أيامي

من طرف **الحريف** الثلاثاء 14 أبريل 2009, 5:57 pm

بمناسبه ذكر العفش الصيني

عندنا في عمان غرقان السوق بالعفش الصيني
بأسعار جدا جميله
وفعل حل ازمه العفش

طقم الغرفه 14 قطعه ب 1000 ريال

وطقم الغرفه العفش الإيطالي والذي كان هو المسيطر بالسوق ب 4000 ريال
مع انه 6 قطع فقط

يعني ضعف 4مرات

يعني ازمه بحاله

وحل الأزمه العفش الصيني

المشكله في انتاج الصين تكمن في المستورد ( رجل الاعمال) فالمصانع تلبي طلبه حسب رغبته والانتاج درجات فالصين عبارة عن مصنع واحد

كبير جدا وله مئات االابواب وكل باب ينتج مواصفات معينه باسم معين لمستورد معين وان تشابهت الاشكال فالفرق يكمن بالداخل ومامن رجال أعمال
شوهت سمعة الصين سوى رجال أعمال الدول العربية فهم يأتون بأقل المواصفات لبلدانهم ربما تكون الدرجة العاشرة والمستهلك مسكين ينظرللسعر

فقط فتجد شركات كبرى قد توقفت تماما أو في طريقها لانها لاتستطيع مقاومة انهيار الاسعار مع المنتج الصيني الرخيص

فهيا يا شباب لانريد أن نجد فتاه من غير خطوبه أو زواج مافي حجه وعقبال الشقق الصيني ولا شكلكم عاوزين عروسه صيني تبقى كملت

الغالى ثمنه فيه با أبو عبد الله ولكن عند الحاجة وحسب الحالة الاقتصادية يلجأ البعض الى الذهب الصينى

ترى هل هو بجودة الذهب المصرى أكيد لا ان الذهب المصرى معلوم جودته وقيمتة فى العالم 0

فما زال الغالى ثمنه فيه

وتحيا مصر

من طرف **الحريف** الخميس 16 أبريل 2009, 1:37 pm

[quote][شكلكم عاوزين عروسه صيني تبقى كملت/quote]

هههههههههههههههههه

نستورد خلاص
هتلاقيه فك ازمه بصحيح

ياجماعه
الموضوع برمته مش بالمستورد الصيني بس

الموضوع هنا فك ازمه بالمجتمع

منتوا عارفين رغم ان الدول العربيه قادره على الإنتاج رغم هذا بتستورد

من طرف **AkRaM MaZaKoNy.Net** الإثنين 27 أبريل 2009, 7:51 pm

حتى الذهب عملوا منوا صينى

لا حول ولا قوه إلا بالله

الذهب الصينى حل للمشاكل

الذهب الصينى حل للمشاكل

رد: الذهب الصينى حل للمشاكل

رد: الذهب الصينى حل للمشاكل

رد: الذهب الصينى حل للمشاكل

رد: الذهب الصينى حل للمشاكل

رد: الذهب الصينى حل للمشاكل

رد: الذهب الصينى حل للمشاكل