الحق أحق أن يتبع

من طرف **alaagoda** السبت 25 أبريل 2009, 11:45 am

السلام عليكم ورحمة الله وبركاته
جزاكم الله خيرا على هذا المنتدى الجميل
لكن لي طلب أطرحه على المشرف وعلى الأعضاء وهو
حذف الأفلام والأغاني من المنتدى
وفقنا الله لما يحب ويرضى

من طرف **cabo** السبت 25 أبريل 2009, 1:45 pm

مش لازم يا استاذنا الفاضل
لان كل المنتديات بها هذا الشىء
والنت مليان مواقع افلام
ومرحبا بك فى منتداك الغالى

الاستاذ / علاء
كلامك هذا ذكرني بموقف لبرنامج ديني حيث أنه
اتصل أحد المشاهدين لبرنامج ديني على قناة فضائيه وقال للشيخ ياريت بلاش موسيقى في مقدمة البرنامج ونهايته فانفعل الشيخ وقال لقد طلبت منهم ان لايقدموا ذلك وان لم ينتهوا سأنسحب ولن أحضر مرة ثانيه وبالفعل وفي فاصل اعلاني انسحب وحضر شيخ آخر لاتدري من أين أتوا به بهذه السرعه
وهنا مع الاحترام للجميع ستجد القليل يدخل على الافلام والاغاني في المنتدى وعزاؤك انك بلغت بعدم رضاك عن ذلك وأقمت الحجه على المسؤول وانك لاتدخل وتنأى بفسك عما لاترضاه . وفقك الله الى مافيه الخير والفلاح

من طرف **sameh ahmed** السبت 25 أبريل 2009, 11:27 pm

أوافق على الرأى
مع إحترامى للجميع

من طرف **omar20hatem** الأحد 26 أبريل 2009, 6:26 am

اهلا يا سى علاء
بداية موفقة
كمان شوية تقول بقى
أنا عايز أبقى المدير
انسى يا هندسة
وعلى العموم موضوعك
ينظر
بمعنى انه مطروح للأستفتاء
وكما هو معمول بها عن الديموقراطيين بدملو المحروسة
سوف نفتح فى ذات الموضوع استفتاء
عن ماطرح
والله الموفق

................

علاء جودة النادى صديقى وزميلى من ايام هندسة شبرا
وساضع تعريفا لحضرته فى باب السيرة الذاتية
ان شاء الله

من طرف **omar20hatem** الأحد 26 أبريل 2009, 6:31 am

سيتم استمرار الاستفتاء شهر من تاريخة
لتحرى دخول معظم المترددين
وربنا يستر بقى على ابواب الشعر
والعزاء

إطمئن ياأبو عمر خلص بس الاستفتاء على الاغاني وأوعدك أعملك استجواب على الشعر والعزاء اصبر بس شويه عليا ومش بعيد يكون فيها سحب ثقه

انت شوفت النجوم في عز الضهر ان شاء الله هاتشوفها في المنتدى وأنا وانت والمنتدى شغال

من طرف **santos** الأحد 26 أبريل 2009, 1:06 pm

أوافق الرأى المحترم للأستاذ كابو فعلا النت مليان من مواقع الأفلام والأغانى

بس الأبواب اللى موجوده عندنا فى المنتدى هى موجوده عشان المنتدى يبقى متكامل ومتوافر به كل الأشياء

وشكرآ للرآى الأخر .......

من طرف **AkRaM MaZaKoNy.Net** الأحد 26 أبريل 2009, 2:17 pm

أنا مش موافق طبعا

عشان أنا أحب إنت منتدى

دملو يكون منتدى شامل

وفيه كل حاجه

من طرف **konklogankagin** الأحد 26 أبريل 2009, 4:11 pm

اتمنى بس الاستاذ يوضح رايه .. ليه مش عايز قسم اغاني و افلام ؟؟
اعتقد لو ان وجهه نظر حضرتك مقنعه (اكيد انا هبقى معاك) و لكن ياريت تبقى بعيده عن اراء دينيه بحته
طالما نلتزم بقواعد الاداب العامع و حسن السلوك

طب تعمل ايه بقى لو حطيطلكم اغاني
pop , rock , metal ... etc
و كامان mixat

و عموما انا مع اللي فيه مصلحه المنتدى
و رجاء .. انا نفسي نضيف قسم للباحثين عن الوظائف
و عن اماكن وجود الدورات التدريبيه
و اتمنى ان المواضيع القديمه تحذف دائما اول ب اول
و شكرا

من طرف **alaagoda** الأحد 26 أبريل 2009, 5:05 pm

السلام عليكم ورحمة الله وبركاته
في الحقيقة حينما وجهت هذا الطلب لم أبين السبب وذلك لأنه واضح للجميع
وباختصار لو أن هذه الأفلام والأغاني تصلح أن نتقرب بها إلى الله لما كان هناك خلاف بيننا
ومن يرى أنها تصلح طاعة لله فليصوت لبقائها ومن يراها معصية فليصوت لحذفها
وأخيرا أعجب أن جاء اليوم الذي لا يعرف فيه الطاعة من المعصية
وأكثر عجبا أن نقوم يالتصويت عليها أنحذها أم نبقيها ؟!!!!!!!!!
هدانا الله لما يحب ويرضى

من منطلق استمرارية تطوير المنتدى بصرف النظر عن أى شيى مع احترامى للآراء

يستمر التطوير وتزويد المنتدى بكل ماهو جديد

مع الشكر للجميع

من طرف **الشيخ محمود** الأحد 26 أبريل 2009, 5:54 pm

و لكن ياريت تبقى بعيده عن اراء دينيه بحته
طالما نلتزم بقواعد الاداب العامع و حسن السلوك
ما معنى هذ ه الجمله
اولا سبق ان وضحنا فى باب الثقافه الدينه حكم الغناء
ياريت ترجع وتعرف دينك بيقول ايه
ثانيا الجاهل قبل العالم يعلم حكم الغناء
ثالثا الحلال بين والحرام بين
هذه الابواب ما الفائده منها
اغانى اسفاف افلام سقطه
لاتدل على عنوان منتدنا
فمنتدنا منتدى العلم والقران
وهل التطوير ان اضيف اشياء تافه
هل من التطوير ان اضع افلام تافه

من طرف **الشيخ محمود** الأحد 26 أبريل 2009, 6:01 pm

الدين لايتجزا
بمعنى الاخ الفاضل بيقول
طالما نلتزم بقواعد الاداب العامع و حسن السلوك
يعنى من الادب ان اضع اغانى فاشله

خارجه عن الادب اغانى تخدش الحياء
وافلام بالتاكيد لاتقل عن الاغانى بل تزيد

فى الخروج والاسفاف
فيا اخى الفاضل لاتكون كالذين قالو
(نؤمن ببعض ونكفر ببعض)
الدين لايتجزا اكرر لا يتجزا
فاما ان نتمسك بديننا على قدر المستطاع
ولا نجزاه
واما والعياذ بالله نترك الكل
ما ينفعش تقول هصلى ومش هزكى
او اصوم رمضان ومش هصلى
اخى الفاضل لابد وان تعلم
ان الدين عند الله الاسلام
والله اعلم
تقبل مرورى

من طرف **ابو سمره2000** الأحد 26 أبريل 2009, 6:30 pm

أولا الموضوع كويس جدا وجزا الله الشيخ محمود خيرا علي الإيضاح لكن
لي رأي أن المنتدي يجب أن يكون شامل بس في حدود ما هو مألوف
والعضو له حرية الإختيار مثله مثل الدش فيه قنوات دينية وأخري غير ذلك

من طرف **سميرالسيد** الأحد 26 أبريل 2009, 10:13 pm

شيل

من طرف **omar20hatem** الإثنين 27 أبريل 2009, 6:56 am

وأكثر عجبا أن نقوم يالتصويت عليها أنحذها أم نبقيها ؟!!!!!!!!!

