نكت جامده طحن1

من طرف ahmoda الجمعة 28 ديسمبر 2007, 11:05 pm

[واحد فشار اوي جاله واحد صحبه قعد يقوله امبارح جالي ابو لهب و ابو جهل و كنا بنتغدا مع بعض
قاله يا عم انت هتشتغلني
قاله و هشتغلك ليه امبارح كنا على طرابيزه واحده
صحبه كان هيتجنن المهم نزل من عنده لقى ابن الراجل
قاله صحيح الكلام ده
قاله كلام ايه يا عمو
قاله ابوك امبارح جاله ابو لهب و ابو جهل وكانو بيتغدو مع بعض؟
قاله بصراحه يا عمو مش عارف بس انا امبارح لقيت موكب من كام ناقه كده وكان مكتوب عليهم ملاكي قريش

مرة ولد صغير سأل والده: باب انت جبتني ازاي؟
قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك.
ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك."

واحد مصري لمض اوي قاعد فى مؤتمر دولى
واحد فرنساوى قام وقال احنا حفرنا تحت برج ايفل ولقينا اسلاك تليفون وده دليل ان التليفونات عندنا من 100 سنه
قام واحد ايطالى وقال احنا بقا حفرنا تحت برج بيزا ولقينا اسلاك تليفونات وده دليل ان عندنا التليفونات من 500 سنه
قام بصاحبنا ده قال احنا بقا حفرنا تحت الاهرامات ومالقيناش حاجه خالص وده دليل ان من 5000 سنه كان عندنا المحمول
]Iأحدث نكته سياسية

عبد الحليم و هوه بستلم الكاس بيوشوش الريس و بيقوله معلش يا ريس انا ضيعت ضربة الجزاء قاله ولا يهمك انا ضيعت مصر كلها محدش كلمنى

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة
ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ...
فنزل الراجل وقال له : امال عايز ايه؟. قاله عايز بلونتين

مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.

مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول."