فكرة تجعل العاطل دكتور

من طرف **cabo** السبت 25 أبريل 2009, 1:40 pm

اية رايكم أن يكون هناك دكتور (مهنى )

ومهندس مهنى

تتلخص الفكرة

ان يكون هناك مكان تعليمى مرخص من الدولة

يدخل فية اى انسان..

ثم ياخذ (قرص تعليمى )فى اى مجال ويخرج منة وليكن بعد مدة لاتتجاوز السنة الواحدة

ليمارس مهنة معينة

وليكن طبيب اسنان

على ان يكون القرص فقط فى تنظيف الاسنان

وبذلك تستطيع ان تنظف اسنانك

من الجير الذى ياكل اللاثة

وان تتخلص من روائح الفم الكريهة

كل هذا مقابل 10 جنية

بدلا من 60جنية عند الطبيب العادى

وانا عارف ان الموضوع هيوفى مع الطبيب المهنى

لان الاجهزة لا تتجاوز الالف جنية

وبذلك نكون قد خفينا الضغط على الدكتور الغلبان المجهد

وجعلنا من العاطل دكتور

وسهلنا سبل تنظيف الاسنان والارتقاء بالصحة العامة التى هى اخر شىء نفكر فية

وخففنا الضغط على الجيب المصرى

ملحوظة ؟؟؟؟

انا اتناول جزئية فقط من(الشريحة المهنية )التى اتمنى ان تعمم

بمعنى

طب الاسنان اريد ان اجزئة الى كذا جزئية

كى يتقن الطبيب المهنى ما يفعلة

فهناك من يختص بالتنظيف

واحر بالخلع

واخر بالحشو

وهاكذا

والهدف هو اتاحة فرص لنا للاعتناء بصحتنا

وفرص عمل للعاطلين

تحت شعار

انت انسان ..والدكتور انسان

وسوف أقول جملة واحدة لكل من يتشكك فى هذا الامر

وليعى من يعى؟؟؟

وهى

زمان كان حلاق الصحةبيمتهن مهنة (طهارة الاولاد )وهى (جراحة)

وغصب عن المشكك فهو (نجح)لا ننكر هذا.وألا ما أستمر فترة من الزمن

فما بالك الان

بقرص من الدكاترة فى النظافة والتعقيم والمهنية .الى طالب (أصر ان يكون أنسان )

فمن الله علية بالانسانية لكن (وقفت الروتنية )امامة فى ان يكون طبيبآ

تنظيف الاسنان يحتاج الى

ماكينة ضخ مياة صغيرة...واخرى بها شىء كحجر الجلخ ..

ههههههههه

اتمنى ان لا يظن احد انى اريد ان اجعل هذا لاى شخص يخرب فى صحة الناس

لكنى أقول (قرص من دكاترة )فى جزئية معينة

أتمنى ان تصل الفكرة

من طرف **sayed swilam** السبت 25 أبريل 2009, 2:16 pm

فكرتك وصلت
وياترى انت بتشتكى من مين تانى
قول وفضفض وما تسكتش
لان السكات يزيد الالم

مما لاشك فيه ان كل عمل عظيم يبدأ بخاطره ثم فكره وفكرتك عظيمه ولكن مجرد الدخول في أمر بسيط كما تعتقد كالذي ذكرته وهو طب الاسنان فانه يتشابك مع مائة فرع من العلوم الاخرى لايمكن الالمام بها في سنه ولو زدنا عن ذلك لقلنا ادرس طب أسنان وريحنا واذا قلت طيب مجرد فكره لاخدم نفسي نقول لك بلاش ياحماده تلعب بالنار وصحتك غاليه . خذ مثال عندك الام من كثرة تربية أولادها حفظت بعض الادويه وتعمل انها شاطره في بعض الحالات وتوصف لأولادها دواء واذا بالنتائج العكسيه وتشتري دواء كثير وفي الاخر تذهب للطبيب وتدفع كشف واذا بالطبيب يرمي كل الادويه لانها خطأ وتعالج عرض وليس مرض بالضبط مثلما تأخذ دواء من صيدلى يسمع منك الاوجاع ثم يقول خذ هذا فإنه يعالج العرض ولم يعالج المرض ولكن أين درجة الحراره والحساسيه لدواء معين وكيميائية الدواء مع بعضها وقبل ولابعد الاكل على كل حال ابشر فقد طالب بعض الناس ببريد الاهرام ضرورة انشاء معهد للصيدله ليقوم بصرف الادويه طالما الصيادله يعتمدون على الدبلومات في الصيدليه فسارع بالالتحاق ان فتحت هذه المعاهد وخذ الكورسات التي تحبها وقل كرس ولاتقل قرص
أما حلاق الصحه اوعى يكون هو الامؤاخذه عملها معاك ؟

فكرة صحيحة لكن ليست بالطب ولا أى مهنة سوى الحرفين فقط مثل السباكة والنجارة والحدادة والسائقين والخياطة

والتريكو والميكانيكى والمبلط وهى موجودة بالفعل فى مركز التدريب للتشييد والبناء بأتريب ببنها ويمكن للأى مواطن

التقدم والتدريب ويتم اعطائة شهادة خبرة يعمل بها فى أى مكان وهذه المهن لاتقل أهمية عن باقى المهن والكل يكمل

بعضه أما عن حلاق الصحة زمان فما زال المجتمع يعانى مما سببه من آثار ضارة على المجتمع وشوف كام واحد

عنده فيرس سى بمصر أعداد كبيرة جدا بسبب الحقن الزجاج فاكرها كانت تنتقل من شخص للأخر وكانت أدواته

ملوثة وشوف أيضا عملية الطهور التى كانت تتم للبنات بغير وعى شوف آثارها فى المجتمع عامل ايه 0

ولابد من التخصص الله سبحانه وتعالى يريد ذلك لنحتاج كل منا للأخر ليكتمل المجتمع 0

سبحان الله وبحمده سبحان الله العظيم

من طرف **cabo** الأحد 26 أبريل 2009, 12:47 am

ياجماعة مع احترامى لرأيكم
انا مبقولشى
اى حد يلعب فى اسنانة
ومبقولشى نرجع ورا
بقول ان لازم نعقم اى شىء يدخل فى الفم لتنظيفة
وهذا ما يأخذ عنة القرس ياجماعة
هناك ممرضات بتخيط جروح
وهم افضل من بعض الدكاترة
وهناك مجبراتى ونسبة نجاحة حتى لو 20%فهو ناجح
لانة لم تتوفر لة التقنية
لكن؟؟
ماذا لو وفرت التقنية لة
ووفرت التقنية مع العلم لك
يعنى لازم انطحن 7سنين فى الطب وادرس 1000شىء
انا هدرس شىء واحد فقط وانفزة
انا مش عايز ارجع للوراء
لو لاحظتو كلامى هتلاقونى بطلع للامام

من طرف **omar20hatem** الأحد 26 أبريل 2009, 6:08 am

بصراحة شديدة اسجل اعجابى بطريقة الحوار الهادئة والهادفة
فى هذا الموضوع وكأنى أسمتع لحوار بين أربعة اخوان يتناقشون
فى موضوع مهم غير الورث طبعا والا كانوا هيتخانقوا
اعجبنى الكلام الهادىء
واما بالنسبة للموضوع نفسة فاللحديث بقية
ولكن فضلت ان أسجل اعجابى بالحوار
وربنا يخلى لنا الديموقراطية
يصراحة مستعجب اول مرة على المنتدى أشوف جماعة بيتناقشوا ويختلفوا
ومحدش زعل ولا انقمص زلا قال ديكتاتورية
احذفوا الموضوع

الله اكبر الله أكبر الله أكبر ربنا يكفينا شر جار وله عينين

و قلت أنا ليه اتعصبت فجأه وكانت الساعه وقتها 7.08 صباحا

من طرف **سميرالسيد** الأحد 26 أبريل 2009, 10:19 pm

بصراحة فكرة حلوة
ولو انا لاقيت شاب واخد قرس فى تنظيف الاسنان
وكيفية التعقيم
والطرق السليمة فى التعامل مع السنان
طبعا هروحلو

-
ولو معندوش اى شىء من هذا وبينظف ب 10جنية بس
هروحلو
هههههه

من طرف **wimpy** الإثنين 27 أبريل 2009, 3:25 am

السلام عليكم ورحمة الله وبركاته

انا معجب جداً بالمنتدى وفكرته

والترابط الموجود بين كل اهل القرية

ونفسى اكون واحد منكم
بل بالفعل انا واحد منكم بس بيتى فى الجيزة

وعلى فكرة انا اصلى من دملو

انا بس حبيت اعبر عن اعجابى بالمنتدى وكل القائمين على خدمته
وشكراً

من طرف **sondos** الإثنين 27 أبريل 2009, 8:39 pm

cabo كتب:
هناك ممرضات بتخيط جروح
وهم افضل من بعض الدكاترة
وهناك مجبراتى ونسبة نجاحة حتى لو 20%فهو ناجح
لانة لم تتوفر لة التقنية
لكن؟؟
ماذا لو وفرت التقنية لة
ووفرت التقنية مع العلم لك
يعنى لازم انطحن 7سنين فى الطب وادرس 1000شىء
انا هدرس شىء واحد فقط وانفزة
انا مش عايز ارجع للوراء
لو لاحظتو كلامى هتلاقونى بطلع للامام

السلام عليكم ...
موضوع جميل لو اني حاسه اني مش فاهمته تماماً

على العموم استكمالاً لرأي من سبقوني ... السيد ابوعبد الله فتحي والمحاسب محمد عبد الرشيد
الذين اتفق معهم في الرأي ...

فكرتك تتجه نحو التخصص .. بل خلق تخصصات داخل التخصص الواحد
وده شيء ممتاز جداً ... بل بالفعل هذا ما يتم تطبيقه في اسواق العمل الحالية
فالكل يتجه نحو البحث عن متخصص ... فالتخصص يزيد من مهارة العامل الذي يعمل في مجال محدد , يحسن من كفاءة الخدمة المقدمة كما انه يزيد من فرص العمـــــل ...

لكن لازم نفهم فكرة التخصص صح ...
فرضاً مثلاً اني هجيب 3 اطفال .. واحد فيهم عاوزاه يتخصص في كلمة التفاح
والتاني في كلمة القمح والثالث في كلمة البقدونس ...
لازم الثلاثة يتعلموا .. أ .. ب .. ت .. الاول وبعدين يتعلموا التشكيلات اللي بتغير معنى الكلمة , يعرفوا حروف العطف والجر اللي تساعدهم يكونوا منها جمل .. يعرفوا الفرق بين الفاكهة والخضار والحبوب علشان يميزوا اشكالها عن بعض ... يتعلموا الارقام والكسور علشان يعدوا الكلمات والحروف ....
المهم المثال قد يبدو تافه وبسيط لكن الفكرة من وراءه ان التخصص السليم يجب ان يتم اقامته على ارضية صلبة من العلوم العامة المتنوعة التي تتفرع منها هذه التخصصات ...

فما بالك بقى عندما يتعلق هذا التخصص بجسم اكرم مخلوق لله على الارض وهو الانسان ...
مع احترامنا لعمل الممرضات والمجبراتيه وغيرهم من العاملين في المجال الصحي ... لكن حقيقة عملهم مجرد قشووور في التخصص الطبي ... ومعظمها مهارات عملية اكتسبوها من كثرة العمل لكن بدون اساس علمي يقدروا يتعاملوا فيها مع الحالة ككل

هيجلك المريض ضرسه بيوجعه .... بعتناه لمتخصص خلع الضروس
لكن ... لاقى صديد تحت الضرس ... مش مشكلة هنبعته لمتخصص فتح الخراريج
اتفتح الخراج وفضى الصديد واتكتب مضاد حيوي ... لسه الالم موجود والتوريمة زي ما هي
ده الخراج ليه جذر في عظم الفك السفلي ... ابعته يا عم لمتخصص الشناير يعمل ثقب في عظم الفك
علشان يفضي الصديد ... الموضوع عمال يوسع لسه .. ايه الكلكوعة الجامدة دي وايه الحبوب اللي ظهرت في الفم
ده شكله سرطان في الفم ... الموضوع قلب بجد ولا ايه يا رجاله ... ابعته يا عم لدكتور الاسنان !!!!