لا تعليق

من طرف **konklogankagin** الإثنين 27 أبريل 2009, 10:11 am

طب لما حاضراتكم عارفين الصح و الغلط و تقريبا وخدين قراركم .. بتسألونا ليه !!
يا ترى ايه اهميه تواجدنا في المنتدى طالما مالناش حق وضع اراء يعتد بها
يا سيدي انا بحب الاغاني و بسمع اغاني

انتوا قلتوا استفتاء و انا حر في اتخاذ قراري و و ضع رأيي
و لو ان به اي شيء من المخالفه .. فانا متأكد ان اداره المنتدى كانت هتتصرف
و من هنا انا بوجه لمدير اداره المنتدى نداء .. <انا بحب اسمع اغاني>
هل انا مخاف و استوجب العقاب ؟!!!!!! و شكرا

من طرف **sondos** الإثنين 27 أبريل 2009, 7:25 pm

konklogankagin كتب:
و لكن ياريت تبقى بعيده عن اراء دينيه بحته
طالما نلتزم بقواعد الاداب العامع و حسن السلوك

يا عزيزي ... وفرضاً اننا اجتمعنا على رأي موافق للعقل والمنطق
وملتزم بجميع قواعد الادب العام وداخل اطار حسن من السلوك
وذو حجة واقنـــــاع من وجهة نظرنا البشرية القاصرة طبعاً .... لكن
كان هذا الرأي مخالف للشريعة الاسلامية قراناً او سنة باي شكل من الاشكال

فمع الاحترام لكل معادلات العقل والمنطق وحسن اللغة ...
هذا الرأي في كفة الميزان لا يساوي الا اصفاراً ... تراها تحسبها جبالاً شامخة متماسكة الشكل والمضمون
وهي ليست الا هباءأ منثوراً تذروه الرياح فلا يطالنا منه سوى غباره الاسود الذي يلوث نقاء الهواء

يا konklogankagin ....
يجب ان ننظر الى جميع مناحي الحياة من خلال دينا وليس العكس
تصور ان ابسط العمليات الحيوية البسيطة التي يقوم بها اي كائن حي .. كالاكل والشرب مثلاً
يجب ان نجعلها مرتبطة بالدين فانا ااكل واشرب حتى اتزود بطاقة تعني على العمل
واعمار الارض كما ا ُمرنا

اما شهواتنا واهواء النفس ... وجودها شيء طبيعي جداً
فنحن بشر ولسنا بملائكة وقد جبلت نفوسنا على حب ملذات الدنيا ..
لذلك كانت اعظم العبادات التي امرنا الله بها هي مجاهدة النفس عن المعصية ومجاهدتها ايضاً على الطاعة

على العموم اعتذر منك على الاطالة لم اقصد ان يكون كلامي على تلك الشاكلة الخطابية
ومع احترامي لكلامك لكن كان يجب ان اتوقف عند الجزء الذي اقتبسته تحديداً ...
مش عندي مشاكل بتاتاً مع كونك < بتحب الاغاني او لأ > .. كلنا فينا اخطاء ونسعى لاصلحها
لكن المشكـلة عندما يكون هناك لبس في مفاهيم اساسية في معتنقتنا كمسلمين هنا يجب وضع اشارة حمراء

....

بالنسبة للموضوع نفسه .. هل انت مع او ضد اغلاق الابواب المذكورة !!
بصراحة انا لست من المرتادين على تلك الابواب ولا اعلم محتوياتها تحديداً
لكن اعلم ان في كل امر هناك الرث والثمين ...
فكما توجد الاغاني المسفة والكليبات العارية والافلام الهابطة ...
توجد ايضاً الاغاني والاناشيد الدينية التي انتشرت بكثرة وزاد صناعها هذه الايام .. توجد الاغاني الوطنية
توجد الاشعار المغناة ... توجد الافلام الراقية التي تغذي الفكر والخيال وتمتع الاذهان

فبدلاً من اقفال تلك الابواب بالضبه والمفتاح ...
بالذات مع وجود قطاع ليس بالقيليل من الشباب التي تقبل على الاغاني والافلام ...
فلنتخير محتويتها ونقدم لهم من خلالها وجه طيب لتلك العملة الاعلامية

....

من طرف **konklogankagin** الإثنين 27 أبريل 2009, 8:14 pm

[b]sondos[/b] مع كامل احترامي للعضو
فانا بس احب اقول ببساطه شديده .. ان احنا دوله عالم تالت >> يعني احنا المتخلفين حضرتك
و الدول المنحله الفاسده هي اللي فوق الرؤس
انا مش بقول ان انا غلط علشان بحب اسمع اغاني بس اعتقد ان دملو كلها بتسمع اغاني و اغاني هابطه اكتر بكتير من اللي بسمعها و اللي غيري بيسمعها
بس ياريت نوفر مجهودتا و دفعنا المستميت و شعارتنا البراقه لحاجه اهم بكتير
بلاش نيجي في الهايفه و نتصدر
ببساطه .. البلد خربانه يا بهوات Cool

فاللي شايف انوا غيران اوي كده على دينه يقوم يوارينا عمل ايجابي على ارض الواقع
مش خلاص !! مش هنسمع اغاني .. طب و بعدين ؟
ولاحاجه
طب انا عايز اعرف ,, في كام واحد مدخن في المنتدى و في دملو و عملتو ايه علشان الموضوع ده
ولا احنا بنكبر و نطنش
يا اساتذه بلاش كلام شعارات و مثاليه و حكاوي الاهاوي
و اللي عايز يصلح الدنيا يبتدي بالروس الكبيره و المواضيع المهمه
ارحمونا بقه .. شغل الخطب اللي لا بيودي ولا بيجيب
و اللي مش عاجبه الغاني و الافلام ماينزلهاش و ما يفتحهاش
اشمعنا في بيتكم كلكم دش و وصله و نت
و من الاخر انا عايز اكون عضو في منتدى فيه كل حاجه
و ياريت بلاش كل واحد يفسر كلمه كل حاجه دي على هواه
الا ماحدش رد يعني عليا بخصوص قسم للتوظيف و توفير فرص العمل و الكورسات و تنميه الموارد البشريه
ولا اييييييه !!
و طبعا بعتذر اذا كان اسلوبي ساخر او اذا كان مش عاجب حد
بس انا عايز المصلحه المرتبطه بواقعنا القائم يا !! اساتذه
وعجبي

من طرف **omar20hatem** الثلاثاء 28 أبريل 2009, 7:13 am

و طبعا بعتذر اذا كان اسلوبي ساخر او اذا كان مش عاجب حد
بس انا عايز المصلحه المرتبطه بواقعنا القائم يا !! اساتذه
وعجبي

أسلوبك ساخر ونضيف اليه كلمة
حاد
وارجوك تهدى شوية وحاول تقول رأيك بصوت واطى
هتلاقيه مسموع اكثر بكثير
ولك حرية التعبير وابداء الراى
وفى النهاية كل انسان مسؤول عن راية وسلوكه

وعجبى

يا اساتذه بلاش كلام شعارات و مثاليه و حكاوي الاهاوي
و اللي عايز يصلح الدنيا يبتدي بالروس الكبيره و المواضيع المهمه

كل كلام مفيد هو شعارات
يعنى لازم نتكلم كلام شعارات
ومثالية
كلمة نبتغيها ونتمنى الوصول اليها
اذا فهى ليست اتهاما
حكاوى الاهاوى
القهاوى بالقاف
نبتدى بالرؤوس الكبيرة والمواضيع المهمة
الاهمية والكبر موضوع نسبى بالنسبة لاختلاف الاشخاص فسهم
وانا مثلا عندى كل شخص هو راس كبير
وكل موضوع هو موضوع مهم

تعجب اخير
ماهو رد فعلك على نتيجة الاستفتاء فى الوقت الراهن لو كانت معكوسة ؟
بمعنى كل هذا الصوت العالى والحدة فى الحديث مع انه مازالت
النتيجة باستمرار الابواب
عجبى

من فضلك وطى صوتك وهنسمعك انت وغيرك

من طرف **konklogankagin** الثلاثاء 28 أبريل 2009, 10:14 am

حضرتك انا ما عنديش مشكله بتاتا ان اقسام الاغاني و الافلام تتقفل
و الشعر كامان لو حبين و اي قسم اخر <الموضوع بالنسبالي مش ملح لبقاء قسم دون الاخر>
بس اللي كان نفسي اقولو من الاول افرض المنتدى كبر و اطور و بقى معانا اخوه مسيحين و ناس كمان مش من دملو
تعمل ايه بقه .. معجبين بالمنتدى و كتر اقسامه و اجتهاد اعضاءه و الموضوعات البناءه
تفتكر هتعملو ايه هتسبو الاغاني و الافلام ولا هتشيلوها برده
كلنا موظفين او طلبه قطاع عام و خاص
بنتعامل مع كل الالوان و مزيج من الاديان ليه ما نتعاملش بمبدأ التمازج
و بكره بتاع وروره و بتاع بنها يدخلو منتدانا و بتاع مصر
ارجوكوم ادخلو المنتديات الاخر و اتعلمو منهم و ده مش عيب

في خضام موضوع ديني الاغاني حلال ولا حرام
يا سيدي حرام
بس مش معنى كده اقفل قسم الاغاني و الافلام
ده حوار و ده حوار تاني خالص
و انا بقى عايز نعمل تصويت علشان نلغي عضويه الاساتذه المدخنين من المنتدى
و اعتقد الموضوعين كده على نفس القياس
زي الفل كده !!