اعلم يا سيدي ان الطبيب المتخصص الماهر هو في الاصل طبيب عام ماهر
اعلم ان الانسان بالذات جزء واحد لا يتجزء وليس غسالة او ثلاجة قطع صيانتها كل حته في بلد
ما ينفعش مريض يجي يشتكي من ارتفاع بدرجة الحرارة والم في الرجل وضيق في التنفس ومغص في بطنه .. واقوله انا اسفه انا بتاعة السخونية بس اعالجها واتصرف في الباقي ,. وتطلع في النهاية جلطة في القلب .. !!

تخيل ان قرص المسكن اللي بيكت للعيان واللي كل واحد في مصر بيوصفه لغيره بثقة شديدة ده ممكن يتوقف عليه حياة انسان

لا تستهين بدراسة 7 سنين طب و 3 سنين ممارسة عامة ثم دراسة وامتحانات من جديد في التخصص المراد
علشان في الاخر الدكتور بيتخصص في جزء صغير من الجسم زي المرارة او الجيوب الانفية او .. او ..
انا شايفه ان ده في تكريم واحترام كبير للانسان اكتر من موضوع تخصص الاقراص اللي ذكرته

.....

من طرف **wimpy** الإثنين 27 أبريل 2009, 11:19 pm

رد نموذجى ومقنع ومغلف بالمفهوم الطبى

شكراً

من طرف **omar20hatem** الثلاثاء 28 أبريل 2009, 6:27 am

شكرا على الايضاح
ومازال الحوار هادىء
عجيبة

من طرف **cabo** الأربعاء 29 أبريل 2009, 12:08 pm

كلام جميل
وموزون

لكنى أقول
انا لا انحى عمل الدكتور نهائيا (اطمنى يادكتورة)
طبعا لا غنى عن الدكتور
ومنجيش على واحد متطوع عايز يشيل جزء من ازى على الطريق ونقولة (شيل كل الازى مش انت عامل بطل )

الفكرة ببساطة وبعد توضيح حضرتك لاهمية الدراسة تتلخص الفكرة فى
قرس (فقط للاعتناء بالاسنان عن طريق طرق التنظيف )

عايز اقول مثال غريب شوية لو تسمحو لى
الدكتور بياخد كشف (كذا )
لكن لو راح البيت بياخد كشف (كذا كذا )
لماذا لانة دكتورومشى لك..
فلو واحد عاطل يمشى بل الدكتور (هيوفر أجرة دكتور ماشى )
ومن هنا ..
اريد تخفيف بعض الاعمال البدنية من على اوناس (نحتاج الى فنيتهم اكثر من مجهودهم العضلى )
وقيس على ذلك مهن أخرى .
وياريت منصفش اللى هياخد القرس دة (بالعامى او انة جاهل بهذا الشىء )
لانة سيتبع دراسة حاتطها اساتذة ..
هو مش هياخد القرس فى ورشة
والا اة ياحضرة الباشمهندس (حاتم )

من طرف **سميرالسيد** الأربعاء 29 أبريل 2009, 11:52 pm

حاولت ارد مش عارف ؟؟
الموضوع قفل ذى الدومنا

من طرف **omar20hatem** الجمعة 01 مايو 2009, 11:35 am

والا اة ياحضرة الباشمهندس (حاتم )

أعتبر ده جر رجل للموضوع مثلا يعنى

فكرة تجعل العاطل دكتور

فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور

رد: فكرة تجعل العاطل دكتور