نهاركم سعيد يا اساتذه و gOod lUck 4 alL

من طرف **konklogankagin** الثلاثاء 28 أبريل 2009, 10:25 am

على فكره يا جماعه انا لا عصبي ولا حاد و لا حاجه
بس بزعل لما كل واحد يفترض سوء النيه في كلامي و ازاااي !! و اييييه !!
الرجاء محدش يفسر كلامي بشكل منافي للعقيده و الدين
و انتو منتدى لذيذ الصراحه
و على راي المثل : اللي يعيش ياما يشوف
المهم .. هنقفل قسم الاغاني امته ؟
عالبركه ('',)

ياجماعة الخير قال أحد الاعضاء بالمنتدي حكمه لو اتبعها الكل لما حدث أي عصبيه وحده في الردود

وأظنه م/ حاتم

ان لم تعجبك مشاركه اغلق المنتدي وانتظر حتى تهدأ أعصابك ثم قم بالرد

وأولا وآخرا ده مجرد نقاش والحكمه تقول طالما انك على حق فلا داعي ان ترفع صوتك

من طرف **sayed swilam** الثلاثاء 28 أبريل 2009, 12:12 pm

فى بعض الاحيان يكون فى الصمت أبلغ الكلمات
ولكن الصمت أحيانا لا يشفى ولا يشفع
نزلت السوق أشترى ببلاش
قدامى حنة وحطب وبرقاش
وتفاح ومانجه وعنب ببلاش
كلت اللى فى نفسى والباقى بلاش

ممكن بعد اذنكم أقول

عــجــبـــــــى

من طرف **cabo** الأربعاء 29 أبريل 2009, 12:15 pm

مش عارف اقول اية؟
لكن لو منعت الاغانى من المنتدى
أية اللى هيحصل ؟؟
لاشىء
واللى نفسة فى اغنية هينزلها على موبيلة من اى مكان
او من اى صديق
اتمنى ان يكون هناك اختلاف ..لكن ...فى اشياء اكثر اهمية للخروج بحلول مفيدة

من طرف **الحريف** السبت 02 مايو 2009, 5:59 pm

كثرت الآراء وطلاطمت الأمثال

سؤال واحد بس

كم عدد زوار باب الأغاني خلال شهر
هل وجوده زي عدمه

واجعل استفتاءك على ضوء هذا السؤال

وعلى البركه

اما مقارنه باب الأدب والشعر
فيعتبر هذا الباب من الأركان الرئيسيه لأي منتدى

وما اعتقد راح يجي عليه الدور اطلاقا

على خيرة الله

من طرف **elnmsawy** الأحد 24 مايو 2009, 11:15 am

يا جماعة احنا أخدنا وقت كتير فى الحديث
واتفقنا على ان لا نتفق
وربنا يجعله عامـــــــــــــــــــر

من طرف **mezo2010** الأحد 24 مايو 2009, 5:50 pm

هل وجوده او عدمه هيفرق مع حد
اظن الاغاني موجوده في مكان

وكل واحد له عقل يدبر ويفكر

من طرف **gana2007** الأربعاء 27 مايو 2009, 3:20 pm

من الممكن الأحتفاظ بالقسم مع تغيير محتواه
ليكون أناشيد أسلامية وأفلام ومسلسلات تاريخية توضح
وتشرح تاريخ الاسلام علي مر العصور وليراعي عدم وضع
المسلسلات والأفلام التي دمرت التاريخ الاسلامي بوضع بعض الأحداث الغير صحيحه

الحق أحق أن يتبع

غلق او استمرارابواب الاغانى والافلام

الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع

رد: الحق أحق أن يتبع